¹ Enyɛ, pɔlu ci yi nyi Yesu Kliso 'mɛdɔdɔ yí ŋwḷɛ wema cɛ. Mawu, mìwo hwlɛngantɔ kodo Yesu Kliso, ci yí mì kpɔkpɔ emɔ nɔ yí ɖe egbe yí sɔ can ŋ be ma nyi amɛdɔdɔ. ² Timɔte, evinyɛ vevi le xɔse mɛ, eo yí ŋ ŋwlɛŋwlɛ wema cɛ ɖaɖa. Eda Mawu kodo mìwo 'xwetɔ Yesu Kliso le wa xomɛvunu nɔ eo, a ku ŋshishi nɔ eo yí a na eo fafa. ³ Timɔte, shige lehanci yí ŋ de ŋsɛn lanmɛ nɔ eo hwecinu yí ŋ yiyí Maseduwanu do nɛnɛ be eo le nɔ Efɛzi jugan lɔ me ɔ, wɛɛ nɛnɛ. Ɖo ɔ, amɛɖekawo le hɔn yi le enubaɖawo klpan eha lɔ mɛtɔwo. Gbe nɔ wo be wo ɓgbe gbe wa nenɛ go. ⁴ Gbe nɔ wo hɛnnɛ be wo ŋgbe gbe lele ebu do exocucu baɖabaɖawo kodo tɔgbuiwo hiɛnhlɛn maɖolixo nu go. Ɖo ɔ enyɔ gbali baɖabaawo yí hɔnwo hɛnnɔ va. Wo de dranɔ enuɖe do le totomɛ ci yí Mawu w do mì nu yí mì nya so to xɔse me nu gi. ⁵ Enu ciwo yí ŋ jijiɛ yi gbegbeɛ enu hɔnwo yí nyi kpɔ be mì ɖo a lɔn mìwonɔnɔwo kodo xomɛ, ayexa nyui kodo xosɛ ayemɛnumawo. ⁶ Amɛɖekawo gbe enu hɔnwo yí tan emɔ do enyɔ maɖotawo jí. ⁷ Wo jijiɛ be yewo a nyi esedɔwatɔwo. Vɔ kpɔ wowoŋtɔwo de mɔŋje enyɔ ci yi wo nunuɔ mɛ go. kpɔ wo de nya enu ci ji yí wo tɛtɛɛ egbe do kodo ŋsɛn hɛnnɛ go. ⁸ Mì nya nyuiɖe be ese lɔ nyi enunyui nɔ e nyi kpɔ be wo waɖaŋ zinziin shigbe lehanci yí e je do nɛnɛ. ⁹ Mì gbe nya hennɛ be wo de dó ese ɖɛ nɔ amɛjɔjɔɛwo go. Vɔ ɔ, edanuwatɔwo kodo esejimawadotɔwo, Mawumashitɔwo kodo enuvɔnwatɔwo, amɛxoyixoɖyiwo kodo Mawunumashitɔwo, amɛdawutɔwo kodo amɛnɔwutɔwo yi wo do ese lɔ nɔ́. ¹⁰ Wo ɖo ese lɔwo nɔ hetelitɔnɔwo, nɔ ŋsu ciwo yi dɔnnɔ ŋsu buwo gbɔ kodo nyɔnu ciwo yi dɔnnɔ nyɔnu buwo gbɔ, amɛlesahwashitɔwo, nɔ ŋsukantɔwo, egbegbaliɖotɔwo kod nɔ amɛ ciwo pleŋ yi wawa enu kpɛtɛ ciwo yí gbegble ekplan adodui ci yí Mawu nana mi lɔ. ¹¹ Ekplan hɔn lɔ sɔ egbe kodo Eŋɛnyui ci yí ɖe Mawu Klɛnklɛn dansin. mawu ci yi jijiɛ mìwo 'nyuí yí sɔ Enyui cɛ doashi nɔ ŋ. ¹² Ŋ do akpe nɔ mìwo 'xwetɔ Yesu Kliso. Ɖo ɔ edo ŋsɛn ŋ nɔ ma wa yi 'dɔ. Ŋ do akpe nii nɔ ci yí e kpɔ be enyɛ, ŋ je yi awa ye 'dɔ. ¹³ Gankegan vayi ɔ, ŋ nunɔ enyɔbaɖawo cinɔ yumɛ nɔ amɛ yi gbe zunɔ amɛ. Vɔ ɔ, Mawu ku ŋshishi nɔ ŋ yí d'é kpɔ do enu hnwo nu go. E mɔŋje mɛ be enyɛ, ŋ le eɖemanya kodo Klisojimaxɔse mɛ. ¹⁴ Eyi mìwo 'xwetɔ, xɔse kodo lɔnlɔn ciwo yí le Yesu Kliso mɛ le ŋ ji sugbɔ.nu go ¹⁵ Nyɔnɔnui yí e nyi yí amɛshamɛ ɖo a kando ji be Yesu Kliso va xexe lɔ mɛ yí a va hwlɛn enuvɔnwatɔwo gan. Enyɛ yi nyí enuvɔnwatɔ sɔwu enuvɔnwatɔwo pleŋ. ¹⁶ Vɔ ɔ, enu ci ŋci yí mawu hu ŋshishi nɔ ŋ yí na yi Yesu kliso dansin lehanci yí e gbɔnnɔ eji ɖɛ blɛwu do sɔto ŋ ji doŋkɔ nɛ. gahɔnmɛ ɔ, ma nyi kpɔwɛ nɔ amɛ ciwo yí a va xɔsɛ ji se yí akpɔ agbemavɔ lɔ. ¹⁷ Amɛshamɛ le do bubu mawu makumaku, efiɔ marɔmarɔtɔ nu. Yi ɖekɛ nyi Mawu ci yí amɛɖekpokpoi de kpɔnɔ go. Mi buini yí a kanfuini sɔyi mavɔ mavɔ! xoaɖyí. ¹⁸ Evinyɛ timɔte, ŋ sɔ enukplanmɛnyɔ hɔn ciwo yí sɔ egbe kodo enyɔ ciwo yí Mawu 'ŋɛdotɔwo nu sasa so eo nu dodoɔ ashi nɔ eo. Enyɔ lɔwo le do ŋsɛn eo nɔ na sɛn eŋ wa ahwa nyuitɔ lɔ. ¹⁹ Kpɔtɔ a xɔ yesu kliso ji se yi a gbe ɖo ayexa nyuí. Amɛɖekawo gbe be Yewo da ɖo eto ayexa nyui hɔn 'nyɔwo go yí wo xɔse trɔn. ²⁰ Imɛnɛ kodo Alɛsandri le amɛ hɔnwo mɛ. Ŋ sɔ wo doashi nɔ Legba nɔ a dɔn eto nɔ wo nɩ wo ami enyɔ baɖawo nunu so mawu nú.