¹ falisitɔ kodo esedɔwatɔ ɖekawo só Ʒeluzalɛmu yí va Yesu gbɔ yí biɔɛ se be : ² "Nyi yí dɔ taɖo yí ao nukplanviwo ɖuɖuɔ enu kodo alɔ xoɖyixoɖyiwo yí dada le tɔgbiwo 'kɔnuwo ji ɔ?" ³ Eyi Yesu ɖoŋci nɔ wo be: "Nyi yi dɔ taɖo yi míwo wawa do tɔgbiwo 'kɔnuwo ji yí dada la Mawu 'gbɖeɖewo ji ɔ? ⁴ Ɖo Mawu nu be: "Bú edao kodo enɔo." Mawu gbe nuke be : "Nɔ́ amɛɖe nu enyɔ baɖa ɖe sɔso edalɔ kodo enɔlɔ nu ɔ, wo le wui." ⁵ Vɔ ɔ, míwo kplankplan enu amɛwo be nɔ ameɖe dro ɔ, yi a nu nɔ edalɔ alo enɔlɔ be "ŋ jijiɛ a sɔ enu ci yí na gbeɖɛ yí a sɔ sa avɔ nɔ Mawu yɔ́." ⁶ Anyi amɛ cɛ de ɖo enuɖe a wa nɔ edalɔ alo enɔlɔ dan dan dan go. Nɛnɛ yi mí do vevi do tɔgbiwo 'kɔnuwo yí cucucu ɔ Mawu 'sewo do nɛ! ⁷ Ayemɛnuwatɔwo! Enyɔ jɔ yí Mawu nu sɔto yí 'ŋɛdotɔ Eeayi ji so mí nu gacimɛ yi enu daɖɛ be: ⁸ "Jukɔn cɛ dodoɔ bubu ŋ nu le aɖe mɛ dekɛ, vɔ ɔ, dɔmɛ le evo nii. ⁹ Ggali yi amɛ hɔnwo sɛnsɛn ŋ . Ɖo enu ciwo yí wo kplankplan amɛwo nyi agbetɔ esewo ɖeɖe xloŋ."" ¹⁰ Yesu va yɔ ahwakɔn lɔ yi nu nii be: "Mi se yí a mɔŋjemɛ. ¹¹ Ɖ'é nyi enu ci yi ́ ɖonɔ aglan mɛ nɔ amɛ yí sɔ nɔ amɛ xonɔ go. Vɔ ɔ, enu ci yí tonɔ le aglan mɛ nɔ amɛ yí sɔ nɔ amɛ xonɔ eɖyi." ¹² Eyi Yesu nukplanviwo gogoi yí biɔɛ se be: "É nya be enyɔ ci yí è nu caka Falisitɔwo a?" ¹³ Yesu ɖoŋci nɔ wo be: "Wo a ho aci ci yí edanyɛ ci yi le jiŋkushi mɛ de cu go. ¹⁴ Mí tashi Falisitɔ lɔwo. Ŋkuvitɔntɔntɔnɔwo yi kplɔkplɔ ŋkuvitɔntɔntɔnɔwo. Nɔ ŋkuvitɔntɔntɔnnɔ le ŋkuvitɔntɔntɔnnɔ kplɔ ɔ, wo amɛve lɔwo pleŋ yi a je dodu mɛ." ¹⁵ Eyi Piyɛ nu nii be: "Ɖé labalu lɔ gɔnmɛ nɔ mì." ¹⁶ Yesu ɖoŋci be : "Míwo can ɖee, ŋɖɛ nyanya hwedo mí nɛnɛhan yɔ a? ¹⁷ Mi de mɔŋje mɛ be xomɛ yí enu ci yí wo sɔ do aglanmɛ yinɔ gbɔxwe yí wo a va sɔɛ yí kpaji bá? ¹⁸ Vɔ ɔ, enu ci yí to le aglan mɛ so nɔ ejimɛ. Enu hɔn yi xonɔ eɖyi amɛ nɛ. ¹⁹ Ɖo ejimɛ yi susu baɖabaɖawo sonɔ nɔ amɛ yí cucunɔ amɛ do amɛwuwuwo, hashiwawawo, mateliwawawo, efinfinwo, kunuɖeɖe vɔnwo, amɛnyɔnunu mɛ. ²⁰ Enu ci yi xonɔ eɖyi amɛ nɛ. Vɔ nɔ́ wo de klɔ ashi yi ɖu enu ɔ d'é xonɔ eɖyi amɛ go." ²¹ Yesu so le hɔn yí Tii kodo Sidɔn juganwo 'kan mɛ agé. ²² Eyi nyɔnu kannaan 'kanmɛtɔ ɖeka ci yí le hɔn lɔ va Yesu gbɔ yi tɔ axwa dodo be: "Axwetɔ, Davidi eviɛ, kú ŋshishi nɔ ŋ. Gbɔngbɔn vɔn le ejimɛ nɔ evinyɛ nyɔnuvi yí dodo a ya nii sɛnsɛnɖe!" ²³ Vɔ ɔ, Yesu de ɖoŋci nii kpetii go. Eyi Yesu nukplanviwo gogo Yesu yi nu nii be: " Nya nyɔnu hunɖe. Ɖo ɔ, é dodoaxwa yi kplɔ mi do." ²⁴ Yesu ɖoŋci nɔ wo be: "Israyɛlivi ciwo yí wawa edakpu shigbe lingbɔ bubuwo nɛnɛ ɖɛkɛ ŋci yí Mawu dɔ ŋ ɖaɖa do." ²⁵ Vɔ ɔ, nyɔnu lɔ va doŋdo nii yí nu nii be: "Axwetɔ do alɔ ŋ!" ²⁶ Yesu ɖoŋci nii be: "D'é nyɔ be wo a sɔ enuɖuɖu ci yí wo gbeɖɛ nɔ ɖeviwo a sɔ nɔ́ avuwo go." ²⁷ Nyɔnu lɔ xɔ egbe nii be: "É le ́nɛnɛ, Axwetɔ, Vɔ ɔ, avuwo cannɔ enu kui ciwo yi hlɛnnɔ je nyigban nɔ wowo tɔwo." ²⁸ Eyi Yesu nu nii be: " É kan do ŋ ji ké! Lehanci yi é dro eo do ɔ le va mɛ nɔ eo nɛnɛ." Gahɔnmɛ cucucu vɔ, edɔ lɔ mi nɔ́ evi nii. ²⁹ Yesu so le hɔn yí yi Galile 'xu 'tu yí lá eto ɖeka jí yí nɔ anyinɔnɔ. ³⁰ Eyi amɛwo kplɔ ekplɛxotɔwo, ŋkuvitɔntɔntɔnɔwo, amɛ ciwo yi aɖe ku nɔ yí eto gbe ku nɔ, amɛ ciwo yi tɔntɔn ebu kodo edɔnɔ sugbɔ buwo yí lɔ́ ahwa va cɔin. Wo kplɔ wo vayi ŋkɔ nii yí é da edɔ nɔ wo. ³¹ Ci yí amɛwo kpɔ́ yi aɖekukutɔnɔwo tɔ nuxu xoxo, ekplɛxotɔwo tɔ zɔnmin zɔnzɔn yi ŋkuvitɔntɔntɔnɔwo tɔ enu kpɔkpɔ ɔ é jí eŋ nɔ wo yi wo tɔ́ Israyɛli Mawu kafukafu. nyuiɖe, ³² Yesu yɔ yí nukplanviwo yí nu nɔ wo be: " Amɛ lɔwo 'nu wa ɖeka nɔ ŋ. Ɖó ɔ, so nyisɔge yí nyi ecɛ yi wo va ŋ gbɔ yi enu enuɖe de gbe kpɔtɔ nɔ wo viɛ yí wo a ɖu go. ŋ de ji be na tashi wo be wo le yí axwe enuɖe maɖu go. Ɖowohin, wo da sɛn eŋ vayi ɖo go." ³³ Nukplanviwo nunɔ Yesu be: " Fini yi mi a kpɔ enu le nɔ amɛ sugbɔ cɛwo yi yí wo a ɖu yí xodu a ɖɔ wo le zogbe ji le elɛ ɔ?" ³⁴ Yesu nu nɔ wo be: " kpɔnɔ nii be: "kpɔnɔ amadrɛ kodo kpavi hwɛvi ɖekawo yí le mì shi." ³⁵ Eyi yesu nu nɔ amɛ lɔwo be wo le nɔ anyinɔnɔ do nyigban. ³⁶ Yi sɔ kpɔnɔ amɛdrɛ lɔwo kodo kpavi lɔwo yí do akpe nɔ mawu yí ŋɛ wo mɛ yí sɔ wo na yi nukplanviwo yí wo ma wo nɔ amɛ lɔwo. ³⁷ Amɛshiamɛ ɖu enu yí xodu ɖɔɛ kaka é kpɔtɔ. Ci yi nukplanviwo lɔ́ɛ ɔ́ e sun kishi amɛdrɛ. ³⁸ Amɛ kotokun amɛnɛ (4000) yi ɖu enu lɔ Nyɔnuwo kodo ɖevio manɔmɛ. ³⁹ Le i godu ɔ, Yesu ɖe emɔ nɔ ahwakɔn lɔwo be wo le yi axwe yi ɖo etɔ jihungangan mɛ yí yi Magadan 'kan mɛ.