¹ "Jiŋkushi 'fiɔɖuxu lɔ le shigbe enu ci yí jɔ hwecinu yí nyɔnuvi amɛwo ɖekawo sɔ́ wowo kaligban yí a vayi do ego nyɔnuɖetɔ nɛnɛ. ² Aye le ete nɔ nyɔnuvi amatɔn le amɛ lɔwo domɛ yí amatɔn nyí exlunɔ. ³ Nyɔnuvi Ciwo yí nyi exlunɔ sɔ wowo kaligbanwo. Vɔ kpɔ́ wo de hɛn ami do egu viwo mɛ kpenɔ wowo kaligbanwo go. ⁴ Nyɔnuvi ciwo yí aye le ete nɔ hɛn ami do eguviwo mɛ bɔdo wowo kaligban nú. ⁵ Nyɔnuɖetɔ lɔ de vá vá kaba go yí alɔn sɔ wo yí wo dɔ́n alɔn. ⁶ Le ezandomɛ shigbe ezangawive han nɛnɛ ɔ, amɛɖeka vá tɔ́ axwa dodo be nyɔnuɖetɔ lɔ ge gbɔgbɔ ge. Wo le tó a yi do ego yi ⁷ Gahɔnmɛ ɔ, nyɔnuvi lɔwo fɔ́n zeɖeka yí ná eka nɔ wowo kaligbanwo. ⁸ Eyi nyɔnuvi exlunɔ lɔwo nú nɔ́ nyɔnuvi ayeletenɔtɔwo bé : "Mí na ami kankin mì, dó mìwo kaligbnwo tɔ́ cici" ⁹ Ayeletenɔtɔ lɔwo ɖoŋci nɔ́ wo bé: "Gbeɖe, nɔ mì nà ami miɔ, ci yí a kpɔtɔ nɔ mì d'a va sun nɔ mí go. Nɔ́ mí a wɛɛ nyuiɖe ɔ, mí yi amisatɔwo gbɔ a yi je" C ¹⁰ Ci yí wo yi ami lɔ jegbe ɔ, nyɔnuɖetɔ lɔ vá ɖó yí ayeletenɔtɔ amɛ ciwo yí le egbesɔsɔ ɖo nyɔnuɖexu lɔ kodoi yí wo glá ehɔn lɔ. ¹¹ Le i godu ɔ, nyɔnuvi exlunɔ lɔwo vá gbɔ yí vá tɔ́ axwa dodo yɔ́ ega lɔ be "Mɛgan, mɛgan hun ehɔn nɔ mì" ¹² Vɔ ɔ, nyɔnuɖetɔ lɔ ɖoŋci nɔ́ wo be " Le nyɔnɔnui mɛ ɔ, ŋ nunuɔ nɔ mí be ŋ de jeshi mi go." ¹³ É yí ná taɖo ɔ, mí nɔ ŋzɔn hweɖekpokpoinu, ɖó mí de nyá ŋkeke lɔ alo egaxoxo lɔ go." ¹⁴ Yesu nu beé: "Á le shigbe ŋsu ɖeka yí jijiɛ a yi emo jí yí yɔ́ yi 'dɔwaviwo yí sɔ́ yi dɔkunuwo dó amlɔmɛ nɔ wo nnɛɛ. ¹⁵ Ŋsu lɔ nyá enu ci yi edɔwavi ɖeka ɖeka a sɛ́n eŋ wa. Eyi é sɔ shikaho sanŋdiatɔn(500) ná ɖeka yí sɔ san ŋdive na ebu yí gbe sɔ sanŋdive ná ebu ke. ¹⁶ Ci yí ŋsu lɔ yí emɔ lɔ ji ɔ, edɔwavi ci yí é sɔ shikaho sanŋditatɔn (500) na lɔ vayi trɔ ashi so eho lɔ nu Zeɖeka yí kpɔ shikaho sanŋdiatɔn do jí. ¹⁷ Nɛnɛ lɔ ke yí amɛ ci yí xɔ sanŋdive trɔ ashi só yi tɔ nu yí kpɔ sanŋdive do jí nɛ. ¹⁸ Vɔ ɔ, amɛ amɛtɔntɔ ci yí xɔ shikaho sanŋdiɖeka vayi ɖe edu dó nyigban