¹ Ci yí Yesu nu enu ci yí yi nukplanvi wive lɔwo a wa nɔ wo ɖegbɔ ɔ, é so le hɔntɔxu yi a yi kplan enu amɛwo yí a gbe do eŋɛnyui lɔ kodo axwa le juganwo mɛ le ekan lɔ mɛ. ² Ʒan Mawushilenɔamɛtɔ le gakpamɛ yí se yí wo xoxo nuxu so edɔ ciwo yí Kliso lɔ wawa nu. Eyi é dɔ yi nukplanviwo ɖaɖa ³ yi wo vayi biɔ Yesu se be: "eo yí nyi Kliso lɔ ci yi ɖó a vá a? Alo amɛbu yi mì a nɔ ete kpɔ ?" ⁴ Yesu ɖo ŋci nɔ wo be: "Mí yi nu enu ci yí mi se kodo enu ci yí mí kpɔ nɔ Ʒan: ⁵ ŋkuvitɔntɔntɔnɔwo le enu kpɔɔ, ekplɛxotɔwo le zɔnlin zɔɔn nyuiɖe, edɔ mimiɛ nɔ ekponɔwo, etokunɔwo le etonu seɛ, amɛkukuwo fɔnfɔɔn yí wo le Eŋɛnyui lɔ doɔ nɔ wamɛnɔwo. ⁶ Enu yí nyɔ nɔ amɛ ci yí ŋ d'a nyi afɔklɛnnu nɔ." ⁷ Ci yí Ʒan nukplanvi lɔwo yi ɔ, Yesu tɔ nuxu xoxo so Ʒan nu nɔ ahwa ci yí bɔ do gbɔ bé: "Nyi yí mí vayi kpɔ le zogbeji ɔ? Klogbu 'ci ci yí aya lɔlɔɔ yɔ a? ⁸ Eviɛ ɖee nyi yí mi vayi kpɔ ɔ? Ŋsu ɖe ci yi do cigan 'wu yɔ a? Vɔ amɛ ciwo yi donɔ awu nɛnɛ hantɔwo ɔ, efɔ 'xwemɛwo yí wowo nɔnɔ. ⁹ Nyi yí mí vayi kpɔ cucucu ɔ? Mawu 'ŋɛdotɔ yɔ a? ɛɛ, ŋ nunuɔ nɔ mí be amɛ ci yi mí vayi kpɔ lɔ kpɛn sɔwu Mawu 'ŋɛdotɔ. ¹⁰ Ɖó ɔ, Ʒan yi nyi amɛ ci yí Mawu xo so sɔto yi 'ŋɛdotɔ ɖeka ji yi wo ŋwlɛ daɖɛ bé: "Na dɔ nyaŋ 'ŋɛdotɔ ɖaɖa keŋ nɔ a vayi dra emɔ do ɖɛ́ nɔ́ eo." ¹¹ Le nyɔnɔnui mɛ ɔ, ŋ nunuɔ nɔ mí bé wo de ji amɛɖe le xexe cɛ mɛ yi é wu gan Ʒan Mawushilenɔamɛtɔ go. Gankegan ɔ, amɛ ci yí amɛ hwetɔ kpɛtɛkpɛtɛ le jiŋkushi 'fiɔɖuxu lɔ mɛ wu egan yi. ¹² So gacimɛ yi Ʒan Mawushile nɔ amɛtɔ le Eŋɛnyui lɔ doɔ kaka vá sɔna gacɛmɛ viɛ ɔ, amɛwo fɔnfɔn egu sɛnŋsɛnŋɖe yi sɔ dodo aya nɔ jiŋkushi 'fiɔɖuxu lɔ. Akpasɛnsɛnnu watɔwo yi jiji be yewo a xɔɛ. ¹³ Mawu 'ŋɛdotɔwo pleŋ kodo ese ciwo yi Mawu do sɔto Mɔyizi ji xo nuxu so jiŋkushi 'fiɔɖuxu lɔ nu kaka vá sɔna Ʒan hwenu. ¹⁴ Nɔ mí kando enyɔ ci yí ŋ nunuɔ ji ɔ, Ʒan yí nyi Eli ci nu yi wo xo nuxu so be yi a vá. ¹⁵ Nɔ eto li nɔ amɛɖe ɔ, le se! ¹⁶ Mi nu yu na sɛn eŋ dre egbɛviwo do ɔ? Wo ɖyi ɖevixwɛ ciwo yi nɔnɔ anyinɔnɔ do egodoxuwo yi a do axwa yi a le enyɔ nuɔ ɖaɖa wowonɔnɔwo