¹ Gacimɛ yí Yesu le Mawuxwe lɔ mɛ ɔ, é kɔ́ eta yi eji yí kpɔ́ ehotɔnɔwo yí wo vá sɔ& wowo 'nunanawo dodoɔ enujɔgban mɛ. ² É kpɔ kposhi wamɛnɔ ɖeka vá hɛnnɛ yí é va sɔ gajɔnho ci yí hwe sɔwu kpɛtɛwo amɛve dado agban lɔ mɛ. ³ Eyí é nu be: «Le nyɔnɔnui mɛ ɔ, ŋ nunuɔ nɔ mí be kposhi wamɛnɔ cɛ jɔ enu sɔwu amɛwo pleŋ. ⁴ Ɖo amɛ ɖitɔ lɔwo ɔ, enu ci yí sun wo kpo yí wo vá jɔ. Vɔ kposhi wamɛnɔ lɔ yɛ ɔ, yɛ sɔ́ enu ciwo yí le shi xloŋ yí yɛ a sɔ hen yiaɖeki, wa enunana nɔ mawu.» ⁵ Amɛɖewo xoxoɔ nuxu so Mawuxwe lɔ nú yí nunuɔ be yí nya kpɔkpɔ. Wo le kpɔ lehanci yí ekpe ciwo yí wo sɔ cui kodo enu ciwo yí wo va sɔ na Mawu le do ɖá vɔ ɔ, yesu nu be: ⁶ «Ŋkekewo gbɔgbɔ yí ekpe ɖé d'a kpɔtɔ yí a gbe nɔ ekpe ɖé jí le exɔ ci yí mí kpɔkpɔ nu go. Wo a gban wo pleŋ.» ⁷ Eyí nukplanviwo biɔ Yesu se baŋ: «Gahumɛ yí enu hɔ lɔwo a vá jɔ ɔ? Jeshidu hin mì a kpɔ yí a sɔ jeshi gamɛ lɔ ɔ?» ⁸ Yesu ɖoŋci nɔ́ wo be: « Mí kpɔ nyuiɖe nɔ wo ŋgbe va flu mí o. Amɛ sugbɔwo a vá vá yí a sɔ́ nyaŋ nyikɔ yí a nunuɔ be yewo yí nyi Klisolɔ yí a gbe nunuɔ be ega lɔ xo. Vɔ ɔ, mí ŋgbe kplɔ wo dó go. ⁹ Nɔ́ mí va seseɛ be ahwawo jɔ le afiwo yí huinnyahuinnyawo lii ɔ, mí ŋgbe vɔn go. Ahwa hɔnwo do a jɔ gbɔxwe. Vɔ ɔ, d'é nyi xexe lɔ vɔvɔ gamɛ yí nyi hɔn trololo nɛ go.» ¹⁰ Le i godu ɔ, Yesu gbe sɔ kpii be: «Jukɔn a tɔ ahwa wawa kodo jukɔn bu yí efiɔɖuxu a va tɔ́ ahxwa kodo efiɔɖuxu. ¹¹ Nyigban a va hunhun le ekan vovovowo mɛ yí nɛnɛ ke yí shive a vá tó yí edɔlele ɖewo cán a tó nɛ. Enu ciwo yi a ɖyi vɔnvɔn ca&n a vá tɔ́ jɔjɔ yí jeshidu ganganwo cán a va soso jiŋkushi mɛ yí a jɔjɔ. ¹² Vɔ gbɔxwe enu hɔnwo pleŋ avá tɔ́ jɔjɔ ɔ, wo vá lé mí. Wo a ci yumɛ nɔ mí. Wo a va sɔ mí doashi nɔ́ Mawusɛnxu 'gawo, wo a va& cú mí do gakpamɛ. Wo a va yɔ ehwɛ mí le efiɔwo kodo ekanjikpɔtɔwo gbɔ́ do nyaŋ nyikɔ tamɛ. ¹³ Gahɔnmɛ ɔ, mí a va kpɔ́ emɔ a ɖe kunu yí a sɔ xo nuxu so ŋ nu nɔ wo. ¹⁴ Mí nya nyuɖe be d'é ʒián be mí a jí enyɔ ci yí mí a vayi nu yí a sɔ hwlɛn eta nɔ miwoɖekiwo daɖɛ go. ¹⁵ Ɖó enyɛ ɔ, na sɔ́ ŋnunyanya nuxuxo dó míwo 'ɖewo ji kaka míwo ketɔwo d'a sɛ́n eŋ kpé eta kodo mí yí a nú enɔ kpanŋkɔ míwotɔ go. ¹⁶ Míwo 'dawo kodo míwo 'nɔwo kodo míwo nɔnviwo kodo míwo xomumɛtɔ kpɛtɛwo kodo míwo 'xlɔwo a vá sɔ mí doashi nɔ egawo. Wo a wu amɛ sugbɔ le mí mɛ. ¹⁷ Amɛshiamɛ a va gbé eŋua nɔ& mí do nyaŋ 'ta. ¹⁸ Vɔ ɔ míwo 'ɖakui kuɖeka kpetii d'a bú go. ¹⁹ Mí do eji. Nɛne han yí mí a wɛe do gbɔxwe yí mawu a hwlɛ míwo 'gbawo gán nɛ.» ²⁰ Yesu yi ji nú be: «Nɔ́ mí va kpɔ́ yí