¹ ŋkeke amadɛn kodu ɔ, Yesu kplɔ piyɛ, Ʒaki kodo nɔviɛ Ʒan yí wo yi eto yiji yiji ɖeka ji woɖekɛwo. ² Le hɔn ɔ, nɔnɔmɛ trɔ nɔ Yesu le ŋmɛ nɔ wo yí yi ŋmɛ tɔ klɛnklɛn shigbe le ewe klɛnnɔ do nɛnɛ. ³ Eyi Mɔyizi ko Eli va ze do wo ji yi xoxo nuxu kodo Yesu. ⁴ Ganhɔnmɛ ɔ, Piyɛ nu nɔ Yesu be: "Axwetɔ, e nyɔ be mì a nɔ elɛ. Nɔ e lɔn ɔ, na cu gbadɔ amɛtɔn do elɛ. Ɖeka a nyi aotɔ, ɖeka anyi Mɔyizitɔ yí kpɛtɛ anyi Elitɔ." ⁵ Enyɔ lɔ yi e nunuɔ yí jiŋkushizɔ klɛnklɛn ɖeka ganble wo. Eyi egbe ɖeka ɖyi le azɔ lɔ mɛ be be: "Amɛ cɛ yi nyi evinyɛ vevi ci yí ŋ de lɔnnɔ enu le ekɔ nɔ o . Mí ɖo eto yi! ⁶ Ci yi nukplanvi amɛtɔn lɔwo se egbe ci yi ɖyi lɔ ɔ, vɔnvɔn ɖo wo sugbɔ kaka wo pleŋ doŋdo. ⁷ Eyi Yesu tegogo wo yí tɔ alɔ wo yí nu nɔ wo be : " Mí shi ete . Mí ŋgbe vɔn go." ⁸ Ci yi wo kɔ eta yi ji ɔ, wo de gbe kpɔ amɛɖe suwu Yesu ɖekɛ go. ⁹ gacimɛ yí wo ɖyidyiɛ le eto lɔ jiɔ, Yesu ɖe egbe cɛ nɔ wo be: "Mí ŋgbe nu enu ci yí mí kpɔ nɔ amɛɖe gbɔhwe nɔ Agbetɔvi lɔ a fɔn so eku wodi go." ¹⁰ Eyi nukplanviwo biɔ yesu se be : "Nyi yí na taɖo yí esedɔwatɔwo nunuɔ be eli ɖo a va gbɔhwe ɔ?" ¹¹ ɖoŋci nɔ wo be : "Nyawo ɔ Eli ɖo a va keŋ yí a va dra enuwo pleŋ do ɖɛ. ¹² Vɔ ɔ, Enyɛ yɛ ɔ, na nu nɔ mí be : Eli va vayi vɔ. Amɛwo de kplɔɛ jeshi go yi ɖe efun nɔ Agbetɔvi lɔ ŋtɔ nɛ." ¹³ Hwehɔnnu ɔ, nukplanviwo va nya be Ʒan amɛ ci yí wanɔ jinjindotɔmɛ Mawutɔ nu yí yi xoxoɔ nuxu so nɔ yewo. ^{14 15} Ci yi Yesu kodo nukplanvi lɔwo va ɖo ahwakɔ lɔ gbɔ ɔ, ŋsu ɖeka tegogoi yí va je eklo ji do ŋnii yi nu nii be : "Axwetɔ, ku ŋshishi nɔ evinyɛ. E le jigbudɔ wuɔ gɔ yi kpekpeɛ efun sugbɔ . Nɔ e tɔ ji, ejieji ɔ e jenɔ ezomɛ alo eshimɛ. ¹⁶ Ŋ kplɔɛ va nɔ ao nukplanviwo. Vɔ kpɔ wo de seŋ da edɔ lɔ nii go." ¹⁷ Eyi Yesu nu be: "Mí egbɛviwo Mawu ji makandotɔwo, kodo amɛ nyi na kanwo, kaka va sɔ na gahimɛ yi na nɔ mí gbɔ ɔ? Ŋkeke nɛni yi na do eji yi a kpɔkpɔɔ le mí de kan do Mawu ji do go ɔ? Mí kplɔ ɖevi lɔ va nɔ ŋ ɖaa." ¹⁸ E wa adan do gbɔngbɔnvɔn lɔ yí é to le ɖevi lɔ mɛ yi ɖevi lɔ fɔn zeɖeka. ¹⁹ Nukplanviwo va yi kpɔ Yesu do evó yi biɔɛ se be: "Nyi yí na taɖo yí míwo de sɛn eŋ yi nya gbɔngbɔnvɔn hɔn mìwoŋtɔwo ɔ?" ²⁰ Yesu ɖoŋci nɔ wo be: " Mí de kan do ji sugbɔ go. Eyi na taɖo yi mí de sɛn eŋ yi wɛɛ go. Le nyɔnɔnui mɛ ɔ, ŋ nunuɔ nɔ mí be nɔ xɔse ci yi le mí shi klo sɔ kodo lokoku, mí a nu nɔ eto hɔn be yi le so le hɔn a yi elɛ yí a so; Enuɖe d'a li yi a glo mi go. ²¹ Vɔ ɔ, egbedodoaɖa kodo ŋcicidɔn ɖekɛ mɛ yí mí a to yí a nya gbɔngbɔnvɔn hɔn." ²² Ci yi Yesu kodo yi nukplanviwo bɔ le galile 'kan mɛ ɔ, e nu nɔ wo be: "Wo a sa Agbetɔvi lɔ nɔ amɛwo ²³ yi wo a wui. Vɔ ɔ, yi ŋkeke amɛtɔ lɔ gbe ɔ, a fɔn so ekuwodi" Enyɔ hɔn kpaca Yesu nukplanviwo sugbɔ. ²⁴ Ci yi Yesu kodo yi nukplanviwo va ɖo kafanawɔmu kɔxwimɛ ɔ, amɛ ciwo yi jɔnɔ taga ci yí wo cunɔ do eta nɔ mawuxwe lɔ tegogo Piyɛ yi biɔɛ se be : "Míwo cicagan nanɔ Mawuxwe lɔ taga a?" ²⁵ Eyi Piyɛ ɖoŋci nii be :" ɛɛ, é cuini." Gacimɛ yi Piyɛ ɖoɖoɔ axwe lɔ mɛ, Yesu ɖoŋkɔ yi biɔɛ se be: " Simɔ, le e kpɔ enyɔ cɛ doɔ? Mi yí ɖo a na taga alo we mavi xexe cɛ mɛ 'fiɔwo ɔ? Ejumɛviwo yɔ a alo mɛdruwo?" ²⁶ Piyɛ ɖoŋci nɔ Yesu be: "Medruwo yí ɖo a na taga efiɔ lɔwo ." Eyi Yesu nu nii be: " ci yi e le nɛnɛ ɔ, ejumɛviwo de ɖo a na taga go. ²⁷ Gankegan nɔ mì ŋgbe va nyi afɔ klɛnnu nɔ amɛ cɛwo go ɔ, yi axwutu yi a da emlɛn ɖaɖa eshi lɔ mɛ. Nɔ e ke aglan nɔ kpavi ŋkɔtɔ ci yí a le ɔ, a kpɔ gajɔnho ɖeka ci yí a sun taga nana nɔ enɛ ko ewo. Sɔ gajɔnho lɔ yí a yi na mìwo taga."