¹ Piyɛ kodo ʒan gbe kpɔtɔ le nuxu xoɔ nɔ jukɔn lɔ gbɔxwo yí avɔsatɔwo, Mawuxwe lɔ jikpɔtɔwo 'ga kodo sadukitɔwo va kɔɖe. ² É ve wo nu sugbɔ be amɛdɔdɔ lɔwo le enu kplan jukɔn lɔ yi nunuɔ be yesu fɔn so ekuwodi yí sɔ to eyɛ ji ɔ, amɛkukuwo cán a vaƒɔn so ekuwodi ³ Eyi wo lé wo yí sɔyi cu dó gzkpzmɛ kaka eŋ ke. ɖo ɔ, fiɛshi dó vɔ. ⁴ Vɔɔ, amɛ sugbɔtɔ trɔ́ xɔsetɔ le amɛ ciwo yi se enyɔ ciwo yi Piyɛ nu dodome. wo su egbɔ shige kɔtokun amatɔn (5000) han nɛnɛ. ⁵ I ŋkegbu ɔ, yuɖatɔwo sɛsɛŋ lɔ, mɛganwo kodo esedɔwatɔwo va bɔdo ʒeluzalɛmu ⁶ Le wo mɛ ɔ, wo a kpɔ Hani avɔsatɔ gangantɔ, kalifu, zan Alɛsandru kodo amɛ ciwo pleŋ yile avɔsatɔ gangantɔ lɔ xɔmu mɛ. ⁷ Wo dɔ yi kpɔ amɛdɔdɔ lɔwo va ŋkɔ nɔ wo biɔ wo se be «ŋsɛŋ hin yi mi sɔ da edɔ nɔ ŋsu xokple lɔɔ? Mi nyikɔ yi da edɔ hɔn le ɔ ? » ⁸ Eyi Piyɛ, amɛ ci mɛ yi Gbɔngbɔn kɔkɔɛ ɖɔ ɖoŋci nɔ́ wo be : « Jukɔn lɔ fifɔhawo kodo mɛganwo ⁹ mì wa enu nɔ 'ŋsu xokplɛ ɖeka yi miwo va biɔbiɔ mi se egbɛ be lé gan dó mɛ. ¹⁰ Mi pleŋ kodo isayɛli Jukɔn lɔ pleŋ le nyá ŋsɛŋ ɖeka le yesu kliso ciyí só Nazalɛti jugan mɛ nyikɔ mɛ. ŋsɛn hɔn yí mì sɔ da edɔ nɔ mí nɛ. Mí kan yesu hɔn do acisoga fɔin so amɛkukuwo domɛ. ¹¹ " Eyɛ yí nyi Ekpe ciyí míwo, exɔcutɔwo gbe yi é va trɔ ekpe vevi zogojikpɛ" ¹² yesu lɔ ɖekɛ kpáŋ yí hwlɛnnɔ amɛ gan. Ɖó ɔ wo de na nyiko buɖe amɛɖe le nyigban cɛ ji yi wo o tóji yi a kpɔ hwlɛngan o. » ¹³ Amɛ lɔwo kpɔ be Piyɛ kodo ʒan de nyi amɛ kpoŋwo o. Wwo se wema o. Ci yí é le ahan can ɔ, wo gbegbe edɔn do enuɖeka nú. Eyi é ji eŋ nɔ́ wo sugbɔ. Gahɔnmɛ, wo va dó jeshi i be yesu do wo kplɔ. ¹⁴ Vɔ ci yi wo kpɔ ' ŋsu ci yí wo da edɔ nɔ le ete le axa nɔ Piyɛ kodo ʒan ɔ, wo de gbe nya enyɔ ɖe yi a nú nɔ́ wo o. ¹⁵ Eyi wo ɖe egbe nɔ wo be wole to le sɛnsɛn hwɛxɔnu lɔ yí yí ekpa ¹⁶ Wo nunuɔ nɔ wowonɔnɔwo be : « Nyi yí mì a wa kodo amɛ lɔwo ɔ? ʒeluzalɛmutɔwo pleŋ ge nya nyuide be wowo ji yí Mawu tó yi wa jeshidu cɛ kaka ka mì d'a gbe sɛ eŋ tɔ aci axa nii o ¹⁷ Vɔ ɔ, mì ɖo a wa eɖe nɔ enyɔ lɔ ŋge ka : kan do jukɔn lɔ mɛ sɔwu ecɛ o É yí ná taɖo ɔ, mìa do ' ese nɔ́ wo sɛnŋsɛnŋɖe be wo ŋgbe gbe xo nuxu so ŋsu cɛ nu nɔ́ amɛɖe o » ¹⁸ Eyi wo gbe trɔyɔ Piyɛ kodo ʒan yi do ' ese nɔ́ sɛnŋsɛŋɖe be yesu nyikɔ ŋgbe gbe to le aglan mɛ nɔ wo o Nɛnɛke wo ŋgbe gbe kplan enu amɛɖe so yesu nu o. ¹⁹ Vɔ ɔ, Piyɛ kodo ʒanɖoŋci nɔ ' wo be : « Miwoŋtɔwo lé sɔ́ ŋkuvi kpɔɛ kpɔ. Le Mawu gbɔ ɖee, miwo nɛ, Mawu nɛ, mi yí é