¹ Ŋ ɖo a geze a? Kokoko ɔ enyɔ gbali yɩ́ é nyi; vɔ ecɛviɛ ɔ, na va enu ciwo yí Mawu ná yí ŋ kpɔ ŋtegantɔ kodo enu ciwo yí é ɖe dansi nɔ́ ŋ 'nyɔ ji. ² Ŋ jeshi Klisotɔ ɖeka ɖɛ. Exwe winɛ yí nyí ecɛ yí wo kɔ́ɛ sɔhɛnyi jiŋkushi ci yí yi eji sɔwu kpetɛwo mɛ. Ŋ de nyá nɔ́ amɛ lɔ le yiŋtɔ ŋcilan mɛ nenɛ yí wo kɔ́ɛ sɔhɛnyi go. Mawu ɖekɛ yí nyá. ³ Ŋ nya be ŋsu cɛ ɔ (ŋcilan yitɔ mɛ alo egbe ŋcilan lɔ ɖɛ, Mawu yi nya). ⁴ Wo kɔɛ yi Paradiso yí e se enyɔ jiŋ ciwo yi wo de de emɔ be amɛ agbetɔ a nu dru go. ⁵ Na sɔ́ nɛne 'mɛ yi ego. Vɔ ɔ, ŋ d'a sɔ́ enyɛɖeki yí ego go. Nɔ́ na yí ego can ɔ, á nyi ké nyaŋ gbɔjɔgbɔjɔwo yí na sɔ́ yí ego. ⁶ Nɔ́ ŋ ji be na wa amɛ ci yi sɔ yiɖeki yinɔ ego ɔ, d'a nyi etagbɔ yi de sɔ egbe nɔ ŋ go. Dó nyɔnɔnui na nunuɔ nɛnɛ. Vɔ ɔ, ŋ d'a wa nɛnɛ go. Nɔ d'e nyí nɛnɛ o ɔ, amɛɖe sɛn eŋ va ́ sɔ́ ŋ ɖo texwe kɔkɔ ɖé le yi susu mɛ ci yí a kɔkɔ sɔwu lehanci yí é kpɔkpɔ ŋ do alo é se yi wo nunuɔ so ŋ nu do. ⁷ Nɔ́ ci yi ŋtegan ciwo yí ŋ kpɔ lɔwo nyi enu cigan taɖo yi nɔ́ enyɛ ngbe va tɔ egoyiyi taɖo ŋci ɔ, wo sɔ́ ŋuja gbɛmu ɖeka trɔ́n lanmɛ nɔ ŋ. É ci shigbe Legba dɔla ɖé nenɛ yí wo dɔ́ nɔ́ á xoxoɔ ŋ keŋ nɔ́ enyɛ ŋgbe va tɔ́ ego yiyi go. ⁸ Zetɔn yí ŋ ɖe kuku nɔ́ Axwetɔ bé yi lé nyii ɖaɖa azɔge nɔ́ ŋ ⁹ yí é nu nɔ́ ŋ be: «xomɛvunu kinyɛ sun nɔ eo. Ŋ dan na si nyaŋ ŋsɛn le kleklitɔnɔnyinyi mɛ.» Ci yi& é le nɛnɛ ɔ, na lɔn fɛɛ yí a sɔ́ nyaŋ kleklewo yiyiɛ ego nɔ́ nɛnɛ ɔ, Kliso lɔ ŋsɛn a nɔ ŋ ji. ¹⁰ É yí ná taɖo cán ɔ, ŋ kpɔnɔ jijɔ le nyaŋ kleklewo, ezuwo, efunkpekpewo, yumɛciciwo kodo vevesesewo nɔ́ Kliso lɔ mɛ. Nyɔnɔnui ɔ, hwecinu yi ŋ nyi amɛ klekli ɔ, gahɔnmɛ yí ŋ nyinɔ amɛ ŋsɛntɔ nɛ. ¹¹ Ŋ va le nuxu xo ɔ shigbe amɛ ci yí etagbɔ de sɔegbe nɔ o nɛnɛ. Vɔ ɔ, é nyi míwo yí dɔn ŋ yi do mɛ. Nyao ɔ, enyɛ yi nyí amɛ ci nu yí mí ɖo a ŋwlɛ kafukafuwema so nɔ́ amɛwo. Dó nɔ́ ŋ de nyi enuɖe o can ɔ, ŋ de hwe glo le enuɖe mɛ le amɛdɔdɔgangan hɔn lɔwo gbɔ́ go. ¹² Jeshidu ciwo yi dansi bé ŋ nyí amɛdɔdɔ ɔ, míwo domɛ yí wo zé le sɔ to eji dodo blebu le tetekpɔ ɖekpokpoi mɛ kodo enujiŋwo hamɛhamɛ ciwo yí Mawu wa sɔto