be ¹⁷ "Mí xo enu nɔ mí yi mì gbe eweɖuɖu. Mì ji ecɔ 'hawonɔ mí yi mí gbe avifanfan!" ¹⁸ Ɖó ɔ, Ʒan va. Kpɔ́ dé ɖuɖuɔ enu go.kpɔ́ d'é nunuɔ vɛn go yí wo yí wo nunuɔ so nú bé: "Ggɔngbɔnvɔn yi le mɛ! ¹⁹ Agbetɔvi lɔ vá. Yɛ ɖuɔɖuɔ enu yi nunuɔ vɛn yi wo nú so nu bé: "Mí kpɔ sukanuɖutɔ kodo ahanutɔ hunɖe ɖa! É nyi exhhlɔ kodo tagajɔtɔwo kodo enuvɔwatɔ buwo?" Vɔ ɔ, enunyanya ʒé le yi 'dɔwawawo mɛ." ²⁰ Ci yí Yesu nu nɛnɛ ɖegbɔ ɔ, é tɔ enyɔ gbegbe sɛnŋsɛnŋɖe nɔ jugan ciwo mɛtɔwo gbɔ́ yí é wa jeshidu sugbɔtɔ le. Ɖó wowo de trɔ́ wowoɖekiwo yí ji go. É nú nɔ́ wo bé: ²¹ "Babɛɛ nɔ mí kolaʒin juganmɛtɔwo! Babɛɛ nɔ nú Bɛtisayida juganmɛtɔwo! Ɖó nɔ́ é nyi kpɔ́ bé enujŋ ciwo yi ŋ sɛn eŋ wa le mí gbɔ Tii kodo sú dɔn juganmɛtɔwo gbɔ́ yí ŋ wa wo le ɔ, wowa a trɔ́ wowoɖekiwo yi a ji xɔxɔxɔ yi asɔ dɔkpowo dó yí axhi afi do éta. ²² É yí ná taɖo yí ŋ nunuɔ nɔ mí be: kojoɖogbe ɔ, wo a dɔn eto nɔ́ mí sugbɔ sɔwu Tii kodo Sidɔn juganmɛtɔwo. ²³ Míwo kafanawɔmu juganmɛtɔwo yɛ ɔ, mí bubu bé Mawu a kɔ́yewo yí jiŋkushimɛa? Gbeɖe! kaka ekuwodi yí Mawu ɖyi mí do. Ɖó nɔ́ é nyí Sodɔmu yi Mawu sɛn eŋ wa jeshidu ciwo yi é wa le mí gbɔ le ɔ, jigan hɔn a gbe kpɔtɔ yí a li egbɛ víɛ. ²⁴ É yí ná tado yi ŋ nunuɔ nɔ mí bé kojoɖogbe ɔ, wo a dɔn eto nɔ́ mí sugbɔ sɔwu sodomu juganmɛtɔwo." ²⁵ Hwehɔnnu ɔ, Yesu nu bé: " Etɔ, jiŋkushi kodo nyigban 'xwetɔ, ŋdodo ɔ akpe nɔ eo be enu ci yí é sɔ wlá dó susu nyuiɖetɔwo kodo enuɖɛnyatɔwo ɔ, é dansii nɔ ɖevihwɛwo. ²⁶ Ɛɛ, Eda, nɛhan yí é ji be yi le nɔ do nɛ. ²⁷ Edanyɛ sɔ enuwo pleŋ dó alɔ mɛ nɔ ŋ. Amɛɖe de jeshi enu ci yí Evi lɔ nyi sɔ́ zeto Eda lɔ nu o yí amɛɖe de jeshi enu ci yí Eda lɔ nyi sɔ́ zeto Evi lɔ nu o. Evi lɔ ɖekɛ yí jeshii a gbe sɔkpenɔ amɛ ciwo yí éji bé ye a doasɛ i nɔ. ^{28 29 30} Mí va ŋ gbɔ míwo ciwo pleŋ yí agban kpɛnkpɛn yí enu ci ekɔ nɔ nɔ́ ma ná mí gbɔngbɔndomɛ. Mí dro anyu 'gban yí yi a kplá enu ci yí ŋ kplakpla mí. Ɖó ɔ amɛfacu kodo xomɛvunɔ yí ŋ nyi. Nɛnɛ 'sé a nɔ fafamɛ. Agban ci yí ŋ yɔyɔ mí nɔ dr kpɛn go yí ekɔ ciwo yí na dó nɔ́ mí dé vé nyini go."