¹ Hwecinu yi Yesu ɖyi só eto lɔ jíɔ, amɛ lɔ ahwa yi kplɔɛ do. ² Eyi ekpotɔnɔ ɖeka tegogoi yi yi doŋdo nii yi nu nii be : "Axwetɔ, nɔ è lɔn ɔ a sɛn eŋ na yi gbazamɛ a kɔ nɔ eŋ." ³ Eyi Yesu do alɔ ɖaɖa gbɔ́ yí tɔ́ alɔ yi. Yí nú nii be: "ŋ lɔn, ao 'dɔ le mi nɔ eo." Eyi Zeɖeka vɔ, ekpo 'dɔ lɔ mí nɔ́ amɛ lɔ yí gbazamɛ kɔ nii petii. ⁴ Eyi Yesu nu nii be : "Ɖo eto a se nyuiɖe. ŋgbè va yi nu enu ci yi ŋ wa nɔ eo nɔ amɛɖe go. Gankegan ɔ, yì avɔsatɔ lɔ gbɔ keŋ asɔ woɖeki dansin nii yi agbe wa enunana shigbe lehanci yí Mɔyizi nui dó daɖɛ nɛnɛ. E yí anyí kunuɖeɖe nɔ amɛwo be sdɔ lɔ mí nɔ́ eo." ⁵ Hwecinu yi Yesu ɖodoɔ kafanawɔmu kɔxwimɛ ɔ, sɔjakavehowiga ɖeka tegogoi yí biɔ́ kpedonu yi ⁶ be : " Axwetɔ anyi 'dɔwavi kplibɔ yi le anyimlɔxwe le axomɛ yí le vevi seɛ sugbɔ." ⁷ Eyi Yesu nu nii be : "Enyɛ ɔ, na yi da edɔ nii." ⁸ Vɔ ɔ, sɔjakavehowiga lɔ nú nii be : "Axwetɔ ŋ de je yi à vá nyaŋ 'xomɛ go. Vɔ ɔ, nu enyɔ ɖeka kpoŋ nɔ edɔ lɔ a mí nɔ nyaŋ 'dɔwavi lɔ. ⁹ Ɖó enyɛŋtɔ, mɛgan buwo 'cɛkpakpa gɔnmɛ yi ŋ le sɔja ɖewo le gɔnmɛ nɔ ŋ Hɛnnɛ. Nɔ́ ŋ nu nɔ́ eɖe be: " yí" ɔ, é yi nɔ. Nɔ́ ŋ nu nɔ́ ebu be: "và" ɔ, é va nɔ yi nɔ ŋ nu nɔ nyaŋ 'dɔwavi be "wà enu cɛ han" ɔ, e wɛɛni." ¹⁰ Cí yí Yesu se enyɔ cɛwo ɔ, é kpacɛɛ yí enu nɔ amɛ ciwo yí kplɛdo be : "Le nyɔnɔnvi mɛ ɔ, ŋ nunuɔ nɔ mí be, ŋ de kpɔ amɛ yi e ɖo xose cɛ han le Israyɛli go ¹¹ ŋ nunu ɔ nɔ mí be amɛ su gbɔ a só ewezexu kodo eweɖoxɔxu age yi a va ɖu enu le jiŋkushi mɛ ' fiɔɖuxu lɔ mɛ kodo Ablahamu, Izaki kodo Ʒakɔbu. ¹² Vɔ yí wo a nya amɛ ciwo yí ɖó a yi jiŋkushi 'fiɔɖuxu lɔ mɛ sasa ɖaɖa vivici mɛ le xexenu, fini ci yi amɛ lɔwo a le avin faan le yi a le aɖukliɖuɔ le." ¹³ Yesu va nu nɔ sɔjakavehowiga lɔ bé: "Trɔ́ yi axwomɛ. Enu ci yi é biɔ kodo xɔse ɔ, Mawu sɔɛ na eo." Eyi gahɔnmɛ cucucu vɔ, edɔ lɔ mí nɔ edɔwavi lɔ. ¹⁴ Yesu yi simɔ 'xwomɛ yí kpɔ vuvɔfu wawa simɔ ashiɛnɔ yi é mlɛ anyi. ¹⁵ Eyi Yesu le alɔ nii yi vuvɔfu lɔ mí nii yi é shi ete yi xɔ wo mɛdru. ¹⁶ Fiɛshimɛ ɔ wo kplɔ amɛ sugbɔ ciwo yí gbɔngbɔnvɔnwo dodoɔ aya nɔ va Yesu gbɔ. Eyi é ɖe egbe do gbɔngbɔnvɔn lɔwo jí yi wo shi. É gbe edɔ nɔ edɔnɔwo pleŋ hɛnnɛ. ¹⁷ Nɛnɛ yi enyɔ ci yi Mawu nú sɔto yi 'ŋɛdotɔ Ezai