¹ Gbeɖeka ɔ, Piyɛ kodo Ʒan yigɔ Mawuxwe mɛ do fiɛshi gatɔn mɛ nu, Gbedoɖa hwenu ² Amɛwo trɔtrɔ ŋsu ɖeka dado Mawuxe lɔ 'xɔmɔnu ci yi wo yɔnɔ be exɔmɔnunyui. ŋsu lɔ xo ekplɛ so gacimɛ yi wojii. Gbeɖeka dúu ɔ, wo kɔɛni va ehɔntexu lɔ nɔ́ á biɔbiɔ enu amɛ ciwo yi ɖoɖo Mawuxwe lɔ mɛ. ³ ci yi ŋsu lɔ kpɔ́ Piyɛ lɔ kodo ʒan ɖoɖoɔ Mawuxwe lɔ mɛ ɔ, é biɔ bé wo le wa ŋshishikuku 'nu ɖeka nɔ eye ⁴ Eyi piyɛ kodo ʒan lɔwo kpɔɛ juun yi nu nii be : « Glò mì kpɔ́.» ⁵ ŋsu lɔ tɔ́ wo gloglopkɔ. Ɖó ɔ, é nɔnɔ ete kpɔ enuɖe a xɔ le wo shí ⁶ Vɔ ɔ, Piyɛ nu nii be : «ŋ de wa eho alo shika ɖɛgo. Vɔ enu ci yi le ŋ shi ɔ, na ná eo. Le Yesu kliso Nazalɛtitɔ nyikɔ mɛ ɔ, shi ete yi a zɔ́n zɔnlin!» ⁷ É lé ɖushilɔnu nɔ́ ŋsu lɔ yi é shite. Eyi zeɖeka vɔ, ŋsɛnɖo aƒɔwo kodo afɔcikɔɛwo mɛ mii. ⁸ Yi é blabla yi shike yi tɔ́ zɔlin zɔnzɔn. E ɖo Mawuxwe lɔ mɛ kodo Piyɛ kodo ʒan yi zɔnzɔn zɔn yí teteɛ yi kankanfu Mawu. ⁹ Jukɔ lɔ pleŋ kpɛ yi é zɔnzɔ zɔnlin yí kankanfu Mawu ¹⁰ Amɛwo jeshii be yi yi nɔnɔ anyinɔnɔ dó Mawuxwe lɔ 'xɔmɔnu ci wo yɔnɔ bé Exɔmɔnunyui yí a le ŋshishi kuku 'nú biɔ. Eyi Enu ci wo wa nii lɔ kpaca wo yi wu enu nɔ́ wo. ¹¹ ŋsu lɔ de sosoɔ le Piyɛ kodo ʒan gbɔ lé fini c yi wo yɔnɔ be salomɔ 'yaxoxu o. Eyi Jukɔn lɔ pleŋ le enukpacaame lɔ mɛ yi yi shi ejuva cɔ́n wo. ¹² Ci yí Piyɛ kpɔ́ ahwakɔn lɔ ɔ, é nu nɔ́ wo be : « Israyɛlitɔwo, nyi yi ná toɖo yi edɔ ci yi we da nɔ́ su lɔ jijiɛ e nɔ mi ɔ? Nyí shigbe miwoŋtɔ wo ŋsɛn yi na yi ŋsu hɔn tɔ zɔnlin yi ŋsu hɔn tɔ zɔnlin zɔnzɔn do han ɛnɛ ɔ? Nyi na taɖo mi gloglɔ mi kpɔ́n shigbe egbeji yi mi le nɔ Mawu ta yí dá sdɔ lɔ enɛ ɔ? ¹³ Ablahamu, Izaki ʒakɔbu kodo Miwo tɔgbuiwo Mawu yi kanfu yi 'dɔavi yesu nɛnɛ. Miwo viɛ ̵ɔ, miwo sɔɛ daashi nɔ ejuɛganwo yi gbe gbii le Pilati gbɔ. Pilati yɛ trɔ́ kpó bé ye a joi. ¹⁴ Miwo ɔ, miwo gné amɛkkɔɔɛ, amɛjɔjɔɛ yi dɔ́ bé wo lz j́ó amɛwutɔ nɔ yewo. ¹⁵ Mi wu agbenaamɛtɔ lɔ. Vɔ ɔ, Mawu ƒɔin lɛ amɛkukuwo doɛ kaka mí kpɔ́ tɔxu. ¹⁶ Xɔse ci yí wo ɖo nɔ́nyesu nyikɔ yi da edɔ nɔ ŋsu ci mi kpɔkpɔ yi gbe jeshi ɖɛ hɔn. Ɖó ɔ, xɔse yí ná yi lanmɛ haya nii vɛ le mí pleŋ ŋmɛ. ¹⁷ Eviɛ ɔ, nɔvinyɛwo, ŋ nya bé manyamanya mɛ yi miwo kodo miwo ƒiɔhawo le yí wa enu hɔn kodo yesu. ¹⁸ Vɔ ɔ, enyɔ ci yi Mawu ŋtɔ nú daɖɛ sɔto yi iŋɖdotɔwo pleŋ jí yi é va wa do. É nú daɖɛ vayi be klisolɔ a vá pé efun. ¹⁹ É yí ná taɖo ɔ, mi tsɔ miwoɖekiwo a ji, a trɔa Mawu gbɔ́, nɔ á cu cu miwo 'nuvɔnwo soi nɔ mi. ²⁰ Nɛnɛ ɔ, Mawu a ná mi gbɔngbɔndomɛ yí agbe dɔ yesu kliso ɖaɖa mi. É doŋkɔ yi ciin daɖɛ nɔ́ mi. ²¹ Eye yí ɖó a nɔ jiŋkushi kaka a sɔnanɔ hwecinu yi Mawu a dra enuwo pleŋ dó shigbe lehanci é nui sɔto yi iŋɛdotɔ kɔkɔɛwo ji vayi xoxoxo dó nɛnɛ. ²² Nyɔnɔnuitɔ ɔ, Mɔyizi nu vayi be : " Axwetɔ miwo Mawu a ná yi yi iŋɛdotɔ ɖeka a tó so miwo xomu mɛ yi à dɔɛ ɖaɖa mí shigbe lehanci yi é dɔ ŋ ɖaɖa mi do ɛnɛ Mí a vá ɖó eto yi a se enyɔ ciwo pleŋ yi á va nu nɔ́ mi ²³ Vɔ amɛ ci yí ɖ'a va ɖó eto yi a se enyɔ ci yi Mawu iŋɛ dotɔ cɛ a nú o ɔ, wo a ɖii toi le Mawu jukɔn lɔ mɛ yi a ná yí wo a wui ²⁴ Mawu 'ŋɛɖotɔwo pleŋ, sɔso Samiyɛli ji kaka vá je samiyɛli yumɛtɔwo ji cán xo nuxu so enu ciwo yí vá jɔjɔ le ŋkeke cewo mɛ nu. ²⁵ Egbe ci yi Mawu ɖó nɔ́ miwo tɔgbuiwo sɔto yi iŋɛdotɔwo ji yi nú nɔ́ Ablahamu be : "Na tó ao jijimɛviwo ji yí a cú eshi nɔ xomu ciwo pleŋ yí le nyigban lɔ ji" ɔ, miwo cán yí é ɖoi nɔ́. ²⁶ Ci yí Mawu ná yí yi dɔwavi lɔ vá ɔ, Miwo gbɔ́ yi é dɔɛ ɖaɖa doŋkɔ nɔ́ á vayi cu eshi nɔ mi yi a ná yí miwo domɛtɔ ɖeka a tashi xomɛveve. »