¹ Amɛɖeka amɛɖeka le se senɔ etonu nɔ ejumɛ 'ga ciwo yi wo cán míwo jiwo nú. Ɖo ɔ, ejumɛ 'ga ɖe de li yi d'é byi Mawu gbɔ yí é so. Mawu yi ɖó ega ciwo yi li . ² É yí taɖo nɔ́ amɛɖe gbé etonumase nɔ ejumɛ 'ga ɔ, Mawu gbeta nu yí é fɔ́n egu do. Amɛ ciwo yí wawa nɛnɛ dɔndɔn wowoeɖkiwo dó kojoɖoɖo mɛ. ³ Nɔ́ amɛɖe le enunyui wagɔ ɔ, d'é gbe vɔnnɔ nɔ́ egawo go. Vɔ nɔ amɛɖe le enuvɔn wagɔ ɔ, é yí vɔnnɔ nɔ́ ejumɛ 'gawo . É jijiɛ be ye d'a vɔnnɔ nɔ́ ejumɛ 'ga go a? wa enunyui nɔ á kanfu eo. ⁴ Ɖo é le edɔ wagɔ nɔ Mawu nɔ ao nyɔnyɔ. Vɔ nɔ́ è le enuvɔn wagɔ ɔ, vɔnvɔn lé ɖoɖo eo. Ɖo d'é nyi gbali yí é ɖo acɛ go, á sɔ dɔn eto nɔ́ amɛ. Mawu yí é wawa edɔ nɔ́ jɔjɔɛnyinyi a xɔ eto yi a ɖe Mawu dɔmɛzi toi dó enuvɔnwatɔ ji. ⁵ É yi ná taɖo ɔ, é le dandan mɛ be wo a se etonu nɔ́ egawo. D'é nyi nɔ́ wo ŋgbe va dó domɛzi nɔ Mawu ɖekɛ ŋci yɔ́ lo. Wo a wɛɛ nɛnɛ nɔ́ ci yí mìwo 'yexa dɔdɔ mì be mìwo le wɛɛ ŋci hɛnnɛ. ⁶ Enu hɔn ké yí na taɖo yí mí nanɔ tagawo nɛ. Ɖó Mawu yí ejukplɔtɔwo wawa edɔ nɔ yí kpɔkpɔ tagajɔjɔ 'nyɔwo gbɔ́. ⁷ Nɔ enuɖe nyi amɛɖe tɔ ɔ, mí sɔ jó nii. Mí ná taga . Mí xɔ wemavi le amɛ ci shi yí mí ɖo a xɔɛ le. Mí ɖo shishi nɔ amɛ ci yí ɖo a shi yí do bubu amɛ cinu yí mí ɖo a dóbubu. ⁸ Mí ŋgbe ɖu enuɖe 'fɛn do amɛɖe go. Nɔ́ mí a vá ɖu efɛn ɖe dó amɛɖe ɔ, míwowonɔnɔwo lɔnlɔn ɖekɛ 'fɛn yi a nyi. Ɖo amɛ ci yí lɔn nɔviɛ ɔ, amɛ lɔ wa do Mawu 'se ji vɛ. ⁹ Nyao ɔ, Mawu 'se ɖewo nyi kpɔ be: «Ŋgbè dɔn amɛɖe gbɔ́ nɔ eo kodo eyɛ de nyi asu kodo ashi go. Ŋgbè wu amɛ go. Amɛ bu 'nu ŋgbe ci ŋmɛ nɔ eo go.» Ese hɔnwo kodo ese kpɛtɛwo pleŋ xoxu do ese cɛ ci yi kpɔ be «É ɖo a lɔn ao kpena shigbe eoŋtɔ han nɛnɛ» mɛ. ¹⁰ Nɔ wo lɔn amɛ kpena ɔ, wo de gbe wanɔ enuvɔn ɖe kodoi go. Ci yí é le nɛnɛ ɔ amɛ lɔnlɔn mɛ yí wanɔ do mawu 'se ji vɛ le. ¹¹ Ci yí mí nya hwenu ciwo mɛ yí mì le ɔ, gacimɛ yí mí a fɔ́n so alɔnmɛ do ge. Ɖo ɖayɛ ɔ, Mawu hwlɛngan lɔ gogo mì hwecinu yí mì xɔ kliso lɔ ji se. ¹² Ezan shin sabaɖe viɛ ɔ, eŋ a ke mí na nɔ mì a mí vivimɛ 'dɔwo wawa yi a sɔ́ klɛnklɛn 'hwawanuwo kpla. ¹³ Mi na nɔ mì nɔnɔ agbe shigbe lehanciyí é je do nɛnɛ. mi na nɔ mì a nɔnɔ agbe shigbe le klɛnklɛn mɛ nenɛ mì a mi sukanu ɖuɖu, a miahanunumu, a mi agbenɔnɔ yakayaka, a mi heteli wawa, a mi enu wawa yi ŋhwan kpakpa dɔndɔnwo a mi mì sɔsɔ. ¹⁴ Vɔ ɔ, mí na nɔ́ mì a sɔ́ Axwetɔ Yesu kliso a ɖó mí ŋgbe lenɔ ebu nɔ míwo ŋcilan yí a wanɔ do yí 'nudrodro dɔndɔnwo ji go.