¹ Eyi n kpɔ yí Mawu dɔla ɖeka ɖyi so jiŋkushi. É hen edugangan citocito lɔ safli kodo awlɔɛga gangan ɖeka do alɔmɛ. ² É lé edangangan blibaa lɔ ci yí nyi edan xowxitɔ lɔ ci yí wo yɔnɔ be Legba alo Satanna yi blɛɛ kodo awlɔɛga lɔ kaka a sɔnanɔ exwe kotokun ɖeka (1000). ³ Ci yí é blɛe ɖegbɔ ɔ, é sɔ́ɛ danŋkpɛn dó edugangan citocito lɔ mɛ yí glɛ́ɛ doi kodo safli . É sɔ́ enutrenu sɔ́ trii dó ji keŋ nɔ́ edangangan lɔ ŋgbe gbe ble jukɔnwo go. kaka á wa exwe kotokun ɖeka (1000). Le i godu ɔ wo a gbe va cú awlɔɛga lɔ nii sɔnanɔ hwenu klɛŋ ɖé. ⁴ Ŋ gbe kpɔ efiɔʒinkpin ɖekawo yí wo ná acɛ amɛ ciwo yí le wo ji nɔ wo a do kojo ŋ gbe kpɔ amɛ ciwo yí wo sɔ efiɔga ɖe eta le ekɔ nu nɔ́ "sewo. Wo wu nɛnɛ 'mɛwo do kununɖeɖe so Yesu kodo Mawu 'nyɔlɔ nú ŋci wowo yí de doŋdo nɔ elan lɔ kodo yi nɔnɔmɛtata lɔ yí sɔ́ sinn go. kpɔ́ wo de xɔ ela lɔ jeshidu do ŋgonu alo dó alɔ go. wo nyi yí trɔgbɔ va agbemɛ yí u efiɔ kodo Kliso lɔ sɔnanɔ exwe kotokun ɖeka (1000). ⁵ Wowo yí nyi amɛ ŋkɔtɔ ciwo yí fɔ́n so amɛkukuwo domɛ. Amɛkuku kpɛtɛwo de nyi yí trɔgbɔva agbemɛ gbɔxwe yí exwe kotokun eɖka (1000) lɔwo a vɔ go. ⁶ Enu yí nyɔ nɔ amɛ ciwo yí nɔ fɔnfɔnsokuwodi ŋkɔtɔ cɛ mɛ! Wo nyi xɔsetɔwo yí eku zevetɔ lɔ dá gbe ɖo acɛ do wo ji go. Wo a va nyí avɔsatɔwo nɔ mawu kodo Kliso lɔ yí wo a va ɖu efiɔ kodo Kliso lɔ sɔnanɔ exwe kotokun ɖeka (1000). ⁷ Nɔ exwe kotokun ɖeka (1000) lɔwo vayi ɖegbɔ ɔ, wo aɖe Satanna toi le yi gakpa lɔ mɛ yí a cú awlɔɛga lɔ nii . ⁸ Eyi á to keŋ a vayi to jukɔn ciwo yí le xexe lɔ pleŋ mɛ bleble. Jugan lɔwo yí nyí Gɔgi kodo Magogi Satanna va bɔ wo do eju nɔ ahwawawa. Wo a su egbɔ shigbe axu 'ta kewu nɛnɛ. ⁹ Wo gban do nyigban lɔ pleŋ ji yí trɔ do xɔsetɔwo 'guji kodo Mawu jugan vevei lɔ. Vɔ ɔ, ɖeka ɖyi so jiŋkushi yí bi wo. ¹⁰ Eyi wo le Legba ci yí bleble wo vayisasa yí sɔ́ danŋkpɛn do eta ci mɛ yí wemi bibiɛ ezo le lɔ mɛ. É hɔn yí elan lɔ kodo mawu 'ŋɛdotɔ ŋsukantɔ lɔ le nɛ. É hɔn yi wo a vá nɔ yí a le gbazavi seɛ tɛgbɛ ezan kodo kede nɛ. ¹¹ Eyí ŋ kpɔ efiɔʒinkpin gangan ɖeka kodo amɛ ciwo yí nɔ anyinɔnɔ do ji. Jiŋkushi kodo nyigban shi le ŋkɔ nii yí afiɖe de gbe li yí wo a nɔ go. ¹² Le i godu ɔ, ŋ kpɔ amɛkukuwo mɛganxoxuwo kodo ɖevihwɛwo yí wo le ete le ŋkɔ nɔ efiɔʒinkpin lɔ. Wema ɖekawo le daɖɛ Ebuɖeka ci yí nyí agbe wema lɔ cán le hunhun ɖɛ. Wo ɖo kojo kodo amɛkuku lɔwo so enu ciwo yí wo ŋwlɛ do wema lɔ mɛ nu shigbe lehanci wowo 'dɔwawawo le do nɛnɛ. ¹³ Axu jo amɛ ciwo yí kudo mɛ yí wo tó mɛ. Nɛnɛke eku kodo ekuwodi can jo amɛkuku ciwo yí le wo mɛ yí wo tó. Wo ɖó kojo wo pleŋ kuso edɔ ci yí wowo domɛtɔ ɖeka ɖeka wa nu. ¹⁴ Wo eku kodo ekuwodi sɔ danŋkpɛn do etan ci yí bibiɛ ezo lɔ mɛ. Etan hɔn ci yí bibiɛ ezo lɔ nyí eku zevztɔ lɔ. ¹⁵ Eyi wo sɔ́ amɛ ɖekpokpoi ci nyikɔ yí wo de ŋwlɛ do agbe wema lɔ mɛ go. danŋkpɛn dó etan ci yí bibiɛ ezo lɔ mɛ.