¹ Ewa wene akali wa kolezi ifamilia zino zyafumile ku Babeli papamwi nu nene isambo idya utemi wa mweene uAltashasta. ² Umwana wa Finehasi, uGelshoni. Umwana wa Ithamali, uDaniel. Umwana wa Daudi, Hatushi yene umwana Shekania, ³ yene kalinji umwana wa Paloshi nu Zekalia papamwi nu mwene iza kuli achilume imya idyimwi na makui ya sano wawatezile kwiwazyo sya luko dwakwe. ⁴ Awana wa Pahath- Moabu, Eliehoenai umwana wa Zelahia na papamwi nakwe achilume imya ziwili. Awana wa ⁵ Shekaniah, Yahazieli papamwi nakwe achilume imya zitatu. Awana wa ⁶ adini, uEbedi umwana wa Yonathani na papamwi nakwe wandikwe achilume amakumi yasano. ⁷ Awana wa Elamu, uYeshaya umwana wa Athalia papamwi nakwe wawazyiwe achilume amakumi saba. ⁸ Awana wa Shefatia, Zebadia, umwana wa Mikaeli papamwi nakwe wawazyiwe achilume amakumi mnane. ⁹ Awana wa Yoabu, Obadia umwana wa Yehieli papamwi nakwe wawazyiwe achilume imya ziwili na ikumi na mnane. Awana wa Binui, ¹⁰ U Sheromithi, umwana wa Yosifia papamwi nakwe waazyiwe achilume imya idyimwi na makumi sita. ¹¹ Awana wa Bebai, zekaria umwana wa Bebai papamwi nakwe wawazyiwe achilume amakumi yawili na mnane. ¹² Awana wa Azgadi, Yohana umwana wa Hakatani papamwi nakwe wawazyiwe achilumi imya idyimwi na ikumi. ¹³ Wala awana wa Adonikamu wiza panuma. Neya yene amatawa yao: Elifereti, uYeueli nu Shemaya papamwi na wene wizile achilume amakumi sita. ¹⁴ Awana wa Bigwai, Uthai, umwana wa zabudi papamwi nakwe wawazyiwe achilume amakumi saba ¹⁵ Nawakwinga awansizo awa kundondo wene iza wazile ku Ahava. Twawawika pangambi isambo idya siku zitatu, nalolekesha awandu na amwandandi, poshe wulondawawine awana wa Levi. ¹⁶ Wulo natuma kwa Eliezeli, alieli, Shemaya, uElnathani, uYalibu nu Elnathani nu Nathani, Zekalia nu Meshulamu wene iza akali nu Yoyalibu nu Elnathani wene iza alanganizyi. ¹⁷ Kalinji nawatuma kwa Ido, unkali wa Kasifia. Nawapozya chene wazukumpozya u Ido. Na myao, alonga milimo wa mwi Tekelo alinge wakwikalaya ku Kasifia, ku vivyo, kutuma kwitu alongamilimo kwa ajili ya numba ya Mulungu. ¹⁸ Pine watutuma usweswe kwa Mulungu nu nkono unonu wandu yene akwitiwaya uIshekeli. Alinge umwana wa mali Umwana Levi umwana wa Islaeli. Wiza na wana ikumi na mnane na wanao, ¹⁹ papamwi nakwe uHashabia, papamwi nu Yeshaya wa wana wa Melali na wana wao na wana wakwe kuwesi iza wali amakumi yawili. Kuluwene ²⁰ wachaguliwe kulongela mwi Tekelo, pene uDaudi na kali wawapile kuwalongela alawi: imya ziwili na makumi yawili chila adyumwi kuluwene walagizwe kwi tawa. ²¹ Kalinji natangazya kufunga umbana ahavangani kukwiyisha pa mbele ya Mulungu, kungani izila yene igolwike kufuma kukwakwe kwaajili yitu, awana witu ni sawo zyitu, ²² Naonile iyazi kukundenga umweene kwaajili yi jeshi ama unzuwa falasi ngani kutwimilila ngipene tulinzila, kufuma pene twampozyizye umweene "unkono wa Mulungu ulipapamwi na wosi wene wakumvwamba kumanonu. poshe wulo amaka yakwe ni kuwo dyakwe kuwala wosi wene watnkunzumila. ²³ Wulo twafungile na kukumpozya Umulungu kumbola iyo. ²⁴ Kalinji nachagwile awandu ikumi na wawili kufuma kwa amwandandi: uShelebia nu Hashabai na wana wao awanji ikumi. ²⁵ Napima kwajili ya wene ihela, izahabu ivyombo ni ndupo kwajili ya numba ya Mulungu kwa amweene, ayanguzi, na akali ni Islaeli wosi wafunyizye kulutogo. ²⁶ Wulo nawapimila italanta zya hela imya sita na amakumi yasano, italanta imya idya imwi iya vindu hela, italanta imya idyimwi izya zahabu. ²⁷ ivindu amakumi ya wili ivya zahabu ku papamwi iza vili ni samani ya elf idyimwi dalkoni ni vindu viwili ivya namwali vyene vinonelizywe changati izahabu na kunonela. ²⁸ Pine nawepozya, mwanonezywa kwa Nkali, ni vyombo ivi ni hela, ni zahabu, vyafunyiwa kulutogo kwa Yahwe, Umulungu wa akolezi winu. ²⁹ mvyangalile na kuviwika vinonu mpaka pene mulavipime pambele ya amwandandi, alawi, na akali akolezi awa chi Islaeli ku Yelusalem nu numba ya Mulungu. ³⁰ Amwandandi na alawi wazumilile ivipimilo vya hela ni zahabu ni vyombo kwajili ya visenda na kuvitwala ku Yelusalemu ku numba ya Mulungu witu. ³¹ Twafuma kuwala ku mbana uAhava ulusiku udwa ikumi na uwili ku mwezi wa kwanzya kuwala ku Yelusalem, Unkono wa Mulungu alinge ulipapamwi nu sweswe, watwimililile ni mikono ya adwani na wala wene wavwambile kutuwikila uwuwi mu zila. ³² Wulo twinjile ku Yelusalemu twikala umo kusiku zitatu. ³³ Kalinji ulusiku udwa uni ihela ni zahabu ni vyombo vya pimiwe inkasi ya numba ya Mulungu witu imikono ya Melemothi umwana wa Ulia umwandandi, na papamwi nao iza akwali Eleazali umwana wa Finehasi, uYozabadi umwana wa Yeshua, nu Noadi umwana wa Binui, Alawi. ³⁴ Iidadi nu kopavu wa chila chindu wawezyizye kumanyikwa. Ukopavu wosi wandikwe kwi sambo idyo ³⁵ Na wala wene wizile kufuma ku mateka, awandu awa kusamizyo, wafunya indupo ya lungulizya kwa Mulungu wa Islael, ingozi amakumi tisa nu sita, awana-ng'ozi amakumi saba nu saba imbuzi injilume ikumi na ziwili changati indupo ya mbi. Zyosi iza indupo izyalungulizya kwajili ya Yahwe. ³⁶ Kalinji wawapa iamli ya mweene kwa akali wa amweene na akali kukaya kwishila dya mbana, na kuwavwa awandu ni numba ya Mulungu.