¹ Le i godu , ŋ gbe kpɔ jeshidu ɖeka le jiŋkushi mɛ yí é gbe ji eŋ nɔ ŋ. Mawu dɔla amɛdrɛ ɖekawo hɛn enujɔjɔ baɖa amɛdrɛ do alɔmɛ. Wowo yí nyi enujɔjɔ amadrɛ cidotɔwo. Ɖo ɔ, wowo nyi Mawu dɔmɛzi 'nuwawa. ² Eyi ŋ gbe kpɔ enu ɖeka shigbe axu nɛnɛ . I mɛ kɔ ceŋceŋ shigbe ehovevi 'kpe klishitali nɛnɛ yí ezoɖewo ɖɔ mɛ. Ŋ kpɔ yí amɛ ciwo yí ɖu elan lɔ kodo yi nɔnɔmɛtata lɔ ji, amɛ ciwo yí gbe gbe be wo d'a ŋwlɛ kɔnŋtawemakui ciwo yí sɔ kodo nyikɔ do yewo nu o le ete le klishitali lɔ ji. Wo hɛn ekahun ciwo yí Mawu sɔ do alɔmɛ. ³ Wo le Mɔyizi Mawu 'dɔwavi 'ha jiɛ yí gbe lɛngbɔvi lɔ 'ha jiɛ hɛnnɛ yí nunuɔ be: « Axwetɔ Mawu, ŋsɛnwopleŋtɔ, ao 'dɔwawawo gangan yí wo gbe ji ɛŋ! Jukɔnwo 'fiɔ, ao 'mɔ ciwo yí é ɖe daɖɛ le jɔjɔɛɖe yí gbe nyi nyɔnɔnui 'mɔwo! ⁴ Mawu mi yí d'a vɔn nɔ eo yí nua gbe be ye d'a do bubu ao nyikɔ nu ɔ? Eo ɖekɛ yí nyi amɛkɔkɔɛ. Ejuwo plŋ 'mɛtɔwo a va dodoɔ ŋdo nɔ eo yí a sɛnsɛɛn eo. Ɖo ao jɔjɔɛnyinyi ɖe yiɖeki dansin.» ⁵ Le i godu ɔ, ŋ kpɔ yí egbedoɖatɔxu, fini ci yí kunuɖeɖe 'gbaxɔ lɔ le, le hunhun le jiŋkushimɛ. ⁶ Mawu dɔla amadrɛ ciwo yí hɛn enujɔjɔbaɖa amadrɛ lɔwo to le egbedoɖatɔxu lɔ mɛ. o do awu jiji gblɛlɛlɛ dazodazo eɣi pepepe ɖeka yí sɔ shika 'kpablanu sɔ bla do alin ji. ⁷ Enuleagbe amɛnɛ lɔwo domɛtɔ ɖeka sɔ shika kɔkpu amadrɛ sɔ na Mawu dɔla amadrɛ lɔwo; Mawu ci yí li sɔyi mavɔmavɔ dɔmɛzi ɖɔ shika kɔkpu lɔwo. ⁸ Azɔ bli egbedoɖatɔxu lɔ pleŋ nɔ ci yí Mawu klɛnklɛn gangan lɔ kodo yi ŋsɛn le hɔntɔxu taɖo. Amɛɖe de sɛn ɛŋ ɖo egbedoɖatɔxu lɔ kaka sɔna enujɔjɔbaɖa ciwo yí Mawu dɔla amadrɛ lɔwo hɛn a jɔ vayi vɛ go.