¹ hwehunnɔtowo nu ɔ, eƒiɔ Elodi aglipa i tɔ wumɛ cici nɔ Mawu ha lɔ mɛnɔtɔ dekawo. ² E dɔ yi wo wu Zaki ci yi nyi zan nɔviɛ kudo dekpui. ³ Ci yi e kpɔ mɔ xi jɔko eji nɔ Yudatɔwo ɔ, e gbe dɔ yi wo vayi le Pierre hwecinu yi wo jikɔ a du kponno cikemada xwe. ⁴ Wo lii yi cui do gakpamɛ yi sɔ sɔja amɛnɛ bɔbɔ texwe mɔ wo le cɔɛkɔ. Elodi waku susu be nɔ wo du Atadodoamɛxwe degbɔ ɔ, ye a dii toi yi a do kojo kodoi le jukɔn lɔ ŋmɛn. ⁵ Ahan ɔ pierre le gakpamɛ. Vɔ ɔ, Mawu hamɛnɔtɔ lɔwo le kuifan wakɔ do eta nii madrɔmadrɔ. ⁶ Gbecigbe teŋ yi Elodi jikɔ a do kodo Pierre le jukɔn lɔ ŋmɛn zanmɛ ɔ, Pierre le jukɔn lo ŋmɛn zanmɛ ɔ, Pierre le alɔn dɔnkɔ le dodomɛ no soja amɛnve. Wo sɔ awlɛga amɛnve blɛɛ yi sɔja buwo cɔɛkɔ le gakpamɛ lo xɔmɔnu. ⁷ Zedeka vɔ, Tɔhonɔ cikplɔtɔ deka ze yi ezo deka klɛn le gakpa lɔ mɛn. Cikpɔtɔ lɔ tɔ alɔ axa mɛn nɔ Pierre yi fɔin yi nu mɔ: « So kaba.» eyi awlɛga lɔwo so le alɔwo nii. ⁸ Gakpamɛntɔ lo nu nii be: sɔ ao kpablanu kaba yi a sɔ ao fɔkpawo do» pierre wa do enyɔ lɔ ji xi cikplɔtɔ lɔ gbe nu nii be; « sɔ ao vuvɔwu do yi a kplɔ ŋdo». ⁹ Exi Pierre so yi to le gakpa lo mɛ yi kplɔ cikplɔtɔ lo do. De nya mɔ enu ŋtɔŋtɔ yi cikplɔtɔ lɔ wako o. E bukɔ be edrɔ kukɔ yi ye le. ¹⁰ Ci yi Pierre kudo cikplɔtɔ lo to agbonugla ŋkɔtɔwo kudo evetɔwo nu ɔ, wo va do agbo ci yi wo sɔ ega wa, ci nɔ wo to mɛn ɔ, wo donɔ le ŋkɔ nɔ wo yi wo to sɔ emo deka yi jeŋko. Zedeka vɔ, Cikpalɔtɔ lo bu le gbɔ. ¹¹ Exi gbɔxwe ŋmɛn va kɔ nɔ Pierre yi e nu be: « Ecɛyɛ ɔ, ŋ va mɔŋjemɛ nyao mɔ Axwetɔ yi dɔ yi ciklɔtɔ dada nɔn a va xɔ ŋ le Elodi lɔ mɛ yi a hwlɛn ŋ gan le enu ciwo Yudatɔwo jukɔn lɔ drɔkɔ do ŋ nu mɛn.» ¹² Ci yi Pierre va mɔŋje enyɔ lo mɛ nɛn nɛn lɔ, eyi Mali xwemɛ. Mali yi nyi zan ci wo sɔ nyikɔ nɔ mɔ Mali enɔlɔ. Amɛ sugbɔ bɔdo hunnɔtɔxu yi le kuifan wakɔ. ¹³ Pierre xo agbomɔnu lo hɔn yi edɔwavi nyɔnu deka ci yi wo sɔ nyiko nɔ mɔ hlodɛ gbɔgbo yi a va enyo ci yi amen lɔ hɛnva. ¹⁴ Ci yi edɔwavi lo se egbe mɛ nɔ Pierre lɔ, e nya mɔ e yi yɔ. eji jɔɛ kaka ci a hun agbe lɔ can ɔ, e trɔ yi shi eju vayi nu nɔ amɛwo mɔ Pierre yi le agbomɔnu hɔn ji. ¹⁵ Vɔ amɛwo nu nii be: « E tɔ suku jeje»! vɔ ɔ egbe tɛkɔ egbe do ji be Pierre vɔ. Exi wo va nu be « A nyi ké Pierre se yɔ». ¹⁶ Pierre gbe kpɔtɔ le agbo lɔ xokɔ ci xi wo va huin hɔntɔn yi kpɔ mɔ Pierre yɔ ɔ, e kpaca wo sugbɔ. ¹⁷ Pierre wa alɔ nɔ wo be wo le bɔ enu. Enu lehanci Tɔhonɔ va kplɔɛ toi le gakpamɛ do nɔ wo xi dɔ wo mɔ: « Mivayi nui nɔ Jacques kudo nonvi xɔsctɔ kpɛtɛwon yi so le wo gbɔ yi kpe aƒibu. ¹⁸ Tchi enukelɔ ezin tɔn le sɔja agbonugla lɔwo mɛ. eyi biɔ se be Fiɖe teŋ yi Pierre kpɔ. Fide. ¹⁹ Elodi dɔ yi wo ji Pierre kpɔ vɔ kpɔ wo de kpɔɛ a. Eyi e biɔ enyɔ dɔkpɛga lɔwo se yi de egbe be wo le wu wo. Le i godu ɔ, Elodi so le Zuda kan mɛn yi nɔ Sezale jugan mɛ hwɛɖeka. ²⁰ Eƒiɔ Elodi kudo tii kudo sidɔn juganmɛtɔwo le evu wakɔ. Vɔ ɔ, wo va do egbe edu be yewo a yi kpɔɛ. wo wɛɛ keke Blasitusu, efiɔ xwemɛ nuwojikpɔtɔ xɔ egbe do wowo nyɔ ji wo vayi kpata wawo juganwo kudo efiɔ lɔ. eju ci Elodi lɔ kplɔkɔ mɛn yi enududu sonɔ nɔ Tii kodo sidɔn juganmɛtɔwo. ²¹ Ci yi ŋkeke ci wo do mɔ yewo a do ego lɔ va sun ɔ, Elodi sɔ yi fiɔwuwo do yi nɔ anyinɔnɔ do fiɔzinkpi ji tɔ nuxu xoxo nɔ jukɔn lɔ. ²² Amɛwo to axwa dodo mɔ: « De nyi agbetɔ gbemɛ yɔ o. Voju de gbemɛ yɔ». ²³ Vɔ gahunnɔtɔmɛ cucucu ɔ, Tɔhon ciklɔtɔ deka xo Elodi yi eyawo dui yi e ku. Ɖo ɔ, e xɔ egannyinyi le Mawu shi. ²⁴ Mawu nyɔ gbe kekekɔ eta do ji. ²⁵ Ci yi Banabasi kudo sole wowo wa edɔ kudo xɔsetɔ ɔ, wo kplɔ zan ci yi wo sɔ nyikɔ nɔ be Maki yi wo trɔgbɔ sɔ hunnɔtɔxu.