¹ AZan ɖewo godu ɔ, Yesu trɔgbɔva kafanawɔmu juganmɛ. Ci yí amɛwo se be yi le axwe mɛ ɔ, ² wo vá bɔdo hɔn lɔ gbiŋ kaka kpɔ́ texwe de gbe le exɔmɔnu kpetii o. Eyi Yesu le Mawu 'nyɔ nuɔ nɔ wo ³ Amɛɖekawo hɛn ŋsu xokplɛ ɖeka gbɔgbɔ nii. Amɛ amɛnɛ le wowo domɛ yí ⁴ kɔkɔɛ.Vɔ ɔ, kpɔ́ wo de sɛ́n eŋhiin yi Yesu gbɔ go. Ɖó ɔ amɛwo su egbɔ le hɔn lɔ. Ci yi é le nɛnɛ ɔ wo lá exɔta yí kó exɔ lɔ dó fini ci yí Yesu le cucucu. Ci yí wo wɛ nɛnɛ ɖegbɔ ɔ wo vá kɔkɔ ŋsu xokplɛlɔ kodo eba ci ji yí é mlɔ keŋ yí sɔ́ɛ tó edu ci yí wo ŋwá lɔ mɛ yí sɔ́ ɖaɖa Yesu. ⁵ Ci yí Yesu kpó wowo xɔse ɔ, é nú nɔ́ ŋsu xokplɛ lɔ bé: "Evinyɛ, wo sɔ́ ao 'nuvɔnwo sɔ́ ke eo." ⁶ Esedɔwotɔ ɖeka ciwo yí nɔ anyinɔnɔ do hɔn lɔ tɔ susu ɖeɖe lewowoɖekiwo mɛ be: ⁷ "Enyɔ hin yí nyi hɔn yí ŋsu cɛ nunuɔ yí le Mawu zuɔ ɔ?" ⁸ Yesu nya susu ciwo yí esedɔwatɔ lɔwo ɖeɖeɛ zeɖeka le yiɖeki mɛ. Eyi é biɔ wo se be: "nyi yí jɔ yí mí le susu hɔn ɖeɔ? ⁹ Nɔ́ wo a nú nɔ ŋsu xokplɛ lɔ bé: "wo sɔ́ jao 'nuvɔnwo ke eo" alo só je ete, sɔ́ ao 'bà, a zɔn zɔnlin" ɖee; hin bɔbɔ sɔwuɔ? ¹⁰ Ɖee, ŋ ji be mí a nyá be Agbetɔvi lɔ ɖó acɛ yí a sɔ́ ennuvɔnwo ke amɛ le nyigban jí." Ci yí é nu nɛnɛ ɖegbɔ ɔ, énu nɔ ŋsu xoplɛ lɔ be: ¹¹ "só je ete, sɔ ao 'ba a yi axwe!" ¹² Zeɖeka vɔ, ŋsu lɔ só je ete le amɛshamɛ ŋmɛ yí sɔ́ yi 'ba yí ɖedo. É jí eŋ nɔ́ amɛ ciwo kpleŋ yí kpɔ́ɛ. Eyi wowo tɔ́ Mawu kanfukanfu bé: "Mì de kpɔ́ enu cɛ hanɖe le afiɖe kpɔ go!" ¹³ Yesu trɔyi Galile 'xu tú amɛwo shi eju yí va cɔin é le enu kplan wo. ¹⁴ Ci yí é zɔn vayigɔ ɔ, " kpɔ́ levi, Alufe eviɛ le anyinɔnɔ le tagajɔxu yí nú nii be : "kplɔ ŋ do!" E yi é so yí kplɔɛ do. ¹⁵ Ci yí wo va le enu ɖuɔ le ɖuɔ le levi 'xwe mɛ ɔ tagajɔtɔ sugbɔ kpdo enuvɔnwatɔ buwo dó alɔ agban mɛ kodo Yesu kodo yi nukplanviwo. Ɖó ɔ, wo su egbɔ yi kplɔ Yesu do. ¹⁶ Ci yi esedɔwatɔ ciwo yí nyí Falisitɔwo, kplɔ́ yí Yesu le enuɖuɔ kodo amɛ hɔnwo ɔ, wo biɔ yi nukplanviwo se be: "Nyi yí jɔ yí é le enu ɖuɔ kodo tagajɔtɔwo kodo enuvɔnwatɔ buwo ɔ? ¹⁷ Yesu se enyɔ ci yí wo