¹ Ci yi fɛsutusu va ega ji le nutui lɔ mɛ, i nyisɔ mɛ ɔ, e so le za le jugan mɛ yi yi Ʒeluzalɛmu. ² Avɔntɔ gangantɔwo kodo yudatɔwo mɛganwo vayido ehwɛ nɔ Pɔlu le Fɛsutusu gbɔ yi ɖe kunu nü mɔ. ³ Yi lé wa xomɛvunu nɔ yewo yi a na nɔ wo a kpɔ Pɔlu gbe va Ʒeluzalɛmu. Le nyɔnɔnui mɛ ɔ, wo bla enu do nu yi a wui le emɔ ji. ⁴ Vɔ ɔ, Fɛsutusu ɖo ŋci nɔ wo be Pɔlu a nɔ gakpa mɛ le sezale jugan mɛ. Ye a gbe trɔyi ehɔntɔxu yɛ majinjin ɖe. ⁵ E gbe nu mɔ: Amɛ ciwo yi nyi ega le miwo domɛ le kplɔ ŋ do yi a vayi do ehwɛ nɔ ŋsu cɛ le ŋ gbɔ nɔ mi kpɔ mɔ yi wu ehwɛ ɖe do yewo.» ⁶ Fɛsutusu de wa sɔwu ŋkeke amɛnyi alo amɛwo le wo gbɔ o yi gbe trɔvayi sezale jugan mɛ. I ŋkegbu ɔ, é yi nɔ anyinɔnɔ le ehwɛxɔnu yi dɔ wo vayi kplɔ Pɔlu vɛ. ⁷ Eyi ci Pɔlu va ɖo ɔ, Yeɖatɔ ciwo yi so Ʒeluzalɛmu yi va sezale va xa dii yi tɔ ehwɛ dodo nii. Ehwɛ lɔwo su egbɔ yi gbe sɛnŋ. Vɔ kpɔ wo de sɛn eŋ enuɖe dasɛn dasɛn be nyɔnɔui yi yewo nunu ɔ o. ⁸ Vɔ ɔ, Pɔlu hwlɛn eta nɔ yiɖeki yi nu be: « ŋ de jeagɔ de o. ŋde da le Yuɖatɔwo se ɖe ji o. Nɛnɛke yi ŋ de gblé ekɔ ɖe so Mawuxwe lɔ nu alo yi wa enuɖe kodo Hlɔmutɔwo fiɔgangan o nɛ.» ⁹ Fɛsutusu ji be ye a wa xomɛ vunu nɔ Yeṣatɔwo yi ɖoŋci nɔ Pɔlu be: « E ji bé ye a yi Ʒeluzalɛmu nɔ wo a vayi ɖo kojo lɔ kodo eo le hɔntexu le ŋmɛ nɔ ŋ a ?» ¹⁰ Pɔlu ɖoŋci nii be: « Hlɔmutɔwo fiɔgangan hwɛxɔnuge yi ŋ le ge. Ehɔntexu yi wo ɖo a ɖo kojo kodo ŋ lenɛ. Shigbe lehanci yi eoŋtɔ nyii do nyuiɖe nɛnɛ ɔ, ŋ de je agɔ de do Yuṣatɔwo o. ¹¹ Nɔ ŋ je agɔ de alo ŋ wa enuɖe yi je nɔ ŋ de wa eɖe le ehwɛ wo ciwo yi amɛ lɔwo dodo ɔ nɔ amɛɖe be yi a sɔ ŋ doashi nɔ wo. Ŋ biɔ be Hlɔmatɔwo fiɔgangan lɔ le do kojo nɔ ŋ le Hlɔmu jugan mɛ.» ¹² Fɛsutusu yi ekpa kodo yi ɖaŋɖetɔwo. Ciyi é ɖegbɔ ɔ, énú nɔ Pɔlu be:« ci yi é nyi seza,efiɔgangan lɔ yi è be yi a ɖo kojo lɔ nɔ eo ɔ, a yi gbɔ.» ¹³ Ŋkeke ɖewo godu ɔ, efiɔ Aglipa kodo Belenisi va sezale jugan mɛ yi a va do egbe nɔ Fɛsutusu. ¹⁴ Wo nɔ ehɔntexu xɔ ŋkeke sugbɔ. Fɛsutusu ɖe Pɔlu nyɔ nɔ e fiɔ lɔ be: « Filisi