MENSAH-ajg-x-dogbogbe_2co_text

ETA 5

¹ Nyao ɔ, mì nya be nɔ é nyi kpɔ bé wo gban agbaxɔ ci yi nyi nɔxu nɔ mì le nyi gban cɛ ji can ɔ, exɔcucu ɖeka le mì shi le jiŋkushimɛ yí nyi Mawu 'nuwawa . Nɔxu mavɔmavɔ ɖeka yi é nyi yi d'é nyi agbetɔ 'lɔnudɔwawa yɔ go. ² Eviɛ ɔ, mì le edɔ nyɛɛ́ le nɔnɔmɛ cɛ mɛ. Mì ji veviɖe be mì a sɔ nɔxu jiŋkushimɛtɔ lɔ do. ³ Kpoŋ yí nyi kpɔ be nɔ mì vayi ci mɛ ɔ, Mawu ŋgbe va kpɔ mì le maama go. ⁴ Ɖo ci yí mì kpɔtɔ le agbaxɔ ci yí nyi mìwo ŋcilan cɛ mɛ ɔ, mì le edɔ nyɛɛ́ , enyɔwo tɛ do mì ji. Ɖo ɔ, d'é nyi be mì jiji be wo le ɖe nyigban ji gbaza cɛ so ekɔnu nɔ mì yɔ go.vɔ ɔ, mì jiji be wo le do jiŋkushimɛ gbaza nɔ mì nɔ agbe a sɔ enukuku mi. ⁵ Mawu, ci yí na Gbɔngbɔn lɔ dɔkunuwo mì nyi yí dra mí do daɖɛ nɔ esɔmɛ hɔn. É yí lɔ :yí na Gbɔngbɔn lɔ kpeɖojinuwo mí. ⁶ Ci yí é le nɛnɛ han ɔ, mì le edɔngbegbe mɛ vɛ tɛgbɛɛ yí trɔ nyanya be nɔ mì kpɔtɔ le mìwo 'xwe, le ŋcilan cɛɖe mɛ ɔ, mì ci azɔge yí jiji le axwe nu. ⁷ Đo ɔ, mì zɔnzɔn emɔ lɔ kodo xɔse. Mì de zɔnzɔiɛn le enukpɔkpɔ nu go. ⁸ Mì le edɔngbegbe mɛ vɛ tɛgbɛɛ yi é drodro mì nɔ mì le azɔge yí ci jijitɔxu nɔ ŋcilan lɔ yí le Axwetɔ gbɔ mɛ ɔ, a nyɔ nɔ mì sɔwu. ⁹ Mì le edɔngbegbe mɛ vɛ tɛgbɛɛ yi é drodro mì nɔ mì le azɔge yí ci jijitɔxu nɔ ŋcilan lɔ yí le Axwetɔ gbɔ mɛ ɔ, a nyɔ nɔ mì sɔwu. É yí na taɖo yí nɔ mì le ŋcilan cɛ mɛ alo mì to le mɛ can ɔ, enu ci le veviɖe nɔ mì yi nyi be mì a nyɔ le Mawu ŋmɛ. ¹⁰ Đo ɔ, é le mì pleŋ a va Kliso lɔ 'hxɛxɔnu le klɛnklɛn gbajaa mɛ nɔ kojoɖoɖo. Gahɔnmɛ ɔ, amɛɖeka amɛɖeka a xɔ enyui can, evɔn can ci yí é wa gacimɛ yí é le agbe le ŋcilan cɛ mɛ 'fɛncu. ¹¹ Ci yí mì jeshi enu ci yí shishi ɖoɖo nɔ Axwetɔ ɔ, mì jinɔ be mì a wɛɛ no agbewo a xɔ enyɔ ci yí mì nunuɔ so nu. Klɛnklɛnmɛ mì le gbajɛɛ le Mawu ŋmɛ yí ŋ gbe kandoji hɛnnɛ be nɛnɛke ŋ gbe le klɛnklɛnmɛ gbajɛɛ le míwo 'yexa mɛ do nɛ. ¹² Mì d'a gbe trɔ a to kafukafuwema ŋwlɛŋwlɛ so mìwoɖekiwo nu nɔ mí go. Vɔ ɔ, mì jijiɛ a na ḿ mɔnukpɔkpɔ nɔ mí a sɛn eŋ vo fɛɛ do mì nu. Nɛnɛhan ɔ, mí a va kpɔ enyɔ ci yí mí a sɔ ɖo enyɔ nu nɔ amɛ ciwo yi gezenɔ so agogbe 'nuwo nu yí d'é nyi ejimɛ 'nuɖe nu yɔ́ go. ¹³ Nyao ɔ, nɔ etagbɔ de sɔ egbe nɔ mì go ɔ, Mawu yí mì le nɛnɛhan nɔ. Vɔ nɔ etagbɔ sɔ egbe nɔ mì ɔ, míwo yí le ahan nɔ. ¹⁴ Ɖo ɔ, lɔnlɔn ci yí kliso lɔ ɖo nɔ mì dodoɔ leyaleya nɔ mì yí mì do jeshi enyɔ be: amɛ kuɖeka yí ku do amɛshamɛ 'ta yí nɛnɛ ɔ amɛshamɛ ku kodoi. ¹⁵ Nɔ é ku do amɛshamɛ 'ta ɔ, é wɛɛ nɛnɛhan be nɔ agbenɔtɔwo ŋgbe gbe nɔnɔɔ agbe nɔ wowoɖekiwo o. Vɔ ɔ, nɔ wo a nɔ agbe nɔ amɛ ci yí ku yí gbe fɔn so ekuwodi do wowo 'ta. ¹⁶ É na taɖo so eviɛ ɔ, mì de gbe jeshi amɛɖe le ɔcilan nu go. Nɔ gbe nyi be mì jeshi Kliso lɔ vayi le ŋcilan mɛ nɛnɛhan can ɔ, mì de gbe jeshi do alɔkpa hɔn ji ɖeviɛ go. ¹⁷ Nɔ amɛɖe le Kliso lɔ mɛ ɔ, amɛlɔ trɔ enuwawa yoyu. Yi jɔjɔmɛ xoxwitɔ lɔ vayi . Yoyutɔ lɔ yí va xɔ texwe. ¹⁸ Enuwo pleŋ sonɔ Mawu ci yí dra mìwo kodo yi gblamɛ do to Kliso lɔ ji gbɔ. É yi lɔ yí ɖo Mawu kodo agbetɔwo gblamɛdradrado 'dɔ nɔ mì. ¹⁹ Ɖo ɔ, Mawu le Kliso lɔ yí dra yi kodo xexe lɔ gblamɛ do mana kpɔ do afɛn ciwo yí agbetɔwo wanɔ nu yí gblamɛdradrado 'nyɔ lɔ do aɖe ji nɔ mìwo. ²⁰ Nɛnɛhan ɔ, m̀ nyi Kliso lɔ 'mɛdɔdɔ ciwo yí a va xo nuxu le yi nyikɔ mɛ. Mawu yí donɔ ejio exo nɔ amɛ to mì. mì ɖeɖeɛ kuku nɔ mí le Kliso lɔ nyikɔ mɛ be: mí tashi míwoɖekiwo nɔ wo a dra míwo kodo Mawu gblamɛ do. ²¹ Amɛ ci yí de jeshi enuvɔn go ɔ, Mawu sɔ ɖo enuvɔn do mìwo 'ta. Nɔ nɛnɛ le Kliso lɔ mɛ ɔ, mì a trɔ Mawu 'mɛ ciwo yí Mawu sɔ wa amɛjɔjɔɛwo.