MENSAH-ajg-x-dogbogbe_2co_text

ETA 13

¹ Zetɔntɔ lɔ ge yi ŋ gbɔgbɔ yí a va yɔ mì kpɔ ge ɔ « Enyɔ ɖekpokpoi ci yí mì xo ɔ, kunuɖetɔ amɛve alo amɛtɔn nuxu ji yí mi a nɔ yi a sɔ so kojo.» ² Hwecinu yi ŋ va mí gbɔ zevetɔ lɔ vayi ɔ ŋ nui yí gbɛ ci yí ŋ le azɔge nɔ mi ɔ,ŋ gbe nuinuiɛ ke nɔ amɛ ciwo yí wa enuvɔn vayi kodo nɔ amɛ kpetɛwo pleŋ be: Nɔ ŋ gbe va vá mi gbɔ eɖe yɛ́ ɔ, ŋ d'a kpɔ́ɛ yi a wa amɛɖe go. ³ Ɖo ɔ, mí jijiɛ bé yewo a kpɔ jeshi ɖeka ci yí a dansin be Kliso lɔ yí le nuxu xoɔ le enyɛ mɛ. Kliso lɔ de nyi amɛklekli ɖaɖa mìgbɔ go. Vɔ ɔ ŋsɛntɔ yí e nyi lé mìwo domɛ. ⁴ Nyao ɔ, klekle lɔ mɛ yi wo kiin do acisoga ji le. Vɔ ecɛyɛ ɔ, é le agbe sɔ to Mawu ŋsɛn mɛ. Mìwo can ɔ, mì nyi amɛ klekliwo le eyɛ mɛ. Vɔ ɔ, mi a va nɔ agbe kodii nɔ mìwo sɔ to Mawu ŋsɛn mɛ. ⁵ Míwo ŋtɔwo mí gbeje míwoɖɛkiwo mɛ kpɔ yi a kpɔ be mi le xɔse lɔ mɛ mɛɛ. Mi do miwoɖekiwo kpɔ. mi de do jeshi be Yesu Kliso le mí mɛ ba? Nɔ d'é nyi nɛnɛ go ɔ, a nyi ke mí gɛn nɔ tetepɔ lɔ yɔ. ⁶ Gankegan ɔ, ŋ kpɔkpɔ emɔ be mi a va do jeshi be mìwo yɛ ɔ, gbe mìwo de gɛ́n le tetekpɔ lɔ mɛ go. ⁷ Ci yí e le nɛnɛ han can ɔ, mi ɖeɖe kuku nɔ Mawu be miwo ŋgbe va wa enu gblegble ɖe go. D'é nyi kpɔ be mi ji be mi a to hɔn yi a sɔ dansin be wo do mi kpɔ yi mi din yɔ go. Vɔ nɔ mi a wawa enunyui nɔ egbe lr shigbe be miwo gɛn nɔ tetekpɔ lɔ nɛnɛ can. ⁸ Ɖo ɔ ŋsɛn de le mì shi yi m̀ a sɔ fɔn egudo Mawu nyɔnɔnui tɔ ji go. Vɔ ɔ sɔ mi a sɔ ŋsɛn ci yí mi ɖo wa edɔ nɔ nyɔnɔnui lɔ. ⁹ Eji jɔnɔ mì nɔ mì nyi kleklitɔwo yi mìwo nyi ŋsɛntɔwo. Enu ci jiɛ mì le nɔ mí yí nyi be míwo lewɛ vɛ. ¹⁰ E yi nataɖo ci yí ŋ de le mí gbɔ go ɔ, ŋ ŋwlɛwlɛ wema cɛ ɖaɖa mí. Nɛnɛ nɔ ŋ va vá mí gbɔ ɔ, enyɛ ŋ gbe sɔ acɛkpakpa ci yí Axwetɔ naŋ sɔ tɔ enuɖe wawa kodo mì veveɖe go. Axwetɔ sɔ acɛ lɔ na ŋ nɔ ma sɔ cu mìwo 'habɔbɔ lɔ do ete d'é nyi nɔ ma sɔ gbiin yɔ go. ¹¹ Nɔ na sɔ vɔ nyaŋ nuxu ɔ, nɔvinyɛwo, mí kpɔ jijɔ. Mí tekpɔ a nyi amɛ ciwo yí mɛ vɛ. Mí do ŋsɛn lanmɛ nɔ míwonɔnɔwo. Mí sɔ egbe ɖo eju. Mí nɔ fafa mɛ kodo míwonɔnɔwo. Nɛnɛ ɔ, Mawu ci yí lɔnnɔ amɛ yi gbe nanɔ fafa amɛ a nɔ kodo mí. ¹² Mí kpla ashi ekɔ nɔ míwonɔnɔwo yi a sɔ do egbe nɔ nɔnɔ le Mawu mɛ ¹³ ¹⁴ Axwetɔ Yesu Kliso xomɛvunu, Mawu lɔnlɔn kodo Gbɔngbɔn kɔkɔɛ dekawawa kodo amɛ lé nɔ kodo mí pleŋ