nyɔ be wo a se egbe nɔ ɔ? ²⁰ Miwo viɛ ɔ, miwo d'a sɛ́n eŋ tashi nuxu xoxo so enu ci yí mi kpɔ́ yi se nu o.» ²¹ Jukɔn lɔ pleŋ le Mawu kanƒuɔ nɔ enu ciyi ega lɔwo de gbe nya lehanci yi wo awɛɛ yí a dɔn eto nɔ Piyɛ kodo ʒan do o. Eyi wo vɔnvɔn nɔ́ wo dó ji yi tashi wo. ²² Amɛ ci yí wo da edɔ nɔ nukunutɔlɔ ɖó exwe sɔwu exwe eka. ²³ Ci yí wo jo Piyɛ kodo ʒan ɔ, wo trɔyi wowo kpenawo gbɔ́ yí vayi tɔ enyɔ ciwo yi avɔsatɔwo 'gawo kodo meganwo nú nɔ́ wo. ²⁴ Enyɔ lɔ gɔduɔ, wo pleŋ sɔ ege ɖo eju yi kɔ́ egbe yi eji yí wa gbedoaɖa yi nú nɔ́ Mawu be : « yehoha eo yi wa jiŋkushi, nyigban, axu kodo enu ciwo pleŋ yi le wo mɛ. ²⁵ Eo yi to Gbɔngbɔn kɔkɔɛ ji yí to Gbɔngbɔn kɔkɔɛ ji yi na yi miwo tɔgbi Daidi ci nyi ao 'dɔwavi, biɔ se be : Nyi yí akɔtawo le adan wagɔ ɔ? Nyi yí ná taɖo yí jukɔnwo le susu gbaliwo ɖeɛ hɛnnɛ! ²⁶ Nyigban ji fiɔwo drado a wa ahwa. 'Fiṣhawo kpe eta yí le susuwo ɖeɛ kpanŋkɔ yehowa Mawu kodo kliso, yi mɛcancan lɔ". ²⁷ Nyɔnɔ nuitɔ,, ɔ, Elodi Ancipasi kodo pɔnsu Pilati ca eha kodo israyɛli jukɔnwo kodo kpɛtɛwomɛtɔwo, le jugan cɛ, yi fɔ́ egu do do ao 'dɔwavi kɔkɔɛ yesu ci è shi ami nɔ ú. ²⁸ Wo wɛɛ ahan nɔ́ ɖoɖo ci yi è wa sasa xoxoxo kodo aɖan a sɛnŋ eŋ jɔ do jí. ²⁹ Ecɛɖɛviɛ, ɔ, yehowa, kpɔ lehanci yi wo le vɔnvɔn do nɔ mi dó ɖa. Nà ao dɔwaviwo a nú ao 'nyɔ kodo edɔngbegbe ³⁰ Ɖè ao ŋsɛn toi yi a da edɔ nɔ amɛwo yi a ná nɔ́ wo a ɖe jehiɖuwo kodo enudanƴdowo dansin to ao 'dɔwavi kɔkɔɛ yesu nyikɔ mɛ.» ³¹ Ci yi' wo wa gbedoaɖa lɔ ɖegɔ ɔ, nyigan hanhun le fini ciyi wo le lɔ. Gbɔngbɔn kokɔɛ ɖo wo pleŋ mɛ yi wo tɔ́ Mawu 'yɔ nunu kodo edɔngbe gbe. ³² Susu le ɖeka nɔ́ xɔsetɔwo 'ha lɔ yí wo wanɔ enɔ shigbe amɛ kuɖeka wo nyi nɛnɛ. Wowo dɔmɛtɔ ɖekɛ de gbe sɔnɔ yi dɔkunuwo be wo nyi eye ɖekɛtɔ o. Wo sɔnɔ wo shigbe wo pleŋ tɔ yɔ nɛnɛ. ³³ Amɛdɔdɔ lɔwo ɖe kunu ŋsɛŋsɛntɔ be Axwztɔ yesu ƒɔ́n so ekuwodi yi Mawu wa xomɛvunu nɔ́ xɔsetɔ lɔwo pleŋ sugbɔ ³⁴ Wowo domɛtɔ ɖekɛ de jinɔ enuɖe dó ekpo o. Nyɔnɔnuitɔ ɔ, amɛciwo shi nyigban kodo axwewo le le wo mɛ sanɔ nyigban kodo axwe lɔwo yi sɔnɔ eho lɔ vá nɔ́ wo. ³⁵ Wo sɔ wo danɔ dó akɔnmɛ nɔ amɛdɔdɔ lɔwo. Wo kpɔnɔ enu ciwo yihian amɛ ɖeka ɖeka yi manɔ eho lɔ dó wo nú. ³⁶ Ahan yi ʒozefu Levi jijimɛvi ɖeka ci yi wo ji le shipo ' tɔdomɛju mɛ wa nɛ. Amɛdɔdɔwo ná nyikɔ be banabasi (ci gɔnmɛ yi kpɔbe akɔnfanɔamɛtɔ) ³⁷ É sa yi gble nyigban ɖekaa yí sɔ́ eho lɔ vɛnɔ amɛdɔdɔ lɔwo yi sɔ́ dodo akɔnmɛ nɔ wo.