biɔbiɔ yi nukplanviwo se yí ɖoŋci nɔ wo bé: "D'é nyi amɛ ciwo le nyuiɖe yí hián doto go, vɔ ɔ, edɔnɔwo yí hiin. D'é nyi amɛ ciwo yí bubu ɔ be yewo nyi amɛjɔjɔɛwo yɔ gbé ŋ vá go, vɔ ɔ, enuvɔnwatɔwo yɔ gbé ŋ va." ¹⁸ Gbeɖeka ɔ Ʒan ci yí wanɔ jinjindotɔmɛ Mawutɔ nukplanviwo kodo Falisitɔwo blabla enu. Eyi amɛwo vá biɔ Yesu se be: "Nyi yí na taɖo yí Ʒan nukplanviwo kodo Falisitɔwo nukplanviwo blanɔ enu yí ao tɔwo de blanɔ enu o ɔ? ¹⁹ Yesu ɖoŋci nɔ́ wo bé: "Nɔ wo jijiɛ a ɖe nyɔnu yí nyɔnuɖetɔ lɔ 'xlɔwo vá ɖee, amɛ lɔwo a sɛ́n eŋ bla enu, le gacimɛ yí nyɔnuɖetɔ lɔ kpɔtɔ le wo gbɔ a? gbeɖe wa a sɛ́n eŋ awɛɛ nɛnɛ go; á nyi ké nɔ é vá só le wo gbɔ yɔ. ²⁰ Vɔ ɔ, gamɛ li gbɔgbɔ yí woavá ɖe nyɔnuɖetɔ lɔ soi le wo mɛ; gbehɔngbe ɔ, wa a va tɔ enu blabla" ²¹ É gbe yi jí ké yí be: "Amɛɖe de sɔnɔ avɔ yoyu tanɔ xo xwi go ; nɔ́ wo wɛɛ nɛnɛ ɔ, yoyutɔ lɔ gbe nanɔ yi xoxwitɔ lɔ drɛnnɔ do jí sɔwu lehanci yí é le do sasa. ²² Ahanke yí amɛɖe de ɖɔnɔ vɛn ci yí tɔ́ shinshin do gbaza sakɔsu xoxwi mɛ go. Nɔ́ wɛɛ nɛnɛ ɔ, vɛn lɔ finɔ kaka yí a wó sakɔ xowi lɔ poo. Eyi sakɔsu lɔ can , vɛn lɔ can wo a gu amɛ. Vɔ ɔ vɛn ci yí tɔ́ shinshin ɔ gbaza sakɔsu yoyu mɛ yí wo kɔɛ ni do!" ²³ Gbeɖeka le gbɔngbɔngbe ɔ, Yesu to ebo ɖeka ciwo jí yí wo cán eliku dó yí vayigɔ. ²⁴ Eyi yi nukplanviwo tɔ́ jinuku lɔ sunsun tó emɔ tu yí yigɔ. Eyi Falisitɔwo nú nɔ́ Yesu be: "kpɔ́ enu ci yí ao nukplanviwo wawa enu ci yí mìwo 'sé de ɖe emɔ be wo a wa gbɔngbɔngbe o ɔ?" ²⁵ Yesu ɖoŋci nɔ́ wo be: "Mi hlɛn Davidi wa sasa, gacimɛ yi shive ciciɛ yiŋtɔ kodo amɛ ciwo yí kplɔɛ do, vɔ ɔ yi wo de kpɔ́ enu ɖe aɖu o kpɔ a? ²⁶ Gacimɛ yí Aiyata nyi avɔsatɔ gangantɔ ɔ, Davidi ɖó́ Mawuxwe mɛ yí ɖu kpɔnnɔ ciwo yí wo ná Mawu kaka yí gbe na amɛ ciwo yí kplɔɛ hɛnnɛ yí wo ɖu vɔ ɔ, avɔsatɔwo ɖekɛ yi ese ɖe emɔ nɔ́ be wo le ɖu kpɔnnɔ llɔwo." ²⁷ Yesu gbe nú nɔ́ wo be: " Mawu ɖó gbɔngbɔngbe lɔ nɔ́ agbetɔwo d'é ɖó agbetɔwo nɔ́ gbɔngbɔngbego. ²⁸ É yí ná taɖo ɔ agbetɔvi lɔ ŋtɔ yɛ ɔ, etɔ yɛ nyi nɔ gbɔngbe lɔ."