ji bé: " E xɔ míwo 'dɔlelewo kodo gbɔjɔgbɔjɔwo so hɛnyi" va jɔ do nɛ ¹⁸ Ci yí Yesu kpɔ ahwa ci yí trɔ di lɔ ɔ, É ɖe egbe nɔ yi nu kplanviwo be yewo a yi ago ɖitɔ lɔ ji. ¹⁹ Eyi esefɔwatɔ ɖeka te gogoi yí nu nii be " Cicagan, afiɖekpokpoi ci yí a yi ɔ, na kplɔnɔ eo do." ²⁰ Yesu ɖo ŋci nii bé: "Wataklɛwo ku eduwo ɖɛ yi xeviwo ɖo atɔwo ɖɛ yi nɔnɔ mɛ. Vɔ Agbetɔvi lɔ yɛ de wa afiɖe yi sɔnɔ eta danɔ do go." ²¹ Eyi yi nu kplanviwo domɛ tɔ ɖeka nu nii bé : "Axwetɔ ɖè emɔ nɔ́ ŋ nɔ ma yi ɖyi edamnyɛ gbɔxwe." ²² Yesu ɖó ŋci nii be: " kplɔ ŋ do yi a tashi amɛ kukuwo nɔ wo a ɖyi wowo 'mɛkukuwo." ²³ Yesu ɖo etɔjihugangan lɔ mɛ yí yi nukplanviwo kplɔɛ do. ²⁴ Eyi zeɖeka vɔ ɔ, aya gangan ɖeka tɔ xoxo le axu lɔ ji yí axwu lɔ tɔ adan wawa yí axwuxhi lɔ blabla yígbangban do etɔjinhigangan lɔ mɛ. Vɔ ɔ, Yesu le alɔn dɔɔn. ²⁵ Nukplanviwo te gogoi yí́ ƒɔin yí nú nii be "Axwetɔ, xɔ nɔ mì mì jiji a vɔ." ²⁶ Yesu biɔ wo se bé: "Nyi yí mí vɔnvɔn nɔ ahanɔ? Mí gbe xɔsemado ge a!" CI yi é nu nɛnɛ nɔ wo ɖegbɔ ɔ, e shite yí ɖe egbe do ayaxoxo gangan lɔ kodo axushi lɔ jí yiwo ɖo ete. ²⁷ Enu lɔ jí eŋ nɔ́ wo sugbɔ yi wo biɔ biɔ wowo ɖekiwo se be: " Mí ŋmɛ yí nyí amɛ cɛ yí ayaxoxo ganganwo kodo axushi seseɛ egbe nii ɔ? ²⁸ Ci yí Yesu va ɖó Galile 'xu lɔ godu le Ʒelaza 'kan mɛ, le gadalatɔwo 'ju mɛ ɔ, ŋsu amɛve ɖeka ciwo yí gbɔngbɔnvɔn ɖeɖeɛ eƒun nɔ, tó le amɖyixu lɔ tɔxu yí vá dó ego yi. Wo nɔnɔ adan ji kak kpɔ́ amɛde de gbenɔ edɔn yí tonɔ wo gbɔ yí vayinɔ go ²⁹ ŋsu lɔwo to axwa dodo yɔɛ be: "nyí é jijiɛ a wa kodo mì ɔ, Mawu eviɛ? È va elɛ a yí a va do gbazavi nɔ́ mí gbɔxwe nɔ́ ega lɔ a va xó yɔ a?" ³⁰ Le axa nɔ wo ahan ɔ, eha sugbɔ ɖewo ɖuɖuɔ enu. ³¹ GBɔngbɔnvɔn lɔwo ɖeɖe kukuɛ nɔ́ Yesu be: "nɔ é jí be ye a nyà mì ɔ, nyà mì ɖaɖa eha lɔwo mɛ." ³² Eyi Yesu nunɔ wo be: " mí yi." Eyi wo tó yí vayi ɖó eha lɔwo mɛ. Zeɖeka vɔ ɔ, eha lɔwo shi eju só etó lɔ balimɛ hwlihwlihwli yí je axu lɔ mɛ yí ku ³³ Amɛ ciwo yi kplɔ eha lɔwo và enuɖugbe shi yí vayi kankan enyɔ lɔ pleŋ nɔ́ amɛwo lé 'jugan lɔ mɛ. Wo nú enu ci yí jɔ dó amɛve lɔwo jí hɛnnɛ. ³⁴ Eyi 'jigan lɔ mɛ tɔwo pldeŋ tó yí vá do ego Yesu yí ɖe kuku nii be yi lé só lé yewo nyigban jí.