¹ Hwecinu yí Hlɔmu "fiɔgangan Tibɛ wawa exwe wiatɔn le efiɔʒinkpin jiɔ Hwehɔnnu lɔ ké ɔ, pɔnsu Pilati nyinyiɛ Ʒude 'kanjikpɔtɔ Elodi Ancipasi nyi Galile kɔkpligan jikpɔtɔ. Fofoɔ Filipu nyi Itule kodo Trakoniditi kɔkpliganwo kɔkpliganwo jikpɔtɔ. Lizaniyasi nyi Abilɛnu kɔkpliganjikpɔtɔ. ² Gahɔnmɛ lɔ ké ɔ, Hani kodo kalifu ,yi avɔsatɔ gangantɔwo le mawuxwe lɔ mɛ, eyi Mawu xo nuxu nɔ́ Zakali eviɛ le Zogbeji. ³ Eyi Ʒan tɔ dandan to Ʒuludɛn 'kan mɛ yí le axwa doɔ be wo le wa ʒinʒindotɔmɛ Mawutɔ a trɔ́ amɛɖeki a ji nɔ enuvɔnwosɔsɔke. ⁴ Ahan yí enyɔ ci yí wo ŋwlɛ do Mawu 'ŋɛ dotɔ Ezayi wema mɛ va mɛ do nɛ be "Amɛɖeka le axwa doɔ le zogbeji be: Mí dra Mawu 'mɔ dó, mí ɖe emɔ lɔwo nɔ́ wo a jɔ! ⁵ Wo a cu balimɛwo pleŋ. Yí a ta etowo kodo ekpowo pleŋ, a jɔ emɔ ciwo yí zán yí a dra emɔ ciwo yi gble do. ⁶ Nɛnɛ ɔ, agbetɔwo pleŋ a kpɔ́ hwlɛngan ci yí Mawu hɛnva" ⁷ Amɛwo lɔ ahwa yí vava Ʒan gbɔ nɔ́ awa ʒinʒindotɔmɛ nɔ wo. Vɔ Ʒan nunuɔ nɔ wo be: "Zakpata xomuwo, mí yí dŕé lehanci yí mí a wɛɛ do yí a tó le eto ci yí Mawu jijiɛ a dɔn nɔ amɛ, sabaa ɖe mɛ nɔ mí ɔ? ⁸ Ci é le nɛnɛ ɔ, mí nɔ agbe nyuiɖe yí́ a sɔ dansi be mí trɔ miwoɖekiwo yí jì. Mí ŋgbe tɔ niunu le míwoɖekiwo mɛ bé "Ablahamu yí nyi mí wo tɔgbi" ɔ, yí sun go. Ɖó na nu nɔ mí be ekpe ciwo yí mí kpɔkpɔ hɔnwo ɔ, nɔ Mawu dró ɔ, a sɔ́ wo trɔ jijimɛviwo nɔ́ Ablahamu. ⁹ Efiɔ lɔ ge le ekewo jí nɔ́ aci lɔwo vɔ ge, wo a soi yí wo a sɔ́ danŋkpɛn dó ezo mɛ." ¹⁰ Ahwakɔn ci yí bɔ lɔ biɔbiɔ Ʒan se be: "Ci yí é le ahan ɖee, nyi yímì ɖo a wa ɔ?" ¹¹ É ɖoŋci nɔ́ wo bé: "Nɔ́ amɛɖe le míwo domɛ yí ɖo awu amɛve ɔ, lé sɔ́ ɖeka ná nɔviɛ ci yi de ɖo eɖe go. Nɔ enuɖuɖu le amɛɖe shi ɔ, lé mii kodo nɔviɛ ciwo shi d'é le o hɛnnɛ." ¹² Tagajɔtɔ ɖeka cán vá Ʒan gbɔ nɔ á wa ʒinʒindotɔmɛ Mawu tɔ nɔ wo. Wo biɔ Ʒan se be: "Cicagan, nyi yí mì ɖo a wa ɔ?" ¹³ É ɖoŋci nɔ́ wo be: " Mí ŋgbe xɔ eho le amɛɖe shi sɔ wu ci yí wo be míwo le xó o." ¹⁴ Sɔja ɖekawo cán gbe biɔɛ se be: "Mìwo ɖe, nyi yí mì a wa ɔ?" E ɖoŋci nɔ́ wo be: "Mí ŋgbe xɔnɔ eho le amɛɖe shi kodo akpasɛnsɛn o alo a xo awo nii go. Vɔɔ míwo "fɛn ci wo cunɔ nɔ́ mí le je eŋ nɔ mí." ¹⁵ Ci é nyi emɔ kpɔ yí jukɔn lɔ ci yí bɔdo Ʒan gbɔ le nɔ hwlɛgan ŋkeke ci yi a va vá ɔ, wo biɔbiɔ se le wowoɖekiwo mɛ be Ʒan de a nyi Kliso lɔ eviɛ? ¹⁶ Eyi Ʒan va nu nɔ́ wo pleŋ lɔ be "Enye ɔ eshi yí ŋ sɔ leleɛ Mawu 'shi nɔ mí vɔ amɛ ci yí le godu nɔ ŋ yí gbɔgbɔ sɛ́n eŋ sɔwu ŋ yí ŋ de je yiaɖe yí fɔkpa 'kawo le afɔwo nii kpetii o. Eyɛ ɔ, Gbɔngbɔn kɔkɔɛ ezo yí á sɔ lii nɔ mí. ¹⁷ Atɛ le alɔmɛ nii yí é jijiɛ a fú yí liku yí a doi dó yi 'va ɖɛ; vɔ ɔ; á lɔ́ egbejɔɛ kɔdo ezo ci yí de cinɔ gbeɖe o mɛ." ¹⁸ Nɛnɛ ɔ, Ʒan sɔ kplan enu amɛ ciwo yí lɔ ahwa va bɔdo gbɔ́ yí sɔ le eŋɛnyui lɔ nuɔ nɔ wo. ¹⁹ Tó evo nɔ ehɔnwo ɔ, Ʒan gbé enyɔ ɖekawo nɔ́ Elodi Ancipasi ci yí nyí Galile kɔkpligan jikpɔtɔ. Ɖó Elodi xɔ fofoɔ Filipu ashi, Elo diyadi yí sɔ ɖe yí gbe wa enudɔndɔn sugbɔ. ²⁰ Eyi ci yi Ʒan gbé enyɔ hɔnwo nii ŋci ɔ, é va wa enudɔndɔn bu bɔdo sasatɔwo nú yí le Ʒan ŋtɔ dó gakpa mɛ. ²¹ Hwecinu yí Ʒan lé Mawushi amɛ ciwo pleŋ yí vá lɔ ɖegbɔ ɔ, é lé Mawushi nɔ Yesu can. Gacimɛ Yesu egbedodoɖaɖa vɔ, jeŋkushi hun ²² yí Gbɔngbɔn kɔkɔɛ sɔ awanlin nɔnɔmɛ yí ɖyii jeji. Eyi egbe ɖeka ɖyi le Jeŋkushi yí nu nii be: "Eo yí nyí evinyɛ vevi eji jɔnɔ ŋ do eo nu." ²³ Yesu ɖoɖoɔ exwe egban han gacimɛ yi é tɔ yi 'dɔ jí. Amɛshamɛ nunuɔ le wowo 'nukpɔkpɔ mɛ be Ʒozɛfu eviɛ yi yi nyí. Ʒozɛfu lɔ nyi Heli eviɛ. ²⁴ Heli nyí Matati eviɛ. Matati nyi Levi eviɛ. Levi nyi Mɛshi eviɛ, , Mɛshi nyi Yanayi eviɛ Yanayi nyí Ʒozɛfu eviɛ. ²⁵ Ʒozɛfu cɛ yɛ nyi Matatiyasi eviɛ Matatiyasi nyí Amɔsu eviɛ, Amɔsu nyí Nawumu eviɛ, Nawumu nyí xɛsili eviɛ, xɛsili nyi Nagayi eviɛ. ²⁶ Nagayi nyi Mati eviɛ, Mati nyí Matatiyasi eviɛ, semɛ nyi Yosɛci, Yosɛci nyi Yoda eviɛ. ²⁷ Yoda nyi Yoyananu eviɛ, Yoyananu nyí Hleza eviɛ, Hleza nyí Zolobabɛli eviɛ, Zolobabɛli nyi salatiyɛli eviɛ, salatiyɛli nyi Nɛli eviɛ ²⁸ Nɛli nyi Mɛshi eviɛ Mɛshi cɛ yɛ nyí Adi eviɛ, Adi nyi kɔsamu eviɛ , kɔsamu nyi Elimadamu eviɛ, Elimadamu nyi Ɛlu eviɛ. ²⁹ Ɛlu nyi Yesu eviɛ, Yesu cɛ yɛ nyí Eliyɛzɛ eviɛ, Eliyɛzɛ nyi Yolimu eviɛ, Yolimu nyi Matati eviɛ, Matati cɛ nyí Levi eviɛ. ³⁰ Levi nyí Simɔ eviɛ, Simɔ nyí Yuɖa eviɛ, Yuɖa nyi Ʒozɛfu eviɛ, Ʒozɛfu cɛ yɛ nyí Yonamu eviɛ, Yonamu nyi Eliyakimu eviɛ, ³¹ Eliyakimu nyí Mɛleya eviɛ, Mɛleya nyi Mɛna eviɛ, Mɛna nyí Matatata eviɛ, Matatata nyí Natamu eviɛ, Natamu nyí Davidi eviɛ. ³² Davidi nyi Ʒɛse eviɛ, Ʒɛse nyí Ovɛdi eviɛ, Ovɛdi nyí Bowazi eviɛ, Bowazi nyi Sola eviɛ, Sola nyí Nahishɔnu eviɛ, ³³ Nahushɔnu nyi Aminadabu eviɛ, Aminadabu nyí Aduminu eviɛ, Aduminu nyí Ani eviɛ, Ani nyi Esilomu eviɛ, Esilomu nyi Pɛlɛci eviɛ Pɛlɛci nyí Yuɖa eviɛ. ³⁴ Yuɖa cɛ yɛ nyí Ʒakɔbu eviɛ, Ʒakɔbu nyí Izaki eviɛ, Izaki nyí Ablahamu eviɛ, Ablahamu nyi Tɛla eviɛ, Tɛla nyí Nahɔ eviɛ. ³⁵ Nahɔ nyi selugi eviɛ, Selugi nyi Hlewu eviɛ, Hlewu nyi Pelɛgi eviɛ, Pelɛgi nyi ebɛ eviɛ, Ebɛ nyi sala eviɛ. ³⁶ Sala nyí kayinamu eviɛ, kayinamu nyí Apakishadi eviɛ, Apakishadi nyi sɛmu nyi Lamɛki eviɛ. ³⁷ Lamɛki nyi Mɛtusala eviɛ, Mɛtusala nyi Enɔki eviɛ, Enɔki nyi Yɛlɛdi eviɛ, Yɛlɛdi nyi Mahalɛli eviɛ, Mahalɛli nyi Kayinamu eviɛ. ³⁸ Kayinamu nyi Enɔshi eviɛ, Enɔshi nyi Sɛti eviɛ, Sɛti nyi Adamu eviɛ yí Adamu yɛ nyí Amɛ ŋktɔ ci yí Mawu wa.