¹ Amɛ lɔ gbe nu nɔ ŋ be : «ŋwlɛ enyɔ cɛwo ɖaɖa dɔla ci yí kpɔnɔ Mawu rha ci yi le Sadɛsu juganmɛ ji be: "Enyɔ ci

. nunuɔ yi amɛ ci yí ɖo Mawu Gbɔbgbɔn amădrrɛ lɔwo kodo wlecivi amadrɛ lɔwo le ge: ŋ jeshi ao 'dɔwawawo ; ŋ nya nyuiɖe be amɛwo kpɔnɔ be eo le agbe, vɔ yí é ku.

² Minɔ ezanŋte yi a do ŋsɛn lanmɛ nɔ amɛ kpɛtɛ ciwo yi le ekudinu. Ɖo ɔ, ao 'dɔwawawo de mɛ vɛ le nyaŋ Mawu ŋmɛ go. ³ Ɖo eŋui enukplamɛnyɔ ci yí e vɔ vayi kodo ci yí è se vayi. lèwo do eta mɛ yí a trɔ eoɖeki yi a ji blebu. Nɔ d'é nɔ ezanŋte go ɔ, na vá le avomɛ shigbe lehanci yi flafinɔ vanɔ amɛ 'gbɔ do nɛnɛ yi d'a nya gacimɛ yí na va kedo eo ji do go. ⁴ Gankegan amɛ ɖekawo le eo shi le Sad€su jugan lɔ mɛ yi de xo edyi wowo 'wuwo go. nɛnɛ 'mɛwo ado enu eɣiwo yi a zɔn kodo ŋ. Ɖó wojenɔ nɛne 'nu. ⁵ Nɛnɛ ɔ, amɛ ci yí adu eji a do enu eɣiwo. Ŋ d(a va cucu yi nyikɔ le agbe wema lɔ mɛ gbeɖe go. navá nu agbaŋgba le Edanyɛ kodo yí dɔlawo ŋmɛ be ŋ jeshi ɖɛ. ⁶ Nɔ eto li nɔ amɛɖe ɔ, le se enyɔ ci yi Gbɔngbɔn kɔkɔɛ nunuɔ nɔ Mawu 'ha lɔwo!» ⁷ Amɛ lɔ gbe nu nɔ ŋ be : «ŋwlɛ enyɔ cɛwo ɖaɖa dɔla ci yí kpɔkpɔ mawu 'ha ci yí le Filaɖɛfi jugan mɛ ji be: Enyɔ ci amɛ ci yi nyi amɛ kɔkɔɛ yi gbe nunɔ nyɔnɔnui, amɛ ci yí hunnɔ agbo yi amɛɖe de sɛn eŋ cuini go, amɛ ci yí cunɔ agbe yí amɛɖe de sɛn eŋ huini go nunuɔ ge: ⁸ ŋ jeshi ao 'dɔwawawo. ŋ nya be d'é ɖo ŋsɛn gangan ɖɛ go. Gankegan ɔ, è se egbe nɔ ŋ yi d'è gbe nyaŋ nykɔ go. Nɛnɛ ɔ, ŋ hun ehɔn ɖeka doŋkɔ nɔ eo yi amɛɖe d'a sɛn eŋ cui go. ⁹ Na sɔ Legba bɔbɔmɛtɔ ɖewo na eo. Wo nunɔ be yewo nyi Yuɖatɔwo go. ŋsu kkaan yi wo le. Na ʒin wo ji kaka wo va doŋdo do akɔmɛ nɔ eo. Wo a do jeshii be enyɛ ɔ, ŋ lɔn eo. ¹⁰ Nɔ ci yi e se vevidonu gbeta ci yi ŋ na eo ŋci ɔ, na sɔ alɔ cɔn eo do ayaɖuɖu hwenu ci yi a vá vá xexegbe lɔ pleŋ ji yí a va nyi dodokpɔ hwenu nɔ agbetɔwo pleŋ le nyigban ji. ¹¹ ŋ gbɔgbɔ le majinjinɖɛ mɛ. lé enu ci yí le eo shi do alɔmɛ gaguiɖe nɔ amɛɖe ŋgbe va yɔ ao 'fiɔkuku le eo shi go. ¹² Amɛ ci yi a ɖu eji ɔ, na va sɔ wa nyaŋ gbedodoɖaɖatɔxu 'xɔdomɛci ɖeka ci yí d'a gbe na to le hɔ gbeɖe go. Na ŋwlɛ nyaŋ nyikɔ kodo nyaŋ Mawu jugan nyikɔ. Ʒeluzalɛmu yoyu lɔ ci yi a ɖyi va so jeŋkushimɛ le Mawu gbɔ do nu. Na gbe ŋwlɛ nyaŋ nyikɔ yoyu lɔ do wo nu. ¹³ Nɔ eto linɔ amɛɖe ɔ, le se enyɔ ci yi gbɔngbɔn kɔkɔɛ nunuɔ nɔ Mawu 'ha lɔwo!» ¹⁴ Amɛ lɔ gbe nunɔ ŋ be: « ŋwlɛ enyɔ cɛwo ɖaɖa dɔla ci yi kpɔkpɔ Mawu 'ha ci yí le Lawodise jugan mɛ ji be: Enyɔ ci yi nyi xoaɖyi, kunuɖetɔ egbjinɔtɔ kodo adoduitɔ amɛ ci yi le tɔtɔmɛ nɔ Mawu 'nuwawawo pleŋ nunuɔ ge: ¹⁵ ŋ jeshi ao 'dɔwawawo. ŋnyanyuiɖe be d'e nyi amɛfafa go. kpɔ d'é nyi amɛ hunzohunzo go. Nɔ è nyi amɛfafa haan sasa alo é nyi amɛ hunzohunzo haan ɖee, a nyɔ sɔwu! ¹⁶ Nɔ ci yi d'é nyi amɛfafa haan go yi d'e nyi amɛ hunzohunzo haan go yi nyi amɛ gblɔgblɔ ŋci ɔ, na tru eo tii le nyaŋ 'glanmɛ. ¹⁷ Ci yí é nunuɔ be : "ŋ nyi dɔkunɔ,ɛɛ ŋ trɔ ehotɔnɔ, enuɖe de gbe ʒian ŋ go." Vɔ ɔ, kpɔ d'é nya be eoŋtɔ è nyi wamɛnɔ è wa ŋshishi wamɛnɔ yí é nyí , é nyi ŋkuvitɔntɔntɔnɔ yi le maama go. ¹⁸ Ɖee, ŋ ɖoɖo ɔ adaŋ nɔ eo be eo le va xwle shika akuaku le ŋ gbɔ yi a je dɔku nyɔnɔnuitɔ. Vɔ xwle enudodo eɣiwo le ŋ gbɔ yi a do nɔ enu ŋgbe wa ŋkpɛn nɔ eo do maama ci yí é le ŋci go. Va wle ŋkuvicike le ŋ gbɔ hɛnnɛ yi ashi do ŋ kuviwo nɔ wo a tɔ enu kpɔkpɔ nɔ eo nyuiɖe. ¹⁹ Enyɛ ɔ, ŋ gbenɔ enyɔ nɔ nyaŋ 'xlɔwo pleŋ yi ŋ lɔn yi gbe dɔnnɔ eto nɔ wo. ci yí e nyi nɛnɛ ɔ, sɔ ezo do enu nu yi a trɔ eoɖeki a ji blebu. ²⁰ I ge! ŋ le ete le ehɔn lɔ ji yi xuixuiɛ. Nɔ amɛɖe se nyaŋ 'gbe yi hun ehɔn lɔ nɔ ŋ ɔ, na ɖo yi 'xwemɛ yi a du enu kodii yi eyɛ can a ɖu enu kodo ŋ. ²¹ Amɛ ci yi a ɖu eji ɔ, na ná emɔ yi nɔ a va nɔ anyinɔnɔ do axa nɔ ŋ le anyi 'fiɔʒinkpin ji shigbe lehanci yi enyɛ can ŋ ɖu eji yi nɔ anyinɔnɔ do axa nɔ Edanyɛ le yí 'fiɔʒinkpin ji do nɛnɛ. ²² Nɔ eto li nɔ amɛɖe ɔ, le se enyɔ ci yi gbɔngbɔn kɔkɔɛ nunuɔgɔ nɔ Mawu 'ha lɔwo!»