cu ŋsu ɖeka do gakpamɛ. ¹⁵ Ci yi ŋ yi Ʒeluzalɛmu ɔ, avɔnsatɔwo gawo kodo Yuɖatɔwo mɛganwo do ehwɛ nii yi biɔ so ŋ gbɔ be enyɛ lé nù bé yi nyɔ dɔn. ¹⁶ ŋ ɖoŋci nɔ wo be nɔ amɛɖe wu ehwɛ ɔ, gbe Hlɔmutɔwo de dɔnnɔ eto nii gbɔxwe yi a kplɔɛ va kodo mɛ nɔ a kpɔ emɔ yi a hwlɛn eta nɔ yi ɖeki le amɛ ciwo yi dokɔ ehwɛ ni ŋmɛ o. ¹⁷ Eyi wo va elɛ. I ŋkegbu, ete ma nɔ ɔ, ŋ yi nɔ anynɔnɔ do ehwɛxɔnu yi dɔ yi wo kpɔ ŋsu lɔ vɛ nɔ ŋ. ¹⁸ Amɛ ciwo yi nu be yi wu ehwɛ do yewo to wowo nyɔwo. Enu dɔndɔn ciwo yi enyɛ bubu ɔ be yi wa sasa ɖe de le wowo nyɔ wo mɛ o. ¹⁹ Enyɔ ci ɖekɛ kpaŋ yi wo và nù,e yi nyi bè yewo dɔn enyɔ kodii so yewo sɛnsɛn kodo amɛ ɖeka ci yi wo yɔnɔ be Yesu nu. Yesu ci yi ku gankegan Pɔlu ye nunu ɔ be yi le agbe. ²⁰ Enyɛ yɛ, ci yi ŋ ɖe nya lehanci yi na so enyɔ lɔ do o ɔ, ŋ biɔ Pɔlu se be wo a ɖo kodo lɔ nü le hɔntexu mɛ. ²¹ Vɔ ɔ, Pɔlu biɔ be Hlɔmutɔwo fiɔgangan lɔ yi a ɖo kojo lɔn nɔ eye. Ahan ɔ, ŋ ɖe egbe mɔ wo le vayi cui do gakpamɛ keŋ gbɔxwe nɔ i godu ɔ, ma va cucui ɖaɖa seza.» ²² Eyi Aglipa nu nɔ Fɛsutusu be: « Enyɛ can, ŋ ji mɔ na se enyɔ ci yi le enu nɔ ŋsu cɛ.» Fɛsutusu nu be: « Esɔ ,ɔ a sii. » ²³ I ŋkegbu lɔ nya o ɔ Aglipa kodo Belenisi va ɖo ehwɛxɔnu lɔ kodo sɔjawo gawo kodo amɛ ŋkuvi le ji ciwo yi le jugan lɔ mɛ yi le ezin nakɔ. Eyi Fɛsutusu dɔ yi wo vayi kplɔ ²⁴ Pɔlu vɛ. Eyi e nu be: « Efiɔ Aglipa kodo miwo ciwo pleŋ le hwɛxɔ lɔ nu, mi kpɔ ŋsu cɛ ɖa. Yudatɔ sugbɔtɔ dokɔ ehwɛ nü le ŋ gbɔ le elɛ kodo Ʒeluzalɛmu yi le axwa do ɔ be yi de gbe do anɔ agbe o. ²⁵ Enyɛ yɛ ɔ, ŋ kpɔ be yi de wa enuɖe ci yi je nɔ eku o. Vɔ ɔ, yiŋtɔ biɔ be Hlɔmutɔwo fiɔgangan yi a ɖo kojo nɔ eye. Ci yi é le ahan ɔ, ŋ sɔ gbeta be na cucui ɖaɖɛɛ. ²⁶ Enyɔ ɖe de le ŋ shi yi na ŋwlɛ so nu ɖaɖa efiɔgangan lɔ o. Eyi na taɖo yi ŋ dɔ yi wo kpɔɛ va miwo ŋmɛ, veviɖe ɔ, va ŋmɛ nɔ eo efi Aglipa. Gahɔnmɛ nɔ miwo biɔ enyɔ wo yi se ɔ mɛ kpɔ enyɔ a ŋwlɛ so nu. ²⁷ Ɖo ŋ kpɔ be ide nyɔ o be wo a cucu gakpamɛtɔ ɖaɖa Hlɔmu ehwɛ ci yi wo dodoɔ nii naŋwlɛ bɔdo nu o.»