MENSAH-ajg-x-dogbogbe_rom_text

ETA 8

¹ Ecɛ viɛ ci yí é le nɛnɛ ɔ, ekuhwɛ ɖe gbe li yi wo a so nɔ amɛ ciwo yí le Yesu Kliso mɛ go. ² Nyao ɔ agbe gbɔngbɔn lɔ 'sé ci yí le Yesu Kliso mɛ hwlɛn eo gan so enuvɔn kodo eku 'sé shi mɛ. ³ Gbɔjɔgbɔjɔtɔnɔ ci yí agbetɔ nyi wu ete nɔ ese yí d'é sɛ́n eŋ wa edɔ go. Vɔ ɔ Mawu yɛ va so ekuhwɛ nɔ enuvɔn le agbetɔ ŋcilan mɛ hwecinu yí é dɔ Eviɛ ɖaɖa yí Eviɛ lɔ sɔ́ agbetɔ, enuvɔnwatɔ nɔnɔmɛ yí vá. ⁴ Mawu wɛ nɛnɛ nɔ́ mì a sɛ́n eŋ wa jɔjɔɛnyinyi ci yí ese jinɔ vɛ. Ɖó d'é gbe nyi ŋcilan gbɔjɔgbɔjɔtɔnɔ jɔjɔmɛ nu yí kplɔkplɔ mì go. Vɔ ɔ, Gbɔngbɔn kɔkɔɛ ŋsɛn yí kplɔkplɔ mì. ⁵ Nyao ɔ, amɛ ciwo yí agbetɔ jɔjɔmɛ kplɔkplɔ ɔ, wowow susuwo nɔnɔ enu ciwo yí ŋcilan jɔjɔ jinɔ jí. Vɔ amɛ ciwo yí gbɔngbɔn kɔkɔɛ kplɔkplɔ ɔ, wowo susuwo nɔnɔ enu ciwo yí gbɔngbɔn kɔkɔɛ jinɔ ji. ⁶ Keŋ ŋcilan lɔ jijiwo ɔ, wowo trɔ́ dɔnnɔ amɛ sɔxu ekumɛ. Vɔ gbɔngbɔn kɔkɔɛ lɔ jijiwo dɔnnɔ amɛ do agbe kodo fafa mɛ. ⁷ Ɖó ŋcilan lɔ jijiwo ɔ, ketɔ yí wo sɔ wowoɖekiwo ɖonɔ nɔ́ Mawu. Ɖó wo de bɔbɔnɔ wowoɖekiwo dó Mawu dó mawu 'sé lɔ gɔnmɛ go. Wo dá sɛ́n eŋ kpeji hɛnnɛ kpeti go. ⁸ Amɛ ciwo yí ŋcilan jɔjɔmɛ kplɔkplɔ 'nu d'a sɛ́n jɔji nɔ́ Mawu go. ⁹ Vɔ míwo viɛ ɔ, d'é gbe nyi ŋcilan lɔ 'cɛkpakpa gɔnmɛ yí míwo le go. Vɔ ɔ, Mawu Gbɔngbɔn 'cɛkpakpa gɔnmɛ yí mí le; ɖó Mawu gbɔngbɔn nɔnɔ mí mɛ nyao. Eyí nɔ́ amɛɖe de ɖó Kliso lɔ gbɔngbɔn go ɔ, amɛ lɔ de nyi Kliso lɔ tɔ go. ¹⁰ Vɔ nɔ́ Kliso lɔ trɔ́ le mí mɛ ɔ, míwo ŋcilan yɛ li ɖɛ nɔ́ eku nayo dó enuvɔn ŋci gankegan ɔ, gbɔngbɔn lɔ yɛ nyi agbe le mí mɛ do jɔjɔɛnyinyi ci mɛ yí Mawu kpɔkpɔ mí le ŋci ¹¹ Nɔ nyi kpɔ be Mawu ci yí fɔn Yesu Kliso so amɛkukuwo domɛ gbɔngbɔn nɔnɔ mí mɛ ɔ, eyɛ ci yí fɔ́n Yesu Kliso so amɛkukuwo domɛ a ná yí míwo ŋcilan ciwo yí nyi enukukuwo a nɔ agbe hɛnnɛ sɔ́ to yí gbɔngbɔn ci yí nɔnɔ mí mɛ ji. ¹² Ci yí é le nɛnɛ ɔ, nɔvinyɛwo, edɔ ɖeka le ekɔ nɔ mì yí mì ɖó a wa. d'é nyí kpɔ be ŋcilan gbɔjɔgbɔjɔtɔnɔ tɔ gbɔ́ yí mì ɖó yí a wa edɔ lɔ ɖaɖa yí a nɔnɔ agbe shigbe lehanci yí é ji do nɛnɛ go. ¹³ Nyao, nɔ́ mí nɔnɔ agbe shigbe lehanci yí ŋcilan lɔ jinɔ dó nɛnɛ ɔ, mí a kú. Vɔ nɔ mí to gbɔngbɔn lo jí yí ná yí ŋcilan lɔ 'nuwawawo kú ɔ, mí & nɔ agbe. ¹⁴ Ɖó amɛ ciwo pleŋ yí Mawu gbɔngbɔn kplɔkplɔ ɔ, Mawu eviɛwo yí wo nyí. ¹⁵ Le mɛ ɔ d'é nyí hwashinyinyi gbɔngbɔn yí mí xɔ yí á gbe sɔ mí wa vɔnvɔntɔnɔwo go. Vɔ ɔ gbɔngbɔn ci yí sɔ́ mì wa Mawu eviɛwo yí mí xɔ yí é na yí mì donɔ axwa ɖaɖa Mawu be: «Eda, Edanyɛ!» ¹⁶ Mawu gbɔngbɔn lɔ ŋ tɔ ɖeɖeɛ kunu nɔ mìwo gbɔngbɔn be mì nyí Mawu eviɛwo. ¹⁷ Ci yí mì nyí eviɛwo ɔ, mí a xɔ akpa ci yí nyí mìwotɔ le yi dɔkunuwo mɛ. M̀ nyí Mawu dɔkunuwo xɔtɔwo yí a bɔ a zán wo kodo Kliso lɔ shigbe ea ɖekɛ eviɛwo nɛnɛ. Ɖó nɔ́ é nyí kpɔ be nyɔnɔnuitɔ yí mì bɔ kpekpeɛ efun kodo kliso lɔ ɔ, mì a bɔ a gbe vayi xɔ kanfukanfu gangan lɔ kodoi hɛnnɛ. ¹⁸ Ŋ kpɔ be nɔ́ wo sɔ́ efun ciwo kpeɛ yí mì le le egbɛ mɛ viɛ kodo klɛnklɛn gangan ci mɛ yí Mawu a vá kplɔ mì yi ɔ, efunkpekpe lɔwo de nyi enu yí wo a sɔ́ dre kodo klɛnklɛn gangan lɔ kpetii go. ¹⁹ Ɖó ɔ, Mawu 'nuɖoɖo le emɔ kpɔkpɔ kodo ejicici nɔ́ hwecinu yí Mawu a vá ɖe eviɛwo dansi, dó. Nyao ɔ, enu ɖoɖo lɔ vayi ci acɛ gbaliwo gɔnmɛ. ²⁰ Nyao ɔ enuɖoɖo lɔ vayi ci acɛ gbaliwo gɔnmɛ. D'é nyí e nuɖoɖo

lɔ ŋtɔ yí dró vayí ci hɔn go. Vɔ ɔ,Mawu ci yí li dó yiɖeki gɔnmɛ yí dɔ́ gankegan ɔ, emɔkpɔkpɔ gbe li nii be:

²¹ gbeɖeka ɔ mawu a va hwlɛn enuɖoɖo lɔ ǵn so ahɛndodo 'cɛkpakpa gɔnmɛ. Eyi nɛnɛ ɔ, enuɖoɖo lɔ a vá kpɔ́ yitɔ a xɔ le Mawu eviɛwo vovo ci yí le klɛnklɛn gangan lɔ mɛ mɛ. ²² Mì trɔ́ nyá be kaka je egbɛ ɔ, Mawu 'nuɖoɖo lɔ pleŋ le efun kpeɛ yí le edɔ nyɛɛ shigbe nyɔnu efunɔ ci yí evi dɔmɛ ɖuɖuɔ nɛnɛ. ²³ Vɔ ɔ, mìwo ciwo yí Mawu ná gbɔngbɔn kɔkɔɛ doŋkɔ shigbe enuŋkɔtɔ nɛnɛ cán mì le edɔ nyɛɛ le mìwoɖekiwo kpɔɔ be Mawu a vá sɔ́ mì wa eviɛwo yi a hwlɛn mìwo ŋcilan gan vɛ so vevesesewo mɛ. ²⁴ Ɖó emɔkpɔkpɔ mɛyí Mawu hwlɛn mì gan le. Keŋ ɔ, nɔ wo kpɔkpɔ enu ci yí wo kpɔkpɔ emɔ kodo ŋkuvi ɔ, wo de gbe yɔnɔ yɛ be emɔkpɔkpɔ go. Alo enu ci yí wo kpɔkpɔ emɔ nii a? ²⁵ Vɔ nɔ́ mì kpɔkpɔ emɔ nɔ́ enu ci yí mì de kpɔkpɔ go ɔ, á nyi mì nɔnɔ ete kpɔɛ kodo vzvidonu. ²⁶ Nɛnɛ yí gbɔngbɔn kɔkɔɛ can kpenɔ dó mì nú nɛ. Ɖó ɔ amɛ gbɔjɔgbɔjɔwo yí mì nyí yí mì de nyá