¹ Aglipa nu nɔ Pɔlu bɔ « Emɔ li nɔ eo be eo le xo nuxu yi a sɔ́ hwlɛn ao 'ta gan». EyiPɔlu kɔ alɔ yi eji yi tɔ́ etahwlɛnhwlɛngan nɔ́ Yideki be : ² «Efiɔ Aglipa, ŋ kpɔ be enu yi nyɔ́ nɔ́ ŋ be ŋ jijiɛ a hwlɛn eta nɔ enyɛɖeki egbɛ le ehwz ciwo pleŋ yi yuɖatɔwo dodoɔ nɔ ŋ mɛ. ³ Ɖó ɔ, è nya yuatɔwo 'kɔnuwo kodo enyɔ ciwo pleŋ yí le domɛ nɔwo yí wo hwlɛnnɔ. ŋ ɖe kuku nɔ eo be eo lé gbɔn eji ɖɛ yi a se enyɔ ciwo yi na nú. ⁴ Yuɖatɔwo pleŋ nya lehanci yi ŋ nɔ agbe do sasa le nyaŋ ɖajɛvi mɛ. wo nyá Lehanci yí ŋ nɔ agbe do so gɔnmɛjeje le nyaŋ 'kɔta lɔ kodo ʒeluzalɛm jugan lɔ mɛ. ⁵ W o jeshi ŋ xoxoxo yi nɔ wo dró ɔ, wo a ɖe kunu nɔ ŋ be yuɖatɔwo sɛnsɛn 'gbɛ sɛnŋsɛnŋtɔ ci yí nyi Falisitɔwotɔ mɛ yi nɔ ⁶ Ci yí ŋ kpɔkpɔ emɔ nɔ egbe ci Mawu ɖonɔ́ miwo tɔgbiwo ŋci yí wo le ŋ va kojo mɛ ahan yɛ. ⁷ Mìwo 'kɔta wive lɔ lɔwo kpɔkpɔ emɔ nɔ egbeɖu hɔn yí le Mawu sɛn kodo ezo, ezan kodo kede. Efiɔ Aglipa, emɔ hɔn ciyi ŋ kpɔkpɔ ŋci yí yuuɖatɔwo dodo ehwɛ nɔ ŋ do. ⁸ Nyi yí na taɖo yí miwo de xɔse o be Mawu fɔnnɔ a mɛkukuwo dó agbe do ɔ? ⁹ Enyɛŋtɔ ŋ bu vayi be na tó emo ɖe kpokpoi nú yi a kpe eta kodo yesu Nazalɛtitɔ nyikɔ sasa ¹⁰ É yi ŋ wa le ʒeluzalɛmu vayi xɔ ŋsɛn so avɔsatɔwo 'gawo gbɔ́ yí cú xɔsetɔ sugbɔ do gakpamɛwo mɛ yí nɔ́ wo be wo be a wu eɖewo ɔ, ŋ xɔnɔ egbe do ji. ¹¹ Gadhagamɛ ɔ, ŋ dyinɔ esa to Mawusɛnxuwo yí dɔ yi wo ʒinnɔ wo ji nɔ́ wo a zu yesu wowo 'na venɔ ŋ nu sugbɔ yí ŋ cinɔ yumɛ nɔ wo kaka a yi kɔdo juganwo mɛ le etogodu.» ¹² « É yi jí yí ŋ le yí vayi gɔ Damasi a va wa edɔ ci yi avɔsatɔwo 'gawo ná ŋsn ŋ be enyɛ le yi wa. ¹³ Efiɔ Aglipa, emɔ lɔ ji yí ŋ le do gawive mɛ han nɛmɛ nú yí kpɔ klɛnklɛn ɖekaa so jikushu. Klɛnklɛn lɔ klɛn sɔwu ewe yi bibiɛ trɔdo enyɛ kodo amɛ ciwo yí kplɔ ŋ do. ¹⁴ Mipleŋ je anyi yí ŋ se yi egbe ɖeka dyidyiɛ egbe ɖyidyi lɔ nunuɔ do Eblegbe mɛ be : "sɔlu sɔlu, nyi yi jɔ yí è ci yumɛ nɔ ŋ ahanɔ? Ao ŋtashinshin lɔ gblegble enu le eo nu" ¹⁵ ŋ ɖoŋci be "Eo mi yɔ ɔ Mɛgan ? "Eyi Axwetɔ ɖoŋci nu be : "Enyɛ yi nyi yesu, amɛ ci yi eo, è ci yumɛ nɔ. ¹⁶ Vɔ ɔ, fɔŋ yi a sò je ete. Enu ci ŋci yi ŋ ɖe enyɛɖeki dansin nɔ eo ge. ŋ can eo shigbe edɔwavi nɛnɛ. À va nyi kunuɖetɔ nɔ ŋ yi a nú lehanci yí è kpɔ ŋ do nɔ amɛwo. Na gbe dre