¹ Falisitɔwo kodo esedɔwatɔ ɖeka ciwo yí só ʒeluzalɛmu va bedo yesu gbɔ. ² Wo kpɔ be Yesu nukplanvi ɖekawo le enu ɖuɔ kodo alɔ xoɖyixoɖyiwo. A ɖu enu kodo alɔ xoɖyixoɖyi gɔnmɛ yí nyi kpɔ be wo de klɔ ashi shigbe lehanci yí tɔgbiwo ɖó akɔnu lɔ anyinɔnɔ do nɛnɛ go. ³ Nyɔnɔnuitɔ ɔ Falisitɔwo kodo yudatɔ kpɛtɛwo xloŋ de ɖunɔ enu ashi ma klɔ go. Ɖó ɔ, wo tɛnɔ do wowo tɔgbiwo 'kɔnuwo nú. ⁴ Eyí nɔ wo gbɔ ashimɛ ɔ, wo de ɖunɔ enu gbɔxwe yí a vayi wa eshilele 'kɔnu go. wo gbe tɛnɔ do wowo tɔgbiwo 'kɔnu buwo nú hɛnnɛ. Eɖewo yí nyi kɔkpu, tɔmɛze, gamu zevi kodo ʒinkpinwo kɔklɔ. ⁵ Eyi Falisitɔwo kodo esedɔwatɔwo va biɔ Yesu se be: "nyi yí na taɖo yí ao nukplanviwo de wawa do akɔnu ciwo tɔgbiwo dó daɖɛ ji yí le enu ɖuɔ kodo alɔ xoɖyixoɖyiwo ɔ?" ⁶ Yesu ɖoŋci nɔ wo be: "Ayemɛnuwatɔwo yí mí nyi enyɔ jɔ yí Mawu nu sɔ tó yi 'ŋɛdotɔ Ezayi ji so mi nu yí wo ŋwlii daɖɛ be: "Jukɔn cɛ dodoɔ bubu ŋ nu le aɖe mɛ ɖekɛ, vɔ, dɔmɛ le evo nii. ⁷ Gbali yí amɛ hunɖewo sɛnsɛn ŋ. Ɖo enu ciwo wo kplankplan amɛwo nyi agbetɔ 'sewo ɖeɖe xloŋ." ⁸ Mí tanɔshi Mawu 'se ɖɛ keŋ a vayi wawa do agbetɔwo 'kɔnuwo ji." ⁹ Yesu gbe nu nɔ wo be: "Mí gbenɔ Mawu 'se nyi nyi ɖɛ yí lenɔ ebu nɔ míwoŋtɔwo 'kɔnuwo! ¹⁰ Ɖó Mɔyizi nu be: "Bú edao kodo enɔo yi nɔ amɛɖe dó enu edalɔ alɔ enɔlɔ ɔ, wo ɖoa wuï ¹¹ Vɔ ɔ, mìwo kplankplan enu amɛwo be nɔ amɛɖe hɛn ɔ, yi a nu nɔ edalɔ alo enɔlɔ be: "Enu ci han yi na ná eo dru sa va nyi enu ci yi na sɔ sa avɔ nɔ mawu. ¹² Nɛnɛ ɔ, mí ɖeɖe emɔ nɔ wo be wo ŋgbe wa enuɖe nɔ wowo 'dawo alo wowo 'nɔwo go. ¹³ Ahan ɔ, mí sɔ tɔgbiwo 'kɔnuwo sɔ te mawu 'nyɔwo sii. Enu buwo gbe li shigbe ci ŋ nu cɛ nɛnɛ yi mí wawa. ¹⁴ Le yí godu ɔ, Yesu gbe va yɔ́ ahwakɔn lɔ yí nu nii be: "Mí pleŋ mí se enyɔ ci yí ŋ nunuɔ yi a mɔ ŋje mɛ. ¹⁵ D"é nyi enu ci yi wo ɖu do dɔmɛ yí sɔ amɛ xonɔ eɖyi go. Vɔ ɔ enu ci yí to so eji mɛ nɔ amɛ yí sɔ amɛ xonɔ eɖyi . ( ¹⁶ Nɔ eto li nɔ amɛɖeɔ, le se.") ¹⁷ Gacimɛ yí Yesu so le ahwakɔn lɔ mɛ. Yí yi axwe mɛ ɔ, yi nukplanviwo biɔ́ɛ se be labalu ci yí do gbɛ sasa gɔnmɛ ɖe mɛ ¹⁸ Yesu nu nɔ wo be : "Míwo can ɖee ŋɖɛ nyanya hwedo mí ahwedo mí ahan yɔ a, Mí de mɔŋje mɛ be enu ci wo ɖu do dɔmɛ d'é