¹ Ci yí Yesu wa gbedodoɖa nɛnɛhan eɖgbɔ ɔ, è to kodo yi nukplanviwo yí yí ago eɖetɔ lɔ ji nɔ́ tɔhwin ci yí wo yɔnɔ be Sedrɔn lɔ fini ci yí xɔ kpagble ɖeka le. Eyi yí kodo yí nukplanvi lɔwo ɖó xɔkpagble lɔ mɛ. ² Yuɖa amɛ ci yí a sa Yesu can jeshi ehɔn lɔ. Ɖo Yesu kodo yi nukplanviwo bɔnɔ do ehɔntɔxu ejieji. ³ Eyi Yuɖa kplɔ sɔjawo kodo Mawuxwe dɔkpɛga ci wo yí avɔsatɔwo 'gawo kodo Falisitɔwo dɔ́ ɖaɖa yí wo ɖo xɔkpagble lɔ mɛ. Wo hɛn efuzowo, kaligbanwo kodo ahwawanuwo. do alɔmɛ. ⁴ Ci yí Yesu nya enu ciwo pleŋ gbɔgbɔ a jɔ do jí ɔ, é zɔn va ŋkɔ nɔ wo yí biɔ́ wo se be: «Mí yí mí jijiɛ ɔ» ⁵ Wo ɖoŋci nii be: «Yesu Nazalɛtitɔ lɔ jiɛ yí mì le.» Eyi Yesu nu nɔ wo be: «Ey€ yɔ.» Yuɖa ci yí sɔ sasaa nɔ wo le ehɔn kodo wo. ⁶ Gacimɛ yí Yesu nu nɔ wo be eye yɔ ɔ, sɔja lɔwo gboyi godu yí juin je nyigban. ⁷ Yesu gbe trɔ yi gbe biɔ wo se be: «Mi jiɛ yi mí le ɔ?» Wo ɖoŋci nii be: «Yesu nazalɛtitɔ lɔ jiɛ yí mí le. ⁸ Eyi Yesu ɖoŋci nɔ wo be: «ŋ nui nɔ mí vayi vɔ be enyɛ yɔ. Nɔ enyì be enyɛ jiɛ yí mí le ɔ, mí tashi amɛ kpɛtɛwo nɔ́ wo a yi.» ⁹ É nú nɛnɛ nɔ enɔ ci yí é nu vayi a sɛ̀n eŋ jɔ. E nu be: «ŋ de bu amɛɖekpokpoi le amɛ ciwo yí è sɔ ná ŋ mɛ go.» ¹⁰ Dekpui ɖeka le Simɔ Piyɛ shi gahɔnmɛ. É ɖii tii yí sɔ kpa ɖushimɛ 'to nɔ́ avɔsatɔ gangantɔ 'dɔwavi. Wo yɔnɔ edɔwavi lɔ be Malikusu. ¹¹ Vɔ ɔ, Yesu nu nɔ́ Piyɛ be: «Sɔ́ ao dekpui do aku mɛ. È bubuɔ be ŋ d'a nu efunkpekpe kɔkpu ɖɔɖɔ ci yí Ada be enyɛ lé nu yɔ go a?» ¹² Eyí sɔja wo 'hwakɔnwo kodo wowo ŋkɔnɔtɔ sɔkpenɔ Yuɖatɔwo 'gawo dɔkpɛga lɔwo lé Yesu yí blɛ̀ɛ. ¹³ Wo kplɔɛ yí hani gbɔ doŋkɔ Hani nyi kayifu ashiɛtɔ. ¹⁴ Kayifu yɛ nyi avɔsatɔ gangantɔ exwehɔnnxwe. Kayifu lɔ yí ɖó aɖaƴ nɔ Yuɖatɔwo veyi be nɔ amɛ kuɖeka kú dó jukɔn lɔ pleŋ 'ta ɔ, yí nyɔ. sɔwu ci yí jukɔ lɔ pleŋ a ku. ¹⁵ Simɔ Piyɛ kodo nukplanvi bu kplɔ Yesu do . Avɔsatɔ gangantɔ jeshi nukplanvi ɖitɔ ɖɛ. É yí na taɖo yí yɛ sɛ́n eŋ ɖo avɔsatɔ lɔ gbogbo mɛ kodo Yesu. ¹⁶ Vɔ ɔ Piyɛ ci xexenu le axwe lɔ gbonu. Eyi nykplanvi ɖitɔ lɔ ci yí avɔsatɔ gangantɔ lɔ jeshi ɖɛ, tó vá agbe lɔ nu yí xo nuxu kodo nyɔnu ci yí nyí agbonugla lɔ yí kplɔ Piyɛ do gbogbo lɔ mɛ. ¹⁷ Nɔnu agbonugla lɔ biɔ Piyɛ se be: «Eo can, d'è le ŋsu lɔ nukplanviwo mɛ ba?» Piyɛ ɖoŋci nii be: «Oo, ŋ le wo mɛ go.» ¹⁸ Vuvɔ wawa. Eyi edɔwavi lɔwo kodo dɔkpɛga lɔwo bɔ ezo keŋ yi bɔdo gbɔ́ keŋ yí xuxuiɛ. Piyɛ can le wo mɛ yí xuxuɔ ezo lɔ kodo wo. ¹⁹ Avɔsatɔ gangantɔ vá biɔ́ enyɔ Yesu se so yi nukplanviwo kodo enu ci yí è kplankplan amɛwo nú. ²⁰ Yesu ɖoŋci nii ve: « ŋ kplannɔ enu amɛshamɛ agbaŋgba. ŋ kplannɔ enu amɛwo tɛgbɛɛ le Mawusɛnxuwo kodo le Mawuxwe mɛ fini yí Yuɖatɔwo pleŋ bɔnɔ do. ŋ de nu enyɔ ɖe le bebemɛ go. ²¹ Nyí yí jɔ yí è biɔbiɔ enyɔ ŋ se ɔ? Biɔ amɛ ciwo yí senɔ nyaŋ 'nyɔwo se. Wowo jeshi enu ci nu ŋ xo nuxu so nɔ́ wo nyuiɖe.» ²² Kaka yesu a nu nɛnɛ vɔ ɔ, dɔkpɛga ɖeka ci yí le ehɔn lɔ xo etomɛ nii yí nu nii be: «Nɛnɛ yí á ɖó enyɔ lɔ ŋci nɔ́ avɔsatɔ gangantɔ lɔ nɛ a?» ²³ Yesu ɖoŋci nɔ dɔkpɛga lɔ be: «Nɔ́ é nyi kpɔ be ŋ wa afɛn yí xo nuxu ɔ, nà dre enyɔ ci ŋ nu yí wa afɛn nɔ ŋ. Vɔ nɔ́ é nyí kpɔ́ be ŋ aɖaŋ xo nuxu ɖee, nyi yí dɔ é xo ŋ ɔ?» ²⁴ Gahɔnmɛ ɔ, Yesu gbe kpɔtɔ le blabla nɛnɛ yí Hani ɖoi ɖaɖa avɔsatɔ gangantɔ, Kayifu. ²⁵ Gahɔnmɛ ɔ, Simɔ Piyɛ ci ehɔn lɔ yí le ezo xuɔgɔ. Eyí wo biɔɛ se be : «Eo can d'è le ŋsu lɔ nukplanviwo mɛ ba?» Vɔ Piyɛ mɔ̀ enyɔ lɔ yí nu nɔ wo be : «Oo, ŋ le wo mɛ go.» ²⁶ Avɔsatɔ gangantɔ dɔwavi ɖeka ci yí ba ŋsu ci yí Piyɛ kpa eto nɔ vayi biɔ Piyɛ se be: «ŋ de kpɔ eo kodo ŋsu lɔ le xɔkpagble lɔmɛ ba?» ²⁷ Vɔ ɔ, Piyɛ gbe mɔ̀ enyɔ lɔ ké yí kaka a nu nɛnɛ vɔ, koklo ɖeka ɖe atɔ. ²⁸ Le i godu ɔ wo kplɔ Yesu so Kayifu nɔxu lɔ hɛnyi ekanjikpɔtɔ gbɔ́ nyidin kucukucu. Vɔ ɔ, Yuɖatɔwo de ɖó ekanjikpɔtɔ nɔxu lɔ mɛ go. Ɖo wo a va xo eɖyí wo d'a sɛn eŋ a va ɖu Atadodoamɛxwe