¹ Nyidin kucukucu ɔ, avɔsatɔ gangan tɔwo pleŋ kodo Yuɖatɔwo mɛganwo dó ego yí bɔ sɔ gbeta be yewo a wu ² Yesu.Wo dɔ yí wo blɛɛ yi kplɔɛ yi nɔ ekanjikpɔtɔ, Pilati. ³ Ci yi Yuɖa, amɛ ci yi sa Yesu se be wo so ekuhwɛ nii ɔ, é wa ɖeka nii yi é nu be nɔ ye nya sasa ɔ, ye d'a wa nɛnɛ go yi sɔgajɔnho egan lɔwo yi jo nɔ avɔsatɔwo 'gawo kodo Mɛganwo ⁴ yi nu nɔ wo be: "ŋ je agɔ. Ŋ sɔ xomɛvunɔ sa yí wo a wu!" Eyi wowo ɖoŋci nii be "Enyɔ hɔn de kan mìwo. Ao 'nyɔ yí ye nyi!" ⁵ Gahɔnmɛ ɔ, Yuɖa sɔ eho lɔ kɔ ŋgbe do Mawuxwe lɔ mɛ yí tó yi vayi do eka eve. ⁶ Avɔsatɔwo 'ga lɔwo lɔ eho lɔwo yí nu be: "Mìwo 'sé de ɖe emɔ be wo a sɔ eho hɔn kɔdo Mawuxwe 'howo mɛ go. Ɖo ɔ, amɛ 'hun kɔdoanyi 'ho yí é nyi." ⁷ Ci yí wo nui yí xɔ egbe do ji wo sɔ eho lɔ xwle agble le eƷemɛ tɔ ɖeka shi. yí sɔ ɖo mɛdruwoɖyixu. ⁸ É yi na taɖo yi wo yɔnɔ agble lɔ egbɛegbɛ yɛ be amɛ 'hun kɔ doanyi 'gble. ^{9 10} Nɛnɛ han ɔ, enyɔ ci yi Mawu 'ŋɛdotɔ Ʒelemi nu be : " wo sɔ gajɔnho egban xwle agble le ezemɛtɔ ɖeka shi Eho hɔn yí Israyɛliviwo kpɔ be yewo a sɔ xwlii nɛ" jɔ shigbe lehanci yi Mawu nui do daɖɛ nɛnɛ. ¹¹ Wo kplɔ Yesu yi ekanjikpɔtɔ, Pilati gbɔ yí e biɔɛ se be: "Eo yi nyi yuɖatɔwo 'fiɔ a? " Yesu ɖoŋci nii be: "Eo yi nui." ¹² Vɔ ci yi avɔsatɔwo 'gawo kodo mɛganwo va dodoɔ ehwɛ nii ɔ, d'é ɖoŋci go. ¹³ Eyi Pilati biɔɛ se be: "D'é se ehwɛ ciwo pleŋ yi wo dodoɔ nɔ eo ba?" ¹⁴ Vɔ kpɔ Yesu de ɖó enyɔ ɖe ŋci nɔ ekanjikpɔtɔ Pilati go. Lehanci yí é bɔ nu do jí eŋ nii sugbɔ ¹⁵ Exwekpekpe ɖeka ɖúú, nɔ́ wo le Adadodoamɛxwe ɖuɔ ɔ, ekanjikpɔtɔ jonɔ gakpamɛtɔ ɖeka. Gakpamɛtɔ ci yí ahwakɔn lɔ ji be yi lé jó ɔ, é yí é jonɔ. ¹⁶ Gakpamɛtɔ ɖekaci yí nyikɔ yi eji nɔ yí wo yɔnɔ be Balabasi li hwehɔnnu. ¹⁷ Eyi Pilati biɔ ahwa ci yi bɔdohɔntɔxu lɔ xe be : "Mi mí ji be enyɛ lé jó nɔ yewo le Balabasi kodo Yesu ci wo yɔnɔ bé Kliso mɛ ɔ?" ¹⁸ Ɖó ɔ, é nyá be eŋ yí wo hwan hwan Yesu yí kplɔɛ vɛɛ nɔ́ eye. ¹⁹ Gacimɛ yi Pilati le ehwɛxɔnu ɔ, ashiɛ do eŋɛ ɖaɖɛ be yi ŋgbe wa enuɖe kodo ŋsu jɔjɔɛ hɔn go. Ɖó ezan cɛ mɛ ɔ, ye se vevi Sugbɔ le édrɔ mɛ do eta nii. ²⁰ Avɔsatɔwo 'gawo kodo mɛganwo yí wɛɛwɛɛ kaka yí ahwakɔn lɔ xɔ egbe do wowo 'nyɔ ji yi biɔ Pilati be yi le jo Balabasi nɔ yewo yí a wu Yesu. ²¹ Ekanjikpɔtɔ lɔ gbe biɔ wo se be : "Mi mí ji le wo amɛve lɔwo mɛ be enyɛ lé jó nɔ́ yewo ɔ? wo ɖoŋci nii be: "Balabasi." ²² E yi Pilati va biɔ wo se be: "ci yi é lé ahan ɖee, nyi yí na wa kodo Yesu ci yí wo yɔnɔ be Kliso yɛ ɔ?" Wo pleŋ ɖoŋci nii be: "kin dó acisoga ji!" ²³ Pilati biɔ wo se be : "ehwɛ hinyí è wu ɔ?" Vɔ ɔ, wo tɔ́ axwa dodo kodo ŋsɛn be: "kin dó acisaga ji!" ²⁴ Ci yi Pilati va kpɔ be wo de jijiɛ ase yetɔyego yi huinyahuinya lɔ gbe ɖyiɖyiɛ do ji ɔ, é sɔ́ eshi yí klɔ́ alɔwo le ŋmɛ nɔ ahwakɔnlɔ yí nu be: ŋ de le ŋsu cɛ wuwu 'nyɔ mɛ kodo mí go míwo 'nyɔ é nyi!" ²⁵ Eyi ahwakɔn lɔ pleŋ ɖoŋci nii be: "Mi xɔ egbe be míwo kodo míwo 'viwo yí ŋsu lɔ 'kú a nɔ ekɔ nɔ!" ²⁶ Gahɔnmɛ ɔ, Pilati jo Balabasi yi dɔ yi wo do lanba nɔ Yesu keŋ yi sɔ́ doashi nɔ sɔjawo nɔ wo akin dó acisogaji. ²⁷ Pilati sɔjawo kplɔ Yesu yi ekanjikpɔtɔ 'xwé mɛ yí ahwakɔn lɔ pleŋ trɔdoi ²⁸ wo ɖe awuwo le nu yí sɔ awu ejɔn vlaya ɖeka do nii ²⁹ yí sɔ ŋja lɔn efiɔkuku yí sɔ cɔn nii keŋ yi sɔ klogbuci ɖeka do ɖushimɛ 'lɔ nu nií. Wo je ekloji do egbe nɔ eo Yuɖatɔwo 'fiɔ." ³⁰ Wo cucu etan kɔdo nu yi xɔ Klobuci lɔ le shí yí sɔ xoxoɔ eta nii. ³¹ Ci yi wo gbali Yesu nyuiɖe ɖegbɔ ɔ, wo ɖe awu ejɔn vlaya lɔ le nu yi gbe sɔ yiŋtɔ 'wuwo do nii yi kplɔɛ a yi kan do acisoga ji. ³² Ci yí sɔja lɔwo to le jugan lɔmɛ yí yigɔ ɔ, wo do ego silɛnutɔ ɖeka ciwo yɔnɔ be simɔ. Wo Ʒiin ji be yí le dro acisaga ci ji wo jiji akan Yesu do lɔ. ³³ Wo vayi ɖo afi ɖeka ci yí wo yonɔ be Gɔlugota cigomɛ yí nyi kpɔ be " texwe ci yí nɔnɔmɛ shigbe agbetɔ taxu han nɛnɛ." ³⁴ Wo sɔ vɛn ci yí yí wo cakodo enu veve ɖeka yi sɔ na Yesu be yi le nú. Yesu tɛɛ kpɔ yí gbe be ye d'à nui go. ³⁵ Eyi wo kiin do acisaga ji yí va dre enu kpɔ só yi 'wuwo nú, kpɔ be hiin yí amɛɖeka, amɛɖeka a xɔ mɛ yí sɔ wo má ³⁶ le yi godu ɔ, wo nɔ anyinɔnɔ do ehɔn yí tɔ cɔcɔɛ ³⁷ wo ŋwlɛ enu ci yí taɖo yí so ekuhwɛ nii dó kpakovi ɖeka ji be: "Amɛ cɛ nyi; Yesu Yuɖatɔwo 'fiɔ." ³⁸ Wo kan flanfinɔ gangan amɛve ɖekawo do acisoga jí dó axa nɔ yesu. Flafinɔ ɖeka le yi ɖushi mɛ yí evetɔ le yi miɔmɛ. ³⁹ Amɛ ciwo yí tó ehɔ yi va yi gɔ hunhun eta yí sɔ zuzu Yesu ⁴⁰ Wo nunu nii be: "wo ci yí nunu be ye a gban mawuxwelɔ yí a gbe cu ebu le ŋkeke amɛtɔn, nɔ é nyi Mawu eviɛ ɔ, hwlɛn woɖeki gan yi a ɖyi le acisoga lɔ ji!" ⁴¹ Avɔsatɔ gangantɔwo kodo ese dɔwatɔwo kodo mɛganwo can gbagbalii yi nunuɔ be: ⁴² "é hwlɛn amɛwo gan vɔ kpɔ d'é sɛn eŋ hwlɛn yiɖeki gan go. Israyɛli 'fiɔ yɔ! Ecɛyɛ ɔ, le ɖyi le acisoga lɔ ji nɔ mì a kpɔ yí a kandoji. ⁴³ É kando Mawu ji yí nú be ye nyi mawu eviɛ. Nɔ mawu lɔin ɔ, le hwlii gan viɛ!" ⁴⁴ Kaka flanfinɔ gangan ciwo yí wo kan