¹ Ci yi Pantekoti zangbe va ɖó ɔ, nukplanviwo pley bɔdo texwe ɖeka. ² Zeɖeka vɔ, enu ɖeka dyi egbe so jeŋkushi shigbe le hanci aya gangan lɔnɔ enu do yi gban dó axwe ci mɛ yi wo le anyinɔnɔ le lɔ keŋkeŋ. ³ Éyi wo kpɔ enu ɖekawo yi enu lɔwo lé shigbe ezo ɖewo enɛ. Enu lɔwo klán lé wowonɔnɔwo nú yi vá je nukplanvi lɔwo ɖeka ji. ⁴ Gbɔngbɔn kɔkɔɛ ɖɔ ejimɛ nɔ wo pleŋ yi wo tɔ́ egbe ebu ebuwo dedo dhigbe le hanci yi Gbɔngbɔn lɔ ná wo dó ɛnɛ. ⁵ Yuɖatɔ egbejinɔtɔ ɖekawo trɔ lé ʒeluzalɛmu ega hɔn mɛ. Wo só nyigban ji ikɔtawo pleŋ mɛ. ⁶ Ci yi wo sé egbe ci yi enu lɔ dyi ɔ, wo shi eju vabɔ gijii. É ji e nɔ́ wo pleŋ sugbɔ. Ɖó enyɔ ci yi nukplanvi lɔwo nunuɔ ɔ, amɛ lɔwo domɛtɔ ɖeka siisiɛ do yiŋtɔ gbe mɛ. ⁷ É ji eŋ nɔ́ wo yi gbe wu enu nɔ́ wo. Eyi wo vá biɔ́ se be : « amɛ ciwo yi le nuxu xogɔ dee d'é nyi galile kanmɛ tɔwo yi wo pleŋ nyi ba? ⁸ Le é wɛɛ yi miwo domɛtɔ ɖeka ɖeka seseɛ enyɔ ci nuɔ yi wo le dó yiŋtɔ gbe mɛ ɔ? ⁹ Amɛɖekawo so Patita kan, Mɛdi kodo Elamu juwo mɛ yi amɛ ɖewo só Mezopotami ju; ʒude, kapadɔsi, Pɔn kodo AZi kanwo mɛ, ¹⁰ nɛnɛke yi amɛbuwo só Fliʒi kan Panfili kan, Eʒiputu kodo silɛnu ci yi le bibi ju mɛ mɛ nɛ. Nɛnɛke yiamɛ buwo gbé so Hlɔmu, ¹¹ Klɛti tɔdomɛju kodo Alabi kan mɛ nɛ.́ Wo ji amɛɖekawo do yuɖatɔwo sɛnsɛn mɛ yi amɛɖewo shin gbɔxwe yi vá dó mɛ. Gankegan enu gangan ciwo yi Mawu wa yi wo nunuɔ ɔ, mi seseɛ wo do miwoŋtɔwo gbewo mɛ! » ¹² Enyɔ lɔ wu enu nɔ wo pleŋ kaka kpɔ́ wo de gbe nya susu ɖe o ɖé o. Eyi wo vá tɔ́ nunu nɔ́ wowonɔnɔwo be : «Enu ci yi jɔjɔ lɔ gɔnmɛ ɖee? Vɔ ¹³ ɔ, amɛ ɖewo le nukplanvi lɔwo koɔ be Vɛn ivitɔ yi wo nu mu! » ¹⁴ Eyi Piyɛ kodo amɛdɔdɔ wiɖeka kpɛtɛwo shi eté yi Piyɛ kɔ egbe yi eji yi nu nɔ ahwakɔn lɔ be : « Miwi, Yuɖatɔwo Kodo zeluzalɛmu Juganmɛtɔwo pleŋ le ɖo eto ase enyɔ ciwo yi ŋ nunuɔ yi a mɔnŋjemɛ nyuiɖe be : ¹⁵ Gbeɖe, D'é nyi aha yi amɛ lɔwo nu mu shigbe lehanci yi miwo bubuiɛ do ɛnɛ o. Ɖonyindin gashiɖekɛ ɖowo yi a xoxoɔ eviɛ ¹⁶ Vɔ ɔ, enyɔ ci yi Mawu nɛ dotɔ ʒowɛli nu daɖɛ sasa yi va jɔjɔ egbɛ ¹⁷ É nu daɖɛ vayi be Mawu nu be : Na na nyaŋ Gbɔngbn agbetɔwo pleŋ le ŋkeke kpɛtɛwo mɛ. Miwo vi ŋsuwo kodo miwo vi nyɔnuwo a va dé nyaŋ ŋɛ nɔ amɛwo. Na ɖe enu dansi nɔ́ miwo vi jajɛwo ŋtegantɔ yi a gbe ɖe enu dansi nɔ́ míwo mɛshinshin wo to edrɔkuku mɛ ¹⁸ Ɛɛ, le ŋkeke hɔnwo mɛ ɔ, na já nyan Gbɔngbɔn do nyaŋ dɔwavi ŋsu kodo nyaŋ dɔwavi nynuwo ji yi wo a do nyaŋ ŋɛ nɔ amewo. ¹⁹ Na na yi enujiŋwo ajɔ le jeŋkushi mɛ yi a na yi enudanŋdowo a jɔ le nyigban ji, ehun kodo ezo kodo azɔ a li. ²⁰ Ewe a dó́ vivi yi wleci z biz hɛɛn shigbe ehun enɛ, gbɔxweyi axwetɔ ŋkeke lɔ a va ɖó, klɛnklɛn ŋkeke gangan lɔ. ²¹ Eyi nɔ amɛɖekpokpoi fan ekui yɔ Axwetɔ lɔ nyikɔ, á hwliin gan.» ²² «Israyɛlitɔwo, mi ɖo ato a se anyɔ cɛwo. Yesu, amɛ ci yi so Nazalɛti Jugan mɛ ɔ, Mawu dansi amɛ ci é nyi nɔ mi yi to ji yi wa jeshiduwo, enujiŋwo kodo enudaŋdowo le miwo domɛ. Shigbe lehanci yi miwoŋtɔwo mi nyii do ɛnɛ ; ²³ Wo sɔ ŋsu hɔn dansi nɔ mi shigbe lehanci Mawu sɔ́ gbeta lɔ yi gbe toi daɖɛ dó ɛnɛ. Mi dɔ yi gbe toi daɖɛ dó ɛnɛ. Mi dɔ yi edanuwatɔwo kiin do acisoso ji yi sɔ wu ²⁴ Vɔ ɔ, Mawu ƒɔin so ekuwodi yi dii tii le eku vevisesewo mɛ. ɖo ɔ,, eku de ɖo ŋsɛn yi a glɔin ɖɛ o. ²⁵ Davidi xo nuxu só Yesu l̵ɔ nu sasa be : " ŋ kpɔnɔ Mawu le ŋkɔ nɔ enyɛɖeki gashagamɛ. Ɖó é nɔnɔ ɖushimɛ nɔ ŋ nɔ enyɛ ŋgbe vɔn ²⁶ ɔ. Éyi ná taɖo yi eji jɔnɔ ŋ yi ŋ jinɔ eha . Eyi nɔ́ ŋ gbe ku can ɔ, nyaŋ cɔ lɔ a vo le yɔdu mɛ yí a le emɔkpɔkpɔ mɛ ɖɛ. ²⁷ Ɖó ɔ, d' à ɖe emɔ yi nyaŋ se a ci ekuwodi o. D'à tashi ao mɛ kɔkɔɛ a nyinyɔ do' yɔdu mɛ o. ²⁸ Eo yi dansi emɔ ci yi na tó yi a kpɔ agbe nɔ ŋ. Nɔ́ è le ŋ gbɔ kpɔŋ nɛnɛ vɔ, ŋ kpɔnɔ jiji» ²⁹ «Nɔvinyɛwo, wo le ɖé emɔ nɔ ŋ nɔ́ ma nú enyɔ cɛ mi nyuiɖe só miwo tɔgbui Davidi nu. É kú yi wo ɖyii kaka yi yɔdu le mi gbɔ agbɛ. ³⁰ Vɔ ci yí é nyi Mawu 'ŋɛdotɔ ɔ, é nya bé Mawu 'ŋɛdetɔ ɔ, é nyá bé Mawu ɖo egbe nɔ eye yí ta yiɖeki do' ji be ye a va sɔ ye jijimɛviwo domɛtɔ ɖeka dado ye ƒiɔʒinkpin ji.» ³¹ Davidi doŋkɔ yi kpɔ klisso lɔ ƒɔnƒɔnsokuwodi. Eyi é xo