¹ Ci yí Yesu nu enyɔ cɛwo ɖegbɔ ɔ, é so le Galile 'kan lɔ mɛ yí yi Ʒude 'kan mɛ le ago ɖitɔ lɔ́ jí nɔ Ʒuludɛn. 'tɔsasalɔ. ² Amɛwo lɔ́ ahwa yi kplɔɛ do yí é da edɔ nɔ wowo 'mɛ ciwo yi lé edɔ. ³ Eyi Falishitɔ ɖekawo gogoi yi a doi kpɔ. Wo biɔ́ɛ se be: "Ɖee ese ɖe emɔ nɔ́ ŋsu be yi lé nya ashiɛ dó enu kpoŋɖe jí a?" ⁴ Yesu ɖoŋci nɔ́ wo be: "Mí de hlɛn enu ci yí le Mawu 'nyɔ wemawo mɛ kpɔ bá? "So gɔnmɛjejemɛ ɔ, xexeɖotɔ lɔ wa ŋsu kodo nyɔnu". ⁵ É yí ná taɖo yí ŋsu a sogbe edalɔ kodo enɔlɔ ɖɛ́ yí a vayi wa ɖeka kodo ashiɛ yi wo amɛve lɔ a trɔ́ amɛ kuɖeka. ⁶ Ahan ɔ, wo de gbe nyi amɛ amɛve go, vɔ ɔ kuɖeka. Enu ci yí Mawucá ɔ, agbetɔ ŋgbe mii mɛ go." ⁷ Eyi Falisitɔwo biɔ́ɛ se be: "Nyi yi nátaɖo yí Mɔyizi na egbe be nɔ wo hɛnɔ, wo a ŋwlɛ nyɔnugbegbewema doashi nɔ́ amɛshi be wo gbii yí anyii ɔ? ⁸ Yesu ɖoŋci nɔ́ wo be : "Eto yi tri nɔmí taɖo yí yí Mɔyizi na egbe mí be míwo le gbé míwo 'shiwo. Vɔ ɔ, d'é nyi ahan so gɔn mɛjeje go. ⁹ vɔ ŋ nunu nɔ mí be: " nɔ́ amɛɖe nya ashiɛ yi d'é nyí afɔ yí nyɔnu lɔ dó egbe o yi vayi ɖe nyɔnu bu ɔ é xɔ amɛ bu 'shí." ¹⁰ Eyí Yesu nukplanviwo nú nii be: "Nɔ́ é nyi ahan yí nyi nyɔnuɖeɖe 'nyɔ nɛ ɔ wo mí nyɔnuɖeɖe han ɔ, à nyɔ́ sɔwu nɔ́ wo ɖe." ¹¹ Yesu ɖoŋci nɔ wo be : " Amɛwo pleŋ d'a sɛ eŋ xɔ egbe do enu kplanmɛ nyɔ hɔn ji go. vɔ amɛ ciwo yi mawu na acɛ hɔn ɖekɛ yi a sɛn eŋ xɔ egbe do ji. ¹² Ŋsu ɖewo li yi wowo d'a sɛn eŋ ɖe nyɔnu go yí e nyi ji wo jí wo nɛnɛ. Ebuwo li yi é nyi amɛwo yí ta wowo yí wowo d'a ɖe nyɔnu go. Ebuwo can gbe li yí xa do jiŋkushi 'fiɔɖuxu lɔ nu yí gbè nyɔnuɖeɖe. nɔ amɛɖe a sɛn eŋse enu kplanmɛ cɛ gɔnmɛ ɔ, le sii !" ¹³ Ci yí Yesu nu enyɔ hɔn ɖegbɔ ɔ, Amɛwo kplɔ ɖevi ɖekawo va Yesu gbɔ benɔ yí a sɔ alɔ dado wo jí keŋ a yira wo. Vɔ ɔ, yi nukpkanviwo gbe nɔ amɛ lɔwo. ¹⁴ Eyi Yesu nɔ wo a va ŋgbɔ. Mí ŋgbe gbe xe emɔ nɔ wo . Ɖo jiŋkushi 'fiɔɖuxu lɔ nyi amɛ ciwo yí le shigbe ɖeviwo nɛnɛ han". ¹⁵ Ci yí yesu nu nɛnɛ ɔ, é sɔ alɔ dado wo ji yí so le hɔn. ¹⁶ Ŋsu ɖeka gogo yesu yi biɔɛ se be: "Cica gan, enunyui ci yi na wa, nɔ Mawu a na