do axajiwo nii can zuizuiɛ nɛnɛ. ⁴⁵ So gawive kak va kɔdo gatɔn mɛ ɔ, vivici do le eju lɔ pleŋ mɛ ⁴⁶ Eyi le gatɔn mɛ han vɔ, yesu dó axwa cicici yí nú be: éEli, Eli lama sabakitani?" ci gɔnmɛ yí nyi be: "nyaŋ Mawu, nyaŋ mawu nyi yí jɔ yí egbe ŋ ɖɛ ɔ?" ⁴⁷ Ci yí amɛ ciwo yí le hɔntɔnxu lɔ domɛtɔ ɖekawo se enyɔ ci yí é nu lɔ ɔ, wo nu be wo le se lehanci yi yi be yɔyɔ Eli do ɖà. ⁴⁸ Eyi amɛɖeka shi eju le wo mɛ yí vayi sɔ kocan ʒin do vɛn kpayɔ mɛ yí sɔ trɔn aci nu yì doi ɖaɖa yesu gbɔ be yí le nu. ⁴⁹ Vɔ ɔ, amɛ kpɛtɛwo nu nɔ eyɛ be: "Nɔ́ ete nɔ mi a kpɔ be Eli a va hwliin gan mɛ!" ⁵⁰ Vɔ ɔ, Yesu gbe dó axwa cicici yí sɔ yi gbɔngbɔn jó ⁵¹ Gahɔnmɛ yí avɔ ci yí wo só Mawuxwe lɔ mɛ drɛn do amɛve só eji kaka va kɔdó gɔnmɛ yí nyigban hunhun yí ekpe gbajawo gban. ⁵² Yɔduwo hun yí xɔsetɔ ciwo yi ku sasa ŋcilan fɔn ⁵³ yí tó le yɔduwo mɛ yí gacimɛ yí Yesu fɔn só ekuwo di ɔ, wo yiʒeluzalɛmu, jugan kɔkɔɛ lɔ mɛ yí amɛ sugbɔ kpɔ́ wo. ⁵⁴ Ci yi sojakavehowiga kodo soja ciwo yí cɔcɔj Yesu kodoi kpɔ lehanci yí nyigban hunhun dó kodo enu ciwo pleŋ yí jɔ ɔ, vɔnvɔn ɖówo, yí é nyi sasa nyao!" ⁵⁵ Nyɔnu le azɔge le hɔntɔxu lɔ yí kpɔkpɔ Yesu ɖaɖa. Wo kpɔ Yesu do so galile 'kan mɛ yí kpenɔ donu ⁵⁶ Mali Magidalatɔ kodo mali ci yi nyi Ʒaki kodo Ʒozɛfu 'nɔlɔ sɔ kpenɔ Zebzde eviɛwo 'nɔlɔ le wo mɛ hɛnnɛ. ⁵⁷ Ci yi ezan doɔ, ŋsu ehotɔnɔ ɖeka ci yí só Alimate kɔxwimɛ va kɔɖɛ. Wo yɔɛni be Ʒozɛfu yí yɛ can nyi Yesu nukplanvi ⁵⁸ É vayi kpɔ Pilati be yí le tashi Yesu 'cɔ nɔ eye nɔ ye a vayi ɖyii. Pilati ɖe egbe be wo le sɔ jo nii. ⁵⁹ Eyi Ʒozɛfu sɔ gag eɣi pepepe ɖeka dó ecɔ lɔ ⁶⁰ Yí vayi ɖyii do yɔdu ci yí é dɔ yí ku nii majijiɖe viɛ do ekpe gbaja ɖeka mɛ yí bli ekpe gangan ɖeka cu enu nii yí só. ⁶¹ Mali Magidalatɔ kodo Mali ɖitɔ lɔ nɔ anyinɔnɔ kpanŋkɔ lɔ. ⁶² Ci yí wo drɔ ezan nɔ gbɔngbɔn gbe, i ŋkegbuɔ, avɔsatɔwo 'gawo kodo Falisitɔwo yi Pilati gbɔ yí vayi nu nii be: ⁶³ "Megabn mì ɖó eŋui be gacimɛ yí ŋsukantɔ hɔn le agbe ɔ, é nu be: nɔ ye ku yi nyisɔmɛ ɔ, ye a fɔn só ekuwo di ⁶⁴ È yí ná taɖo ɔ ɖè egbe nɔ wo a cɔcɔ yɔdu lɔ kaka axɔ nyisɔ, nɔ yi nukplanviwo ŋgbe va fin cɔ lɔ yí fɔn só ekuwo di go. Ŋsukankan cɛ yɛ ave sɔwu ŋkɔtɔ. ⁶⁵ Pilati nu nɔ wobe : "soja ciwo yí a cɔ yɔdu lɔ ge. Mí vayi cɔ yɔdu lɔ shigbe lehanci yí mí dro do nɛnɛ." ⁶⁶ Eyi wo só yí vayi tó lehanci yí wo a cɔ yɔdu lɔ do yí sɔ enu tre ekpe ci yí wo sɔ cu yɔdu lɔ nu yí ɖo sɔjawo do hɔntɔxu lɔ nɔ wo a cɔcɔɛ.