¹ Hwehɔnwo na ɔ, efiɔ Elodi Aglipa i tɔ yumɛ cici nɔ Mawu há lɔ mɛnɔtɔ ɖekawo. ² É dɔ́ yí wo wu ʒaki ci yí nyi ʒan nɔviɛ kodo dekpui. ³ Ci yí é kpɔ bé yi jɔjɔ eji nɔ yuɖatɔwo ɔ, é gbe dɔ yi wo vayi le Pyɛ hwecinu yí wo jijiɛ a ɖu kpɔnnɔ cikemado xwe. ⁴ Wo lii yi cúi dó gakpamɛ yi sɔ́ sɔja amɛnɛ bɔbɔ texwe amɛnɛ be wo lé cɔɛcɔɛ. Elodi wawa susu bé nɔ́ wo ɖu Atadodo amɛxwe ɖegbɔ ɔ, ye ɖii ti yi a dó kojo kodi le jukɔn lɔ ŋmɛ. ⁵ Nɛnɛ ɔ, Piyɛ le gakpamɛ. Vɔ ɔ, Mawu hamɛnɔtɔ lɔwo le egedodoɖada waa do eta nii madrɔmadrɔ. ⁶ Gbecigbe teŋ yi Elodi jijiɛ a ɖó kojo kodo Piyɛ le jukɔn lɔ ŋmɛ znmɛ ɔ Piyɛ le alɔn dɔɔn le dodoùɛ nɔ sɔja amɛve. Wo sɔ́ awlɛga amɛve blɛɛ yí sɔja buwo cɔɛ cɔɛ le gakpamɛ lɔ xɔmɔnu. ⁷ Zeɖeka vɔ, Mawu dɔla ɖeka zé yi ezo ɖeka klɛ́n le gakpa lɔ mɛ. Dɔla lɔ tɔ́ al ɔaxa mɛ nɔ Piyɛ yi fɔin yi nu bé : « Shite kaba. » Eyi awlɛga lɔwo so le alɔwo nii. ⁸ Dɔla lɔ nú nii bé : « Sɔ̀ ao kpablanu blá yi a sɔ́ ao fɔkpawo dó.» Piyɛ wa do enyɔ lɔ ji yi Dɔla lɔ ge nu nii bé : «Sɔ ao vuvɔwu do yi a kplɔ ŋ do » ⁹ Eyi Piyɛ shite yi tó le gakpa lɔ mɛ yi kplɔ dɔa lɔ dó. Dé nyá bé enu ŋtɔŋtɔ yi dɔla lɔ wawa go. E bubuɔ be edro yi ye kukuɔ. ¹⁰ Ci yí Piyɛ kodo dɔla lɔ tó agbonugla ŋkɔtɔwo kodo evetɔwo nú ɔ, wo vá ɖó ci yi wo sɔ́ ega wa, ci nɔ́ wo tó mɛ ɔ, wo ɖonɔ jugan lɔ m ɛnu. Agbo lɔ ŋtɔ hun le ŋkɔ nɔ wo yi wo to yí ɖedo. Zeɖeka vɔ, dɔlalɔ lɔ bú le gbɔ. ¹¹ Eyi gbɔxwe ŋmɛ va kɔ nɔ Piyɛ yi é nu bé : « Eviɛ ɔ, ŋ va mɔŋjemɛ nyɔnɔnui bé Axwetɔ yi dɔ́ yi dɔla ɖaɖa nɔ́ á va xɔ ŋ le Elodi lɔ mɛ yí a hwlɛn ŋ gan le enu ciwo yuɖatɔwo jukɔ lɔ drɔdrɔ do ŋ nu mɛ.» ¹² Ci yi Piyɛ va mɔŋje enyɔ lɔ mɛ nɛnɛ ɔ, é yi mali xwemɛ. Mali yi nyi ʒan ci wo sɔ́ nyikɔ nɔ bé maki enɔlɔ. Amɛ sugbɔ bɔdo ehɔn yi dodo egbe ɖaɖa. ¹³ Piyɛ xo agbolɔnu lɔ hɔn