¹ Le i goɖu ɔ, Pɔlu so le Atɛnu yi yi Kolɛnti jugan mɛ. ² É vayi do ego yuɖatɔ ɖeka le ehɔn. Wo yɔɛni bé Akiklasi yí é so Pɔn Kan mɛ. I nɛ yi Akilasi lɔ kodo ashiɛ Plishika so le Itali yí vá ci Kolɛnti jugan lɔ mɛ yɛ̀ nɛ. Do ɔ, efigangan Klodi e egbe vayi be yuɖatɔwo pleŋ lé só le Hlɔmu jugan mɛ. Pɔlu yi Akilasi kodo ashiɛ gbɔ yi vayi yɔ wo kpɔ́n ³ Ci yí é nyi edɔ ŋmɛ ɖeka watɔwo yí wo nyi ɔ, é ci wo gbɔ́ yi wo tɔ́ edɔ wawa do éju. Zavacutɔ eɖɖewo yi wo nyi. ⁴ Gbɔngbɔngbe eɖka dúu ɔ, Pɔlu yinɔ Mawusɛnxu yi vayi dɔnnɔ enyɔso Mawu nyɔ nu kodo Yuɖatɔwo kodo Glɛkitɔ ciwo yi sɛnnɔ Mawu. É tenɔ kpɔ nɔ́ wo a nyá be ye nyɔ nyi nyɔnɔnui yi a xɔ yesu ji se. ⁵ Gacimɛ yi Silasi kodo Timɔte so le Maseduwanu kan mɛ yi vá ɖo kolɛnti jugan lɔ mɛ ɔ, Pɔlu vá sɔ́ yiɖeki jo nɔ́ Mawu ̀nyɔ nunu ɖeka. É ɖenɔ lehansi yi yesu ,yi Klisolɔ dó dansi nɔ́ Yuɖatɔwo. ⁶ Vɔ ɔ, yuɖatɔwo trɔkpanŋkɔ yi yi zuizuiɛ. Eyi é xuxu yi ̀wu ̀kɔwo yi nú bé : «Nɔ́ enuɖe vá wa mi ɔ, miwoŋtɔwo nŋɔ yi é nyi. Enyɛ, ŋ to le mɛ. So egbɛ, ji ɔ, amɛmanyi yuɖatɔwo gbɔ́ yi na tɔ́ yi yi. » ⁷ Eyi é so le ehɔn yi yi ŋsu ɖokz ci yi wo yɔnɔ be Titiwusu ʒutusu gbɔ. ŋsu lɔ sɛnnɔ Mawu yi yi ̀xwé le axa nɔ Mawusɛnxu lɔ. ⁸ Klisipusu, Mawusɛnxu ̀gá lɔ yɛ kodo yi xomu lɔ pleŋ xɔ Axwetɔ ji se. Kollɛntitɔ sugbɔ ciwo yi se enyɔ ci yi pɔlu nu xɔ Axwztɔ jí se hɛnnɛ yi wo do eshi eta ni. ⁹ Ezanmɛ ɔ, Pɔlu kpɔ Axwetɔ ŋtegantɔ yí é nu niibé : «ŋ gbé vɔn go. Nunuɔ nyaŋ ̀nyɔ lɔ. ŋgbè mi go. ¹⁰ Ɖó ŋ le kodo eo. Amɛɖe d'a sɛn eŋ wa enuvɔn ɖé kodo eo go. Ɖó amɛ yi nyí kinyɛ le jugan lɔ mɛ.» ¹¹ Pɔlu nɔ kolɛnti sɔnanɔ exwe ɖeka kodo efan yí le Mawu nyɔ nuɔ nɔ amɛwo. ¹² Hwecinu yi Galiyɔn nyi Hlɔmutɔwo ̀Kanjikpɔtɔ le Akayi ̀kan mɛ ɔ, yuɖatɔwo pleŋ trɔkpanŋkɔ Pɔlu yi kplɔɛ yi ehxɛxɔnu ¹³ yí nú bé : «ŋsu cɛ trɔtrɔ susu nɔ́ amɛ wo bé wo lé sɛn Mawu do alɔkpa cci yi ese de nú o ji.» ¹⁴ Gaciùɛ yi Pɔlu jijiɛ be ye a ɖoŋci nɔ́ wo nɛnɛ ɔ, galiyɔn xɔ nuxu yí nú nɔ́ yuɖat lɔwo bé : « Miwo yuɖatɔwo, nɔ́ é nyi enuɖɔndɔn ɖe hanci yí Pɔolu wa alo enuvɔn gangan ɖé yi é wa sa, nɔ́ enyɔ lɔ gbe le eɖe can ɔ na gbɔn ji ɖɛ fɛɛ yi a xɔ enyɔ nɔ mi ¹⁵ Vɔ ci yi é nyi enyɔ yí Pɔlu dɔn kodo mí so enyɔciwo, nyikɔwo kodo miwo ̀sewo nú ɔ, enyɔ hɔn de nyi nyaŋ ̀nyɔ ɖe go. ŋ de ji kojo hɔn hanwo ɖé a dó go!.» ¹⁶ Eyi è nya wo ti le ehwɛxɔnu lɔ. ¹⁷ Ƴuɖatɔ lɔwo pleŋ vayi je Sosutɛnu, Mawusenxu ̀gá lɔ jí yí lii yí tɔ́ xoxoi le ehwɛxɔnu lɔ ŋkɔ. Gankegan kpɔ́ d'é ɖyi eɖe do enu nɔ Galiyɔn Kpetii go. ¹⁸ Pɔlu gbe nɔ kolɛnti yi xɔ azan ɖewo. Le i godu ɔ, klan nɔvi lɔwo yi vayi ɖo etɔjihungangan ɖeka yí yi sili ̀kan mɛ. Gbɔxwe yi á so ɔ, é xlɔ́ eta le Sankle. Ɖó é ɖó egbe ɖeka. Plishika kodo Akilzsi yi kodi. ¹⁹ Ci yí wo vá ɖó Eƒɛzi jugan mɛ ɔ, Pɔlu tashi pishika kodo Akilasi do ehɔn yi yiŋtɔ yi Mawusɛnxu yi vayitɔ enyɔ dɔndɔn kodo Ƴuɖatɔwo so Mawu nyɔ nu. ²⁰ Wowo biɔ́ so gbɔ́ bé yi le nɔ yewo gbɔ hwɛɖeka. Vɔ é gbe. ²¹ É nú wo bé : « Nɔ́ Mawu lɔn ɔ, na trɔgbɔva mi gbɔ » yi ɖó etɔjihungangan yi só le Eƒɛzi jugan lɔ mɛ. ²² Hwecinu yi é vayi ɖo Sezale jugan mɛ ɔ, é yi ʒeluzalɛmu jugan mɛ do ŋkɔ yi dó egbe nɔ amɛ ciwo yi le Mawu ̀ha lɔ mɛ. Le godu ɔ, é vayi antiwɔshi jugan mɛ ²³ yi nɔ ehɔn hwɛɖeka gbɔxwe vá só yi tó Galati kodo Fliʒi Kanwo mɛ yí dodoɔ eji exo nɔ nukplanviwo. ²⁴ Ƴuɖatɔ ɖeka ci yi wo yɔnɔ bé Apolosu yí wo yɔnɔ bé Apolosu yí é so Alɛsandri jugan mɛ va ɖó Eƒɛzi. Enyɔ vivinɔ le aglan mɛ nii yí é gbe mɔŋje Mawu nyo mɛ nyuiɖe. ²⁵ Wo kplán enu yi so emɔ ci yi Axwetɔ jí é wo lé tó nú. Gbɔngbɔn kɔkɔɛ ̀zo le lanmɛ nii yí é xonɔ nuxu so yesu ̀ŋɛnyui lɔ nú jɔjɔɛɖe yi gbe kplannɔ enu amɛ so nú jɔjɔɛɖe. Vɔ ɔ, eshidoda ci nu yí ʒan xo nuxu so ɖekɛ yi é jeshi. ²⁶ Apolosu tɔ nuxu xoxo kodo kankandoji le Mawusɛnxu lɔ. Ci yi Plishika kidi Akilasi de enyɔ ci yi é nuɖegbɔ ɔ, wo kplɔɛ yi axwemɛ yí vayi dre emɔ ci téŋ yí Mawu ji be wo le tó nii nyuiɖe kpii. ²⁷ Apolosu ji be ye a yi akayi ̀kan mɛ. Nɔvi lɔwo dó ejii exo nii yi hwlɛ wema nii nɔ́ á sɔyi na nukplanvi ciwo yí le ekan lɔ nyuide. Ci yi é vayi ɖo ehɔn ɔn é ɖe ele nɔ amɛ ciwo yi vá trɔ́ xɔsetɔ stɔɔ Mawu xomɛvu ji. ²⁸ Ɖó é xoxoɔ nuxu le amɛshamɛ kpɔ́ Ƴuɖatɔwo de kpɔ́ enyɔ ɖe yi a nu nii go. É sɔnɔ Mawu ̀nyɔ wemawo ɖenɔ lehanci yí é nyi Ƴesu yi nyi Klisolɔ dó gɔnmɛ nɔ wo.