¹ Le enɔ hɔnwo godu mɛ ɔ, Axwetɔ ca nukplanvi eka howi howo hove ɖekawo yí cà wo eve eve keŋ yí dɔ́ wo ɖaɖa jugan juganwo mɛ kodo ɖaɖa afi ciwo pleŋ yí yiŋtɔ ɖó a yi sasa. ² É nú nɔ́ wo be: « Jinuku ci yí wo a cán lɔ su egbɔ. Vɔ ɔ, edɔwatɔ Kabkin yíli. ci yí é le nɛnɛ ɔ, mí ɖe kuku nɔ́ ebotɔ lɔ nɔ́ á dɔ edɔwatɔwo ɖaɖa ebe lɔ jí. ³ Mí je emɔ! mí le shigbe lɛngbɔviwo han nɛnɛ yí ŋ dɔdɔgɔ ɖaɖa ehlawo domɛ. ⁴ Mí ŋgbe hɛn ehogodu, godu alo fɔkpa go. nɔ́ mí yigɔ ɔ, mí ŋgbe vayi ciciɛ ete yí a dodoɔ egbe nɔ amɛɖewo go. ⁵ Axwe ɖekpokpoi ci mɛ yí mí a ɖó ɔ, mí nu doŋkɔ a be: "Fafa yí axwe cɛ mɛtɔwo a kpɔ́." ⁶ Eyi nɔ́ amɛɖe le axwe lɔ mɛ yí jijiɛ be ye a kpɔ́ faf ɔ, míwo ɖexu lɔ a ɖyi nii.Vɔ nɔ́ eɖe de li oɔ, fafa ɖexu lɔ a gbe trɔva míwoŋtɔwo jí. ⁷ Mí nɔ axwe ci mɛ yí amɛ jijiɛ fafa le lɔ mɛ yí a du yí a gbe nu enu ciwo pleŋ yí wo a ná mí. Ɖó edɔwatɔ dó a xɔ yi 'fɛncu. mí ŋgbe nɔnɔ axwewo mɛ fóŋ fóŋ yí a yigɔ go. ⁸ Nɔ́ mí yi jugan ɖé mɛ yí wo xɔ mí mɛdru ɔ, mí ɖu enu ci yí wo a ná mí. ⁹ Mí dá edɔ nɔ edɔnɔ ciwo yí le jugan lɔ mɛ yí a nú nɔ́ jugan lɔ mɛtɔwo be: "Mawu 'fiɔɖuɖu lɔ gogo mí." ¹⁰ Vɔ nɔ́ mí yí jugan ɖe mɛ yí wo de xɔ mí mɛdru o ɔ, mí to je jugan lɔ 'mɔwo jí yí a nú nɔ́ amɛshamɛ be: ¹¹ " Mì xuxu míwo jugan mɛ 'kɔ ci yí lé dó afɔwo nú nɔ́ mì sii nɔ mí. Vɔ ɔ mí na enyɔ cɛ nyuiɖe be: Mawu 'fiɔɖuɖu lɔ gogo vɔ." ¹² Ma ɖe mɛ nɔ mí be: kojoɖogbe ɔ, wo a dɔn eto nɔ́ Tii kodo Sidɔn juganmɛtɔwo sugbɔ sɔwu Sodomutɔwo.» ¹³ «Babɛɛ nɔ mí kolazin juganmɛtɔwo! Babɛɛ nɔ mí Bɛtisayida juganmɛtɔwo! Ɖó nɔ́ nyí kpɔ́ be enujiŋ ciwo yí ŋ wa le mí gbɔ, Tii kodo Sidɔn juganmɛtɔwo gbɔ́ yí ŋ wa wo le ɔ, wowo a trɔ́ wowoɖekiwo yí a ji xoxoxo yí a sɔ́ dɔkpowo dó yí a nɔ anyinɔnɔ do afi mɛ a sɔ́ dansi be enuvɔn ciwo yí yewo wa veveɛ yewo. ¹⁴ É yí ná taɖo kojoɖogbe ɔ, wo a dɔn eto nɔ́ mí sugbɔ sɔwu Tii kodo Sidɔn juganmɛtɔwo. ¹⁵ Míwo kafanawɔmu juganmɛtɔwo, bu mí bubuɔ be Mawu a kɔ́ yewo yí jeŋkushimɛ a? Gbeɖe! Kaka ekuwodi yí mí a ɖyi je» ¹⁶ Yesu gbe nu nɔ́ yí nu kplanviwo be: «Nɔ́ amɛɖe ɖoɖoɔ eto mí ɔ, enyɛ yí é ɖoɖoɔ eto. Nɔ́ amɛɖe gbé mí ɔ enyɛ yí é gbe yí a mɛ ci yí gbé ŋ gbe amɛ ci yí dɔ ŋ ɖaɖa. » ¹⁷ Hwecinu yí nukplanvi eka howi howo have lɔwo lɔwo trɔgbɔ ɔ, eji jɔjɔ wo yí wo nú nɔ́ axwetɔ be: Axwetɔ nɔ́ mì dɔ́ edɔ ɖe gbɔngbɔnvɔnwo cán le ao nyikɔ mɛ ɔ, wo wawa do ji.» ¹⁸ Yesu nu nɔ́ wo be: « Ŋ kpɔ yí Legba juin shigbe ejiɖezo nɛnɛ so jiŋkushimɛ. ¹⁹ Mí se ɖa! Ŋ na ŋsen mí nɔ& mí a zɔn to edanwo kodo klekliwo ji kodo nɔ́ mí a gbiji ketɔ lɔ ŋsɛn pleŋ. Vɔ ɔ, enuɖe d'a sɛ́n eŋ wa evɔin ɖe kodo mí go. ²⁰ É yí ná taɖo ɔ, mí ŋgbe kpɔ jijɔ be gbɔngbɔnvɔnwo wa do edɔ ci yí yewo dɔ́ wo jí go. Vɔ ɔ, mí kpɔ jijɔ be Mawu ŋwlɛ míwo nyikɔwo daɖɛ le jeŋkushimɛ.» ²¹ Hwehɔnnu teŋ ɔ, Gbɔngbɔn kɔkɔɛ na yí Yesu ɖɔ kodo jijɔ yí nú be:«Eda, jeŋkushi kodo nyigban 'xwetɔ, ŋ dodoɔ akpe nɔ́ eo be enu ci yí é sɔ wlá dó ŋununyatɔwo kodo enuɖɛnyatɔwo ɔ, é dansi nɔ ɖevihwɛwo. Ɛɛ eda, nɛnɛ yí è ji be yi lé nɔ do nɛ. ²² Edanyɛ sɔ enuwo pleŋ dó alɔmɛ nɔ ŋ. Amɛɖe de jeshi amɛ ci yí Evi lɔ nyí sɔ́ zeto Eda lɔ nú go yí amɛɖe de jeshi amɛ ci yí Eda lɔ nyí sɔ& zeto Evi lɔ nú go. Evi lɔ ɖekɛ yí jeshii a gbe sɔkpenɔ amɛ ciwo yí é ji be ye a dansi nɔ.» ²³ Le i godu ɔ, Yesu trɔ kpanŋkɔ yí nukplanviwo yí nú nɔ́ wowo ɖekɛwo be: « Enu yí nyɔ́ nɔ́ mí be mí kpɔkpɔ enu ci yí mí kpɔkpɔ cɛ! ²⁴ Ɖó ɔ ŋ nunuɔ nɔ mí be Mawu 'ŋɛdotɔ kodo efiɔ sugbɔwo jí be yewo a kpɔ enu ci yí míwo kpɔkpɔ ce yí wo de kpɔ́ɛ go; yeso a se enu vi yí míwo seseɛ cɛ yí wo de sii go.» ²⁵ I ge loo esedɔwatɔ ɖeka vá xɔ nuxu. é jí be ye a sɔ́ Yesu kpɔ yí biɔ̀ɛ se be: «Cicagangan, nyi yí ŋ ɖo a wa yí Mawu a ná agbemavɔ ŋ ɔ?» ²⁶ A sɔ́ ɖoŋci nii ɔ, Yesu biɔɛ se be: «Enyɔ hi yí wo ŋwlɛ daɖɛ dó mìwo 'sé wema lɔ mɛ ɔ?» ²⁷ Ŋsu lɔ ɖoŋci nii be: «É ɖo a lɔn Axwetɔ, ao Mawu kodo ao 'ji blebu kodo ao ŋɖɛnyanya blebu. gbe sɔ kpé nii ɔ è ɖo a lɔn ao kpena shigbe eoŋtɔ nɛnɛ.» ²⁸ Eyi yesu nu nii be: «É wa aɖaŋ ɖoŋci. Wɛ̀ɛ do nɛnɛ jí yí a nɔ agbe.» ²⁹ Vɔ a sɔ́ hwlɛn eta nɔ enyɔ lɔ ɔ, esedɔwatɔ lɔ biɔ́ Yesu se be: «Ci yí é le nɛnɛ ɖee, mi yí nyí anyi kpena ɔ?» ³⁰ Yesu ɖoŋci nii be: «Gbeɖeka ɔ, ŋsu ɖeka zɔn so le Ʒeluzalɛmu yí vayigɔ Ʒeliko yí flanfinɔ gangan ɖekawo vá líi yí xɔ enuwo pleŋ le shi yí xoi kaka yí é ku afan ko afan yí wo shigbeɖɛ. ³¹ I ge loo, avɔsatɔ ɖeka cán zɔn emɔ lɔ vayigɔ yí vá ke enu do amɛ lɔ nú. É ze ɖaɖa akpa eɖetɔ lɔ 'xwé nɔ emɔ lɔ yí tó axa nii vayi. ³² Levi jijimɛvi ɖeka cán zɔn emɔ lɔ yí vayigɔ. Ci yí é va ɖo ehɔntɔxu lɔ ɔ, é kpɔ́é kpɔ́ ŋsu lɔ yí ze ɖaɖa akpa hunɖa 'xwé nɔ emɔ lɔ yí vayi. ³³ Vɔ ɔ, samalitɔ ɖeka ci yí xɔ emɔ yí to ehɔntɔxu vayigɔ va ɖó ŋsu ci nu yí wo dó akpa lɔ gbɔ́. Ci yí é kpɔɛ ɔ, yi 'nu wa ŋshishi nii sugbɔ. ³⁴ É tegogoi yí sɔ́ amɛ kodo vɛn klɔ akpa lɔwo nii yí sɔ́ enu blá wo. Le i godu ɔ, é kɔɛ dó yi 'sɔ́ jí keŋ yí hinn vayi mɛdruzexu ɖeka yí kpɔ́ jí le hɔntɔxu. ³⁵ Le i ŋkegbu ɔ, é sɔ yi gajɔnho amɛve tii yí sɔ́ jó nɔ mɛdruzexu 'gá yí nú nii be: "kpɔ́kpɔ ŋsu lɔ jí. Nɔ́ è vá zán enuɖe dó nú yí é wu egan eho hɔn ɔ gacimɛ yí na trɔ́ to elɛ a vayigɔ ɔ, enyɛŋtɔ na cúi nɔ eo."» ³⁶ Eyi Yesu gbe sɔ́ kpi&i yí biɔ́ esedɔwatɔ lɔ se be: « Le ao nukpɔkpɔ mɛ ɖee, mi yí le amɛ ametɔn cɛwo mɛ yí nyí ŋsu ci yí flanfinɔ gangan lowo xo lɔ kpena ɔ?» ³⁷ Esedɔwatɔ lɔ ɖoŋci nii be: «Amɛ ci yí wa xomɛvu nii y&ɔ.» Eyi Yesu va nú nii be: «Soyi a yi tɔ wawɛe nenɛ hennɛ.» ³⁸ Ci yí Yesu kodo nukplanviwo le emɔ jí yí yigɔ ɔ, wo dó kɔxwi ɖeka mɛ. Nyɔnu ɖeka ci yí wo yɔnɔ be Mata xɔ wo mɛdru le yí 'xwé mɛ. ³⁹ Mata lɔ nɔviɛ ɖeka li. Wo yɔɛni be Mali. É nɔ anyinɔnɔ do akɔmɛ nɔ Axwetɔ yí seseɛ enyɔ ciwo yí è nunuɔgɔ. ⁴⁰ Mata yɛ bia ŋkuvi dó edɔ sugbɔ nu. É vá Yesu gbɔ yí vá nu nii be: « Axwetɔ, d'é wawa eɖe nɔ eo be nyɔvinyɛ gbe edɔ lɔwo pleŋ do ekɔ nɔ enyɛ ɖeke bà? E yí na taɖo ɔ, nú nii nɔ́ a va kpedo ŋ nu.» ⁴¹ Axwetɔ ɖoŋci nii be: « Mata, Mata è sosoɔ jika yí wawa zdɔ sugbɔ le ɖushimɛ, le emiɔmɛ. ⁴² Vɔ ɔ, enukuɖeka pɛ́ɛ yí le veyie. Akpa ci 'xwe yí nyɔ́ lɔ yí Mali can yí amɛɖekpokpoi d'a vá xɔɛ le shi go.»