enu ci yí wo ɖo a biɔ Mawu le mìwo gbedoaɖawo mɛ go. Vɔ ɔ Gbɔngbɔn lɔ ŋtɔ wanɔ gbedoaɖa nɔ́ Mawu do mìwo tamɛ veviɖe kodo edɔnyɛnyɛ ciwo yí wo d'a sɛ́n eŋ yi a nú go. ²⁷ Eyi Mawu ci yí glonɔ ejiwo mɛ kpɔ nyá enu ci yí jijiɛ yi yí gbɔngbɔn le . Ɖó alɔkpa ci yí Mawu jinɔ yí Gbɔngbɔn lɔ wanɔ gbedoaɖa nii dó éta nɔ xɔsetɔwo dó. ²⁸ Mì nyá daɖɛ be amɛ ciwo yí lɔnnɔ Mawu, amɛ ciwo yí yiŋtɔ yɔ́ sɔ to yi totomɛ mɛ ɔ, enushanu hɛnnɔ ɖagbe va nɔ́ wo. ²⁹ Ɖó mawu doŋkɔ yí sɔ gbeta be ye a wɛɛ nɔ́ wo a ɖó yeviye nɔnɔmɛ. Nɛnɛ ɔ, Eviɛ lɔ a nyi Evi ŋkɔtɔ nɔ nɔvi sugbɔ. Amɛ ciwo yí Mawu doŋkɔ yí cán daɖɛ hɔnwo ɔ, é gbe yɔ wo hɛnnɛ. ³⁰ Amɛ ciwo yí é yɔ lɔwo ɔ, é gbe sɔ wowa amɛjɔjɔwo le yiɖeki ŋmɛ; eyi amɛ ciwo yí é sɔ wa amɛjɔjɔɛ lɔwo ɔ, é gbe na yí wo kpɔ́ wowo 'kpá yí xɔ le yi klɛnklɛn gangan lɔ mɛ, ³¹ Ci yí é le nɛnɛ ɖee, le mì a nú so enyɔ hɔn nú ɔ? Nɔ́ Mawu le kodo mì ɖee mì yí a fɔn egu do mì jí ɔ? ³² Mawu ci yí de te eviɛ do akpa go vɔ yí sɔ́ ná dó míwo pleŋ tamɛ ɖee ɖ'á sɔ enu kpɛtɛwo pleŋ ná mì bɔdo nú le yí xomɛvuwawa mɛ hɛnnɛ ba? ³³ Mi a dó ehwɛ nɔ amɛ ciwo yí Mawu can ɔ? Amɛɖekpokpoi li go. Ɖo Mawu ŋtɔ yí sɔnɔ amɛ wa amɛjɔjɔɛ le yiɖeki ŋmɛ! ³⁴ Mi yí a dó ehwɛ nɔ wo ɔ! Yesu kliso yi ku yí sɔwu nɛnɛ ɔ,é fɔn so amɛkukuwo domɛ yí nɔ anyi nɔnɔ do ɖushimɛ nɔ Mawu keŋ yí le kuku ɖeɛ nii dó mìwo tamɛ. ³⁵ Mi yí a sɛ́n eŋ klan mì so lɔnlɔn ci yí Mawu kodo Kliso ɖó nɔ mì nú ɔ? Vevesese yɔ a, gbazavi yɔ́ a, yumɛcici yɔ́ a, afɔku yɔ́ a, dekpi 'ku yɔ a? Oo enuɖe li go. ³⁶ Wo ŋwlɛ daɖɛ do Mawu 'nyɔ wemawo mɛ be: «Dó eo Mawu ŋci ɔ wo wuwuɔ mì mamimami, dó eo ŋci ɔ,wo kpɔkpɔ mì shigbe lɛngbɔ ciwo yí wo wuwuɔ nɛnɛ.» ³⁷ Vɔ le enu hɔnwo pleŋ mɛ ɔ, mì ɖu eji gangan ɖe v€ sɔ to Kliso lɔ ci yí lɔn mì mɛ. ³⁸ Ɖó, ŋ kandoji be eku yɔ́ a , agbe yɔ a, Mawu dɔlawo yɔ́ a, gbɔngbɔnmɛ 'gawo yɔ́ a, ŋsɛntɔ bú ciwo yí le jiŋkushi yɔ a, enu ci yí gbɔngbɔ a vá jɔ yɔ a, ³⁹ gbɔngbɔnmɛ ŋsɛn ciwo yí le eji boo yɔ́ a, ciwo yí le nyigban gɔnmɛ yɔ a, enuɖeɖo bu ɖe yɔ́ a? Oo enuɖe li yí a sɛ́n eŋ ma mì so lɔnlɔn ci yí Mawu ɖó nɔ mì to mìwo 'xwetɔ Yesu Kliso ji nú go.