¹ Nɔvinyɛwo, míwo sugbɔ ŋgbe jí be yewo a trɔ́ enukplanmɛtɔwo go. Ɖó mí nya be Mawu a vá ɖó kojo kodo mìwo ciwo yí nyí enukplanmɛtɔwo sɛnŋsɛnŋɖe sɔwu amɛ kpɛtɛwo. ² Mì pleŋ yí wanɔ afɛ le yí nuxu xoxowo mɛ o ɔ, amɛ ci yí sɔ egbe vɛ yí é nyi, amɛ ci yí a sɛ́n eŋ a ɖunɔ yí lankpu lɔ pleŋ jí yɔ́. ³ Le kpɔwɛ mɛ ɔ, mì donɔ enumɛga aglanmɛ nɔ esɔwo keŋ nɔ́ wo a se etonu nɔ́ mò. Nɛnɛ ɔ mì sɛ̀n eŋ yí jɔnɔ emɔ nɔ́ wowo lankpu lɔ pleŋ kpé fini ci yí dró mì. ⁴ Alo, Mí ŋgbe kpɔ etɔjihunganganwo ɖa&! wo gangan nyuie yí jihɔn ganganwo xonɔ yí cucunɔ wo ɖaɖa. Gankegan ɔ, emɔjɔjɔnu hwɛvi ɖeka yí wo sɔ́ jɔnɔ emɔ nɔ́ wo yí wo yinɔ fini ci yí etɔjihungangankutɔ dró. ⁵ Nɛnɛ yí aɖe nyi ŋcinu hwɛvi le agbetɔ lankpu mɛ do nɛ. Vɔ ɔ, enu sugbɔ mɛ yí é nanɔ eʒin le. Mí kpɔ leci yí ezo hwɛvi sun yí a trɔ́ ezo avasu gangan do ɖá! ⁶ Aɖe can le shigbe ezo hɛnnɛ. E yí nyí egunu nɔ esejiɖadale. Aɖe ɖo texwe le mìwo lankpu mɛ yí ś lankpu lɔ pleŋ xonɔ eɖyi. Aɖe tɔnɔ ezo mìwo 'gbvɛmɛ keŋkeŋ. Ɖó ezomavɔ lɔ jejeɛ le yiŋtɔ hun ɖɛ́ vɔ. ⁷ Agbetɔ a sɛ́n eŋ lé egbemɛ 'lanwadan hamɛhamɛwo pleŋ, xeviwo ada gbɛmuwo kodo etɔmɛ 'lanwo pleŋ drú yí a nyi we. Eyi é gbe le wo lɔ yí nyínyuiɛ. ⁸ Vɔ amɛɖe de ɖó ŋsɛn yí a sɛ́n yí a sɛ́n eŋ a ɖu aɖe yɛ jí go. Enujɔjɔbaɖa maledomɛ ɖeka yí é nyi. Aɖyi ci yí wanɔ amɛ ɖɔɛ. ⁹ Mì sɔnɔ aɖe lɔ kanɔfu Mawu ci yí nyí 'da. É yí ké mì gbe sɔ́ sɛnnɔ ekpɛn nɔ agbetɔwo, amɛ ciwo yí Mawu wa do yiŋtɔ nɔnɔmɛhun. ¹⁰ Kanfukanfu 'nyɔwo kodo enudoamɛ 'nyɔwo bɔ tonɔ le enu kuɖeka lɔ mɛ! Nɔvinyɛwo, d'é ɖó a nyí nɛnɛ go. ¹¹ Dotɔ kuɖeka jinɔ eshi vivi kodo eshi veve dó eju a? ¹² Nɔvinyɛwo, figici sɛnnɔ olivu sɛnsɛnwo a? Alo vɛnci sɛnnnɔ figisɛns€nwo a? Dotɔ ɖe ci yí jinɔ eshi veve d'a sɛ́n eŋ a gbe jinɔ eshi vivi zeɖeka ké go. ¹³ Amɛɖe le míwo domɛ yí nyá ŋunu yí gbe soŋke a? Nɛnɛ "mɛ lé dansi yí 'dɔwawawo sɔto egbe nyui ci yí é nɔnɔ le ecufafa kodo ŋununyanya mɛ mɛ. ¹⁴ Vɔ nɔ́míhwanhwan eŋ dɔ dɔn kodo Míwonɔnɔwo yí amɛɖekɛtɔanyɔ yexawo gbe le mí shi ɔ, ŋgbé jejeɛ eŋ nɔ mí go. Mí ŋgbe kanɔ ŋsu dó enu nɔ nyɔnɔnui lɔ go. ¹⁵ Ŋununyanya hɔn yɛ de só jiŋkushimɛ go. Nyigban cɛ ji ŋununyanya nɛ, elanwo ŋununyanya yɔ́, gbɔngbɔnvɔnwo ŋununyanya kóŋ nɛ. ¹⁶ Ɖo fini ci yí amɛwo hwanhwan eŋ baɖa wowonɔnɔwo le yí le wowoɖekɛtɔanyɔ jijiɛ le ɔ, enhannyahannya kodo enuvɔn hamɛhamɛ yí nɔnɔ huntexu. ¹⁷ Vɔ ŋununyanya ci yí so jiŋkushimɛ yɛ ɔ, ŋununyanya mɛmi yí é nyinɔ ŋkɔŋkɔ tɔ. Á sɔ́ yi ji ɔ, é wanɔ fafa 'dɔ le amɛwo mɛ, e ɖanɔ enu, e xonɔ nuxu dó ɖoɖo nu yí kpɔnɔ ŋshishi nɔ amɛ. É sɛnnɔ eku nyuiwo. D'é cannɔ amɛ mɛ go yi d'é wanɔ ayemɛnu kodo amɛ go. ¹⁸ Keŋ ɔ, amɛ ciwo yí jinɔ bé fafa le va donɔ fafa dó ejiwo mɛ shigbe jinuku nɛnɛ s&ɔ to jɔjɔɛnyinyi 'kusɛnsɛn mɛ.