¹ Le i godu ɔ, ŋ se yí egbe sɛnŋsɛnŋ ɖeka ɖyiɖyiɛ le jiŋkushi É ɖyiɖyi shigbe agbetɔ ahwakɔn ɖé yi le axwa doɔ nɛnɛ yí nunuɔ be: «Wo a kanfun yehowa! Hwlɛngan, kɔkɔ kodo ŋsɛn nyi míwo Mawu tɔ. ² Yí kojo ɖoɖowo nyi nyɔnɔnui yí le jɔjɔɛɖe! Dó é so kojo yí dó ehwɛ nɔ nyɔnusakabo gangan lɔ ci yí dɔn amɛwo pleŋ dó yi sakabowawa mɛ le nyigban lɔ ji. Mawu biɔ ehlɔn yi so yi 'dɔwavi ciwo éwa nu.» ³ Ahwakɔn lɔ gbe nunuɔ be «Wo a kanfu yehowa! Azɔ ci yí cucuɔ le jugan lɔ mɛ dá va vɔ kpɔ gbeɖe go!» ⁴ Mɛgan wivɔnnɛ lɔwo enuleagbe amɛnɛ lɔwo je ekloji yí ɖoŋdo nɔ mawu ci le efiɔ ɖuɔ le efiɔʒinkpin lɔ ji yí sɔ́ siin. Wo nú bé: xoaɖyi! Wo a kanfu Yehowo.» ⁵ Egbe ɖeka ɖyi le efiɔʒinkpin lɔ ji yí nunuɔ be: «Míwo ciwo pleŋ yí nyí Mawu 'dɔwaviwo yí gbe ɖonɔ shishi nii, mí kanfu míwo mawu, mɛganxoxu can ɖevihwɛ cán !» ⁶ Eyi ŋ se egbe ɖeka ɖyiɖyiɛ shigbe agbetɔ ahwakɔn yí le axwa doɔ nɛnɛ. Egbe lɔ ɖyɖyiɛ shigbe etɔsasa ganganwo yí dó eta egu kodo afiɖe nɛnɛ. E ɖyiɖyiɛ shigbe eji yí dodoɔ egbe sɛnŋsɛnŋ nɛne. Egbe lɔ nunuɔ b&: «Wo a kanfu mawu! Ɖó ɔ, Yehowa, Mìwo Mawu ŋsɛnwo pleŋtɔ ɖó yi fiɔɖuɖu anyi. ⁷ Mí na mì a kpɔ jijɔ, vivisese lé ɖɔ́ mì kaka yí a gban ago keŋ nɔ́ mì a kanfu lɛngbɔvi lɔ nyɔnuɖeɖe 'gɔɖuɖu 'ga xo yí ashiɛ lɔ dra do ɖɛ vɔ. ⁸ Wo sɔ lɛn 'vɔ cigantɔ tɔn enu nii yí é sɔ dó yí klɛnklɛn cecece yí le mɛmiɖe.» Lɛn 'vɔ cigantɔ lɔ ɔ, é yí nyi xɔsetɔwo jɔjɔɛnyinyi. ⁹ Mawu dɔla lɔ nu nɔ ŋ be: « ŋwlɛ daɖɛ dó wema mɛ be: enu yí nyɔ nɔ amɛ ciwo yí wo yɔ́ vá lɛngbɔvi lɔ nyɔnuɖeɖe 'gɔɖuɖu lɔ tɔxu.» É gbe nu be: «Mawu nuxu adodui lɔwo nɛ. » ¹⁰ Ci yí ŋ se nɛnɛ ɔ, ŋ je eklo ji dó akɔnmɛ nii yí a doŋdo nii keŋ yí a siin. Vɔ ɔ, é nu nɔ ŋ be: «ŋgbè wa nen€ go! Edɔwavi, ao kpena yí ŋ nyí shigbe eo kodo nɔvio ciwo 'ŋɛnyui lɔ nɛnɛ. Mawu yí è ɖo a doŋdo nɔ yí a sɛn !» Ɖo kunu ci ɖeɛ yi Yesu le yí nyi gbɔngbɔn ci yí wanɔ edɔ le mawu 'ŋɛdotɔwo mɛ. ¹¹ Eyi ŋ kpɔ yí jiŋkushi hunɖɛ gbajaa yí esɔ eɣi ɖeka tó. wo yɔnɔ amɛ ci yí le esɔ lɔ jí be Egbejinɔtɔ kodo Nyɔnɔnuinutɔ E ɖonɔ kojo yí gbe wanɔ ahwa jɔjɔɛɖe. ¹² Yi ŋkuviwo klɛnklɛn shigbe ezo nɛnɛ yí efiɔkuku sugbɔ le eta nii. Wo ŋwlɛ nyikɔ ɖeka dó gotu nii yí amɛɖekpokpoi de jeshi nyikɔ lɔ sɔwu yiŋtɔ ́ ɖekɛ go. ¹³ É dó vuvɔwu gangan eɖka ci nu yí ehun le hannyaa. Wo woɛni bé : Mawu nuxu ¹⁴ Sɔjawo 'hwakɔ ciwo yí le jeŋkushi lá esɔ eɣiwo ji yí kplɔɛdo. Wo dó lɛn vɔ cigantɔ eɣi ci yí le mɛmiɖɛ. ¹⁵ Dekpui enuvenɔ ɖaɖa totoɔ le aglan mɛ nii. Dekpi lɔ yí a va sɔ xo ejuwo. Á va kpa acɛ do wo ji sɛnŋsɛnŋɖe kodo ega 'cikplɔ. Eyɛ yí a gbe va cuku wo le afɔ nu shigbe lehanci yí wo cukunɔ vɛncikusɛnsɛn le vɛnfiɔnnu me do nɛnɛ. Á vá wa nenɛ keŋ yí a sɔ dansin be Mawu ŋsɛnwopleŋtɔ wa dɔmɛzi sugbɔ. ¹⁶ Wo ŋwlɛ nyikɔ ɖeka dó vuvɔwu nu nii kodo ata nu nii be: «Efiɔwo ji 'fiɔ kodo Axwetɔwo ji 'Axwetɔ» ¹⁷ Le i godu ɔ ,ŋ kpɔ Mawu dɔla ɖeka yí é le ete le ewe mɛ. Mawu dɔla lɔ dó axwa ɖaɖa xevi ciwo yí zonɔ le ejixomɛ yí nú nɔ́ wo be: «Mí va, mí bɔ míwo ɖekiwo nɔ agɔɖuɖu ci yí Mawu ɖó! ¹⁸ Mí va ɖu efiɔwo ŋcilan amɛ vovoiwo cán, hwashiwo can amɛ hwɛhwɛwo cán alo amɛ ganganwo cán, mí va ɖu wowo ŋcilan.» ¹⁹ Eyí ŋ kpɔ ela lɔ, efiɔ ciwo yí le nyigban lɔ ji kodo wowo 'hwakɔnwo cán yí wo vá bɔ do eju keŋ yí a wa ahwa kodo amɛ ci yí lá esɔ lɔ ji kodo yi sɔjawo 'hwakɔn. ²⁰ Wo le elan lɔ kodo amɛ ci yí nyi Mawu 'ŋɛdotɔ ŋsukantɔ lɔ. Eŋɛdotɔ ŋsukantɔ lɔ wa jeshidu 'nuwo le elan lɔ ŋmɛ vayi keŋ yí sɔ ble amɛ ciwo yí xɔ elan lɔ jeshidu yí gbe doŋdo nii yí sɔ́ sɛn yi nɔnɔmɛtata lɔ. Wo lé elan lɔ kodo eŋɛdotɔ ŋsukantɔ lɔ agbeagbe yí sɔ́ wo danŋkpɛn dó etan ci mɛ yí wemii bibiɛ ezo le mɛ. ²¹ Wo sɔ dekpi ci yí totoɔ le agblan mɛ nɔ mɛ ci yí lá esɔ lɔ ji yí sɔ wu amɛ ci yí la esɔ lɔ ji yí sɔ́ wu amɛ kpɛtɛwo yí xeviwo pleŋ ɖu wowo ŋcilanwo kaka xodu ɖɔ wo.