¹ Yesu gbe xo nuxu nɔ́ amɛwo ke sɔto labalu mɛ. É nú nɔ́ wo be: ² "Nɔ́ wo a sɔ́ xo nuxu so jiŋkushi 'fiɔɖuxu lɔ nú ɔ, wo hɛn wo a nube efiɔ ɖeka yi jijiɛ a ɖe nyɔnu nɔ eviɛ ŋsuvi ɖeka yí dɔ́ yí wo ɖa enu. ³ Efiɔ lɔ dɔ́ yí 'dɔwaviwo yi wovayi kplɔ amɛyɔyɔwo vá nyɔnuɖexu lɔ nɔ́ waa vá ɖu enu. Vɔ amɛ lɔwo gbé bé yewo d'a vá go. ⁴ Eyi é dɔ edɔwavi buwo be : " Mí nu nɔ amɛyɔyɔ lɔwo bé ŋ ɖa enu Vɔ. Ŋ wu nyaŋ xwenyí asutɔwo kodo nyan lanku doami doami. Enuwo pleŋ sɔ egbe , wo lé vá nyɔnuɖexu lɔ!" ⁵ Vɔ kpɔ́ d'é wa eɖe dó lanmɛ nɔ́ amɛ ciwo yí wo yɔ go. Wowo kpé wowo 'nuwo wagbe. Amɛɖewo yi wowo bomɛ yí amɛ ɖyitɔ lɔwo yi wowo buwo sagbe ⁶ yí amɛ kpɛtɛwo lé edɔwavi lɔwo yí dó aya nɔ́ wo yí wu wo. ⁷ Efiɔ lɔ wa dɔmɛzi yi sɔjawo yí wo vayi wu amɛwutɔ lɔwo yi tɔ́ ezo wowo jugan. ⁸ Lé yi godu ɔ, é vá nú nɔ́ yi 'dɔwaviwo be enuɖuɖu sɔ́ egbe le nyɔ nuɖexu lɔ. Vɔ amɛ ciwo yí ye yɔ be wowo le vá ɖu agɔ kodo eye de je yí a vá go. ⁹ Ci yí é le nɛnɛ wo le yí emɔ gangan, emɔ ganganwo jí yi a yɔ́ amɛ ciwo pleŋ yi wo a kpɔ́ nɔ́ wa a vá nyɔnuɖexu lɔ le eye gbɔ. ¹⁰ Eyi edɔwavi lɔwo yi emɔwo ji yí vayi bɔ amɛ ciwo pleŋ yí wo kpɔ, amɛ dɔndɔnwo fin, amɛnyyui wo fin yí exɔ ci mɛ yi wo ɖuɖuɔ agɔ le nɔ nyɔ nu ɖeɖe lɔ ɖɔ́ ¹¹ Efiɔ lɔ vaɖo exɔ lɔ mɛ yí a kpɔ amɛ ciwo yí wo yɔ vá ehɔntexu lɔ. É kpɔ́ ŋsu ɖeka yí yɛ de le nyɔnuɖe xuyiyi 'wu mɛ go. ¹² Eyi é biɔɛ se be: nyaŋ 'xlɔ, lé è wɛɛ do yí ɖo exɔ lɔ mɛ nyɔnuɖexuyiyi 'wu madɔ ɔ?" Vɔ kpɔ́ ŋsu lɔ de sɛ́n eŋ nú enyɔ ɖe do nu nii go. ¹³ Eyi efiɔ lɔ nu nɔ́ yi 'dɔwaviwo be: "Mí lii yí a blá alɔ kodo afɔwo nii yí a sɔ́ɛ danŋkpɛn dó xexenu le vivicimɛ fini ci yí á fan avin yí a ɖú aɖukli le." ¹⁴ Eyi Yesu va cú eta nɔ enyɔ lɔ be: "Wo yɔ́ amɛ sugbɔ. Vɔ ɔ, amɛ kankin yi wo cán le wo mɛ." ¹⁵ Eyi Falisitɔ yi ekpa yí le lehanci yí wa a