lɔ 'nuɖuɖu go. ²⁹ É yí nà taɖo yí nutuijikpɔtɔ Pilati to vá kpɔ́ wo le xexenu yí biɔ wo se be: « Nyi 'hwe doɔ mí le nɔ ŋsu cɛ ɔ?» ³⁰ Wo ɖoŋci nii be: «Nɔ ŋsu lɔ de nyi enubaɖawat go ɔ, mì d'a kplɔɛ vɛɛ nɔ́ eo go. » ³¹ Eyí Pilati nu nɔ wo be: «Míwoŋtɔwo mí kplɔɛ yí a yi ɖo kojo kodii dó lehanci yí míwo 'se nui dó nɛnɛ jí.» Yuɖatɔwo ɖoŋci nɔ Pilati be: «Mì de ɖó acɛ ci yí mì a sɔ́ wu amɛ go.» ³² Wo na ɖoŋci lɔ yi ahan: nɔ́ nɛnɛ ɔ, enyɔ ci yí Yesu nu sasa yí sɔ dre eku ci yí á ku nɛ a kpɔ́ zmɔ a vá mɛ. ³³ Eyí Pilati trɔyio gbogbo lɔmɛ keŋ yí dɔ yí wo kpɔ Yesu vɛɛ nii yí́ é biɔɛ se be: «Eo yí nyi Yuɖatɔwo 'fiɔ a?» ³⁴ A sɔ ɖoŋci nii ɔ, Yesu biɔɛ se be: «Eoŋtɔ yí bu tamɛ kpɔ yí tɔ enyɔ hɔn biɔbiɔ ŋ se a alo amɛ buwo yí nu nyaŋ 'nyɔ nɔ eo a?» ³⁵ Asɔ́ ɖoŋci nɔ Yesu ɔ, Pilati biɔɛ se be: «Yuɖatɔ yí ŋ nyi a?? Ao jukɔn mɛtɔwo kodo avɔsatɔwo 'gawo yí vá sanma eo nɔ ŋ. Nyi yí é wa ɔ?» ³⁶ Yesu ɖoŋci nii be: « Nyaŋ 'fiɔɖuxɔxu de so xexe cɛ mɛ go. Nɔ́ é nyi xexe cɛ mɛ yí é so sasa ɔ, nyaŋ 'dɔwaviwo a wa ahwa do enu nɔ ŋ yí a xe emɔ yí wo d'a sɔ ŋ doashi nɔ Yuɖatɔwo 'awo go? Vɔ ɔ, nyăŋ 'fiɔɖuxu de so nyigban cɛ ji elɛ tɔxu go.» ³⁷ Eyi Pilati va biɔɛ se be : «Yesu oŋci nii be: «Eo yí nunuiɛ: efiɔ ŋ nyí. Wo ji ŋ yí ŋ va xexe cɛ mɛ a vá ɖe kunu so nyɔnɔnui lɔ nú. Amɛ ciwo pleŋ yí nyí nyɔnɔnui lɔ 'mɛwo ɖnɔ eto nyaŋ 'nyɔwo.» ³⁸ PIlati biɔɛ se be: «Nyi yí nyí nyɔnɔnui lɔ ɔ?» Ci yí Pilati biɔ enyɔ hɔnwo Yesu se ɖegbɔ ɔ, é to le gbogbo lɔ mɛ yí va xexenu. É gbe va kpɔ Yuɖatɔwo ké yí nú nɔ́ wo be: « ŋ de kpɔ afɛn ɖe le ŋsu cɛ nu ci yí a ná yí na do ehwɛ nii go. ³⁹ Vɔ ɔ, le míwo 'kɔnuwo mɛ ɔ, ŋ jonɔ gakpamɛtɔ ɖeka nɔ́ mí ɖuɖu atadodoamɍxwe. Ci yí é le nɛnɛ ɖee, mí ji be ma jo Yuɖatɔwo 'fiɔ nɔ mí a?» ⁴⁰ Wo do awa yí ɖoŋci nii be: «Oo, amɛ hɔn yí a jó go! Balabassi yí à jó nɔ mì!» Gankegan ɔ, é nyí Flafinɔ gangan yí Balabasii lɔ tr&ɔ nyi.