¹ Nɔvinyɛwo, nyaŋ 'ji jiji kodo nyaŋ gbedoaɖa nɔ Mawu dó eta nɔ Israyɛliviwo yí nyí kpɔ́ be wo l& kpɔ hwlɛngan . ² Ɖó , ŋ ɖeɖeɛ kunu nɔ wo be Mawu dó kplɔkplɔ nyi kpakpa yí sɔsɔ wo. Vɔ kpɔ́ enunyanya de jɔjɔ emɔ nɔ́ kpakpa lɔ nɔ́ wo go. ³ Nyao, wo de jeshi jɔjɔɛnyinyi ci yí so Mawu gbɔ́ go yí le eŋu ɖɔɔ yí a wa wowoŋtɔwo jɔjɔɛnyinyi. Nɛnɛ ɔ, wo gɔnmɛ nɔ Mawu jɔjɔɛnyinyi go. ⁴ Ɖó ɔ, Kliso yí nyi sɛnxu nɔ́ ese lɔ. Nɛnɛ ɔ, Mawu a ná jɔjɔɛnyinyi amɛɖekpokpoi ci yí xɔ Kliso lɔ jí se. ⁵ Nyao ɔ, Mɔyizi ŋwlɛ enu so jɔjɔɛnyinyi ci yí so esewawa do nu ɖɛ be «Amɛ ci yí wa do enu hɔnwo ji a gbe nɔ agbe to enu lɔwo wawa mɛ» ⁶ Vɔ ɔ, enyɔ ci yí jɔjɔɛnyinyi ci yí xɔse nanɔ nuɔ ge: «Ŋgbe nunuɔ le ao 'ji mɛ be: mi koŋ yí a yi jiŋkushi ɔ?» (I gɔnmɛ yí nyi kpɔ be mí a mí yí a kplɔ kliso lɔ vá nyigban mɛ) ⁷ Ŋgbè nunu hɛnnɛ go be: «Mi yí a yí a yi ekuwodi ɔ?» (I gɔnmɛ yí nyí kpɔ be mí yí a kplɔ Yesu Kliso toi le amɛkukuwo mɛ mɛ). ⁸ Enyɔ hin de yí wo nu kóŋ so jɔjɔɛnyinyi nu ɔ? Wo nunuɔ be: «Mawu 'nyɔ lɔ le axa nɔ eo yi le eji mɛ nɔ eo» Xɔse 'nyɔ lɔ ci yí mìwodo axwa yí nunu nɔ amɛwo yɔ́. ⁹ Nyao ɔ nɔ é ke ao 'nu yí hunnmɛ be Yesu yí nyí Axwetɔ yí nɔ è sɔ ao 'ji xɔɛ ji se be Mawu fɔin so amɛkukuwo domɛ ɔ, Mawu a hwlɛn eo gan. ¹⁰ Do ɔ, eji yí wo sɔ́ xɔnɔ enyɔ se yí é kplɔnɔ amɛ yí jɔjɔɛnyinyi mɛ. Eyi aglamɛ yí wo nunɔ akpedodo 'nyɔwo tó yí é na yí wo kpɔnɔ hwlɛngan. ¹¹ Nyao ɔ, Mawu 'nyɔ 'wemawo nú be: «Amɛdekpokpoi ci yí xɔɛ ji se d'a ɖu ŋkpɛn go.» ¹² Nɛnɛ ɔ, vovototo ɖ̀ de le yuɖatɔwo kodo Glɛkitɔwo, amɛmanyi yuɖatɔwo domɛ go. Axwetɔ kuɖeka yí wo bɔ ɖo yí é nanɔ yí dɔkunuwo amɛ ciwo pleŋ yí donɔ axwa yɔ́ɛ le gbedoɖa mɛ. ¹³ Ɖó amɛɖekpokpoi ci yí a dogbeɖa yɔ Axwetɔ nyikɔ ɔ, a hliin gan. ¹⁴ Vɔ le wo a wɛɛ do yí a dogbeaɖa yɔ amɛ ci ji yí wo de xɔse go. nyikɔ ɔ? Vɔ lé wo a wɛɛ do yí a xɔ amɛ ci yí wo de se yí wo do axwa yí nú enyɔ ɖe so nu go ji se do ɔ? Le wo a wɛɛ do yí a se axwa yí nui goɔ? ¹⁵ Lé wo a wɛɛ yí a dó axwa yí a nú enyɔ lɔ nɔ́ wo de dɔ amɛɖe ɖaɖa dó edɔ nɛnɛ tɔ ji goɔ? Wo ŋwlɛ daɖɛ do Mawu 'nyɔ wemawo mɛ be: «amɛ ciwo yí dodoɔ eŋɛnyuiwo nyanɔ kpɔkpɔ ge a!» ¹⁶ Vɔ ɔ, de nyi amɛshamɛ yí wa do eŋɛnui lɔ jo go. Nyao ɔ, Mawu 'ŋɛdotɔ Ezayi nu daɖɛ be: «Mawu, mi yí xɔ eŋɛ ci yí mí do yí wo se se ɔ?» ¹⁷ Nɛnɛ ɔ, xɔṣe tonɔ so enyɔ ci yí wo seseɛ mɛ yí enyɔ ci yí wo seseɛ nyi Kliso lɔ nuxu. ¹⁸ Eyí ŋ va biɔbiɔ se be: « Israyɛliviwo de se Kliso lɔ 'ŋɛ lɔ ba? Ɛɛ wo sii. Ɖo ɔ, wo ŋwlɛ daɖɛ do Mawu 'nyɔ wemawo mɛ be: «Amɛwo yi do eŋɛnyui lɔ le nyigban lɔ pleŋ ji. wowo nuxu ɖyi le afishafi kaka yí ejunyigban lɔ vɔvɔnu.» ¹⁹ Vɔ ŋ gbe biɔbiɔ se hɛnnɛ be: se yí Israyɛliviwo de se eŋɛ lɔ mɛ go a? Mɔyizi ji doŋkɔ yí ɖó enyɔ lɔ ŋci daɖɛ vayi be: «Na ná yí míwo, Israyɛliviwo a hwan eŋ kodo amɛ ciwo yí de nyí akɔta hɛnnɛ kpetii go . Na ná yí mí a wa dɔmɛzi do akɔta enumanyata ɖeka» ²⁰ Mawu 'ŋɛdotɔ Ezayoi can dó eji kaka nu hɛnnɛ be: «Mawu nú be: "Amɛ ciwo yí de jijiɛ ŋ sasa goɔ, amɛ lɔwo yí vá kpɔ́ ŋ. Ŋ dansin enyɛɖeki nɔ́ amɛ ciwo yí de biɔbiɔ nyaŋ 'ta se sasa go"» ²¹ Vɔ so Israyɛliviwo nú ɔ, Mawu nú sɔ kpenii daɖɛ be «Mamimami ɔ, ŋ ke abɔwo ɖɛ yí nu nɔ jukɔn ci yí gbe tonumase yí fɔnfɔn egu do ŋ ji»