¹ Vɔ ɔ, wo yɔnɔ yunɔ ŋsu ɖeka be Ananiyasi yiashiɛ tɔnɔ be safila. Osulɔ sa wowo nyigban ɖeka. Ashiɛ can se kodü. ² E bla enu kodo ashiɛ yisɔ le nyigban-sasa ho lɔ nú yi sɔ́ kpɛtɛ va akɔnmɛ nɔ amɛdɔdɔ lɔwo. ³ Eyi Piyɛ nu nii be: « Ananiyasi, nyi yi na tado yi éna emɔ Legba yi é so axwe do ejimɛ nɔ eo yi è ble Gbɔngbɔ kɔkɔe yi sɔ le nyigbansasa ho lɔ nu ɔ? ⁴ Aotɔ yi nyi nyigban lɔ gbɔxwe é sɛɛ. ⁵ Ci yi é na taɖo yi e ́de susu be ahan yi ye a wa eho lɔ do nɛ ɔ? D'é ble» Ci yi Ananiyasi s enyɔ lɔwo ɔ, é dyidyŋuin yi ku. E dyi vɔnvɔn nɔ amɛ ciwo yi se enyɔ lɔ sugbɔ. ⁶ Dajɛviwo va sɔ avɔ trodii yi kɔɛ yi yi dyii. ⁷ Shigbe egaxoxo amɛtɔn han nɛ nɛ godu ɔ, Ananiyasi lɔ ashiɛ va do exo lɔ mɛ. Kpɔ d'e se enu ci yi jɔ vayi lɔ o. ⁸ Piyɛ biɔɛ se be:« Mabiɔ eo se da, eho cɛ yi eo kodo asuo sa nyigban lɔ ge a ?» Eyi nyɔnu lɔ doŋci nii be: « ɛɛ eho ci yi sɛɛ nɛ.» ⁹ Eyi Piyɛ nu nii be: Lé é wɛɛ yi eo kodo asuo bla enu yi le Axwetɔ Gbɔngbɔn doɔ kpɔ ɔ? kpɔ ɖa, dajɛvi ciwo yi yi asuo nɛ trɔgbɔva le exɔmɔnu nɛ-wo a gbe kɔ eo can yi yɛ» ¹⁰ Zeɖeka vɔ, nyɔnu lɔ dyidyijuin le ŋmɛ nii yi ku. Ci yi ɖajɛviwo do exɔlɔ mɛ yi kpɔ bè yi ku ɔ, wo sɔɛ yi vayi dyii do axa nɔ asuɔ. ¹¹ E dyi vɔnvɔn sugbɔ nɔ xɔsetɔ lɔwo pleŋ kodo amɛ ciwo pleŋ yi se enyɔ lɔ. ¹² Mawu to amɛdɔdɔwo ji yi wa jeshiduwo kodo enudanŋdowo sugbɔ le jukɔn lɔ ddodomɛ. Xɔsetɔ lɔwo pleŋ wanɔ bɔbɔ do eju le salomɔ yaxoxu. ¹³ Vɔ kpɔ amɛbuɖe de gbe edɔn yiayi wo gbɔ o. Gankegan ɔ, jukɔn lɔ dɔnɔ bubu wo nu sugbɔ. ¹⁴ Amɛsugbɔ, le ŋsu mɛ, le nyɔnu mɛ, va xɔxɔ Axwetɔ ji se do ji yi va dodo wowo ha mɛ. ¹⁵ Eyi amɛwo kɔ edɔnɔwo do baciwo alo ebawo ji ahwamɔwo tu kodo susu be nɔ Piyɛ vayigɔɔ, yi kpeti ado fafɛ nɔ dɔnɔ cɛ alo hunɖaa le wo mɛɛ. ¹⁶ Amɛwo lɔ ahwa so eju ciwo yi trɔdo Ʒeluzalɛmu mɛ yi kɔ wowo dɔnɔwo kodo amɛ ciwo yi gbɔngbɔn vɔn ɖeɖe efunnɔ vɛ hɛnnɛ yi wo da edɔ nɔ wo pleŋ. ¹⁷ Avɔnsatɔ gangantɔ kodo amɛ ciwo pleŋ yi le kodii, sadukitɔwo gbɛbɔbɔmɛtɔwo hwantiwan eŋ kodo amɛdɔdɔ lɔwo sugbɔ. Wo pleŋ sɔ gbeta be yewo a wa eɖe. ¹⁸ Wo dɔ yi wo le amɛdɔdɔ lɔwo yi eo wo do jukon lɔ gakpamɛ. ¹⁹ Vɔ ezanmɛ, Mawu cikplɔtɔ ɖeka va hungakpa lɔ hɔnwo nɔ wo yi na yi wo to yi nu nɔ wo be: ²⁰ « Mi yi Mawuxwe mɛ ayi nu agbe cɛ nyɔwo pleŋ nɔ jukɔnwo » ²¹ Ci yi amɛdɔdɔ lɔwo se ahan ɔ, woyi Mawuxwe lɔ mɛ fɔnfɔnmɛ yi vayitɔ enu kplakpla amɛwo. Avɔsatɔ gangantɔ kodo amɛ ciwo yi le kodii va koɖɛ yi yɔ Israɛli mɛganwo bɔ nɔ sɛnsɛn hwɛxɔnu lɔ gododo ɖeka yi dɔ dɔkpɛga dekawo dada gakpa lɔ mɛ be wo le vayi kplɔ amɛdɔdɔ lɔ wo vɛ. ²² Ci yi dɔkpɛga lɔwo vayi doɔ, wode kpɔ amɛ dɔdɔ lɔwo legakpa lɔ mɛ o. Eyi wo trɔgbɔva ehwɛxɔ lɔ nu yi va ɖo egbe nɔ wo be: ²³ « Mi kpɔ yi gakpa lɔ le cucu nyuiɖe kaka ezancɔtɔwo can le exɔmɔnu lɔwo nu. Vɔ ciyi mi hun gakpa lɔ kpɔ ɔ, mi de kpɔ amɛde le mɛ o. ²⁴ Ci yi Mawuxwe gbonugla lɔwo ga kodo avɔsatɔ lɔwo se enyɔ lɔ ɔ, eji eŋ nɔ wo kaka kpɔ wo degbe nya enyɔ ci yi wo a nu o. Eyi wo va biɔbiɔ wowonɔnɔwo se be le enyɔ lɔ a va ci do mɛɛ. ²⁵ Eyi amɛɖeka va kɔɖɛ yi nu nɔ wo be: « Mi se da! Amɛ ciwo yi mi cu do gakpamɛ le Mawuxwe mɛ yi le enu kplaa jukɔn lɔ.» ²⁶ Eyi dɔkpɛgawo ga lɔ kplɔ yi bɔdonutɔwo yi wo vayi kplɔ amɛdɔdɔ lɔwo blɛwuu. Ɖo wo vɔnvɔn be, juicɔn lɔa va doekpe yewo. ²⁷ Ci yi wo kplɔ wo gbɛ ɔ, wo kplɔ wo yi sɛnsɛn hwɛxɔnu lɔ ŋkɔ yi avɔsatɔ gangantɔ lɔ biɔ wo se be: ²⁸ « Mi de do ese nɔ mi sɛnŋsɛnŋgɖe be miwo ŋgbe gbe kpla enu amɛde le amɛ hɔn nyikɔ m ɛo ba? Miwo nukplamɛnyɔwo kaka do Ʒeluzalɛmu jugan lɔ mɛ pleŋ! Mi jijiɛ be ŋsu lɔ ku a nɔ ekɔ nɔ miwo!» ²⁹ Eyi Piyɛ kodo amɛdɔdɔ kpɛtɛwo doŋci nü be: « Le Mawu kodo agbetɔwo domɛ ɔ, Mawu yi wo ɖo aɖo shishi nɔ. ³⁰ Yesu ci yi miwo yɛ, miwo kan do acisoga