¹ Amɛdɔdɛwo kodo Klisotɔ ciwo yi le Zuda kanlɔ mɛ se mɛ amɛmanyi Yudatawo can xɔ Mawu nyɔ ji se. ² Ci yi Pierre va gbɔva Geluzalɛme ɔ, Yudato ciwo yi nyi Klisotɔwo tɔ enyɔn dɔndɔn do koi mɔ. ³ « Ɛ yi tɔtɔnɔwo gbɔ yi du enu kudo wo!» ⁴ Exi Pierre te je enu ciwo xi va je xo ji yi to nɔ wo mo: ⁵ « Ahan yi ŋ le zafa yi le kuiƒan wakɔ yi kpɔ eɖɔ gangan deka ci yi wo lé zogoi amɛnɛ nɔ yi é dyi soso jeŋkuimɛ gbɔkɔ keke va je ŋ gbɔ ŋtegantɔ nɛ. ⁶ Ŋ gloi me kpɔ nyuide yi kpɔ elan aƒɔ amɛnɛnɔ ciwo yi le nyigban ji, egbemɛ lanwo kude xevi zozoiwo le mɛ. ⁷ Ŋ se gbe deka dyi yi nukɔ nɔ ŋ me : e Pierre, site yi a wa enu hunnɔtɔwo ɖu! » ⁸ Vɔ ɔ, ŋ doŋci mɔ: «Gbede! Axwetɔ nɔ ŋ kpɔ o. ⁹ Eyi egbe lɔ gbe trɔdyi soso jeŋkuimɛ ke mɔ: « ŋgbe vɔ enu ci yi Mawu nu mɔ yi kɔ mɔ enumakomako o". ¹⁰ Keke egbe lo a dyi zetɔntɔ lo degbo ahan vɔ, wo gbe trɔ enu lɔ pleŋ yi yenkuimɛ. ¹¹ Zedeka vɔ, wo dɔ ŋsu amɛtɔn dekawo so sezale jugan mɛ yi wo gbɔko ŋ gbɔ le axwe ci mɛ yi ŋ ze. ¹² Gbɔngbɔn kɔkɔɛ nu be ŋ mɔ enyɛ le kplɔ wo do a yi. Enyɛ ŋgbe dɛn aƒɔmɛ o. Miwo nɔvi amadɛn ciwo yi ŋ kplɔ va elɛ cɛ, yi Sezale lo koɖo ŋ hɛnne. ¹³ Konɛyi lo nu lehanci yi ciklɔtɔ deka va yi xwemɛ do nɔ mi. Ɛ nu mɔ yi nu xɔ eye mɔ : " So amɛwo dada Zaƒa nɔ wo a vayi kplɔ simɔn ci yi wo sɔ nyikɔ nɔ mɔ Pierre vɛ nɔ co. ¹⁴ Pierre lɔ a va nu enyɔ ciwo yi a xɔ co kode ao xomu lɔ pleŋ do agbe nɔ ee" ¹⁵ Ci yi ŋ tɔ nuxu xooxo ɔ, gbɔngbɔn kokɔɛ ɖyiva wo ji shigbe lehanci yi e dyiva mi ji do le gɔnmɛjeje lɔ mɛ ɛnɛ. ¹⁶ Eyi ŋ do eŋui ebyɔ ci yi Axwetɔ nu mɔ: " Zan sɔ eshi le Mawushi nɔ amɛwo. Vɔ miwɛ yɛ ɔ, gbongbɔn kɔkɔɛ yi wo a sɔ lii nɔ mi". ¹⁷ Mawu na en wo xomɛvutɔ shigbe lehanci yi e na miwo do vayi hwecinu yi mi xɔ axwetɔ; Yesu kliso ji se ɛnɛ. Mi ŋ nyi yi a sɛn eŋ xe emɔ nɔ Mawu mɔ yi da wa enu ci yi do o ɔ?» ¹⁸ Gacimɛ yi wo se enxɔ hunnɔtɔwo ɔ, adan ci nɔ wo yi wo tɔ Mawu kanfukanfu mɔ: « Nyɔnɔnui yi e nyi mɔ Mawu de emɔ nɔ amɛmanyi Yudatɔwo" hɛnnɛ nɔ wo a trɔ wowoɖekiwe a ji yi a xɔ agbe adoduitɔ lɔ.» ¹⁹ Gi yi etiyɛnu ku gogo ɔ, wo ci yumɛ. Amɛɖewo shi yi fenisi kan mɛ kodo shiplo tɔdomɛju mɛ kodo Antiwɔshi jugan mɛ. Yudatɔzo ɖekɛ yi wo nukɔ Mawu ngɔ lɔ nɔ. ²⁰ Vɔ ɔ xɔseto ciwo xi le shiplo tɔdomɛju lu mɛ kodo ciwo yi le silɛnu jugan mɛ domɛtɔ dekawo shiyi Antiwɔshi jjugan mɛ. Wowo ɔ, wowo le Axwetɔ Yesu yɛnyui lo dokɔ nɔ Glɛkigbedotɔwo . ²¹ Axwetɔ lo ysɛn le kudo wo yi ame sugbɔ trɔ wowodekiwo yi ji xɔ axweto lo ji se. ²² Zeluzalɛm Mawu ha mɛ tɔwo se enyɔ cɛ yi dɔ banabasi dada Antiwɔshi jugan lo mɛ. ²³ Ci yi e va do yi kpo lehanci yi Mawu cu eshi nɔ xɔsetɔ lɔwo do ɔ, e jɔ eji nui yi e do ŋsɛn lanmɛ nɔ wo pleŋ mɔ wo le nɔ egbeji nɔ Axwetɔ. ²⁴ Banabasi nyi amɛdeka ci yi wanɔ enunyiyui. Gbɔngbɔn kɔkɔɛ dɔɛ yi e xɔse haan. Ahan yi sɔ tote banabasi ji ɔ, amɛ sugbɔ xɔ axwetɔ ji se do nɛ. ²⁵ Le ci godu ɔ, Banabasi yi Tasi yi a vayi kplɔ sɔlɔ. ²⁶ Ci yi e veyi kpɔɛɔ, e kplɔɛ va Antiwɔshi jugan mɛn. wo kodo eve lo va ci Mawu ha ci yi le hunnɔtɔwu lɔ mɛ sɔnanɔ exwe ɖeka blebu yi kpla enu amɛn sugbɔ. Antiwɔshi yi wo yɔ nukplaviwo le doŋkɔ mɔ Kristɔ. ²⁷ Le ŋkeke hunnɔtɔwo ji ɔ, Mawu ŋɛdotɔ ɖekawo so Geluzalɛmu yi va Antiwɔshi. ²⁸ Ɖeka le wo men yi wo yɔɛni mɔ Agabusu. Gbɔngbɔn kɔkɔɛ lɔ na xi enu enyɔ dade mɔ shive deka jikɔ a va to le xexe lo pleŋ mɛn. Nyɔnɔvitɔ ɔ, shive lo va to hwecinu yi klodi le Hlomu ƒiɔduxu lo kplɔkɔ. ²⁹ Nukpaviwo va sɔ gbeta be amɛn deka deka le na enu ci ji yi a kpe nɔ yewo a sɔ kpedo yewo nɔvi ciwo yi le Zude kan mɛn nu. ³⁰ Eyi wo jɔ enu lowo nuao yi sɔ na Banabasi kudo solu yi wo sɔ hɛnsɔyi nɔ ehamɛmɛgan ciwo xi le Jude kan mɛn lɔ.