¹ Cɔnɛyi gnin ŋsuglo ɖeka yi gnin sɔja le cesarewo dumɛn. ² Egnin amɛn kɔkuɛ yiyɛ kuɖo axeɖo yɛtɔa osɛnnɔn mawu. Enan nɔn oho jufutɔwo yi donɔn ogbeɖa sugbɔ. ³ Ɖɔla ɖeka va xue odrɔ ye gnindun gaqiɖekamɛn. Dɔla lɔ va nunnin be: «corneille!». ⁴ Cinɔn ŋmɛn va cɔn ŋmɛn nin kuɖo vɔnvɔn kpoa cɔnɛyi va le biɔbiɔse kɔbe: «ŋsu ŋɖe jɔ?»Dɔla lɔ va nun nin be: «kufantɔwo kuɖo onun nannan towo ɖaɖa wa mɛn nɔ wo gbɔ va jeŋ nɔn mawu. ⁵ ƉO amɛnwo nɔn wa yi yɔ simɔn ci oyɔ nɔn be pita nɔn ya va. ⁶ Egnin ŋsu ɖe cinɔn nɛn didi le axu lɔ ŋciwo. ⁷ Cinɔn dola lɔ joa cɔnɛyi va ɖo soja amɛnve kuɖo amɛntɔ yɛtɔ cinɔn yi ɖo nɔn vɔnvɔn nɔn mawu ɖaɖa simɔn wo xomɛn. ⁸ Evaa nun nɔnwo onun sianua cinɔn yi kpɔ le odrɔlɔmɛ keŋgbɛhue yi va dɔwo ɖaɖa le jope wo dumɛn le pita gbɔ. ^{9 10} Le ŋkegbe yɛtɔa le fɔnfɔnmɛngadɛn a cio gogo oduamɛn okpɔ pita le okufan la wakɔ le oxɔta. Eji la ɖu ŋde ɖoa sive vaci. Cinɔn ova le ŋɖuɖu la nikɔa gbɔngbɔn kɔkuɛ va jeji. ¹¹ Yiŋkusi va hun oɖungo ɖe va hin ŋɖe va nin. ¹² Le onungo cɛmɛn an, elan afɔ amɛnnɛn nɔn wo, xeviwokuɖo lanviwo lemɛn. ¹³ Yi ogbe ɖeka va nun nin be: Pita cite yi nan huii aɖuii. ¹⁴ Vɔ a pita nun be: axuetɔ oo, gnin nɛn ɖu onun xoɖi xoɖi kpɔ o. ¹⁵ Egbe lɔ gbe va ɖi nin zeve gɔnlɔ be: onun cinɔn Mawu be yɛ mɛn kɔa, ŋgbe kpuɛ be exoɖio. ¹⁶ Cɛ va jɔ zeve yi zeɖe kaa onungolɔ va trɔ yi jiŋkusi. ¹⁷ Gacinn mɛn yi onun kpɔcɛ va sɔ pita do cakacaka mɛna, amɛndɔdɔ ċnɛyitɔ lɔwo va va gbɔ. ¹⁸ Yi do axua yile tase biɔ nɔn simɔn ci yi tɔnɔn be pita. ¹⁹ Cinɔn pita kpɔtɔ yile tamɛn bukɔ sɔ so odrɔ cɛ ŋcia, gbɔngbɔn lɔ lɔ do awɛn ni be mɛnjro amɛntɔn mɛnle jijikɔ. Site. ²⁰ Jete yi nan yiwo gbɔ ŋgbe vɔn wogbɔ yiyio ɖoa egnin yi dɔwoɖaɖa. ²¹ Pita jete yi be pita lɔ ke ŋɖe jɔ yi min le jijiŋkɔ? ²² Kɔnɛyi cinɔn yi gnin amɛnci jɔla le gbedoxɔmɛ yi mawu dɔla do amɛn na, be woa kplɔova yegbɔ nɔn nan va se mawuo hɛndo. ²³ Pita yɔ wo ɖo axa le xomɛn le gnindin le woŋkegbea eva kplɔwodo kuɖo nɔnvi nɔnvi jopetɔwo. ²⁴ Ova ɖo cesare. Kɔnɛyi kuɖo halɔwo nɔntekpɔwo. ²⁵ Cinɔn pita ɖo xɔlɔmɛnan kɔnɛyi va do atagu nin. ²⁶ Pita va fuin site yi le nun nun nikɔ be : site gnɛn can, agbetɔ yi ŋgnin. ²⁷ Gacinɔn mɛn yi pita le ŋxoxo