¹ Ecewo godu ɔ, Yesu trɔvayi Mawusɛnxu lɔ Amɛ ɖeka ci yí alɔ ɖeka kú nɔ́, le hɔn lɔ gbɔxwe yi Yesu vayi ɖo. ² Falisitɔwo leleɛ dó nú kpɔ́ be á da edɔ nɔ amɛ ci yi alɔ ɖeka kú nɔ́ lɔ le gbɔngbɔngbe mɛ. Ɖo ɔ wo jijíɛ a dó ehwɛ nii. ³ Yesu nu nɔ́ amɛ ci yi alɔ ɖeka kú nɔ́ lɔ be: "cite a vá ahwa domɛ elɛ nɔ amɛshamɛ a kpɔ́." ⁴ Ci yi e nu nɛnɛ ɖegbɔ ɔ, é biɔ amɛ ciwo yi le hɔntɔxu lɔ se be: eviɛ ɖee, nyi yí ese ɖe emɔ be wo lé wa gbɔngbɔngbe ɔ? Enunyui alo enuvɔn? xɔ wo a xɔ amɛ gan loo alo ta wo a tashi amɛ nɔ́ á ku? Vɔ ɔ, wo bɔ enu kplii. ⁵ Ci yi wo bɔ enu ɔ, wowo 'nu vé Yesu nu yi é kpɔ wo júun yi ci ŋshishi mɛ do eto ci wo tri ŋci. Eyi é va nu nɔ amɛ ci yi alɔ ɖeka kú nɔ́ lɔ be: " vlú alɔ lɔ." Kaka á vlui ahan vɔ ɔ, edɔ lɔ minii. ⁶ Eyi Falisitɔ lɔwo tó le Mawusɛnxu lɔ yí yi ekpa koɖo efiɔ Elodi 'gbɛviwo keŋ a ɖe susu só lehanci yi wo wɛɛ do yi a wu Yesu nu. ⁷ Yesu so le hɔntɔxu yí tegogo Galile 'xu tu lɔ kodo yi nukplanviwo yi amɛwo lɔ́ ahwa kplɔɛ do. Le amɛ lɔwo domɛ ɔ, ɖekawo só Galile kodo Ʒude kanwo mɛ, ⁸ dewo só Ʒeluzalɛmu jugan mɛ kodo Idumɛ 'kan mɛ yi amɛ buwo so Ʒuludɛn 'tɔsasa lɔ godu agé kodo Tii gbe sɔ kpé nɔ Sidɔn kanwo mɛ. Wo . Wo lɔlɔ ahwa vav Yesu gbɔ. Ɖó ɔ, wo seseɛ enu ciwo pleŋ é wawa. ⁹ Eyi Yesu nu nɔ yi nukplanviwo be dó nɔ́ eye, nɔ́ ahwakɔn lɔ ŋgbe va gbiji eye o. ¹⁰ Ci yi Yesu dada edo nɔ amɛ sugbɔ ɔ, edɔnɔwo pleŋ le emɔnu jiɛ a tɔ́ alɔ yi ¹¹ Eyi nɔ amɛ ciwo mɛ gbɔbgbɔnvɔn le kpɔ́ Yesu ɔ, wo jenɔ ekloji do akɔnmɛ nii y a dó axwa cicici be "Eo yí nyi Mawu Eviɛ." ¹² Vɔ ɔ, Yesu do ese nɔ́ wo veviɖe be wo ŋgbe nu amɛ ci ye nyi nɔ amɛɖe o. ¹³ Le i godu ɔ, Yesu yi ekpo ɖeka ji yí yɔ́ amɛ ciwo yí é jijiɛ yí wo vá gbɔ́. ¹⁴ É cán amɛ wive le wo mɛ keŋ yí ná nyikɔ wo be amɛdɔdɔwo. É cán wo nɔ wo a ci gbɔ keŋ nɔ a dɔ wo ɖaɖa yí wo a vayi nu Mawu 'nyɔ kodo axwa ¹⁵ yi ná wo ŋsɛn ci yí wo a sɔ nyanya gbɔngbɔnvɔwo. ¹⁶ Amɛdɔdɔ wive lɔwo ge: Simɔ ci yí Yesu na nyukɔ be piyɛ ¹⁷ Ʒaki kodo nɔviɛ Ʒan, Zebede eviɛ ciwo yí Yesu