¹ Keŋɖee, ŋ nunuɔ nɔ mí be: «Nɔ́ egbeɖunuwo 'kpaɖexɔtɔ ɖé kpɔtɔ nyi ɖevixwe dúu ɔ, d'é nyi enu bú ɖé to ́ ekpo nɔ hwashi go. Gankegan yí étrɔ nyí kpɔ be eyɛ yí nyí axwetɔ nɔ́ enuwo gbɔxwe. ² Amɛ buwo yí wo sɔ́ cunɔ nɔ́ yí wo a hɛnhiɛn yí enuwojikpɔtɔ cán akpɔkpɔɔ yí 'nuwo jí kaka va sɛn gacimɛ yí edalɔ ɖo ɖɛ́ a sun. ³ Nɛnɛke yí é le do nɔ m̀ nɛ. Gacimɛ yí mí kpɔtɔ le shigbe ɖevuhwɛwo nɛnɛ ɔ, mì nyi hwashi nɔ xexemɛ 'nuwo. ⁴ Vɔ ci yí gamɛ ciwo yí Mawu o va sun ɔ, é dɔ́ Eviɛ ɖaɖa xexe lɔ mɛ. yí nyɔnu ɖeka sii yí yi é va nɔ ese gɔmɛ. ⁵ É wɛɛ nɛnɛ yí cú efɛn yí sɔ́ xwle amɛ ciwo yí le ese gɔnmɛ yí a sɔ mì wa Mawu eviɛwo. ⁶ Eyi ci yí mí nyi Mawu eviɛwo taɖo ɔ, Mawu dɔ Eviɛ gbɔngbɔn ɖaɖa mìwo 'jiwo mɛ yí é le axwa doɔ b& «Edanyɛ! Ada!» ⁷ Ci yí é le nɛnɛ ɔ, d'è gbe nyi hwaqhi go. Vɔ ɔ, evi yí è nyi. Eyi nɔ é nyi evi ɔ, á nyi è gbe nyi egbeɖunuwo 'kpaɖexɔtɔ hɛnnɛ. Mawu yí wɛɛ nɛnɛ. ^{8 9} Sasa ci yí mí de kpɔ jeshi Mawu go ɔ, mí kpɔtɔ nyi hwashiwo nɔ enusɛnsɛnwo. Vɔ nɔ wo de nyí enusɛnsɛn ɖe go. Vɔ ecɛviɛ ci mí va jeshi Mawu alo ci yí Mawu va jeshi mí ɖee, lé mí a sɛ́n eŋ gbe trɔyi xexemɛ 'nu maɖoŋsɛn kodo maɖota hɔnwo gbɔ́ yí a gbe ji a nyí wowo hwashiwo ké dó ɔ, ¹⁰ Mí can ŋkeke ɖewo, wleci ɖewo, hwenu ɖewo kodo exwe ɖewo daɖɛ yí nyinɔ ekɔ le wo ji. ¹¹ Ŋ Vɔnvɔn do enu nɔ mí be cukaɖa ci yí ŋ je yí sɔ wa edɔ le mí gbɔ pleŋ a vá gú ŋ. ¹² Nɔvinyɛwo, ŋ ɖeɖeɛ kuku nɔ mí, mí nɔ shigbe enyɛ nɛnɛ. Ɖo ɔ, enyɛ caŋ ŋ wa enyɛɖeki shigbe míwo nɛnɛ. ¹³ Mí de wa evɔn ɖe kodo ŋ go. Mí nya nyuiɖe be edɔlele hwenu yí ŋ le yú dó Mawu 'ŋɛnyui lɔ nɔ́ mí ŋkɔŋkɔtɔ

¹⁴ Vɔ ci yí nyaŋ gbaza va nyi enu ci yí de nyá kpɔkpɔ gahɔmɛ can ɔ, mí de gbali ŋ go. Vɔ ɔ mí xɔ ŋ shigbe ola é nɛnɛ alo do lehanci yí mí a xɔ Yesu Kliso ŋtɔ dó jí. ¹⁵ Fini jijɔ ci yí nɔnɔ mí ji sa le ɔ, ŋ ɖenɔ kuku nɔ mì be nɔ́ sɛn mí a sɛ́n eŋ yi lɔ míwo ŋkuvimwo le eta nu yí a sɔ́ jó nɔ ŋ ɔ, ́ mí a wɛɛ dru sasa lɔ. ¹⁶ Ecɛviɛ ɖe, va ŋ va trɔ́ míwo ketɔ nɔ́ ci yí ŋ totoɔ nyɔnɔnui nɔ́ mí taɖo a? ¹⁷ Kpakpa ŋtɔ yí sɔsɔɔ amɛ lɔwo dó mí nu vɔ d'é enyuitɔ ý go.Ji wo jijiɛ a ɖe mí o mì nu kpoŋ keŋ nɔ míwo a tɔ́ zozo yí a kplɔ wo dó. ¹⁸ É nyɔ́ nyao be kpakpa