¹ Mí ŋgbe ɖo kojo amɛɖe nɔ́ Mawu a ɖó kojo gpo. ² Ɖó lehanci yí mí ɖo kojo kodo míwo nɔviwo dó ɔ, nɛnɛ lɔ ke yí Mawu a ɖo kojo kodo míwo can do nɛ. Enudrenu ci yi mí sɔ dre enu nɔ amɛ ɔ, eyi ke wo a gbe drii nɔ míwo can. ³ Nyi yí jɔ taɖo yí è kpɔkpɔ egbejɔɛ le ŋkuvi mɛ nɔ nɔviwo yi de kpɔkpɔ acikpu ci yi le aotɔ mɛ o ɔ? ⁴ Lehan yí é wɛɛ yi à nu nɔ nɔvio be: kaflaa " Ma ɖe egbe juɛ le ŋkuvi mɛ nɔ eo gankegan yí acikpu a le tɔo mɛ do ɔ? ⁵ Ayemɛnuwatɔ, ɖè acikpu le ao ŋkuvi mɛ doŋkɔ. Gahɔnmɛ ɔ, nà kpɔ enu nyuiɖe yí a ɖe egbejɔɛ le ŋkuvi mɛ nɔ nɔviwo. ⁶ Mí ŋgbe sɔ enu ci yí nyí enu kɔkɔɛ nɔ avuwo nɔ́ wo a vá trɔ kpe mí yí a drɛ́n mí ɖu o. Mí ŋgbe sɔ jenu nyuiwo danŋkpɛn do ŋkɔ nɔ ehawo nɔ wo a va sɔ́ aƒɔ gbiji wo o?" ⁷ "Mí biɔ enu nɔ́ wo a ná mí. Mí ji enu yi a kpɔ. MÍ xo ehɔn nɔ́ wo a huin nɔ mí. ⁸ Ɖó amɛ ci yí biɔ enu ɔ, eyi wo na nɔ yí amɛ ci yi ji enu ɔ, eyi kpɔɛni yí amɛ ci yí xo ehɔn ɔ, eyi wohuiini nɔ. ⁹ Mí yí le míwo domɛ yí nɔ eviɛ biɔ kpɔnnɔ yi, á na ekpe yi ɔ,? ¹⁰ Alo nɔ é biɔ́ kpavi yi ɔ, á na edan yi ɔ? ¹¹ Nɔ míwo ciwo yí nyi amɛvɔnwo nya lehanci yí wo nanɔ enunyuiwo evi do ɖɛ ɖe, lé á wɛɛ doyí míwo 'da ci yí le jeŋkushi mɛ d'a nyá enunyuiwo nana amɛ ciwo biɔɛni do o ɔ? Á ná wo sugbɔ sɔwu míwo a! ¹² Enu ciwo pleŋ mí jinɔ bé amɛwo le wa nɔ yewo ɔ, míwo can mí wanɔ wo nɔ wo: Enyɔ ci yí ese ciwo yí Mawu sɔ tó Mɔyizi ji kodo Mawu 'ŋɛdotɔwo wemawo nu nɛ." ¹³ "Mí to agbo hwɛvi tɔ lɔ nú a ɖo mɛ. Ɖó agbo ci nu yí wo tó yí yinɔ trɔntrɔn mɛ gangan yí yi 'mɔ keke. Amɛ sugbɔ yí to toɔ ehɔntɔxu. ¹⁴ Vɔ ɔ, xɔmɔnu ci yí wo tó yi kpɔnɔ agbe hwe yí yi 'mɔ ján. Amɛ ciwo yí kpɔnɔ emɔ nɛnɛtɔ de su egbɔ go." ¹⁵ "Mi kpɔ nyuiɖe le amɛ ciwo yí kannɔ ŋsú bé yewo nyí Mawu 'ŋɛdotɔwo nú. Wo sɔnɔ lɛngbɔvi nɔnɔmɛ yí vanɔ mí gbɔ gankegan le nyɔnɔnui mɛ ɔ, wo nyi elan lenu ganganwo. ¹⁶ Mí a jeshi wo sɔto wowo 'nuwawawo mɛ. Amɛ ɖe de gbɛnnɔ Hlɛzɛn le ŋjawo mɛ go yí amɛɖe de gbɛnnɔ Figi le ¹⁷ kpɔƒunŋjawo mɛ o.Aci 'nyui ɔ, eku nyuiwo yí é sɛnnɔ yí aci manyɔ manyɔ ɔ, eku gblegblewo yí é sɛnnɔ. ¹⁸ Aci 'nyui d'a sɛ́n eŋ sɛ́n eku gblegble o yí aci manyɔmanyɔ d'a sɛ́n eŋ sɛ́n eku nyui o. ¹⁹ Aci ci yí de sɛnnɔ eku 'nyui o ɔ, so wo soini yí sɔ dannɔŋkpɛn dó ezo mɛ. ²⁰ Nɛnɛ yí mí a jeshi wo sɔ tó wowo 'nuwawawo mɛ do nɛ." ²¹ "D'é nyi amɛshamɛ ci yí yɔnɔ ŋ bé " Axwetɔ, axwetɔ" yí a yi jikushi mɛ 'fiɔɖuxu lɔ mɛ go. Vɔ ɔ, amɛ ciwo keŋkeŋ yí wawa do edanyɛ ci yí le jiŋkushi mɛ 'drowo ji yí a yi. ²² Kojoɖogbe ɔ, amɛ sugbɔ a nunuɔ nɔ ŋ be "Axwetɔ axwetɔ, de nyí ao nyikɔ mɛ yí mì nyí Mawu 'ŋɛdotɔ lé bá? De nyí ao nyikɔ mɛ yí mì nyá gbɔngbɔnvɔnwo le bá yí de nyí ao nyikɔ mɛ yí mì wa jeshidu sugbɔ le bá?" ²³ Eyi ma ɖoŋci nɔ wo bé: " ŋ de jeshi mí ɖɛ o. Mí bu le ŋmɛ nɔ ŋ ɖaa, ḿwo enuvɔnwatɔwo!"". ²⁴ " Nɛnɛ, nɔ́ amɛɖe sé enyɔ ciwo yí ŋ nu vayi viɛ wawa do wo jí ɔ amɛ lɔ a ɖyi ŋsu ŋununyatɔ ɖeka ci yí cu yí 'we do ekpegbaja ji. ²⁵ Eshi janɔ yí etɔwo yí jehɔnwo xonɔ yí lɔnɔ axwe lɔ gankegan yí axwe lɔ de jɔin o, Ɖó ɔ, wo ɖó axwe lɔ 'nyiɖuiwowo dó ekpegbaja ji. ²⁶ Vɔ ɔ, amɛɖekapokpoi ci yí se enyɔ ci yí ŋ nu vayi lɔwo yi de wawa do wo ji ɔ, á ɖyi exlunɔ ci yí cu yi 'xwe dó ekɔwɔ jí. ²⁷ Eshi jaja yí etɔwo ɖɔɖɔ yí ayawo xoxoɔ yí lɔlɔ axwe lɔ yí é jɔin yí gbán hannya hannya" ²⁸ Ci yí Yesu ɖegbɔ enukplanmɛ 'nyɔ cɛwo ɔ lehanci yí é klan enu lɔ wo dó jí eŋ nɔ́ amɛwo. ²⁹ Ɖó d'é kplinkpliɛ shigbe esedɔwatɔ ɛnɛ o. Vɔ ɔ, é kplinkpliɛ kodo acɛ.