ji yi e ku ɔ, miwo tɔgbiwo Mawu fɔin le amɛkuku wo domɛ. ³¹ Mawu kɔɛ sɔyidado yi ɖushilɔ mɛ yi sɔ do efiɔ kodo hwlɛngantɔ, nɔ Israyɛli jukɔn lɔ a trɔ yiɖeki a ji nɔ enuvɔnwo sɔsɔke. ³² Miwo ɔ miwo kpɔ enu hɔnwo pleŋ texu. Ggbɔngbɔn kɔkɔɛ ci yi Mawu na amɛ ciwo yi senɔ etonu nü can kpɔ wowo tɔxu.» ³³ Amɛ ciwo yi nɔnɔ ehwɛxɔnu lɔwo wa dɔmɛzi yi ji be yewo a dɔ nɔ wo a wu amɛdɔdɔ lɔwo. ³⁴ Vɔ ɔ, Falisitɔ deka le sɛnsɛn hwɛxɔnutɔ lɔwo mɛ yi nyi esedɔwatɔ. Wo yɔɛni be Gamaliyɛli. Israyɛli jukɔn lɔ pleŋ donɔ bubu yi nu. E so je ete yi dɔ be wo le kplɔ amɛdɔdɔ lɔwo tü keŋ. ³⁵ Enu nɔ agun lɔ be: « Israyɛlitɔwo,mi kpɔ nyiɖe kodo enu ci yi mi jijiɛ a wa kodo amɛ lɔwo. ³⁶ Majinjinde vayi yɛ ɔ, mi kpɔ ŋsu ɖeka. Woyɔɛni be Tedasu. E nu be amɛjɔ amɛ ye nyi yi amɛ shigbe sanŋdi amɛnɛ han kplɔɛdo. Wo va wui yi amɛ ciwo pleŋ yi kplɔɛdo lɔwo gbanhlɛn yi enyɔ ci é hɛnvayigɔ lɔ ci ete do ehɔntexu. ³⁷ Eyɛ godu ɔ, mi va kpɔ yuɖa, Galiletɔ lɔ hwecinu yi efiɔ dɔ be wo le hlɛn amɛwo kpɔ le ye ju mɛ. E dɔn amɛ sugbɔ kplɔ yiɖeki do. Wo va wu eyɛ can yi amɛ ciwo pleŋ yi kplɔɛdo lɔwo gbanhlɛn. ³⁸ E yi na tado ɔ ŋ nunu ɔ nɔ mi be miwo le de ekɔ le amɛ hɔnwɔ nu yi a tashiwo nɔ wo a yi. Nɔ wowo susuwo kodo dɔwawawo so agbetɔwo gbɔ ɔ, wo d'a kpɔ eta ɖe nii o. ³⁹ Vɔ nɔ wo so Mawu gbɔ ɔ, mi d'a sɛn eŋ gu wo o, Mi a kpɔ nuiɖe nɔ mi ŋgbe va le amɛ ciwo yi fɔn egu Mawu nu mɛ o.» Amɛ ciwo yi le ehwɛxɔnu lɔ xɔ egbe do enyɔ ci yi Gamaliyɛli nu ji ⁴⁰ Wo dɔ yi wo kplɔ amɛdɔdɔ lɔwo vɛ yi dɔ yi wo do ba nɔ wo. Wo do ese nɔ wo sɛnŋsɛnɖe be wo ŋgbe gbe xo nuxu ɖe le Yesu nyikɔ mɛ o yi tashi wo. ⁴¹ Amɛdɔdɔ lɔwo so le sɛnsɛn hwɛxɔnu lɔ. Eji jɔ wo mɔ Mawu kpɔ be yewo sun yi a kpé do Yesu nyikɔ ci yi yewo yɔyɔ ŋci. ⁴² Eyi wo le enu kplan amɛwo yi le Yesu, klisolɔ ŋɛnyui dodo, ŋkeke ɖeka dúu, le Mawuxwe lɔ kodo axwewo mɛ.