dó aɖemɛ kpɔ nɔ Yesu do kpɔ́ . ¹⁶ Wo dɔ́ wowo 'nukplanvi ɖekawo kodo Elodi gbƙɛvi ɖekawo ɖaɖa Yesu gbɔ yí wo va yi nu nii be " cicagan, mì nya be è nanɔ ekplan' nyui amɛ so lehanci yí Mawu dro be wo le nɔ́ agbe do nú. É nunɔ nyɔnɔnui yí d'é vɔnnɔ nɔ́ amɛɖe go. Nɛnɛke ɔ, d'é kpɔnɔ ŋmɛ nɔ amɛ yí so xonɔ nuxu go. ¹⁷ Nɔ è kpɔ enyɔɖe so enyɔ cɛ nu ɔ, nà nu nɔ́ mì. Mì̀wo 'se d'é ɖé emɔ be wo le ná taga hlɔmutɔwo 'fiɔ gagan a?" ¹⁸ Vɔ ɔ, Yesu nya susuvɔn ci yí le etamɛ nɔ́ wo. Éyi è nu nɔ́ wo be: "Ayemɛnuwatɔwo, nyi yí jɔ mí dodo ŋ kpɔ? ¹⁹ Mí dansi gajɔn 'ho ci yí wo sɔ cunɔ taga ɖeka nɔ ŋ." Eyi wo ɖe gajɔn 'ho ɖeka tii nii. ²⁰ É biɔ wo se be: " Mi takpu yi nyi e cɛ yí tá do gajɔn lɔ ji ɔ? Mi nyikɔ yí nyí ecɛ yí wo ŋwlɛ́ do gɔnmɛ nii ɔ? ²¹ Wo ɖoŋci be: " Hlɔmutɔwo 'fiɔ gangan 'ta kodo yi nyikɔ yɔ" Eyi nu nɔ́ wo be "Mí sɔ enu ci yi nyi Hlɔmutɔwo 'fiɔ gangan tɔ na Hlɔmutɔwo 'fiɔ gangan yi a sɔ enu ci yi nyi Mawu tɔ na Mawu." ²² Enyɔ ci yi Yesu sɔ ɖoŋci nɔ́ wo lɔ jí eŋ nɔ́ wo sugbɔ tashii yí so le gbɔ. ²³ Gbehɔngbe lɔ ke ɔ, sadukitɔ ɖekawo va Yesu gbɔ. Sakutɔwo yi nunɔ be amɛɖe d'a sɛn eŋ fɔn so ekuwodi go. Wo biɔ enyɔ Yesu be: "Cicagan, Moyizi nu dó ese womawo mɛ ²⁴ be: "Nɔ amɛɖe ɖe nyɔnu yí kú evimaji ɔ, Nɔviɛ ɖo a sɔ́ ekpo nyɔnu lɔ. Evi ŋsuvi ŋkɔtɔ ci a ji a nyi fofoɔ lɔ ci yí ku tɔ́" ²⁵ Sasa lɔ, Nɔvi amaɖrɛ ɖekawo trɔ nɔ mì mɛ vayi. Ŋkɔtɔ ɖe nyɔnu. Ci yí de ji evi ɖe o gbɔxwe yi ku ɔ, ashiɛ ciin nɔviɛ ²⁶ evetɔ lɔ sɔ́ ekpo nyɔnu lɔ yí ku evi maji hɛnnɛ. Etɔntɔ lɔ can, nɛnɛ yɔ nɛ, kak é va je amadrɛtɔ lɔ ji. ²⁷ Le wowo amadrɛ lɔwo 'ku godu ɔ, nyɔnu lɔ can gbe va ku. ²⁸ Le ŋkeke ci ji yí amɛ agbetɔwo afɔn so ekuwo di ɖee, mitɔ yi a va nyi nyɔnu lɔ lé wo mɛ ɔ? Ɖó ɔ nɔvinɔ amadrɛ lɔwo pleŋ ge ɖii kpɔ ge!" ²⁹ Eyi Yesu ɖoŋci nɔ wo be: "Bu mí bubuɔ. Ɖó