MENSAH-ajg-x-dogbogbe_2co_text

ETA 4

¹ So ecɛ ji, ci yí Mawu kú ŋshishi nɔ mì yí sɔ́ edɔ cɛ doashi nɔ́ mì ɔ, edɔngbegbe de vɔ nɔ mì go. ² Mì gbe bebemɛ 'nu kodo ŋkpɛn 'nuwawawo. Mì de trɔnɔ eta do egu nɔ Mawu 'nyɔ lɔ go. Vɔ ɔ, ci yí mì ɖeɖeɛ nyɔnɔnui lɔ mɛ cekeceke ɔ, mìwo ŋtowo dɔ́ amɛshamɛ xɔɛ do mì do mí shi le Mawu ŋmɛ be amɛ yí mì nyi yí wo a kando ji. Nɔ́ é le nɛnɛ gankegan yí avɔ gbe cɔn ŋmɛ nɔ Mawu 'ŋɛnyui ci yí mì nunuɔ ɔ, a nyi ke amɛ ciwo yí yigɔ trɔntrɔnm yi avɔ gbe cɔin nɔ́ ³ Nɔ́ é le nɛnɛ gankegan yí avɔ gbe cɔn ŋmɛ nɔ Mawu 'ŋɛnyui ci yí mì nunuɔ ɔ, a nyi ke amɛ ciwo yí yigɔ trɔntrɔnmɛ yí avɔ gbe cɔin nɔ́.

⁴ Amɛwo de gbe xɔ Mawu ji se go. Ɖó Santannă, xexe cɛ mɛ 'cɛkpatɔ cɔ́ enu wowo ŋɖɛnyanya jí do eɖe kaka kpɔ wo de kpɔkpɔ lehanci yí Kliso lɔ 'ŋɛnyui klɛnklɛn gangan lɔ, ci yí nyi Mawu kpɔli le ezo daa do go. ⁵ Nyao ɔ, d'é nyi mìwoŋtowo nú mì dodo axwa yí xoxoɔ nuxu so go. Vɔ ɔ, mì dodoɔ axwa yí nunuɔ be Yesu Kliso yí nyi Axwetɔ yí mìwoŋtɔwo mì nyi mìwo 'dɔwaviwo dó Yesu ŋci. ⁶ Ɖó Mawu nù́ be: «klɛnklɛn lé kɔso vinvinwo mɛ.» Nɛnɛke ɔ, yiŋtɔ yí na yí yi klɛnklɛn kɔnɔ do mìwo 'ji mɛ nɔ́ m̀ a sɛ́n eŋ ɖo ŋununyanyaciyí danɔ ezo lɔ, shigbe klɛnklɛn gangan lɔ ci yí dadaa ezo le Yesu Kliso ŋmɛ nɛnɛ. ⁷ Vɔ ɔ, m̀ hɛn dɔkunu hɔ do dó agban ciwo yí wo sɔ́ esu mɛ mɛ nɔ́ ŋsɛn gangan hɔn a nyi Mawu tɔ yí d'a nyi míwotɔ go. ⁸ Wamuwo xaxaa mì to alɔkpawo pleŋ mɛ. Vɔ ɔ, kpɔ wo de cuku mì go. Mì le enulolo mɛ. Vɔ ɔ, kpɔ́ emɔkpɔkpɔ de vɔ do mì go. ⁹ Wo cinɔ yumɛ nɔ mì, vɔ kpɔ́ Mawu de gbenɔ mì ɖɛ go. Wo sɔ́ mì sɔ yanɔ egu do nyigban gankegan kpɔ́ mì de kú go. ¹⁰ Mì kpɔtɔ hɛnnɔ Yesu ku lɔ dó mìwoɖekiwo nú le gbaza mɛ tɛgbɛɛ nɔ nɛnɛ ɔ, agbe Yesu tɔ can a gbe va zezeɛ hɛnnɛ le mìwo ŋcilan lɔ mɛ. ¹¹ Ɖó ci yí mì le agbe ɔ, wo sɔ́ mì dodoɔ ashi nɔ́ eku gashagamɛ do Yesu 'ta. Nɔ́ nɛnɛ ɔ, agbe Yesu tɔ can a gbe dandansin yiɖeki le mìwo ŋcilan ci yí nyi enukuku mɛ. ¹² Nɛnɛ le mìwo mɛ ɔ, eku yí le edɔ ji; vɔ le míwo mɛ ɔ, agbe yí le edɔ ji. ¹³ Wo ŋwlii do Mawu 'nyɔ wemawo mɛ daɖɛ be: « Ŋ xɔɛ ji se, é yí na taɖo yí ŋ xo nuxu.» ¹⁴ Mì nyanya be amɛ ci yí fɔn Axwetɔ Yesu dó agbe a vá fɔ́n mìwo can dó agbe hɛnnɛ kodo Yesu yí a ná mìwo kodo míwo a va to do yi ŋmɛ. ¹⁵ Ɖó ɔ, efunkpekpe cɛwo pleŋ vava mì ji do míwo 'ta. Gahɔnmɛ ci yí xomɛvu lɔ susu egbɔ do ji ɔ,á ná yí amɛ sugbɔ a gbe wawa akpedodo gbedoɖa nɔ́ Mawu yí a sɔ kakafui. ¹⁶ É yí ná taɖo ɔ, mì de gbɔjɔ go. Nɔ́ é nyi be amɛ ci mì nyi le ŋcilan mɛ gblegbleɛ le agogbe can ɔ, hlɔnhlɔn yoyu buwo ɖɔnɔ mìwo 'mɛnyinyi le gbɔngbɔnmɛ nu gbeɖeka dúu. ¹⁷ Vevisese 'gaxoxo maɖyi enuɖe ci mɛ yí mì totoɔ jínɔ kafukafu mavɔmavɔ kpɛnkpɛnmɛ va nɔ́ mì sugbɔ zeto dredremɛwo nú. ¹⁸ Hɛnnɛ cán ɔ, d'é nyi enu ci yí wo kpɔnɔ le ŋkuvi nú yí mìwo kpɔkpɔ ɖaɖa go. Vɔ ɔ, enu ci yí wo de kpɔkpɔɔ le ŋkuvi nu yí mìwo kpɔkpɔɔ ɖaɖa. Ɖó ɔ, enu ci yí wo kpɔnɔ le ŋkuvi nú yɛ va yinɔ foyaŋ; vɔ enu ci yí wo de kpɔnɔ le ŋkuvi nu go yɛ li sɔyi mavɔmavɔ.