ŋ ji mɛ. ¹³ Nyi yí nyí enu lɔ yí mí de kpɔ́ yí waɖɛ yí é le eha kpɛtɛwo shi ɔ? Á nyi ci yi enyɛ, ŋ de sɔ́ enyɛɖeki dó agban do mí jí o yɔ. Mí sɔ esejidadale hɔn sɔ́ ke ŋ! ¹⁴ Enyɛ ge le egbesɔsɔ yí a vá yɔ́ mí kpɔ zetɔntɔ lɔ ge, ŋ da vá nyí agban le ekɔ ji nɔ́ mí go. Do ɔ, d'é nyi enu ci yí nyí míwotɔ jiɛ yi ŋ le go. Vɔ ɔ, míwoŋtɔwo jie yi ŋ le. Le mɛ nyao ɔ,d'é nyi eviwo yí a bɔ enuwo ɖɛ́ yí a sɔ́ hɛn wowo 'dawo go. Vɔ ɔ, edawo yí ɖo a bɔ enuwo ɖɛ́ yí a sɔ́ hɛn eviwo. ¹⁵ Enyɛ yɛ ɖe, na zán eho ci pleŋ yí le ŋ shi fɛɛ yi a gbe zan enyɛŋtɔkpu do míwo 'ta. Nɔ́ é nyi kpɔ́ be ŋ gbe lɔnlɔn mí do ji ɖee, é yí míwo d'a vá lɔn enyɛ nyuiɖe o a? ¹⁶ Mì a nú bé mí xɔ egbe be ŋ d'é nyi agban yí kpɛn mi& vayisasa lɔ go. Vɔ ɔ, mí a nu be ŋsukantɔ yí enyɛ, ŋ nyi yi sɔ́ aye ɖo feca nɔ yewo yí yewo je mɛ. ¹⁷ Dee, ŋ xo mí ɖu sɔto amɛ ciwo yi ŋ dɔ ɖaɖa mí vayi ɖe ji a? ¹⁸ Ŋ do ŋsɛn lanmɛ nɔ Titu vayi be lé vá mí gbɔ yí sɔ́ nɔvi ci mi jeshi ɖɛ lɔ sɔ́ bɔdo nú. titu va xo mí ɖu a? D'é susu kuɖeka yi enyɛ kodo Titu bɔ sɔ wa edɔ ba? D'é nyí afɔ ŋmɛɖeka jí yí mi bɔ to le enuwawa lɔwo mɛ ba? ¹⁹ So gaɖewomɛ vayi ɔ, mí bunɔ le miwoɖekiwo mɛ be míwo hwlɛnhwlɛn eta nɔ mìwoɖekiwo le mí gbɔ. Oo, Mawu ŋkuvi mɛ yí mi le yí le nuxu xoɔ le Kliso lɔ mɛ. Nyaŋ 'xlɔ veviwo, mì wawa enu hɔnwo pleŋ yí a sɔ cu mí do ete le xɔse mɛ yɔ. ²⁰ Dó ɔ, jika sosoɔ ŋ be nɔ́ va vá mi& gbɔ ɔ, ŋ d'á va kpɔ mí le lehanci yí ŋ ji be miwo a le nɔ ŋ do ji go. Nɛnɛke yi miwo cán d'a vá kpɔ́ ŋ do lehanci yí mí dro dó ji o nɛ. Ŋ vɔnvɔn be nɔ ŋ va vá mí gbɔ ɔ, mí a le evu waa kodo miwonɔnɔwo, ŋhwan dɔndɔntɔwo a le mi mɛ, mí a le enuwo waa elanwotɔ han kodo míwonɔnɔwo, mí a le enyɔ jie le amɛwo nú, mí a le enyɔ 'vɔnwo nuɔ do amɛ wo nú, mí a le enyɔshi saa, mí va le egoyiɛ yí hunnyahunnyawo a le mìwo domɛ. ²¹ Ŋ gbe vɔnvɔn be nɔ ŋ va ɖó mí gbɔ ɔ, nyaŋ Mawu ŋgbe va sɔ́ ŋ hwe le míwo ŋmɛ go. Nɛnɛ ɔ, ma va le avi faan so amɛ sugbɔ ciwo yí wa enuvɔn vayi nu, ciwo yi de trɔ le enubaɖabaɖa ciwo yí wo wa yumɛ go yí kpɔtɔ le enumakɔmakɔwo, heteli kodo agbeyakayakanɔnɔ ji.