yi edɔwavi nyɔnu ɖeka ci yi wo sɔ́ nyikɔ nɔ́ bé Hlodɛ gbɔgbɔ yí a vá se enyɔ ci yi amɛ lɔ hɛnva. ¹⁴ Ci yi edɔwavi lɔ se egbemɛ nɔ Piyɛ ɔ, é nyá bé é yi yɔ́. Eji jɔɛ kaka ci à hun agbo lɔ cán ɔ, é trɔ yí xi eju vayi nu nɔ́ amɛwo bé Piiyɛ yi le abomɔnu hɔn ji. ¹⁵ Vɔ amɛwo nú nii bé : « È tɔ suku jeje!» Vɔ ɔ, é gbe tɛtɛ egbe do ji bé Piyɛ yɔ. Eyi wo vá nú bé : « Á nyi ké Piyɛ 'se yɔ́. » ¹⁶ Piyɛ gbe kpɔtɔ le agbo lɔ xoɔ. Ci yí wo vá huin hɔntɔn yi kpɔ be Piyɛ yɔ ɔn è kpaca wp sugbɔ. ¹⁷ Eyi Piyɛ wa alɔ nɔ wo bé wo lé bɔ lé bɔ enu. É nú lehanci Mawu vá kpɔɛ tii le gakpamɛ do nɔ́ wo yí dɔ́ wo bé : « Mi vayi nui nɔ́ ʒaki koddo nɔvi xɔsetɔ kpɛtɛwo» yi só le wo gbɔ́ yí kpé afibu. ¹⁸ Ci yi eŋva ke ɔ, ezin tɔn le sɔja agbonugla lɔxo mɛ Eyi wo lɔwo mɛ Eyi wo biɔ́ se be fini teŋ yi Piyɛ le mɛ. ¹⁹ Elodi ɖɔ yí wo jí Piyɛ kpɔ. Vɔ kpɔ́ wo de kpɔɛ go. Eyi é biɔ enyɔ dɔkpɛga lɔwo se yi ɖe egbe be wo lé wu wo. Le i godu ɔ, Elodi so le ʒude ̀kan mɛ yí yi nɔ Sezale jugan mɛ hwɛɖeka. ²⁰ Eƒiɔ Elodi kodo Tii kodo Sidɔn juganmɛtɔwo le evu waa. Vɔ ɔ, wo va ɖó egbe eju be yewo a yi kpɔɛ. Wo wɛɛ kaka Blasitusu, efiɔ xwemɛ nuwojikpɔtɔ xɔ egbe do wowo ̀nyɔ ji yi wo vayi kpztz wowo juganwo kodo efiɔ lɔ. Ɖo eji ci Elodi lɔ kplɔkplɔ mɛ yi enuɖuɖu sonɔ nɔ́ Tii kodo Sidɔn juganmɛtɔwo. ²¹ Ci yí ŋkeke ci wo ɖó bé yewo a dó ego lɔ vá sun ɔ, Elodi sɔ yi fiɔwuwo do yi nɔ anyinɔnɔ do yifiʒinkplin ji yi tɔ́ nuxu xoxo nɔ jukɔn lɔ. ²² Amɛwo tɔ́ axwa dodo bé : « D'é nyi agbetɔ gbemɛ yɔ». ²³ Vɔ gahɔnmɛ cucucu ɔ, Mawu dɔla ɖeka xo Elodi yi eyewo ɖui yi é kú. Ɖó ɔ, é xɔ egannyinyi le Mawu shi. ²⁴ Mawu nyɔ gbe kekeɛ eta do jí. ²⁵ Ci yí Banasi kodo Sɔlu wowo wa edɔ kodo xɔsetɔ ciwo yí le Ʒeluzalɛmu ɖegbɔ ɔ, wo kplɔ Ʒan ci yí wo sɔ nyikɔ nɔ bé Maki yí wo trɔgbɔ so ehɔn.