na nyikɔ be Bowanɛliʒesu ci gɔnmɛ yí nyí kpɔ́ bé "amɛ ciwo yi donɔ axwa shigbe ejiɖegbe nɛnɛ" ¹⁸ Anŋdre, Filipu, Batelemi, Matiye, Toma, Alufe eviɛ ciwo yɔnɔ bé Ʒaki, Taɖe, Simɔ ci yí nyí ejunyikɔhwlɛngant, gbe sɔ kpé nɔ ¹⁹ yuɖa Ishikaliwɔti ci yí vá sa Yesu. ²⁰ Yesu trɔva axwe mɛ. Amɛwo gbe lɔ ahwa va gbe lɔ ahwa va gbɔ́ ké, kaka kpɔ yi kodo yi nukplanviwo de gbe kpɔ vovo a ɖu enu kpetiio. ²¹ Ci yi yi xomumɛtɔwo se nɛnɛ ɔ wo je emɔ yí a vayi ʒin, jí a kplɔɛ. Ɖó ɔ, wowo nunuɔbe"É tɔ suku jeje!" ²² Ese dɔwatɔ ciwo yí so Jeluza lɛmu yí va hɔntɔxu lɔ nunuɔ be "Bɛlizebuli, gbɔngbɔnvɔnwo 'gá yí le Yesu mɛ! É yí ké na ŋsɛn yi yí é sɔ nyanya gbɔngbɔnvɔnwo." ²³ Eyí Yesu yɔ wo yí dó labalu nɔ́ wo be "Lé yí Legba a gbe nya yiŋtɔ do ɔ? ²⁴ Nɔ́ egbe de le eju nɔ 'fiɔɖuxu ɖé mɛtɔwo ɔ, efiɔɖuxu lɔ d'a sɛn eŋ li eke go. ²⁵ Nɛnɛke can nɔ axwe ɖé mɛtɔwo le evu wagɔ le wowonɔnɔwo mɛ ɔ, axwe lɔ yɛ can de linɔ eke go. ²⁶ Nɔ́ Legba le ahwa wagɔ kodo yiɖeki alo é má dó eve ɔ yi ŋsɛn d'a gbe li eke go; á vɔ ²⁷ Amɛɖe de li yí a yi ŋsu agbo 'xwe mɛ yí a vayi lɔ yi dokunuwo nɔ dé dóŋkɔ yí le ŋsu agbo lɔ yí bla go. Vɔ nɔ é blɛɛ ɖegbɔ ɔ a sɛ́n eŋ lɔ́ yi dɔkunuwo pleŋ dru fɛɛ. ²⁸ Le nyɔnɔnui mɛ ɔ, ŋ nunuɔ nɔ mí be: nɔ amɛɖe wa enuvɔn alo nɔ amɛɖe zu Mawu ɔ, wo a sɔ kii ²⁹ vɔ ɔ, nɔ amɛɖe zu gbɔngbɔn kɔkɔɛ ɔ wo d'à sɔ kii kpɔ gbeɖe go. Ɖó ɔ, enuvɔn ci yí de vɔnɔ gbeɖe go yí é wa" ³⁰ Yesu nu enyɔ hɔnwo nɔ́ wo. Ɖó ɔ, wo nunuɔ so nú be :"gbɔngbɔnvɔn yí le mɛ" ³¹ Yesu 'nɔlɔ kodo Yesu nɔviɛ ŋsuwo va ɖó hɔnɔ́. wo ci ete do ŋhenu yí dɔ amɛ ɖaɖɛɛ be yi le va. ³² Amɛ sugbɔ nɔ anyi nɔnɔ yí trɔ do Yesu godoglo gbɔxwe yí wo vá nú nii be "Enɔo kodo nɔviwo le ŋhenu yí jijiɛ wo a kpɔ́ eo." ³³ Eyi Yesu ɖoŋci be: "Miwo yi nyi enɔnyɛ kodo nɔvinyɛ wo ɔ ? ³⁴ Eyi é ɖe ekɔ kpɔ amɛ ciwo yí trɔdoi godoglo lɔwo yí nú be "Mí kpɔ ɖá! Amɛ ciwo yí nyi enɔnyɛ kodo nɔvinyɛ wo ge. ³⁵ Ɖó nɔ́́ amɛɖe wawa enu ci yí Mawu dro be wo le wa ɔ, amɛ lɔ yí nyi nɔvinyɛ ŋsu, nɔvinyɛ nyɔnu kodo enɔnyɛ."