¹ Ɖee, mì a gbe trɔ agbe tɔ kanfukanfuwema ŋwlɛŋwlɛ so mìwoɖekiwo nu a? Alo é gbe hia be mìwo agbe hen kanfukanfuwema vá ná míwo alo mìwo a xɔ nɛnɛ wema so mí gbɔ shigbe lehanci yí amɛɖewo wɛeni do nɛe a? ² Míwo yí mìwo wemaŋwlɛwlɛ ci yí wo ŋwlɛ do míwo 'ji mɛ. Amɛshamɛ jeshii yí hliinni ³ É zé petii be mí nyi wemaŋwlɛŋwlɛ ɖe ci yí Kliso lɔ sɔ́ dó alɔmɛ nɔ mì nɔ́ míwo 'dɔ lɔ wawa. D'é nyi wemacishi yí é sɔ ŋwlii go. Vɔ ɔ, mawu agbeagbe lɔ gbɔngbɔn yí sɔ ŋwlii. D'é nyi enuŋwlɛ kpe kpakpɛwo ji yí é ŋwlii do go. Vɔ ɔ, agbetɔwo 'jiwo mɛ yí é ŋwlii do. ⁴ Kankandoji ci yí le mì shi do Mawu nú to Kliso lɔ ji nɛ. ⁵ D'é nyí kpɔ́ be mì kpé enuɖe ji le mìwoŋtɔwo shinu yɔ go. Enujisunsun mìwotɔ sonɔ Mawu gbɔ́ nɔ́ mì. ⁶ É yí lɔ ké yí gbe na mì enujisunsun ci yí mì a sɔ́ nyi enublabla yoyu ɖeka 'dɔwatɔwo. D'é nyi ese ci yí wo ŋwlɛ daeɖɛ ji yɔ́. Ɖó ese ŋwlɛŋwlɛɖɛ lɔ wu nɔ amɛ, vɔ gbɔngbɔn lɔ yɛ ná yí amɛ nɔnɔ agbe. ⁷ Keŋ ɖee, eku 'dɔwawa ci yi wo Kliso ekpe kpakoviwo yi ŋwlɛ dó ji nyí enu yi Mawu Klɛnklɛn lɔ le do eɖɛ kaka Israyɛliviwo de sɛ́n eŋ cu ŋkuvi do ŋmɛ ji nɔ́ Mɔyizi go. Gankegan Mawu Klɛnklɛn lɔ trɔ́ nyí enu yí a vayi le hwenu keŋ ɖe mɛ. ⁸ Nɔ́ é le nɛnɛ ɖee, Gbɔngbɔn lɔ 'dɔwawa yɛ 'zodada d'a gangan sɔwu nɛnɛ bá? ⁹ Nɔ́ é nyi kpɔ́ be ekuhwɛsoso 'dɔwawa nyi enu yi xɔ kanfukanfu nɛnɛ ɖee, jɔjɔɛnyinyi 'hwɛsoso 'dɔwawa yɛ a gbe xɔ kanfukanfu sugbɔ haan sɔwu hɔn. ¹⁰ Nɔ́ é le nɛnɛ ɔ, kanfukanfu enu ci yí vayi de nyi enuɖe le kanfukanfu ci yí gbɔgbɔ lɔ gbɔ go. ¹¹ Ɖó nɔ́ é nyi kpɔ́ be enu ci yí vayi le hwenu kleŋ ɖe mɛ xɔ kanfukanfu jeshidu ɔ, enu ci yí kpɔtɔ li lɔ yɛ a gbe xɔ kanfukanfu sugbɔ sɔwui taŋ yɔ. ¹² Ci yí emɔkpɔkpɔ hɔ le mì shi ɔ, é yí ná taɖo yí kankandoji le mì nú ɖoɖu sugbɔ. ¹³ Mì de wawa shigbe Mɔyizi ci yí sɔ́ avɔ cɔnnɔ ŋmɛ nɔ́ Israyɛliviwo ŋgbe kpɔ vɔvɔnu nɔ́ enu ci yí vayinɔ le hwenu kleŋ ɖe mɛ lɔ nɛnɛ go. ¹⁴ Vɔ ɔ, wo gbe be yewo susu d'a le enu go. Nyao kaka sɔnanɔ egbɛ viɛ ɔ nɔ wo le enu blabla xoxwitɔ lɔ wema hlɛngɔ le ejugbaja ŋmɛ ɔ, avɔ ci yí cɔ́n eji ji nɔ́ wo lɔ kpɔtɔ li wo de ɖii sii go, ɖó ɔ, nɔ wo vá le Kliso lɔ mɛ ɖekɛ gbɔxwe yí e ɖnɔ sii. ¹⁵ Kaka je egbɛ egbɛ viɛ can nɔ́ Israyɛliviwo le cán nɔ Israyɛliviwo le Mɔyizi wemawo hlɛngɔ ɔ, avɔ ɖeka kpɔtɔ cɔn wowo 'jiwo ji. ¹⁶ «Vɔ nɔ́ wo treɔ́ amɛɖeki ɖaɖa yehowa gbɔ ɔ, avɔ lɔ ɖenɔ sii nɔ́ amɛ» ¹⁷ Keŋ ɔ, Mawu yí trɔ nyí Gbɔngbɔn lɔ. Eyi fini ci yí Yehowa Gbɔngbɔn le ɔ, e hɔn yí vovo le nɛ. ¹⁸ Mìwo pleŋ ciwo yí wo kló avɔ lɔ so ŋmɛ nɔ ɔ, wo da klɛklɛn 'zo lɔ dó mì ji nɔ́ mì a le shigbe yehowa nenɛ yí ezoada a jejeɛ ezodada ji nɔ́ mí. Edɔ ci yí yehowa ci yí nyi Gbɔngbɔn lɔ wawa nɛ.