¹ Pɔlu cu ŋkuvi dó amɛ ciwo yí nɔnɔ sɛnsɛn ́hwʒxɔnu lɔ ji yí nú bé : « Nɔvinyɛwo, nyaŋ ̀yexamɛ vo, d'é kpɔ́ afɛn ɖe le ŋ nu le agbe ci yi ŋ nɔ kaka vá sɔdonɔ egbɛ yɛ́ le Mawu ŋmɛ go. ŋ de kpɔ́ be ŋ je agɔ ɖe dó amɛɖe go.» ² Avɔsatɔ gangantɔ Ananiyasi nu nɔ́ amɛ ciwo yí gogo Pɔlu be wo lé sɔ́ qlɔ gban enu nii ³ Eyi Pɔlu nu nɔ́ Ananiyasi be : «Mawu yi a xo eo. Eglikpu ci yí wo shi kalo eɣi nɔ gbzli! É nɔ anyi,ɔnɔ do ehɔn bé ye a ɖó kojo kodo enyɛ do ese ji, vɔ yi trɔ da le ese jí bé wo lé gban enu nɔ enyɛ! » ^{4 5} Amɛ ciwo yi le ehɔn nú bé : « É le Mawu ̀vɔsatɔ gangantɔ lɔ zuɔ a !» Pɔlu ɖoŋci bé : « ŋ de nyá sasa bé ayɔsatɔ gangantɔ yi é nyi go, nɔvinyɛwo. Le nyɔnɔnui mɛ ɔ, wo ŋwlɛ dó Mawu ̀nyɔ wemqwo mɛ be : " Amɛɖe ŋgbe nu enyɔ vɔn ɖ̀é so amɛ ci yi nyi nyi egz nɔ yi jukɔn nú go!» ⁶ Pɔlu nya bé amɛ lɔwo domɛtɔ ɖekawe nyi Sadukitɔwo yi ebuwo nyi Falisitɔwo. Eyi é tɔ axwa dodo le sɛnsɛn hwɛxɔnu lɔ yi nunuɔ be : « Nɔvinyɛwo, enyɛ ɔ, Falisitɔ ŋ nyi. Falisitɔwo yi ji ŋ. Ci yi ŋ le emɔ kpɔɔ be amɛkukuwo a va ƒɔn so ekuwodi taɖo yi wo lé ŋ va kojo mɛ le elɛ.» ⁷ Gacimɛ yi Pɔlu nu nɛnɛ ɔ, Falisitɔwo kodo Sadukitɔwo tɔ́ enƴo dɔndɔn le wowonɔnɔwo mɛ yí agun lɔ má dó eve. ⁸ Ɖó ɔ, Sadukitɔwo nunuɔ beƒɔnsokuwodi de li go, kpɔ́ Mawu dɔla Kodo gbɔngbɔnwo de li go. Vɔ ɔ, Falisitɔ wowo xɔ nɛnɛ ̀nuwo pleŋ ji se. ⁹ Axwa dodo lɔ gbe sɛnsɛn eŋ dó ji. Eyi esedɔwatɔ ɖeka ciwo yí le Falisitɔwo ̀gbɛ́ mɛ shite yí nú kodo ŋsɛn bé : « Mi de kpɔ́ evɔn ɖɛ le ŋsu hɔn nú go. Gbɔngbɔn ɖe alo Mawu dɔla ɖé han yi xo nuxu nii!» ¹⁰ Enyɔ lɔ dɔndɔn gbe va sɛnsɛn eŋ dó jí sɛnsɛn eŋ dó jí sugbɔ kaka Hlɔmutɔwo sɔjawo ̀ga vá tɔ́ vɔnvɔn bé wo a vá lé Pɔlu yí a driin. Eyi é ɖe egbe nɔ sɔjawo bé wo lé ɖó agun lɔ mɛ yi a xɔ pɔlu le amɛwo