enu xiwo yí na vá dansin nɔ́ eo nɔ mɛwo hɛnnɛ. ¹⁷ Na dɔdɔ eo ɖaɖa jukɔn hɔn kodo amɛmanyi yuɖatɔwo gbɔ́. Na ɖe eo toi le wo mɛ yi wo dá a enude nɔ́ eo o. ¹⁸ ŋ dɔdɔ eo nɔ na vayi hun ŋkuvi nɔ wo yi wo a ɖe ekɔ le vivi nu yi a kpé klɛnklɛn gbɔ. Wo a ɖe ekɔ le egba ŋsɛn nú yí a kpé Mawu gbɔ. Nɔ ŋ ji se ɔ, Mawu a sɔ́ wowo nuvɔnwo ke wo yí wwo dó mawu tɔwo gbɛ mɛ".» ¹⁹ Nɛnɛ ɔ, efiɔ Aglipa, ŋ wa do enu lɔ ci yi wo dansin nɔ ŋ só jikushi ji ²⁰ ŋ nu Mawu 'nyɔ nɔ Damasi kodo ʒeluzalɛmu juganmɛtɔwo doŋkɔ. ʒ dyi esa to ʒude 'kan lɔ pleŋ mɛ yi gbe yi amɛmanyi yuɖatɔ cán gbɔ. ŋ nu nɔ wobe wo le trɔ́ wowoɖekiwo a ji yí a trɔva Mawu gbɔ̀. Wole tɔ́ enu ciwo yí sɔgbe kodo amɛɖekitrɔtrɔji lɔ wawa. ²¹ Enu hɔn ŋci yi yuɖatɔwo le ŋ le Mawuxwe yi ji be yewo awu ŋ do nɛ. ²² Vɔ kaka a vasɔ je egbɛ yɛ ɔ, Mawu kpenɔ dó ŋ nu hweshahwenu yí ɖeɖeɛ kunu nii le ɖeviwo kodo mɛgan xoxuwo gbɔ Enu ciwo yi Mawu ŋɛdotɔwo kodo Mɔyizi nyɖekɛwo nuɔ yi ŋle be : ²³ Klisolɔ kpé efun yi nyi amɛ ŋkɔtɔ ci yi fɔń so ekuwodi yi nú klɛnklɛn lɔ nyɔ nɔ jukɔn lɔ kodo amɛmanyi yuɖatɔwo.» ²⁴ Gbɔxwe yí Pɔlu a hwlɛn yiɖeki ta ɖegbɔ ɔ, Fɛsutusu do axwa yí nu be : « Pɔlu, è je suku ! È kplan wema kaka va je suku dó mɛ!» ²⁵ Pɔlu ɖoŋci nii be : « Bubutɔ Fɛsutusu, ŋ de je suku o. Enyɔ ciwo yi dó gɔnmɛsese yí y nunuɔ. ENYɔ Lɔwo gbe nyi nyɔnɔnyui ²⁶ Efiɔ, è se enyɔ hɔnwo vayi. É yí ná taɖo yi ŋ le nuxu xoɔ nɔ eo kodo kankandoji be eo de ŋlɔbe eɖe le wo mɛ o. Ɖo eɖe de jɔ le bebe mɛ o.» ^{27 28 29} Ɖe, efiɔ Aglipa, è xɔ enyɔ ci yi Mawu ŋɛdotɔwo nu ji se a ? ŋ nya nyuide be eo xɔɛ jise» Aglipa nu nɔ́ Pɔlu : « Hwɛɖeka yi kpɔtɔ yí ao nyɔwo a na yi ao nyɔwo a ná yí ma xɔ egbe a trɔ klisotɔ» Pɔlu ɖoŋci nii be « Nɔ́ é gbe nyi eviɛ cɛ alo gabumɛ can ɔ, ŋ ji be Mawule wɛɛ nɔ́ eo kodo amɛ ciwo pleŋ yile eto do ɔ ŋ a trɔ enyɛ han hɛnne. Ega ɖekɛ yí wo dá alo nɔ mí o» ³⁰ Efiɔ lɔ kodo elanjikpɔtɔ gangan lɔ kodo Belensi sɔkpenɔ amɛ ciwo pleŋ yí bɔdo wo nú so je ete ³¹ yitɔ toto le amɛwo mɛ yítɔ todo le amɛwo mɛ yí nunuɔ nɔ wowonɔnɔwo be : « su cɛ de wa enuɖe kaka a je nɔ eku alo gakpamɛ o. » ³² Eyi Aglipa yɛ va nu nɔ Fɛsutusu be : « Nɔ́ ŋsu cɛ de nú sasa be seza yí a ɖo kojo nɔ eye o ɔ, wo a tashi drú. »