xonɔ eɖyi amɛ o ba? ¹⁹ Ɖó enu ci wo ɖu d'é yinɔ eji mɛ go. Dɔmɛ yi é yinɔ yí wo a gbe sɔ yi afɔji." Yesu nunuɔ to enyɔ hɔn mɛ be enuɖuɖuwo pleŋ nyɔ yí wo a ɖu. ²⁰ Yesu gbe nu ke be : " Enu ci yí to nɔ le eji mɛ nɔ amɛ yí sɔ amɛ xonɔ eɖyi. ²¹ Ɖo ejimɛ yí susu baɖa sonɔ nɔ amɛwo. Yi cucunɔ wo do etrɛnmama, efinfin, amɛwuwu, ²² hashiwawa, su kanujiji, xomɛveve do amɛ nɔvi amɛbleble, agbeyakayaka nɔnɔ, ŋbia, amɛzuzu, egoyiyi kodo ŋnumanya mɛ. ²³ Enumanyɔnyɔ hɔnwo pleŋ sonɔ ejimɛ yi xonɔ eɖyi amɛ." ²⁴ Yesu so le hɔntɔxu yí kpe tii 'kammɛ. É ɖo axwe ɖeka mɛ. D'é ki be amɛɖe le nya be ye le hɔntɔxu go. Gankegan ɔ, amɛwo. ²⁵ Ɖo ɔ, nyɔnu ɖeka ɖo evi nyɔvi ɖeka yí gbɔgbɔnvɔn dodoɔ aya nii. Ci yí nyɔnu lɔ se be Yesu va ɔ, é so bléŋ yí va je ekloji do akɔnmɛ nii. ²⁶ Nyɔnu lɔ de nyi Yuɖatɔ go. Wo jii. É ɖe kuku nɔ Yesu be yí le nya gbɔngbɔnvɔn lɔ toi nɔ ye vie. ²⁷ Vɔ ɔ, Yesu nu nii be "Tàshi ɖeviwo nɔ wa ɖu enu yí a ɖɔ exo gbɔhwe. Ɖo ɔ, d'é nyɔ be wo a sɔ enuɖuɖu ci yí wo gbeɖɛ nɔ ɖeviwo a sɔ na avuviwo go." ²⁸ Nyɔnu lɔ ɖoŋci nɔ Yesu be : "Axwetɔ, é le nɛnɛ gankegan avuviwo de can nɔ ɖeviwo 'nuɖuɖu kankin ciwo klɛnɔ kɔdo nyigban ba?" ²⁹ Eyi Yesu ɖoŋci nii be: be " Do enyɔ hɔn ci è nu ŋci ɔ, yì axwemɛ. Gbɔngbɔnvɔn lɔ tó le evio mɛ vɔ." ³⁰ Nyɔnu lɔ yi va yi kpɔ eviɛ yi mlɔ anyi do eba ji. Gbɔngbɔn lɔ tó le mɛ vɔ. ³¹ Yesu so le tii 'kan lɔ mɛ yí to sidon jugan kodo jugan amɛwo lɔwo 'kan mɛ yí gbɔ va Galile 'xu gbɔ age. ³² Eyi wo kplɔ ŋsu etokunɔ ɖeka ci yí aɖe de kɔnɔ nɔ́ go vɛ nii yí ɖe kuku nii be yí le sɔ alɔ dado eta nii nɔ́ edɔ a mí nii ³³ Eyi yesu kplɔ ŋsu lɔ yi azɔge yí dó etomɛ nii yí cu etan yí sɔ tɔaɖe nii ³⁴ Lei godu ɔ, é ɖe ekɔ kpɔ eji yí gbɔn fuun yí nú be: " Efata!" Ci gɔnmɛ yí nyi kpɔ be: "Hún!" ³⁵ eyi Zeɖeka ɔ, etowo hun nɔ ŋsu lɔ. Ekanwo só yí aɖe kɔ nii yí etɔ nuxu xoxo nyuiɖe. ³⁶ Yesu do ese nɔ amɛ lɔwo be wo ŋgbe nú enyɔ ɖe nɔ amɛɖe go. Vɔ ɔ, hweɖekpokpoinu ci yi Yesu dó ese hɔn nɔ amɛwo ɔ, é yi tanŋ wo vayi donɔ axwa yi nuini . ³⁷ Ekpaca amɛwo kaka yí wo nu be : " Enu ciwo pleŋ yí é wawa lɔwo nyɔ sugbɔ! Kaka etokunɔwo sese enu yí amɛ ciwo yí aɖe de kɔnɔ nɔ o xoxoɔ nuxu!"