¹ Gbɔngbɔn kɔkɔɛ ɖe mɛ nyuiɖe be le ŋkeke vɔvɔ kpɛtɛkpɛtɛwo mɛ ɔ, amɛɖewo a gbe Yesu Kliso jixɔxɔse. Wo a va kplɔkpḷɔ gbɔngbɔn amɛbletɔwo dó kodo gbɔngbɔnvɔnwo 'nukplanmɛnyɔwo dó. ² Wo a gbe wowoɖekiwo ɖɛ́ yí ayemɛnuwatɔ kodo ŋsukantɔwo a dɔn so mawu 'mɔ́ jí. Wo sɔ ega zozu do jeshi ayemɛnuwatɔ kodo ŋsuka,tɔ lɔwo 'jimɛnuxuwo. ³ Amɛ hɔn lɔwo kplankplan enu amɛwo be wo de ɖo a ɖe nyɔnu alo asu go yi wo de ɖo a ɖu enuɖuɖu ɖekawo go. Vɔ Mawu yɛ ɔ, yɛ wa enuɖuɖu hɔn lɔwo ɖɛ be nɔ́ amɛ ciwo yí xɔse yí jeshí nyɔnɔnui lɔ ɖɛ́ aɖuɖuɔ wo keŋ yí a dodoɔ akpe nɔ eye do wo 'ta. ⁴ Ɖó ɔ enushanu ci yí Mawu ɖó ɖɛ́ nyɔ́. Rɖe de le wo mɛ yí wo a sɔ́ danŋkpɛn go. Vɔ ɔ, é le be wo a xɔ wo pleŋ kodo akpe dodo nɔ́ Mawu. ⁵ Enyɔ ci yí Mawu nu kodo egbe ci yí mì a donɔ ɖaɖa do ji a sɔ́ wo wanɔ enuɖuɖu adoduiwo le Mawu ŋmɛ. ⁶ Timɔte kplan enu hɔnwo nɔvi nyɔnu kodo ŋsuwo le Kliso mɛ. Hwehɔnnu ɔ ná nyí Yesu Kliso 'dɔwavi adodui ci yí a dansin be xɔsemɛ 'nyɔwo kodo ekplan nyuitɔ ciwo yí é xɔ sun ete eo. ⁷ Gbè nyɔxowo 'xolɔlɔ dɔndɔn ciwo yí desɔ egbe kodo xɔse 'nyɔ lɔ go. Tèkpɔ a nɔ ekacaca adodui mɛ kodo mawu le ao 'nuwanawo mɛ. ⁸ Hlɔnhlɔn ciwo yí donɔ nɔ́ mìwo lankpu a le nyuiɖe nyɔ́ nɔ enu hwʒɖeka kpoŋ. Vɔ ɔ, hlɔnhlɔn ciwo yí á donɔ le gbɔngbɔn mɛ 'kpaxwe yí a nɔ ekacaca adodui mɛ kodo Mawu nyɔ́ sɔwu enuwo pleŋ. Ɖo ɔ, egbeɖuu li ɖɛ be amɛ ci yí a nɔ ekacaca adodui mɛ kodo mawu ɔ, yí a nɔ agbe egbɛtɔ kodo esɔmɛtɔ. ⁹ Enyɔ hɔn nyi enyɔ vevi ɖeka ci ji yí amɛṣhamɛ ɖo axɔ egbe do. E yí ná taɖo yí mì le edɔ waa yí le eŋ ɖoɔ. Ɖo ɔ, mì ɖoŋdo Mawu agbeagbe lɔ nú. ¹⁰ E yi hwlɛnnɔ amɛshamɛ gan; veviɖe ɔ, é nyí amɛ ciwo yí xɔ Kliso ji se tɔ. ¹¹ Timɔte, enu hɔnwo ji yí á tɛ̀́ egbe do yí a kplan amɛ lɔwo nɛ. ¹² Ŋgbè ɖe emɔ nɔ amɛɖe a gbali eo nɔ ci yí è nyi ɖajɛvi taɖo go. Vɔ ɔ, nyì kpɔwɛ nɔ xɔsetɔwo le ao nuxuxoxowo mɛ, le ao wanawo mɛ le lehanci yí è lɔnlɔn amɛwo do mɛ le lehanci yí è xɔ Yesu Kliso ji se do mɛ, le agbemɛnɔnɔmɛ. ¹³ Tèkpɔ a hlɛnhlɛn mawu 'nyɔ wema lɔwo nɔ Kliotɔ lɔwo nɔ wo bɔ. Ɖódoɔ ŋsɛn lanmɛ nɔ wo yí a kplankplan enu wo nɛnɛ han kaka a sɔɖo hwecinu yí na trɔva mí gbɔ. ¹⁴ Ŋgbè wa taye le enunana ci yí Gbɔngbɔn kɔkɔɛ na hweci nu yí Mawu 'ŋɛdotɔwo xo nuxu yí ehamɛmɛganwo sɔ́ alɔ dada eo ji nú go. ¹⁵ Tèkpɔ a kpe ŋkuvo doi. Sɔ́ eoɖeki blebu jo nɔ edɔ lɔ ci yí è wawa. Hwehɔnnuɔ, amɛshamɛ a kpɔ́ yí a nyá be eo yi yiɛ ŋkɔ. ¹⁶ Lè nkuvi dó eoɖeki nu nyuṣe yí a gbe le ŋkuvi dó enu ci yí è kplankplan amɛwo nú. Lì egui le enu hɔnwo pleŋ wawa mɛ. Ɖó nɔ́ è wɛwɛɛ nɛnɛ han ɔ, à hwlɛn eoɖeki kodo amɛ ciwo yí dodoɔ eto eo gan.