¹ É ɖo a nyá bé le azan vɔvɔ kpɛtɛkpɛtɛtɔlɔwo mɛ ɔ, hxwenu gbɔnnugbɔnnuwo a vá vá . ² Ɖó ɔ, amɛwo a vá nyí amɛɖekitɔjitɔwo, eholɔntɔwo, sosuxotɔwo egoyítɔwo, Mawuzutɔwo, etosɛntɔwo nɔ́ wowo jitɔwo, enumajeŋnɔamɛtɔwo, mawu 'kɔɖutɔwo; ³ amɛmalɔntɔwo, ŋshishimakpɔtɔnɔwo, amɛɖeki ji maɖutɔnɔwo, edanuwatɔnɔwo; enugblétɔwo. ⁴ Amɛsatɔwo tamɛmabukpɔtɔnɔwo, amɛ ciwo nɔ́, amɛ ciwo yí a lɔnnɔ vivisese le lanmɛ sɔwu Mawu. ⁵ Wo a wawa enu shigbe Mawusɛntɔwo yí wo nyí nɛnɛ, gankegan yí gbé ŋsɛn ci yí le Mawu mɛ 'nyɔ gbɔ. Eo ɔ, té le amɛ hɔnwo nú. ⁶ Amɛɖewo le wowo domɛ yí sɔ́ aye ɖonɔ axwewo mɛ yì flunɔ ŋmɛ nɔ nyɔnu ciwi yí aye fla nɔ nɔ́ wo á xɔ wowo 'nyɔwo ji se. Enuvɔn 'gban le nyɔnu lɔwo jí é nyi enu hamɛhamɛ ciwo yí drò wo yí wo wanɔ. ⁷ Wo jinɔ tɛgbɛɛ bé yewo a xɔ enukplankplan, vɔ kpɔ́ wo de kenɔ do nyɔnɔnui lɔ ji gbeɖe go. ⁸ Shigbe lehanci yí Ʒanmɛṣi kodo Ʒanblɛsi fɔn egu do Mɔyizi ji do sasavayi nɛnɛ ɔ, nɛnɛke yí amɛ cɛwo shinɔ ete do nyɔnɔnui lɔ nú dó nɛ. wowo ŋɖɛnyanya dó evo yí Mawujixɔxɔse gblo wo. ⁹ Vɔ ɔ, ŋkɔyiyi d'a li nɔ wo go. Ɖó ɔ, wowo 'xlujɔjɔ a zé nɔ́ amɛshamɛ shigbe lehanci yí Ʒanɛzi kodo Ʒanblɛzi tɔ nɔ do vayi nɛnɛ. ¹⁰ Eo yɛ ɔ, è nɔ ŋ gbɔ nyuiɖe yí kpɔ́ lehanci yí ŋ kplannɔ enu amɛwo dó, lehanci yí ŋ nɔnɔ agbe do. È jeshi anyi totomɛwo, è kpɔ anyi xɔse anyi 'jigbɔnɖɛ, anyi lɔnlɔn, anyi 'jidodo, ¹¹ anyi yumɛciciwo, efunkpekpe ciwo mɛ yí ŋ nɔ le Antiwɔshi, Ikoniwɔmu kodo lisitɔ juganwo mɛ. Aya hihan yí wo gɔn mado nɔ́ ŋ ɔ? É le nɛnɛ gankegan ɔ, Axwetɔ hwlɛn ŋ gan le wo pleŋ mɛ. ¹² Nyao ɔ wo a cí yumɛ nɔ amɛ ciwo pleŋ yí jijiɛgɔ be yewo a nɔ agbe shigbe lehanci yí Mawu jí do nɛnɛ le ɖekawawa mɛ kodo Yesu Kliso. ¹³ Vɔ ɔ, amɛvɔnwo kodo ŋsukantɔwo a kpɔtɔ a yigɔ ŋkɔ le wowo'nuvɔnwo mɛ. Wo kplɔklɔ amɛwo yigɔ trɔntrɔnmɛ yí wowoŋtɔwo cán yigɔ trɔntrɔnmɛ. ¹⁴ Eo yɛ ɔ, lí eke le enu ciwo yí è kplan mɛ Nɛnɛ 'nuwo jí è xɔse kodo ao 'ji blebu nɛ. É jeshi amɛ ci gbɔ yí è xɔ enu kplankplan hɔnwo le. ¹⁵ So ao ɖevihwɛmɛ ɖii yí è jeshi mawu 'nyɔ wemawoɖɛ̀. Wo a sɛ́ eŋ ná ŋununyanya eo nɔ́́ Mawu a hwlɛn eo gan to Yesu Kliso ci ji yí è xɔse ji. ¹⁶ Mawu 'nyɔ wemawo pleŋ ɔ, Mawu gbɔngbɔn mɛ yí wo jɔ so yí trɔ́ nyí enyɔ veviwo yí wo a sɔ́ kplan enu amɛ, a ka aɖyi enu, a sɔ́ jɔ amɛ yí wo a sɔ́ kpán enujɔjɔɛwawa amɛ. ¹⁷ Nɛnɛ ɔ, adɔwanuwo a sun Mawu mɛ a nyí mɛ ci de eta nɔ edɔ lɔ, amɛ ci shi yí edɔwanuwo sɔ egbe le nɔ edɔ enyuiwo pleŋ wawa.