yí sɔ yi 'ga 'ho lɔ wla dó mɛ. ¹⁹ Ci yí edɔwavi lɔwo 'ga xɔ azan sugbɔ le emɔ lɔ ji yí trɔ gbɔ ɔ, é vá wa kɔnŋta kodo wo. ²⁰ Edɔwavi ci yí xɔ shikaho sanŋdi hɛn shikaho sandiatɔn bu vá yí nú nɔ yi 'ga be: "Mɛgan; ci yí é sɔ shikaho sanŋdiatɔn ná ŋ ɔ, ŋ kpɔ́ sanŋdiatɔn dó jí. wo ge." ²¹ Eyi eji jɔ yi 'ga yí é nú nii bé: "édɔwavi adodui cí jí yí wo a kan dó é nyi. Enu hwɛvi hɔn yí ŋ sɔ do alɔ mɛ nɔ eo yí é ziin nyuiɖe nɛnɛ. Na sɔgbɔ dó alɔ mɛ nɔ eo. vá kpɔ jijɔ kodo ŋ." ²² Edɔwavi ci yi xɔ shikaho sanŋdive can va nú nɔ́ yi 'ga be: "Megan, ci yí é sɔ sanŋdive nɔ ŋ ɔ, kpɔ sanŋdive dó ji. wo ge." ²³ Eyi eji jɔ yi 'ga yi é nu nii bé: "edɔwovi adodui ci jí yi wo a kan do é nyi enu hwɛvi hɔn yí sɔ do alɔ mɛ nɔ eo. yí é ziin nyuiɖe nɛnɛ. Na sɔ enu sugbɔ do alɔ mɛ eo. Vá kpɔ́ jijɔ kodo ŋ" ²⁴ Edɔwavi ci yí xɔ shikaho sanŋdiɖeka can va nu nɔ yi 'ga be: "Mɛgan, ŋ nyá be ao nyɔ de fanɔ go. E cannɔ jinuku le fini ci yí d'é do jinuku do go, yí bɔnɔ jinuku le fini ci yí d'é hlɛ́n jinuku dó go. ²⁵ Ŋ vɔn nɔ́ eo. É yí ná taɖo yi ŋ ku edu dó nyigaban yí wlá ao shohaho dó mɛ ɖɛ nɔ́ eo. Ao 'ho go nɔ eo" ²⁶ Eyi 'ga ɖoŋci nii be: edɔwavi baɖa, ɖyoɖɔnɔ yí é nyi. Nɔ é nya be ŋ cannɔ jinuku le fini ci yí ŋ de do jinuku dó go yí bɔnɔ jinuku le fini ci yí ŋ de hlɛ dó go ɔ, ²⁷ é ɖo a sɔ́ nyaŋ 'ho lɔ da dó ehodadoxu. Gahɔnmɛ nɔ ŋ gbɔ́ ɔ, ma xɔ nyaŋ 'ho kodo evi ci yi a ji do jí. ²⁸ É yí ná taɖo ɔ, mí xɔ shikaho sanŋdiɖeka lɔ le shi yí a sɔ jɔ amɛ ci shi yi sanŋdi amɛwo le. ²⁹ Ɖó amɛ ci shi enu le ɔ, wo sɔ enu sugbɔ kpii nii nɔ a su egbɔ nii do jí. Vɔ ɔ amɛ ci yi enu sugbɔ de le go ɔ, wo a xɔ kankin lɔ le shi. ³⁰ Mí sɔ edɔwavi manyienuɖe cɛ danŋkpɛn dó vivici mɛ le gbadonu. Ehɔn yí á fan avi yí a ɖu aɖuklile nɛ"." ³¹ Hwecinu yi Agbetɔvi lɔ á vá le yi klɛnklɛn mɛ kodo dɔlawo pleŋ ɔ, a vá nɔ́ anyinɔnɔ dó yi 'fɔʒinkpin jí. ³² Eyi wo a bɔ nyigban ji jukɔwo pleŋ do ŋkɔ nii yí a ma wo mɛ do vovovo shigbe lehan ci