agbemavɔ ŋ ɔ,?" ¹⁷ Eyi Yesu ɖoŋci be: "Nyi yí na taɖo yi e biɔbiɔ enyɔ ŋ se so enu ci yi nyi enyui nu ɔ? Mawu ɖekɛ yi nyi amɛnyi. Nɔ é ji be Mawu a na agbe mavɔ eye ɔ, wa do mawu 'sewo jí." Ŋsu lɔ biɔ Yesu se be : "Ese hindewo yi nyi Mawu 'se lɔwo ji yí ŋ ɖo a wa do ɔ?" ¹⁸ Yesu ɖoŋci nii be: " E nya be mawu do ese be ŋgbe wu amɛ, ŋgbe wa hashi. Ŋgbe fin efin, ŋgbe ɖe kunu ŋsukankantɔ, ¹⁹ Bu edao kodo enɔo, lɔn nɔnvio shigbe eoŋtɔ nɛnɛ." ²⁰ Ɖajɛvihwɛ lɔ nu nɔ Yesu be: "ŋ wa do ese hɔn wo ji vɔ. Nyi yi gbe kpɔtɔ yi na wa ɔ?" ²¹ Yesu nu nii be: " Nɔ é ji be ye a nyi amɛ ci yí nu yi wo d'a kpɔ eɖyi ɖe le go ɔ, yi sa ao dɔkunuwo yí a sɔ eho lɔ ma nɔ wamɛnɔwo. Gahɔnmɛ ɔ, dɔkunuwo a le jiŋkushihimɛ nɔ eo. Nɔ e wɛɛ nɛnɛ ɖegbɔ ɔ, na so a kplɔ ŋ do." ²² Vɔ ci yi ɖajɛvihwɛ lɔ se enyɔ hɔn ɔ, é so yi ŋshishitɔ. Ɖo é ɖo dɔku ɖɛ sugbɔ. ²³ Gahɔnmɛ ɔ, Yesu va nu nɔ yi nukplanviwo be : "Le nyɔnɔnyui mɛ, ŋ nunuɔ nɔ mí be: "Yi a seɛ eŋ nɔ ehotɔnɔ be a yí jiŋkushi 'fiɔɖuxu lɔ mɛ. ²⁴ Ŋ gbe nunuɔ nɔ mí hɛnnɛ be enyɛvi 'tu mɛ toto a le bɔbɔɛ ɖe nɔ esɔkpotɔnɔ sɔwu be nɔ ehotɔnɔ a yí mawu 'fiɔɖuxu lɔ mɛ." ²⁵ Ci yi Nukplanviwo se enyɔ hɔwo ɔ, e ji eŋ nɔ wo sugbɔ yí wo biɔbiɔ se le wowoɖekiwo mɛ be: "Ci yi e le nɛnɛ ɖee, mí yi a sɛn eŋ yí a kpɔ xɔxɔ ɔ,?" ²⁶ Eyi Yesu kpɔ wo júun yi nu nɔ wo be : "Aglo agbetɔwo, vɔ d'a glo Mawu go." ²⁷ Piyɛ nu nɔ Yesu be: " Mìwo ge tashi enuwo pleŋ yi kplɔ eo do ge. Le a va nyi do nɔ mìwo?" ²⁸ Yesu nu be: " Le nyɔnɔnyui mɛ ɔ, ŋ nunuɔ nɔ mí be: "Gacimɛ yí Agbetɔvi lɔ a va nɔ anyinɔnɔ do yi ŋcikɔkuwo 'fiɔzinkpin lɔ ji, le xexe yoyu lɔ mɛ ɔ, míwo cán a nɔ anyinɔnɔ do efiɔzinkpin wive ji yi a ɖo kojo kodo Israyɛli 'kɔta wive lɔwo. ²⁹ Eyi amɛ ci yi a sogbe axwewo, fofowo alo nɔnviwo, enɔ eda eviwokodo nyigbanwo ɖɛ do nyaŋ 'ta ɔ, Mawu a na enu lɔwo hanwo texwe ekave howi yí wo agbe na agbe mavɔ wo. ³⁰ Vɔ ɔ amɛ sugbɔtɔ le amɛ ciwo yi nyi ŋtɔwo egbɛ cɛ ɖe mɛ yí a va trɔ godu tɔwo. Nɛnɛke ɔ, amɛ ciwo yí nyi godutɔwo egbɛ cɛ ɖe mɛ ɔ, sugbɔtɔwo lewo mɛ yí a va trɔ ŋkɔtɔwo."