nuxu so nu be : « Mawu d'a ɖe emɔ yi yi se a ci ekuwodi o, yi cɔ lɔ a nyinyɔ dó yɔdu mɛ o. » ³² Mawu ƒɔn yesu lɔ so ekuwodi yí mi pleŋ kpɔ́ tɔxu. ³³ Mawu kɔ dado yi ɖushilɔmɛ yi yesu xɔ Gbɔngbɔn kɔkɔɛ ci gbe yi Ado ɖo lɔ yind yi é ja do mi ji. Enu ci yi mi kpɔkpɔ yi gbe seseɛ egbɛ nɛ. ³⁴ D'é nyi Davidi ŋtɔ yi yi jeŋkushi o. Vɔ ɔ, é nu be : «Mawu nu nɔ́ nyaŋ xwetɔ be : " và nɔ anyinɔnɔ dó nyaŋ ɖushilɔmɛ, ³⁵ Nɔ́ ma sɔ́ ao ketɔwo wa afɔɖojinuwo nɔ́ eo." ³⁶ Nɔ́ é lé nɛnɛ ɔ, Israyɛli ' xwe lɔ pleŋ ɖó a nya nyuiɖe: Yesu hunɖe ci mi kan dó acisoga ji ɔ, é yí Mawwu sɔ ɖó Axwetɔ kodokliso lɔ! » ³⁷ Ci yí wo se enyɔ lɔwo, ɔ, wo caka le wowoɖekiwo mɛ yi nu nɔ́ Piyɛ kodo amɛdɔdɔ kpɛtɛwo be: « Nɔvinyɛwo, lé mia wɛɛ do ɔ ? » ³⁸ Eyi Piyɛ nu nɔ́ wo be : « Mi trɔ miwoɖekiwo a ji. Miwodomɛtɔ ɖea ɖeka le xɔ Mawushidota le Yesu Klosi nyikɔ mɛ nɔ́ yi nuvɔnwosɔsɔke kodo Gbɔngbɔn kɔkɔɛ xɔxɔ. ³⁹ Ɖó ɔ, miwo kodo miwo viwo kodo amɛ ciwo yi le jijitɔxu yiwo ɖó egbe lɔ nɔ́ Amɔshamɛ ci yi Tohonɔ, miwo Mawu a vá yɔ́ yi wo ɖó nɛnɛ 'gbe ɖɛ nɔ́» ⁴⁰ Piyɛ gbe nu enyɔ sugbɔ buwo nɔ́ wo yi a sɔ ɖé kunu nɔ́ yi gbé sɔ dó ŋsɛn lanmɛ nɔ́ wo. É nu nɔ́ wo be :« Egbiviwo wawa enu do akpo. mi ŋgbe nɔ wo mɛ o.» ⁴¹ Amɛ ciwo yi xɔ́ egbe dó Piyɛ 'nyɔwo ji ɔ, wo do eshi eta nɔ́ wo. Gbehɔngbe ɔ, agbetɔ shigbe kotokutɔn (3000) han ɛnɛ yi wo xɔ do xɔsetɔ lɔwo 'ha mɛ ⁴² xɔsetɔ lɔwo vanɔ amɔdɔdɔwo 'nukplanmɛnyɔwo tɔxu yi gbé nɔnɔ agbe fofo kodo nɔvitɔ. Wo ɖunɔ enu dó eju yí gbe wanɔ kuifan do eju. ⁴³ Wowo dɔmɛtɔ ɖeka ɖeka vɔnnɔ. Ɖo ɔ, Mawu wawa enudaŋŋdo kodo Jeshidi sugbɔ to amɛdɔdɔ lɔwojí. ⁴⁴ Xɔsetɔ lɔnɔ pleŋ le ɖekawa wa mɛ yi gbe bɔnɔ wowo 'nuwo dó eju. ⁴⁵ Wo sanɔ wowo dɔkunnuwo yi mannɔ eho lɔ, lé wowonɔnɔwo mɛ, dó eʒan ci yi le amɛ ɖeka ɖeka jí nu. ⁴⁶ Gbeɖeka dúu ɔ, wo donɔ ego do Mawuxwe mɛ. Wo ɖunɔ enu do eju le wowo 'xwewo mɛ kodo jijɔ kodo eji faa. ⁴⁷ Xɔsetɔ lɔwo kannɔfu Mawu yí é jenɔ eŋ nɔ jukɔn lɔ pleŋ. Eyi ŋkeke ɖeka dúu ɔ, Axwetɔ kplɔnɔ amɛ ciwo yi é hwlɛn gan yoyu vá wo mɛ.