nyui a sɔnɔ amɛ do enu nú gashiagamɛ. D'é nyi gacimɛ yí ŋ le míwo domɛ ɖekɛ yí kpakpa a sɔsɔ mí go. ¹⁹ Evinyɛwo, gbaza gbeveveɛ ŋ ke do míwo 'ta shigbe lehanci yí gbaza venɔ nyɔnu efunɔ ci yí gbɔgbɔ evi ji gbe do nɛnɛ. Nɛnɛ lɔ yí gbaza a veveɛ ŋ nɛ kaka va sɔna gacimɛ yí wo a kpɔ be Kliso lɔ le mí mɛ nyao nɛ. ²⁰ É do ŋ veviɖe be ma le míwo domɛ ahan gacimɛ viɛ sa yí a sɔ́ egbe mɛ ci yí je a sɔ́ xo nuxu nɔ́ mí. Ɖó ɔ, míwo 'nyɔ do xaxa nɔ́ ŋ sugbɔ. ²¹ Ma biɔ mí se ɖa, míwo ciwo yí jijiɛ be yewo anɔ ese gɔnmɛ ɖee, mí de se enyɔ ci yí ese nunuɔ ba? ²² Wo ŋwlɛ daɖɛ nyao be Ablahamu wa evi ŋsuvi amɛve ɖɛ. É jí ɖeka Haga, nyɔnu hwashi lɔ dɔmɛ yí ji evetɔ lɔ se sala, nyɔnu manyi hwashi lɔ dɔmɛ. ²³ Nyɔnu hwashi lɔ eviɛ ɔ, wo jii shigbe lehanci yí wo jinɔ eviwo plɛŋ lr gbaza mɛ do nɛnɛ. Vɔ ashiɛ ci yí nyi nyɔnu manyi hwashi lɔ eviɛ ye ɔ, egbedu ci yí Mawu wa nɔ Ablahamu mɛ yí wo ji eyɛ le. ²⁴ Enu lɔwo ci yí jɔ nɛnɛ ɖó gɔnmɛsese citocito ɖeka. Nyɔnu amɛve lɔwo sɔ ezoɖuɖu hatamu amɛve 'fɔ sɔ ɖo ete. Haga sɔ ezo ci yí Mawu ɖu kodo Israyɛli le shinayi 'kpo lɔ jí fɔ sọ ɖo ete. Evi ciwo yí wo ji le ezoɖuɖu hɔn mɛ nyi hwashiwo. ²⁵ Keŋ Haga ɔ é yí nyí shinayi 'kpo ci yí le Alabi 'han mɛ. É yí lɔ ké yí gbe sɔ kodo Ʒeluzalɛmu ci yí li egbɛ ỳ hɛnnɛ. Ɖo jugan hɔn kodo eviɛ wo yí le hwashinyinyi mɛ. ²⁶ Vɔ Ʒeluzalɛmu ci yí a so jiŋkushimɛ yɛ ɔ, yɛ vo le yiɖeki shinu. Eyɛ yí míwo 'nɔ. ²⁷ Nyaɔo ɔ, wo ŋwlɛ daɖɛ be: «Kpɔ́ jijɔ, eo ekonɔ ci yí de jí evi ɖe go! Eo ci yí evi dɔmɛ de ɖu kpɔ go. 'dó jijɔ 'xwawo. Ɖó ɔ nyɔnu ci yí asuɔ gbé eviɛwo a va su egbɔ sɔwu btɔnu ciyi asu li kodo. ²⁸ Nɔvinyɛwo, shigbe Izaki nɛnɛ ɔ mí nyi egbeɖu 'viwo. ²⁹ Shigbe lehanci yí é le do sasa xoxoxo lɔ yí evi ci yí Haga ji le gbaza 'dro mɛ cinɔ yumɛ nɔ evi ci yí wo ji sɔ to Mawu gbɔngbɔn mɛ nɛnɛ ɔn nɛnɛ han lɔ ke yí é gbe le le egbɛmɛ viɛ nɛ. ³⁰ Keŋɖe, enyɔ hin yí le Mawu 'nyɔ wema lɔ mɛ ɔ? Wo ŋwlɛ daɖɛ baŋ: «Nyà nyɔnu hwashi lɔ kodo eviɛ. Ɖo ɔ, nyɔnu hwashi lɔ eviɛ d'a xɔ akpa ɖe le cinɔwo mɛ kodo evi ci yí nyɔnu mnyi hwashi lɔ ji go. ³¹ É yí dɔ́ taɖo ɔ, nɔvinyɛwo, mì de nyí nyɔnu hwashi lɔ eviɛwo go. Nyɔnu manyi hashi eviɛwo yí mì nyí.