sɔjawo hwakɔnwo vá trɔdo Ʒeluzalɛmu jugan lɔ ɔ, mí a nyá be gacimɛ yí wo a gbiin do gogo. ²¹ Gahɔnmɛ ɔ, amɛ ciwo yí a le Zude 'kanmɛ do a shi kpe etowo ji a gé yí amɛ ciwo yí a le jugan mɛ ɖo a shi to a yi azoge nii yí amɛ ci yí a le ebomɛ ŋgbe gbɔva jugan lɔ mɛ go. ²² Ɖo ŋkeke hɔn a nyí ŋkeke ci ji Mawu a so kojo jɔjɔɛ nɔ enu ciwo pleŋ wo ŋwlɛ daɖɛ do Mawu 'nyɔ wemawo mɛ a va mɛ. ²³ Gamɛ vɔin a nyi nɔ́ nyɔnu ciwo yí a nyí efunɔwo kodo ciwo yí a le anɔ dooɔ nɔ evi. Ɖ le ŋkeke hɔn ji ɔ, amɛwo a se vevi sugbɔ le nyigban lɔ jí yí mawu a dansin yí dɔmɛzi nɔ́ jukɔn lɔ ²⁴ wo a wu amɛɖewo kodo dekpui yí amɛɖewo a cí ahwa yí wo a kplɔ wo yí ejuwo mɛ ejuwo mɛ. Amɛmanyi yuɖatɔwo a vá cuku Ʒeluzalɛmu jugan lɔ kodo afɔwo kaka a sɔna gacimɛ yí gamɛ ci yí mawu ɖo be wo a le hɔntɔxu a vayi ²⁵ Yesu yi enyɔ lɔ jí be: «Jeshiduwo a vá zé do ewe kodo wleci kodo wleciviwo mɛ. Agbetɔwo a ci jójójó le nyigban lɔ jí. Axu 'ʒinnanawo kodo yi 'shimlimliwo a dodoɔ vɔnvɔn nɔ́ amɛwo. ²⁶ Amɛwo a va bubu enu ci yí a va jɔjɔɔ do xexe lɔ jí kpɔ́ kaka yí a ku do jikasoi mɛ. Ɖó ɔ, jeŋkushimɛ 'cɛkpekpewo a hunhun. ²⁷ Gahɔnmɛ yí wo a vá kpɔ́ Agbetɔvi lɔ yí jiŋkushimɛzɔwo a trɔdoi yí á ɖyiɖyiɛ kodo yi ŋsɛn blebu le yi Klɛnklɛn gangan mɛ. ²⁸ Nɔ́ enu hɔwo vá tɔ́ jojɔ ɔ, mí shi ete yí a fɔ́n eta. Ɖó ɔ, Gacimɛ yí Mawu a xɔ nɔ mí dó gogo.» ²⁹ Yesu gbe do labalu cɛ nɔ wo be: «Mí le ŋkuvi dó figici nu kodo aci kpɛgbewo pleŋ nú. ³⁰ Nɔ́ mí kpɔ yí wowo makpawo tɔ dɔndɔn ɔ míwoŋtɔwo mí nyanɔ be hwenu enyui gogo. ³¹ Nɛnɛke nɔ mí va kpɔ́ yí enu hɔwo ci nu yí ŋ xo nuxu so nɔ́ mí vá tɔ jɔjɔ ɔ, mí a nyá be Mawu 'fiɔɖuɖu lɔ gogo. ³² Le nyɔnɔnui mɛ ɔ, ŋ nunuɔ nɔ mí be egbɛviwo d'a ku vɛ gbɔxwe yí enu hɔnwo pleŋ a va jɔ go. ³³ Jiŋkushi kodo ŋyigban a vá gu, gankegan yí nyaŋ 'nyɔwo a li tɛgbɛɛ.» ³⁴ Yesu nu be : «Mí kpɔ míwoɖekiwo jí. Mí ŋgbe na nɔ́ míwo susuwo a vá ci sukanuɖuɖu, ahanunu kodo xexemɛ jikasoiwo mɛ go. Nɔ d'é nyi nɛnɛ ɔ, etodɔndɔn ŋkeke lɔ a vá cu mí le avomɛ. ³⁵ Shigbe lehanci yí wo jenɔ feca mɛ do nɛnɛ. Ahanke yí ŋkeke hɔ lɔ a va cu amɛ ciwo pleŋ yí le nyigban lɔ pleŋ ji le avomɛ nɛ. ³⁶ Ci yí e le nɛnɛ ɔ, mí nɔ glagla ji. Mí donɔ egbe ɖaɖa mamimami. Nɛnɛ ɔ, mí a kpɔ ŋsɛn yí a to enu ciwo yí a vá jɔ mɛ yí a sɛn eŋ vayi nɔ ete do Agbetɔvi lɔ ŋkɔ.» ³⁷ Yesu kplankplan enu amɛ lɔwo Mawuxwe mɛ le kede mɛ yí fiɛshimɛ ɔ, èvayi dɔnnɔ ekpo ci yí wo yɔnɔ be olivuci 'kpo lɔ jí. ³⁸ Nyidinmɛwo ɔ, jukɔn lɔ mɛ pleŋ vanɔ gbɔ́ le Mawuxwe lɔ mɛ yi vá ɖonɔ eto yi.