ɔ, mí de nya Mawu 'nyɔ go. Mí de jeshi Mawu ŋsen ɖɛ go. ³⁰ Ɖo ɔ, Gacimɛ yí wo a fɔn so ekuwodi ɔ, asu kodo ashi 'nyɔ ɖe d'a gbe li go. Vɔ wo a nɔ́ agbe shigbe lehanci yi Mawudɔlawo le Jeŋkushimɛ do ɛnɛ. ³¹ Kuso fɔnfɔnsokuwodi nu ɔ, mí de hlɛn enyɔ ci yi Mawu nu nɔ́ mí o kpɔ bá? Mawu nu be: ³² "Enyɛ yí nyí Ablahamu mawu, Izaki Mawu kodo Ʒakɔbu Mawu." Yesu va nu kpenii be mawu ɔ, amɛleagbe wo Mawu yi é nyi yí d'é nyí amɛkukuwo Mawu go? ³³ Yesu nukplanmɛ 'nyɔ lɔwo ji eŋ nɔ amɛ ciwo pleŋ yí sii. ³⁴ Ci yi Falisitɔwo se be Yesu ɖo enyɔ ŋci nɔ́ Sadukitɔwo kaka yi wo de gbe kpɔ enyɔ ɖe yi a nú go ɔ, wo yi bɔbɔ ³⁵ yi Falisitɔ lɔwo domɛtɔ ci yi nyi ese dɔwatɔ ɖeka ji be ye a do Yesu kpɔ yi biɔɛ se ³⁶ be: "Cicagan, ese hinde yí le ŋkɔ nɔ ese lɔwo pleŋ ɔ?" ³⁷ Yesu ɖo ŋci nii be: " É ɖo a lɔn axwetɔ ao Mawu kodo ao ji blebu, ao 'se blebu , ao susu blebu kodo ao hlɔnhlɔn keŋkeŋ." ³⁸ Ese ci yi xo eta nɔ ese lɔwo pleŋ nɛ. ³⁹ Ese amɛvetɔ ci yí gbe le veviɖe shigbe ŋkɔtɔ lɔ ɛnɛ yí nyi be: "É ɖo a lɔn nɔvio shigbe eoŋtɔ ɛnɛ." ⁴⁰ Ese hɔnwo ji yí ese ciwo pleŋ yí Mawu do to Moyizi ji kodo enu ciwo yi Mawu ŋɛdotɔwo kplan amɛwo nɔ anyinɔnɔ do nɛ" ⁴¹ Ci yi Falisitɔwo xoxu ɖɛ ɔ, Yesu biɔ wo se be: ⁴² "susu hinde yí mí bunɔ do Kliso lɔ nu ɔ? Míde 'vi yí nyí KLiso lɔ?" Wo ɖoŋci nii be: "Davidi eviɛ yi é nyi." ⁴³ Eyi Yesu biɔ wo se be : "Ci é le nɛ nɛ ɖee, lé é wɛɛ yí Gbɔngbɔn kɔkɔɛ do alɔ Davidi yí é yɔ Kliso lɔ be axwetɔ ɔ? Ɖo ɔ, Davidi nu be: ⁴⁴ " Mawu nu nɔ nyaŋ 'xwetɔ be: vá nɔ anyinɔnɔ do ɖushimɛ nɔ ŋ, ŋ jijiɛ a sɔ́ ao ketɔwo wa ao 'fɔɖojinuwo" ⁴⁵ Nɔ́b é nyi kpɔ́ be Davidi yɔ KLiso lɔ be axwetɔ ɖee, lé kliso lɔ a wɛ agbe nyi Davidi eviɛ do ɔ." ⁴⁶ Amɛɖe de kpɔ́ enyɔɖe yí nu do nú nii le wo mɛgo. Eyí so Gbehɔngbe ɔ, amɛɖe de gbe gbé edɔn yí biɔ enyɔɖe yi se kpɔ o.