¹ Enu ŋkɔtɔ ci yí ŋ dodoɔ eji exo nɔ mí nɔ yi nyí kpɔ be míwo le biɔbiɔ enu Mawu, a dodoɔ egbe ɖaɖa nii, a ɖeɖeɛ kuku nii yí a dodoɔ akpe nii do eta nɔ amɛshamɛ. ² Mí wanɔ wo do eta nɔ efiɔwo kodo ejumɛ 'gawo pleŋ. Hwehɔnnuɔ, eʒinɖe d'a ɖyiɖyiɛ go, fafa ali yí mí a le ekacaca adodui mɛ kodo Mawu yí a gbe le nyuiɖ le enuwo pleŋ mɛ. ³ Enu ci yí je acɔ yí gbe jɔnɔ nɔ Mawu míwo hwlengantɔ nɛ. ⁴ E jijiɛ be ye a hwlɛn amɛshamɛ gan yí a kplɔwo nɔ wo a jeshi nyɔnɔnɔnui lɔ. ⁵ Ɖo ɔ, Mawu kuɖeka yí li yí amɛdomɛdrasotɔ kuɖeka yi gbe le mawu kodo agbetɔwo gblamɛ. Amɛdomɛdradotɔ lɔ yí nyí Yesu Kliso. ⁶ Ci yi sɔ yíɖeki jo yí sɔ xwle eta nɔ agbetɔwo pleŋ yí a hwlɛn wo gan Enu hɔn yí nyí kunu ci yí wo ɖe do hwecinu yí Mawu ɖo nu nɛ. ⁷ Enyɔ hɔn ci mɛ yi Yesun va ɖe ŋci yí Mawu dɔ ŋ ɖaɖa do yí sɔ ŋ do yí 'ŋɛdotɔ yí gbe sɔ ŋ do yi 'mɛdodɔ nɔ ma kplan enu ci yi& wo ɖoa xɔse kodo nyɔnɔnui lɔ amɛmanyi Yuɖatɔwo . Nyɔnɔnui nu yí ŋ le nɔ mí nɛnɛ han; ŋ de kaka ŋsu go. ⁸ E yí na taɖo ɔ, ŋ jijiɛ be ŋsuwo a donɔ gbeɖaɖa le afiɖekpokpoi. Wo le donɔ alɔ kɔkɔɛwo ɖaɖa eji dɔmɛzimawa kodo ɖyikamado. ⁹ Nɛnɛke ɔ, ŋ gbe jijiɛ be nyɔnuwo le wa aɖaŋ a dranɔ do. wowo 'cɔɖoɖo ŋgbe wunɔ egan ɖuɖu go. Wo le nɔnɔ kleŋ Wo ŋgbe blanɔ eɖa ganganwo do eta go. Wo ŋgbe donɔ shika gaviwo alo kɔmɛjenu ehogantɔwo alo enudodo ehovevitɔwo go. ¹⁰ Vɔ ɔ, edɔnyuiwowawa yí a nyí enu ciwo yí wo a sɔ ɖonɔ acɔ nɔ wowoɖekiwo. Enu ci yí je be nyɔnu ciwo yí hunnɔ mɛ be yewo sɛnnɔ Mawu ɖo a wa nɛ ¹¹ Nyɔnu le bɔnɔ enu kplii yi a sɔ xɔnɔ ekplan le yiɖeki bɔbɔbɔ mɛ blenu. ¹² Ŋ de ɖe emɔ nɔ nyɔnu be yí le kplan enu ŋsu alo yí le kpa acɛ nɔ ŋsu go. Nyɔnu le bɔnɔ enu kplii. ¹³ Ɖo ɔ, Adanu yi wo wa doŋkɔ yi va wa ɛvu kplɔɛ do. ¹⁴ D'é nyi Adamu yí wo ble do mɛ go. Nyɔnu lɔ yí wo ble do mɛ yí e je agɔ do mawu. ¹⁵ Gankegan ɔ Mawu a whɛn nyɔnu gan sɔ tɔ to evijiji mɛ nɔ e nyi kpɔ be e kpɔtɔ yí xɔxɔ mawu ji se yí lɔnlɔn amɛwo yí nɔnɔ agbe le kɔkɔɛnyinyí kodo amɛɖekijiɖuɖu mɛ.