¹ Le i godu ɔ, wo sɔ klogbuci ɖeka ci nɔnɔmɛ yi le shigbe ekaci ci yi wo sɔ drznɔ enuwo kpɔ nɛnɛ ɖeka na ŋ yi nu nɔ ŋ be: « Soyidre Mawu gbedodoɖaɖatɔwo lɔ kpɔ. ŋgbe dre avɔsakpe lɔ kpɔ yi a gbe hlɛn amɛ ciwo sɛnnɔ Mawu le gbedodoɖaɖatɔxu lɔ kpɔ go. ² Vɔ ɔn ŋ gbe dre Mawuxwe gbadenu lɔ yɛ kpɔ go. Ɖo ɔ, wo sɔ eyɛ na amɛ ciwo yi de le Mawu jukɔn mɛ go. Nɛnɛ 'mɛ lɔwo a va cuku jugan kɔkɔɛ lɔ kodo afɔwo kaka a sɔnanɔ wleci eka hove. ³ Na va na yi nyaŋ kunuɖetɔ amɛve lɔwo a do ecɔ wuwo yi a va do Mawu 'ŋɛ nɔ amɛwo le ŋkeke kotokun ɖeka sanŋdive taadɛn (1260) mɛ.» ⁴ Kunuɖetɔ amɛve lɔwo nyi olivuci amɛve lɔwo kodo kaɖigbanhɛnnu amɛve lɔwo ciwo yí le ŋmɛ nɔ mawu ci yi kpa acɛ le nyigban lɔ ji. ⁵ Nɔ amɛɖe ji be ye a wa evɔn ɖe kodo kunuɖetɔ lɔwo ɔ, ezo ato so aglanmɛ nɔwo yi a wu wowo ketɔwo. Nyao nɔ amɛɖe ji be ye a wa evɔn kodo wo ɔ, nɛnɛ yi amɛ lɔ a ku do nɛ. ⁶ Wo ɖo acɛ yi a cu emɔ do jiŋkushi yi eshi d'a gbe ja go le ŋkeke ciwo mɛ yi wo a wa Mawu 'ŋɛdotɔ 'dɔ wowotɔ le . Nɛnɛke ɔ, wo gbe do acɛ yi a sɔ eshiwo sɔ trɔ ehun. Eyi hweɖekpokpoinu ɔ wo ɖo acɛ yi ahɛn enujɔjɔbaɖa hamɛhamɛwo va nyigban ji shigbe lehanci yi a dro wo do nɛnɛ. ⁷ Nɔ wo va ɖegbɔ wowo kunu ɖeɖe dradraɔ, ela ci yi totoɔ le edugangan citocito lɔ mɛ a va wa ahwa kodo wo yi a ɖu wo ji kaka yi a wuwo. ⁸ Wowo lankpukukuwo a va ci jugan lɔ 'godoxu, le fini ci yi wo kan wowo 'xwetɔ do acisoga ji le. le gbɔngbɔn mɛ 'kpaxwe ɔ, wo wo yɔnɔ jugan gangan hɔn lɔ be Sodomi alo Eʒiputu. ⁹ Jukɔnwo pleŋ mɛnɔtɔwo, akɔtawo pleŋ, egbe hamɛhamɛ dotɔwo kodo ejuwo pleŋ mɛtɔwo a kpɔtɔ kunuɖetɔ lɔwo lankpukukuwo kaka a sɔnanɔ ŋkeke amɛtɔn kodo efan yi wo d'a lɔn yi wo a sɔ wo ɖyi do yɔdu ɖe mɛ go. ¹⁰ nyigbanjitɔwo a le jijɔ kpɔ ɔ so eŋɛdotɔ amɛve lɔwo nu. Wo a va le azan ɖuɔ yi a va le enunenewo sɔɔ ɖaɖa wowononɔwo. Ɖo ɔ, mawu ŋɛdotɔ amɛve lɔwo do aya nɔ nyigbanjinɔtɔwo sugbɔ. ¹¹ Vɔ ci yi ŋkeke amɛtɔn kodo efan lɔwo 'vayi ɔ, agbe gbɔngbɔn ɖeka ci yi so mawu gbɔ va ɖo amɛ amɛve lɔwo mɛ yi wo fɔn je ete do afɔwo ji. Eyi amɛ ciwo pleŋ yi kpɔ wo tɔ vɔnvɔn sugbɔ. ¹² Mawu 'ŋɛdotɔ amɛve lɔwo se yi egbe sɛnŋsɛnŋ ɖeka ɖyi so jiŋkushimɛ yí nunuɔ nɔ wo be: «Mí doji yi a va elɛ.» Eyi wo de jeŋkushimɛzɔmɛ yí yi eji le wowo ketɔwo ŋmɛ. ¹³ Le hwehɔnnu trololo ɔ, nyigban hunhun sɛnŋsɛnŋɖe. Jugan lɔ 'kpa madowo gban yi amɛ kotokun amadrɛ (7000) kudo nyigban hunhunhun lɔ mɛ. Enu lɔ do vɔnvɔn nɔ amɛ kpɛtɛwo sugbɔ yí wi kanfu Mawu ci yi ɖu efiɔ le jeŋkushimɛ. ¹⁴ Jɔgbevɔin gangan amɛvetɔ lɔ jɔ vayi vɔ ɔ, mi wa blɛwu! Etɔntɔ lɔ gbɔgbɔ yi a jɔ sabaɖe ye. ¹⁵ Eyi dɔla amadrɛtɔ lɔ xu yi 'kpɛn. Axwagangan ɖekawo ɖyi so jiʔkushimɛ yi& nunuɔ be: «Mawu kodo yi Kliso lɔ ɖu efiɔ le xexe lɔ mɛ. Yi 'fiɔɖuɖu lɔ ali ɖɛ tɛgbɛɛ!» ¹⁶ Le i godu ɔ, Mɛgan wivɔnnɛ ciwo yi le anyinɔnɔ le efiɔʒinkpin lɔwo ji le ŋmɛ nɔ Mawu doŋdo nii yi siin ¹⁷ Yi nu be: «Mawu ŋsɛnwopleŋtɔ, eo yi li yɛ yi li sasa. Mi do akpe nɔ eo. Ɖo ɔ, e zan ao ŋsɛn gangan lɔ yi sɔ ao 'fiɔɖuɖu ɖo anyinɔnɔ. ¹⁸ Jukɔn kpɛtɛwo bi eji. Vɔ ecɛyɛ ɔ, ega xo yi ao dɔmɛzi va. Ega xo yi na ɖo kojo kodo amɛkukuwo. Ega xo yi na cu efɛn nɔ ao ' dɔwavi ciwo yi nyi eŋɛdotɔwo. Acu efɛn nɔ xɔsetɔwo kodo amɛ ciwo yi gbe donɔ bubu ao nyikɔ nu, amɛ hwɛhwɛwo kodo amɛ ciwo yi gbe donɔ bubu ao nyikɔ nu, amɛ hwɛhwɛwo kodo mɛganwo can. Ega xo yi na trɔn amɛ ciwo yi trɔntrɔn nyigban lɔ!» ¹⁹ Le i godu ɔ Mawu gbedodoɖaɖatɔxu ci yi le jiŋkushimɛ hun. Eyi ŋ kpɔ enublabla ɖeka lɔ le gbedodoɖaɖatɔxu lɔ. Ejiɖe ezo miamiamia, ɛigidi tɔn, eji ɖe egbe, nyigban hunhun yi eke ja sɛnŋsɛnŋɖe.