¹ Ci yí Yesu nu enɔ hɔnwo nɔ́ wo ɖegbɔ nɛnɛ ɔ, é ɖe ekɔ kpɔ eji yí nú be :«Edanyɛ, ega lɔ xo. Dansin Evio klɛnklen gangan lɔ. Nɔ Evio can a dansin aotɔ. ² È na acɛ yí do agbetɔwo pleŋ ji nɔ́ a na agbemavɔ amɛ ciwo yí è sɔ do ashi nii. ³ Agbemavɔ lɔ gɔmɛ yí nyi be wo a jeshi eo, Mawu adodui kuɖeka lɔ yí a gbe jeshi Yesu Kliso, amɛ ci yí è dɔ ɖaɖa lɔ ⁴ ŋ dansin ao klɛnklɛn gangan lɔ le nyigban jí. ŋ ɖe egbɔ edɔ ci yí è ɖo nɔ́ ŋ lɔ vɔ. ⁵ Ecɛviɛ ɖe, Edanyɛ, trɔ a sɔ klɛnklɛn gangan ci yí le ŋ shi sasa le eo gbɔ gbɔxwe yí è va wa xexe ná ŋ. ⁶ Ŋ dansin amɛ ci yi è nyi nɔ amɛ ciwo è sɔ doashi nɔ ŋ le xexe lɔ mɛ. Ao 'mɛwo yí wo nyi, è sɔ wo doashi nɔ ŋ yí wo wa do ao nyɔ ji. ⁷ Ɖɛviɛ ɔ, wo va nyá be enu ciwo pleŋ yí è ná ŋ ɔ, eo yí wo só. ⁸ Ɖo ɔ, ŋ nú enyɔ ciwo yí è nu nɔ́ ŋ nɔ wo yí wo xɔ wo. wo va do jeshi be eo yí ŋ so yí va nyao yí xɔɛ ji se be eo yí dɔ ŋ ɖaɖa. ⁹ Ŋ ɖeɖeɛ kuku do eta nɔ wo. ŋ de ɖeɖeɛ kuku do eta nɔ amɛ ciwo yí nyi xexe lɔ mătɔwo go. Vɔ ɔ, ŋ ɖeɖeɛ kuku do eta nɔ amɛ ciwo yí è sɔ dó a lɔmɛ nɔ ŋ. Ɖó ɔ, ao 'mɛwo yí wo nyí . ¹⁰ Nyaŋ 'nuwo pleŋ nyí tɔo. Nɛnɛke ao 'nuwo pleŋ nyi kinyɛ nɛ. sɔ to wo mɛ ɔ, nyaŋ klɛnklɛn gangan lɔ zezeɛ. ¹¹ ŋ de gbe le xexe lɔ mɛ go. vɔ ɔ, wowo le mɛ. Eviɛ ɔ, ŋ gbɔgbɔ eo gbɔ. Edanyɛ kɔkɔɛ, sɔ́ ao 'nyikɔ ci yí è na ŋ lɔ hɛn wo nɔ wo a sɛ́n eŋ wa ɖeka shigbe lehanci yí enyɛ kodo eo wa ɖeka do nɛnɛ. ¹² Gacimɛ yí ŋ le kodo wo ɔ, ŋ sɔ ao " cɛ ci yí è na ŋ lɔ hɛnhɛn wo. ŋ cɔn alɔ wo jí yí ɖekɛ de bú le wo mɛ sɔzeto amɛ ci yí ɖó a yí trɔntrɔnmɛ nɔ́ enyɔ ci yí wo ŋwlɛ ɖɛ do Mawu 'nyɔ wemawo mɛ a jɔ nu go. ¹³ Ecɛviɛ ɔ, ŋ gbɔgbɔ eo gbɔ. Vɔ ɔ, ŋ nunuɔ enyɔ cɛwo gacimɛ yí ŋ gbe kpɔtɔ le xexe lɔ mɛ nɔ jijɔ ci yí ŋ nana amɛwo a nɔ wo mɛ blebu. ¹⁴ ŋ nu ao nyɔ nɔ wo yí xexe lɔ mɛtɔwo gbe eŋua nɔ wo. Ɖo ɔ, wo de nyi xexe lɔ mɛtɔwo go shigbe lehanci yí ŋ de nyí xexe lɔ mɛtɔ go nɛnɛ. ¹⁵ Ŋ de biɔbiɔ so eo gbɔ be wo lé ɖe wo tii le xexe lɔ mɛ go. Vɔ ɔ, hwlɛ́n eta nɔ wo le Legba shi mɛ. ¹⁶ Wo de nyí xexe lɔ mɛtɔwo go shigbe lehanci yí ŋ de nyí xexe lɔ mɛtɔ go do nɛnɛ. ¹⁷ Ná nɔ wo a nyi tɔo blebu sɔ́ to nyɔnɔnui lɔ mɛ. Ao 'nyɔ yí nyí nyɔnɔnui lɔ. ¹⁸ Ŋ dɔ wo ɖaɖa xexe lɔ mɛ shigbe lehanci yí è dɔ ŋ ɖaɖa xexe lɔ mɛ do nɛnɛ. ¹⁹ ŋ sɔ enyiɖeki jojoɔ nɔ eo blebu dó wowo 'ta nɔ́ wowo cán a nyi tɔo sɔ to nyɔnɔnui lɔ mɛ. ²⁰ Ŋ de ɖeɖeɛ kuku nɔ eo do wowo ɖekɛ 'tago. Vɔ ɔ, ŋ ɖeɖeɛ kuku nɔ eo hɛnnɛ dó eta nɔ amɛ ciwo yí wo a va nu ao 'nyɔ nɔ yí wo a xɔɛ ji se. ²¹ ŋ ɖeɖeɛ kuku nɔ eo nɔ nà na nɔ́ wo a ɖeka. Edanyɛ, wo lé wa ɖeka kodo mì shigbe lehanci yí è le ŋ mɛ yí enyɛ can ŋ le eo mɛ do nɛnɛ. Gahɔnmɛ ɔ, xexe lɔ mɛtɔwo axɔɛ ji se be eo yí dɔ ŋ ɖaɖa. ²² Ŋ sɔ klɛnklɛn gangan ci yí è na ŋ sɔ na wo nɔ wo a wa ɖeka shigbe lehanci yí eo kodo enyɛ le ɖeka do nɛnɛ. ²³ ŋ le agbe le wo mɛ yí eo le agbe le wo mɛ nɔ́ wo a wa ɖeka vɛ blebu. Gahɔnmɛ ɔ, xexe lɔ mɛtɔwo a nyá be eo yí dɔ́ ŋ ɖaɖa yí è lɔn wo shigbe lehanci è lɔn ŋ do nɛnɛ. ²⁴ Edanyɛ, è sɔ amɛ lɔwo ná ŋ. ŋ ji be fini ci yí ŋ le ɔ, wowo cán a nɔ ehɔn lɔ hɛnnɛ. Nɛnɛ ɔ, wo a kpɔ nyaŋ klɛnklɛn gangan lɔ. Klɛnklɛn gangan ci yí è na ŋ. Ɖo ɔ, è lɔn ŋ xoxoxo gbɔxwe yí vá wa xexe lɔ . ²⁵ Ada jɔjɔɛ, xexe lɔ mɛtɔwo de jeshi eo ɖɛ go. Vɔ enyɛ yɛ ɔ, ŋ jeshi eo yí amɛ cɛwo nyá be eo yí dɔ́ ŋ ɖaɖa. ²⁶ ŋ dansin amɛ ci yí è nyi nɔ wo dó jí. Nɛnɛ ɔ, lɔnlɔn, ci yí è ɖo nɔ́ ŋ a le wo mɛ yí enyɛŋtɔ cán ma le wo mɛ.