yí lɛngbɔkplɔtɔ manɔ lɛngbɔwo kodo gbɔgbɔɛwo mɛ do nɛnɛ. ³³ Á ná yí lɛngbɔwo a nɔ yí ɖushi mɛ yi gbɔgbɔɛ a nɔ yi miɔmɛ. ³⁴ Eyi efiɔ lɔ a vá nu nɔ amɛ ciwo yí le ɖushimɛ be: "Mí va. Míwo ciwo yí edanyɛ cu eshi nɔ. Wo dra jiŋkushi 'fiɔɖuxu lɔ dó nɔ mí só́ xexe lɔ gɔnmɛ jeje. Mí vá xɔɛ nɔ a nyi míwo tɔ. ³⁵ Ɖo ɔ, shive ci ŋ yí mí na enu ŋ yi ŋ ɖu. Shikɔ ci ŋ yí mi ́na eshi ŋ yí nu. Ŋ nyi mɛdru yí va ze mí gbɔ yí xɔ ŋ nyuiɖe. ³⁶ Ŋ le maama yí mí na awu ŋ yí ŋ do. Ŋ leleɛ edɔ yí mi va ji ŋ kpɔ. Ŋ le gakpa mɛ yí va yɔ ŋ kpɔ. ³⁷ Eyi amɛ jɔjɔɛ a biɔ se be "Axwetɔ; gahindemɛ yí kpɔ́ yí shive ciciɛ eo yí mí na mi enu eo yí é ɖu ɔ? Gahindemɛ yí mì kpɔ́ shikɔ ciciɛ eo yí é nu ? ɔ? ³⁸ Gahindemɛ yí é nyi mɛdru yí va ze mì gbɔ yi mì xɔ eo nyuiɖe ɔ? ³⁹ Gahindemɛ yí kpɔ yí é le maama yí mì awu eo yí é dó ɔ? Gahindemɛ yí mí kpɔ yí é le edɔ alo yí é le gakpamɛ yí mí va ji eo kpɔ ɔ?" ⁴⁰ Eyi efiɔ lɔ a ɖoŋci nɔ wo bé: "le nyɔnɔnui ɔ, ŋ nunuɔ nɔ mí be: Nɔ mí wa enu ɖe nɔ nɔvinyɛhwɛ cɛwo domɛ tɔ ɖɛ ɔ, mí a nya be enyɛ yí mí wɛɛ nɔ." ⁴¹ Le i godu ɔ, efiɔ lɔ a va nu nɔ mɛciwo yí le yi miɔmɛ be: "Mí teyí ɖaa le ŋ nu, miwo ciwo yí ŋ xó efi do. Mí yi ezomavo ci yi wo dra do ɖɛ nɔ legba kodo yi dɔlawo mɛ! ⁴² Ɖo ɔ, shive ci ŋ yí mí de na enu ɖe ŋ yí ŋ ɖu go. eshikɔ ci ŋ yí mí de na eshi ŋ yí ŋ nu go. ⁴³ Ŋ nyi mɛdru yí va ze mí gbɔ yí mí de xɔ ŋ nyuiɖe go. Ŋ le maama yí mí de na awu ŋ yí do go. Ŋ lele edɔ yí mí de va jí ŋ kpɔ go. Ŋ le gakpa mɛ yí mí de va yɔ́ ŋ kpɔ go. ⁴⁴ Eyi wo a ɖoŋci nii be "Axwetɔ gahindemɛ yí mí kpɔ yí shive ciciɛ eo alo shikɔ ciciɛ eo alo é nyi mɛdru yí va ze mì alo yí é le maama, alo yí é le edɔ, alo yí é le gakpa mɛ yí mí de kpe do eo nu go ɔ?" ⁴⁵ Efiɔ lɔ a ɖoŋci nɔ wo bé : "le nyɔnɔnui mɛ ɔ, ŋ nunuɔ nɔ mí be: hweɖekpokpoinu mí de wa enuɖe nɔ ɖevixwe cɛwo domɛtɔ ɖe go ɔ, mí a nya be enyɛ yí mí de wɛɛ nɔ go. ⁴⁶ Eyi amɛ cɛwo a yi efunkpekpe mavɔ mɛ yí a mɛ jɔjɔɛwo a yi agbe mavɔ mɛ."