cɔ kui lɔ, eɖo xɔlɔmɛn. Yi va kpɔ amɛn sugbɔwo le agninɔnɔ. ²⁸ Eva nun non wobe: miɔnwo tɔ min gnan be ose yi gnin be jufutɔwo la nangnin kuɖomɛnjro alo lazi mɛnjro vɔa mawu ŋtɔ yi ɖefiɔ ŋbe gnɛn gbe do ogo kuɖo mɛn xoɖixoɖio. ²⁹ Yi dɔ gnɛn nɛn va gbe oyɔ tɔwo. ŋɖe ŋci oyɔŋ. ³⁰ ŋke amɛnnɛn foyi le gacɛmɛn pɛpɛ a, ŋkpɔ nsu ɖeka yi donu yi le klinklin le ŋkɔnu. ³¹ Yi va le nun nunkɔ nun be: kɔneyi mawu se kufan wawatɔwo kuɖo onun nannan tɔwxo ɖaɖa kposiwogbɔ. ³² Dɔ amɛn ɖaɖa jope nɔn wava yi yɔ simɔn ci yi oyɔ nɔn be pita. Ele axu lɔ godo le simɔnwo xomɛn. ³³ Yi ŋdɔ amɛnɖaɖa wo owɛ gnuinde cinɔn ova. Fifia min le mawu wo ŋkɔ yi otoyi nɔ;n yi la se awɛnda mawutɔ sɔ tojiwo. ³⁴ Yi pita nunbe gnanwognanwa be mawu nɛn ɖenɔn amɛn ɖo ovoo. ³⁵ Vɔaa mɛnɖe kpukpui ciyi sin nian, ciyi vɔn nian, yi sɔ zɔnɖo ose yɛtɔwojia, mɛnxɔn gnanɔn kpɔkpɔ nin. ³⁶ Min gnan awin do yɛtɔɖaɖa israɛli, wo dukɔn yi sɔ do awin gnuin axwetɔ yesu kriso nɔn amɛnsiamɛn. ³⁷ Min gnan onuncinɔn yijɔ le jude, so galile caci nɔn mɛn le osidota jan bastist goɖomɛn. ³⁸ Onun ci nɔn yi dɔ ɖo yesu nazarɛtitɔ ji, le cinɔn mawu si gbɔngbɔn kɔkuɛ min nin ɖo kuɖo ŋsɛn mawu tɔ mɛn. Ewa onun gnin, yi dadɔ, nɔn amɛnwo yi gbe ɖega nɔn amɛnwo ɖoa, mawu li kui. ³⁹ Miun keŋkeŋ min kpɔ ŋci nɔn yi wa le jufutɔ kuɖo zeruzao domɛn. ⁴⁰ ŋsu xɔn ciyi ohua, mawu fuin le ŋkeke tɔn gɔnlɔgbe. ⁴¹ Mawu nin va suɛ sɔ fiɔ amɛnciwo le oxɔn ɖekɛ kpɔŋ vɔa nɔn miɔn wo ca, cinɔn wo yi nun yi gbe ɖu le ofɔn yɛtɔwo godo. ⁴² Edɔ min be mian jra ognɔnlɔ nɔn amɛnwo yi la gbe ɖe kunun be mawu ciin nɔn ya gnin ɖo kojo nɔn amɛnlagbe kuɖo mɛnci kuwo. ⁴³ Yi ŋci yi ognɔn nunɖrtɔwo le kunun ɖe sokɔ yi mɛn ɖo kpokpui ciyi la xuɛjise a, ela xo sɔsɔke so nunvouin yɛtɔ womɛn. ⁴⁴ Pita kpɔtɔ le ŋxoxokɔ yi gbɔngbɔn kɔkuɛ ji mɛnsiamɛn ci yi le otoɖuikɔ ji. ⁴⁵ Eva kpaca mɛnciwo yi kplɔwo doa gbɔngbɔn kɔkuɛ va je maxo tɔwo can ji. ⁴⁶ Ɖoa ova se de cinɔn maxosi tɔwo can va le aɖe yoyo dokɔ le sɔ to ehawo mɛn. ⁴⁷ Ola tɛnŋ gbe gbɔngbɔn osi dota nɔn mɛ,ciwo ji yi gbɔngbɔn kɔkuɛ jea? ⁴⁸ Eva ɖe gbe be onɛn dosita nɔnwo le yesu kriso mɛn amɛnciwo le ohɔn lɔ a va biɔ le pita gbɔ be nɔn ya gbe nɔn kuɖo nɔn ganxoxe ɖe.