si yí a gbe kplɔɛ yi sɔjawo nɔxu lɔ. ¹¹ Le ezan ci yi kplɔɛ do mɛ ɔ, Axwetɔ ɖe yieki dansi nɔ Pɔlu yi nú nii bé : «ŋgbè vɔn go! É ɖe kunu nɔ ŋ le ʒeluzalɛmu jugan mɛ elɛ vɔ. É ʒián bé á gbe vayi wee le hlɔmu jugan mɛ hɛnne.» ¹² ŋkegbu nyidin ɔ, yuatɔ ɖekawo blá enu do Pɔlu nu. Wo ta enu bé yewo d'a ɖu alo a nu enuɖe gbɔxwe yi a wui go. ¹³ Amɛ ciwo blá enu dó Pɔlu nu su egbɔ sɔwu eka. ¹⁴ Wo vayi kpɔ avɔsatɔwo gawo kodo mɛganwo bé : « Mi ta enu veviɖe bé nɔ́ mi de wu Pɔlu o ɔ, mi d'a ɖu enuɖe go. ¹⁵ Ci yí è le nɛnɛ ɔ, miwo yɛ ɔ, mí toi kodo sɛnsɛn hwɛxɔnu gawo yí a biɔ so sɔjawo ̀gá lɔ gbɔ bé yi lé kplɔ Pɔlu vɛ nɔ́ mí shigbe mí gbe jijiɛ a biɔ́ yi se nyuiɖe yɔ́ han nɛnɛ. Miwo yɛ ɔ, míle egbesɔsɔ yí a wui gbɔxwe yi á va ɖo mí gbɔ le elɛ.» ¹⁶ Vɔ Pɔlu ŋiniɛyɔvi se enu ci yi wo blá dó ŋiniɛ nu. Eyi ɛ yi sɔjawo nɔxu ƒini ci yí ŋiniɛ le yi ɖó mɛ yi fi etofi nɔ Pɔlu le ehɔn. ¹⁷ Eyi Pɔlu yɔ sɔjakkavehowiga lɔwo ɖomɛtɔ ɖeka yí nú nii bé : « Kplɔ́ ɖajɛvi cɛ yi míwo ̀gá lɔ gbɔ́. É ɖó enyɔ ɖeka a nú nii.» ¹⁸ Sɔja kavehowiga lɔ kplɔɛ yi yí nú nɔ wowo ̀gá lɔ bé : «Gakpamɛtɔ, Pɔlu yɔlu yɔ ŋ yí dɔ́ ŋ be enyɛ lé kplɔ ɖajɛvi cɛ sɔhɛnyi nɔ eo. yi ɖó enyɔ ɖeka a nú nɔ́ eo.» ¹⁹ Sɔjawo 'gá lɔ lé alɔnu nɔ ɖajɛvi lɔ yi kplɔɛ yi azɔge yí bisɛ se be : « Enƴɔ hin yi le eo shi yí è jijɛ a nú nɔ́ ŋ ɔ?» ²⁰ Ɖajɛvi lɔ ɖoŋci nii bé : « Yuɖatɔwo blá enu dó Pɔlu nu. Wo nú bé yewo a bis so eo gbɔ bé eo lé kplɔɛ va sɛnsɛn hwɛxɔnu nɔ yewo esɔ shigbe wo gbe jijiɛ a biɔ́ eny yi se nyuiṣe dó jí nɛnɛ. ²¹ Vɔ ɔ, ŋgbè lɔn do jí nɔ wo go! Ɖo ɔ a:ɛ lɔwo sú egbɔ sɔwu eka yi jijiɛ a dó exa dóemɔ ji ɖɛ nɔ Pɔlu. Wo ta enu bé nɔ́ yewo de wu pɔlu o ɔ, yewo d'a ɖu enu alo a nu enuɖe go. Wo le egbesɔsɔ ɖɛ viɛ yi nɔnɔ ete be eo le ɖe egbe nɔ yewo.» ²² Sɔjawo 'gá lɔ nú nɔ́ɖajɛvi lɔ bé yi ŋgbe vayi nu enyɔ lɔ nɔ́ amɛɖe go yi tashii bé yi lé yi. ²³ Le i goɖu ɔ, sɔjawo 'gá lɔ yɔ́ sɔjakavɛhowigawo domɛtɔ amɛve yí nú nɔ́ wo bé : « Mi bɔ sɔja sanŋdive (200) kodo esɔkutɔ kahowi howo kodo ehwandatɔ sanŋdive (200) nɔ́ wo pleŋ a drado yi a yi sezale jugan mɛ do ezangashi ɖekɛ mɛ nu. ²⁴ Mí dra esɔwo dó yi a kɔ́ pɔlu yi nɔ ekanjikpɔtɔ Felisi. Mí kpɔkpɔ Pɔlu lɔ nɔ́ enuɖe ŋgbe wee gbɔxwɛ nɔ́ mí a vayi ɖo go.» ²⁵ Enyɔ hɔnwo godu ɔ, é ŋwlɛ wema doashi nɔ́ wo. ²⁶ Wema lɔ nú be Klodiwusu Lisiyasi yí ŋwlɛ wema cɛ ɖaɖa eo bubutɔ ekanjikpɔtɔ Felisi. ŋ do egbe ɖaɖa eo. ²⁷ Yuɖatɔwo lé ŋsu cɛ yí jijiɛ a wui. Eyi enyɛ kodo nyaŋ sɔjawo vayi xɔɛ le wo shi. Ɖó ŋ va se be Hlɔmujuvi yi yi nyi. ²⁸ ŋ ji bé na nyá ehwɛ ci yi é wu ɖo yuɖatɔwo yí kplɔɛ yi wowo sɛnsɛn 'hwɛxɔnu. ²⁹ ŋ va mɔŋje mɛ be wowoŋtɔwo sewo nú yi wo dodoɔ ehwɛ nii dó. ŋsu lɔ de je agɔ ɖe kaka a je nɔ je nɔ eku alo gakpa mɛ go. ³⁰ Le i goɖu ɔ, wo vá fi etofi nɔ ŋ be yuɖatɔ ɖekawo blá egbe do nú. É yí na taɖo yi ŋ dɔ yi wo kplɔɛ vɛ nɔ́ eo zeɖeka. ŋ gbe nu nɔ amɛ lɔwo bé wo lé vayi do ehwɛ lɔ nɔ́ Pɔlu lɛ eo gbɔ́.» ³¹ Sɔjawo wa do enyɔ ci yi wo nú nɔ́ wo jí yi kplɔ Pɔlu sɔhɛnyi Antipatrusu jugan mɛ ezan lɔ mɛ. ³² I ŋkegbu ɔ, sɔja ciwo yí tó aƒɔ trɔgbɔva wowo nɔxu yi sɔja esɔkutɔ lɔwo ɖekɛ kplɔ Pɔlu yi wo lé emɔ kpɛtɛ dó enu ɖedo. ³³ Ci yí wo vayi ɖo Sezale jugan mɛ ɔ, wo sɔ́ wema lɔ jó nɔ́ ekanjikpɔtɔ lɔ yi gbe dansi Pɔlu nii. ³⁴ Ekanjikpɔtɔ lɔ hlɛn wema lɔ kpɔ́ yi biɔ́ Pɔlu se be nutui hi mɛ yiyi só mɛ. Ɖó é se be yi só Silisi 'Kan mɛ. ³⁵ Eyi ekanjikpɔtɔ lɔ nú nii bé : «Nɔ́ amɛ ciwo yí dodoɔ ehwɛ nɔ eo va vá ɔ, na biɔ́ enyɔwo eo se.» Le i godu ɔ, é ɖe egbe be wo lé kplɔ Pɔlu yi Elodi gbogbu mɛ.