¹ Isambo pine imbola izi iza zilongekwa, akali wiza kulunene na kumbozya,"Awandu wa Islael, Amwandandi na alawi wapotilwe kukwipeula akala kufuma kwa wandu awasi izinji nu uwi wao: Akanaani, Ahiti, Apeluzi, ayebusi, Aamoni, Amowabu, Amisli na Aamoli. ² Vino wawasenda alili wamwi na wana achilume, wisanganya awandu asokofu na wandu awasi iyinji na akali na kali wawa awakwanza kwizumilo ili iwi. ³ Pene nivwa eya, nazyandula imyenda yane ni hanzo na kuwenga inyele muntwe ni ndevu nikala pasi kukwelenganya. ⁴ Na wala wosi wene watetime kulunongwa dwa ka Mulungu wa Islael vino walinizumilo ititi wakwingine ku kwane isambo pene alinge nakwikala pasi kwiazi hadi kufika isambo dya ndupo zya mongolwa. ⁵ Poshe wulo ku ndupo zya mongolwa nimilila ku nafasi yane nuku ndakola undandu nu mwenda walepwike ni hanze, natungama nagolosha imikono yane kwa Yahwe Umulungu wane. Nateta ⁶ "Mulungu wane, ndiliniazi ndafwaya nanga kukwinula amiso yane kulu wewe, uwuwi witu wakula kupita kutwe nu wuwi witu wonjezyela kufika kululu. ⁷ Kukwanjizya ulusiku udwa akolezi witu mpaka uli twawa ku mbi ingulu. Uwuwi witu, nkali, amwandandi, walinga imikono mwa mweene wa welelo uwu, kulupanga, ku mateka na kugazywa na tuliniazi idya kumiso nanga ilelo. ⁸ epa kwisambo idyipi, ichitimbano kufuma kwa Yahwe Umulungu witu yiza kutuleka ushale awache ngani tuwezye kukwikala pausokofu. Iyi alinge kwa ajili ya Mulungu witu kutuwika uwelu ku miso yitu na kutupa unafuu usweswe twa akatumwa. ⁹ Vino usweswe twa akatumwa, poshe wulo Umulungu atatwiwa poshe wulo wonjezya ilagano idyi izumilo kukwitu, wayalonga eya pambele ya miso ya mweene wa ku Uwajemi ngani kukuti awezye kutupa amaka amapya. Ngani tuwezye kuzyenge inumba ya Mulungu na tuwezye kuusha amagayo. Walongile eya ngani awezye kutupa unfulo uwa utekamu ku Yuda na kuYelusalemu. ¹⁰ Poshe wulo Umulungu witu, tutele chiyi ku yaya? Twiwilila ilagizyo dyako. ¹¹ ilagizyo dyene wawapile awilagu alonga milimo, pene watezile, "Isi iyi yene mukwinjila kukwikala isi imbi. Isanganyike na wandu wene watakula usokofu. wasamba na kufuma isehemu idyimwi mpaka iyamyao ku uwi wao. ¹² Epa, mutawape alili winu kuwana wao, mutasente alili wao kwa aji ya wana winu, mutavwambe utekamu kuluwene ni fatili, ngani muwezye kuwa mwayimba na kukudya vinonu ivya si, wulo muletelezya awana winu kulemelela kwisambo dyosi." ¹³ Baada ya yosi kufumila kukwitu kuwuwi witu nu wuwi witu ukulu, kufuma epo, Umulungu witu, atalozile imbi zyitu na kutulamba changati vino twivwambilile na kutuleka changati amashale. ¹⁴ Tuwezya kalinji kuvuna amasunde yako na kukwinyinjilila mu ndoa, na wandu ewa wene watafwataya ulondoofu? Ali utakanyesa nakutuwusha wosi kutakola uwashala, kutakola uwatoloka? ¹⁵ U Yahwe, Umulungu wa Islael, uwewe yene wansokofu, ku vino twashala twawache amashale mpaka isiku ya lelo. Lola, tuli pa mbele yitu ni mbi zyitu vino kutakola nanga adyumwi yene awezya kukwimilila pambele ku lili.